بۇراتالا وبلىسى
جاسىل ارنا اشىپ، زاتتىق ماتەريالدارمەن قامداۋدى قامتاماسىز ەتتى
ءوز حابارىمىز. انار بۇلت / شينجياڭ گازەتىنىڭ ءتىلشىسى سۋ لۋپيڭ حابارلايدى. بۇراتالا موڭعۇل اۆتونوميالى وبلىستىق حالىق ۇكىمەتى اقپارات كەڭسەسىنىڭ 8 - ايدىڭ 16 - كۇنى اشقان اقپار جاريالاۋ ماجىلىسىنەن ۇعىسۋعا قاراعاندا، ىندەت تۋىلعاننان كەيىن، بۇراتالا وبلىسى زاتتىق ماتەريالدار ساتىپ الۋدى كۇشەيتىپ، دەرەۋ جاسىل ارنا اشىپ، ءتۇرلى زاتتىق ماتەريالدارمەن قامداۋدى قامتاماسىز ەتىپ، بۇراتالا وبلىسىن، اسىرەسە، الاتاۋ قالاسىن زاتتىق ماتەريالدارمەن قامتاماسىز ەتۋ قىزمەتىن بار كۇشپەن ويداعىداي ىستەگەن.
الاتاۋ قالاسى ارناۋلى ادامداردى ورنالاستىرىپ، بۇقارانى ءوندىرىس، تۇرمىس زاتتىق ماتەريالدارىمەن قامداۋعا جانە تۇيىننەن - تۇيىنگە جەتكىزۋگە جاۋاپتاندىردى، سونىمەن بىرگە ءوندىرىس كاسىپورىندارىنا، قۇرىلىس ورىندارىنا، ت.ب تۇرمىستىق قاجەتتى بۇيىمدار جەتكىزۋدى تۇيىننەن - تۇيىنگە ويداعىداي ىستەدى؛ الەۋمەتتىك اۋماق كادرلارىن جانە بۇقارانى ۇيىمداستىرىپ، 35 ەرىكتىلەر قىزمەت وتەۋ اترەتىن قۇرىپ، تۇرعىندار شاعىن اۋماعىنداعى تۇرعىندارعا كۇندەلىكتى تۇرمىستىق زاتتىق ماتەريالداردى ساتىپ الىپ بەرۋگە، جەتكىزۋگە جاۋاپتاندىرىپ، ادامداردىڭ ءجۇرىس - تۇرىسىن بارىنشا ازايتتى. كەزەكتە الاتاۋ قالاسىنىڭ استىق - مايمەن، كوكونىسپەن، ەتپەن، جۇمىرتقامەن، سۇتپەن قامداۋى جەتكىلىكتى، باعاسى ورنىقتى، سۋمەن، ەلەكترمەن، مايمەن، گازبەن قامتاماسىزداندىرۋى، قامداۋى قالىپتى.
كەزەكتە الاتاۋ قالاسىنىڭ 2 - كەزەكتى بارلىق ادامعا حىسۋان تەكسەرۋ قىزمەتى ورىستەتىلدى، سونىمەن بىرگە شوعىرلى اۋاشالاپ مەديتسينالىق باقىلاۋ تۇيىندەرىندە كۇندەلىكتى زارارسىزداندىرۋ، دەنە تەمپەراتۋراسىن ولشەۋ، حىسۋان تەكسەرۋ، جەكەلىك قورعانۋ سياقتى شارالاردى قاتاڭ تياناقتاندىرىپ، تۇرمىستىق جانە مەديتسينالىق جاراقسىز قوقىر - قوقسىقتاردى تازالاۋ مەن تاسىمالداۋدى ارناعا ءتۇسىرىپ، زارارسىزداندىرىپ ميكروب جويۋدى ەستەلىككە الۋدى ويداعىداي ىستەپ، شوعىرلى اۋاشالاپ مەديتسينالىق باقىلاۋ تۇيىندەرىنىڭ جۇيەلى جۇمىس جۇرگىزۋىنە شىنايى كەپىلدىك ەتتى.
الاتاۋ قالاسى 533 گرۋپپا 3 - دارەجەلى زارارسىزداندىرىپ ميكروب جويۋ قوسىنىن دەرەۋ قۇرىپ، ءتۇيىندى وڭىرلەر اۋرۋ بەلگىسى جوق جۇعىمدالۋشىلاردىڭ قيمىل جاساعاندا جۇرگەن جولدارى سياقتى ءتۇيىندى ورىنداردا زارارسىزداندىرىپ ميكروب جويىپ، تۇتاس قالاعا جاپپاي زارارسىزداندىرىپ ميكروب جويۋ جۇرگىزدى. بۇراتالا وبلىسىنىڭ باسقا اۋدان، قالالارى دا ساقتانۋ سيپاتتى قورشاعان ورتانى زارارسىزداندىرىپ ميكروب جويۋ قىزمەتىن جاپپاي ورىستەتتى.
