تيانشان تورى   ›   جاڭالىقتار   ›   ماڭىزدى حابارلار

جوعارى ساپالى دامۋ بارىسىندا بىرگە بايۋدى جەبەپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋ قىزمەتىن ءبىر تۇتاس جوسپارلاپ، ويداعىداي ىستەۋ كەرەك

شي جينپيڭ ورتالىق قازىنا - ەكونوميكا كوميتەتىنىڭ 10 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى

جوعارى ساپالى دامۋ بارىسىندا بىرگە بايۋدى جەبەپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋ قىزمەتىن ءبىر تۇتاس جوسپارلاپ، ويداعىداي ىستەۋ كەرەك

لي كىچياڭ، ۋاڭ ياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 8 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق قازىنا - ەكونوميكا كوميتەتىنىڭ مەڭگەرۋشىسى شي جينپيڭ 8 - ايدىڭ 17 - كۇنى ورتالىق قازىنا - ەكونوميكا كوميتەتىنىڭ 10 - رەتكى ءماجىلىسىن باسقارىپ اشىپ، بىرگە بايۋدى تىڭعىلىقتى جەبەۋ ماسەلەسىن اقىلداسىپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋدى، فينانستى ورنىقتى دامىتۋ قىزمەتىن ويداعىداي ىستەۋ ماسەلەسىن اقىلداستى. شي جينپيڭ ماجىلىستە ماڭىزدى ءسوز سويلەپ بىلاي دەپ باسا دارىپتەدى: بىرگە بايۋ − سوتسياليزمنىڭ ماندىك تالابى، جۇڭگو ۇلگىسىندەگى وسىزاماندانۋدىڭ ماڭىزدى ەرەكشەلىگى، حالىقتى وزەك ەتكەن دامۋ يدەياسىنا تاباندى بولىپ، جوعارى ساپالى دامۋ بارىسىندا بىرگە بايۋدى جەبەۋ كەرەك؛ فينانس − وسى زامان ەكونوميكاسىنىڭ وزەگى، دامۋ مەن حاۋىپسىزدىككە قاتىستى، بازارلاندىرۋ، زاڭمەن جونگە سالۋ پرينسيبىنە بويسۇنىپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋ قىزمەتىن ءبىر تۇتاس جوسپارلاپ، ويداعىداي ىستەۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىق قازىنا - ەكونوميكا كوميتەتىنىڭ ورىنباسار مەڭگەرۋشىسى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىق قازىنا - ەكونوميكا كوميتەتىنىڭ مۇشەسى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىق قازىنا - ەكونوميكا كوميتەتىنىڭ مۇشەسى حان جىڭ ماجىلىسكە قاتىناستى.

  ءماجىلىس مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، ورتالىق اۋىل - قىستاق قىزمەتى باسشىلىق گرۋپپاسى كەڭسەسىنىڭ بىرگە بايۋدى تىڭعىلىقتى ىلگەرىلەتۋ ماسەلەسى جونىندەگى مالىمەتىن تىڭدادى، جۇڭگو حالىق بانكەسىنىڭ، جۇڭگو بانكەسى قامسىزداندىرۋ، باقىلاۋ - باسقارۋ كوميتەتىنىڭ، جۇڭگو باعالى قاعاز باقىلاۋ - باسقارۋ كوميتەتىنىڭ، مەملەكەتتىك دامۋ جانە رەفورما كوميتەتىنىڭ، قازىنا مينيسترلىگىنىڭ ەلەۋلى فينانس حاۋىپ - قاتەرىنەن ساقتانۋ جانە ونى جويۋ، فينانستى ورنىقتى دامىتۋ قىزمەتىن ويداعىداي ىستەۋ ماسەلەسى جونىندەگى مالىمەتىن تىڭدادى.

