شينحۋا اگەنتتىگىنىڭ 8 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ اكادەمياسى رەداكسيالاعان شي جينپيڭ جولداستىڭ «جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ تۋرالى» اتتى كىتابى جۋىقتا ورتالىق حۇجات باسپاسىنان باسىلىپ شىعىپ، بۇكىل ەلدە تاراتىلدى.
بۇل ارناۋلى تاقىرىپتىق ماقالالار جيناعىنا شي جينپيڭ جولداستىڭ جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ جونىندەگى 72 ماڭىزدى ماقالاسى كىرىگىزىلگەن. مۇنىڭ ىشىندە ءىشىنارا ماقالالارى تۇڭعىش رەت اشىق جاريالانىپ وتىر.
جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جۇڭحۋا ۇلتىنىڭ ۇلى گۇلدەنۋى ستراتەگيالىق جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، داۋىرمەن بىرگە العا باسىپ ەلىمىزدىڭ ەكونوميكالىق دامۋ ورەسىن جوعارىلاتىپ، ەلىمىزدىڭ حالىقارالىق ەكونوميكالىق سەلبەستىك پەن باسەكەدەگى جاڭا ارتىقشىلىقتارىن قالىپتاستىرۋدا جاساعان كەلەلى ستراتەگيالىق تۇجىرىمى جانە ستراتەگيالىق تالعامى. شي جينپيڭ جولداس جاڭا دامۋ كەزەڭىن يگەرۋدىڭ، جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىن قالىپتاستىرۋدىڭ كەلەلى ءمانى، باي مازمۇنى جانە امالياتتىق تالابى سياقتى جاقتاردا تەرەڭ بايىمداۋ جاساپ، ەلىمىزدىڭ دامۋداعى تاريحي ورنىن، وسىزامانداندىرۋ قۇرىلىسىنىڭ جەتەكشى پرينسيبىن، ەكونوميكانى وسىزامانداندىرۋ جولىنداعى تالعامىن ايقىنداپ، پارتيامىزدىڭ ەلىمىز ەكونوميكاسىنىڭ دامۋ زاڭدىلىعىنا بولعان جاڭا تانىمىن بەينەلەپ، جۇڭگوشا سوتسياليستىك ساياسي ەكونوميانى بايىتتى جانە دامىتتى. شي جينپيڭ جولداستىڭ جاڭا دامۋ كەزەڭىن يگەرۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ جونىندەگى ماڭىزدى بايىمداۋلارى − شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ەلىمىز ەكونوميكاسىنىڭ، قوعامنىڭ جوعارى ساپالى دامۋىن ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدا توتەنشە ماڭىزدى جەتەكشىلىك مانگە يە.