  ءماجىلىس مىنالاردى اتاپ كورسەتتى: رەفورما جاساعاننان، ەسىك اشقاننان كەيىن، پارتيامىز ۇنامدى - ۇنامسىز ەكى جاقتاعى تاريحي تاجىريبەلەردى تەرەڭدەي قورىتىندىلاپ، كەدەيلىكتىڭ سوتسياليزم ەمەس ەكەندىگىن تانىپ جەتىپ، ءداستۇرلى ءتۇزىلىس بۇعاۋىن تالقانداپ، ءبىر ءبولىم ادامداردىڭ، ءىشىنارا وڭىرلەردىڭ الدىمەن بايۋىنا جول بەرىپ، قوعامدىق وندىرگىش كۇشتەردى ازات ەتۋدى جانە دامىتۋدى ىلگەرىلەتتى. پارتيا 18 - قۇرىلتايىنان بەرى پارتيا ورتالىق كوميتەتى جالپى حالىقتىڭ بىرگە بايۋىن بىرتىندەپ جۇزەگە اسىرۋدى اناعۇرلىم ماڭىزدى ورىنعا قويىپ، پارمەندى شارالار قولدانىپ حالىق تۇرمىسىن قامتاماسىز ەتىپ جانە جاقسارتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتىپ، بىرگە بايۋدى جەبەۋگە تاماشا شارت - جاعداي ازىرلەدى. ءبىز ەكىنشى 100 جىلدىق كۇرەس نىساناسىنا قاراي ارشىنداي العا باسۋدامىز، ەلىمىزدەگى قوعامدىق باستى قايشلىقتىڭ وزگەرىسىنە ۇيلەسىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن اناعۇرلىم ويداعىداي قاناعاتتاندىرۋ ءۇشىن، ءسوز جوق، جالپى حالىقتىڭ بىرگە بايۋىن جەبەۋدى حالىقتى باقىتقا كەنەلتۋدىڭ كۇش سالۋ ءتۇيىنى ەتىپ، پارتيانىڭ ۇزاق ۋاقىت بيلىك جۇرگىزۋ نەگىزىن ۇزدىكسىز بەكەمدەۋ كەرەك.

  ءماجىلىس مىنالاردى باسا دارىپتەدى: بىرگە بايۋ جالپى حالىقتىڭ بايۋى، حالىق بۇقاراسىنىڭ زاتتىق تۇرمىسى مەن رۋحاني تۇرمىسىنىڭ بىردەي بايۋى، ول از ساندى ادامداردىڭ بايۋى ەمەس، ءبىر قالىپتاعى تەڭگەرمەشىلدىك تە ەمەس، بىرگە بايۋدى كەزەڭگە ءبولىپ جەبەۋ كەرەك. ەڭبەكشىلدىكپەن جاڭالىق اشا بايۋعا شابىتتاندىرىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا تاباندى بولىپ، حالىقتىڭ ءبىلىم الۋ دەڭگەيىن جوعارىلاتۋعا، دامۋ قۋاتىن كۇشەيتۋىنە اناعۇرلىم جالپىعا ءتيىمدى، ءادىل شارت - جاعداي جاراتىپ، العا قاراي جىلجۋ ارناسىن ىركىلىسسىزدەندىرىپ، اناعۇرلىم كوپ ادامدارعا بايۋ ورايىن جاراتىپ، بارلىق ادام ات سالىساتىن دامۋ ورتاسىن قالىپتاستىرۋ كەرەك. نەگىزگى ەكونوميكالىق تۇزىمگە تاباندى بولىپ، سوتسياليزمنىڭ العاشقى ساتىسىن تياناق ەتىپ، ”ەكىدەن تيتتەي دە اۋىتقىماۋعا“ تاباندى بولىپ، جالپىلىق مەنشىكتى نەگىزگى تۇلعا ەتۋگە، كوپ ءتۇرلى جالپىلىق مەنشىكتەگى شارۋاشىلىقتى بىرگە دامىتۋعا تاباندى بولىپ، ءبىر ءبولىم ادامداردىڭ الدىمەن بايۋىنا، الدىمەن بايىعانداردىڭ سوڭىنان بايىعاندارعا دەم بەرۋىنە، سوڭىنان بايىعاندارعا كومەكتەسۋىنە جول بەرىپ، قاجىرلى ەڭبەك ەتكەن، زاڭدى شارۋاشىلىق جۇرگىزگەن، باتىلدىقپەن شارۋاشىلىق قۇرعان بايۋ باستاماشىلارىن ءتۇيىندى شابىتتاندىرۋ كەرەك. بار كۇشتى سالىپ، شاما - شارىققا قاراپ، عىلمي بولعان الەۋمەتتىك ساياسات جۇيەسىن قۇرىپ، بارلىق ادام يگىلىككە كەنەلەتىن ۇيلەسىمدى ءبولىس ارناسىن قالىپتاستىرۋ، سونىمەن بىرگە قاجەت پەن مۇمكىندىكتى ءبىر تۇتاس جوسپارلاپ، حالىق تۇرمىسىن قامتاماسىز ەتۋ مەن جاقسارتۋدى ەكونوميكالىق دامۋ مەن قازىنالىق كۇشتىڭ باياندى بولۋى نەگىزىنە قۇرىپ، نەگىزدىك، جالپىعا ءتيىمدى، تولىق قامتاماسىز ەتىلگەن حالىق تۇرمىسىن قامتاماسىز ەتۋ قۇرىلىسىن ءتۇيىندى كۇشەيتۋ كەرەك. ءتارتىپ بويىنشا بىرتىندەي ىلگەرىلەتۋگە تاباندى بولىپ، بىرگە بايۋدىڭ ۇزاق ۋاقىتتىعىن، ماشاقاتتىلىعىن، كۇردەلىلىگىن تولىق شامالاپ، جەر - جەردى جەرگىلىكتى جاعدايعا قاراي ىستەپ، ءونىمدى جول قاراستىرىپ، تاجىريبەلەردى قورىتىندىلاپ، بىرتىندەي ىلگەرىلەتۋگە شابىتتاندىرۋ كەرەك.

  ءماجىلىس مىنالاردى اتاپ كورسەتتى: حالىقتى وزەك ەتكەن دامۋ يدەياسىنا تاباندى بولىپ، جوعارى ساپالى دامۋ بارىسىندا بىرگە بايۋدى جەبەپ، ونىمدىلىك پەن ادىلدىكتىڭ قاتىناسىن دۇرىس ءبىر جاقتى ەتىپ، العاش رەت بولىسكە سالۋ، قايتالاي بولىسكە سالۋ، 3 - رەت بولىسكە سالۋ سايكەستى تۇلعالانعان نەگىزدىك سيپاتتى ءتۇزىم ورنالاستىرۋىن قالىپتاستىرىپ، سالىق، قوعامدىق قامسىزداندىرۋ، اۋدارىپ تولەۋ سياقتى رەتتەۋ تەبىنىن ارتتىرىپ ءارى دالدىك سيپاتىن جوعارىلاتىپ، ورتا كىرىستەگى قاۋىمنىڭ ارا سالماعىن كەڭەيتىپ، تومەن كىرىستى قاۋىمنىڭ كىرىسىن ارتتىرىپ، جوعارى كىرىستى ۇيلەسىمدى رەتتەپ، زاڭسىز كىرىسكە تيىم سالىپ، ورتاسى ۇلكەن، ەكى باسى كىشكەنە ءزايتۇن ءپىشىندى ءبولىس قۇرىلىمىن قالىپتاستىرىپ، قوعامدىق ادىلدىكتى، تۋراشىلدىقتى جەبەپ، ادامنىڭ جان - جاقتى دامۋىن جەبەپ، جالپى حالىقتىڭ بىرگە بايۋ نىساناسىنا قاراي نىق قاداممەن ارشىنداي العا ىلگەرىلەۋىنە مۇمكىندىك جاساۋ كەرەك.

  ءماجىلىس مىنالاردى باسا دارىپتەدى: دامۋدىڭ بىركەلكىلىگىن، سايكەستىلىگىن، قامتىمدىلىعىن جوعارىلاتىپ، سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، وڭىرلىك دامۋدىڭ بىركەلكىلىگىن نىعايتىپ، كاسىپتەردىڭ دامۋداعى سايكەستىلىگىن كۇشەيتىپ، ورتا، شاعىن كاسىپورىنداردىڭ دامۋىن قولداۋ كەرەك. ورتا كىرىستەگى قاۋىمنىڭ كولەمىن كۇش سالا كەڭەيتىپ، ءتۇيىندى يگەرىپ، دالمە - ءدال شارا قولدانىپ، اناعۇرلىم كوپ تومەن كىرىستى ادامدار شوعىرىنىڭ ورتا كىرىستەگىلەر قاتارىنا ءوتۋىن ىلگەرىلەتۋ كەرەك. نەگىزگى الەۋمەتتىك قىزمەت وتەۋدىڭ بىركەلكىلەنۋىن جەبەپ، جالپىعا ءتيىمدى سيپاتىنداعى ادام كۇشى، كاپيتال ۇسىنىلىمىن ارتتىرىپ، زەينەتكەرلىك جانە ەمدەۋدى قامتاماسىز ەتۋ جۇيەسىن، ەڭ تومەنگى شەكتەن تۇسىرمەي قۇتقارۋ - كومەكتەسۋ جۇيەسىن، تۇرعىن ۇيمەن قامداۋ جانە قامتاماسىز ەتۋ جۇيەسىن كەمەلدەندىرۋ كەرەك. جوعارى كىرىستەگىلەردى ارناعا سالۋدى جانە رەتتەۋدى كۇشەيتىپ، زاڭدى كىرىستى زاڭ بويىنشا قورعاپ، وتە جوعارى كىرىستى ۇيلەسىمدى رەتتەپ، جوعارى كىرىستەگى ادامدار شوعىرى مەن كاسىپورىنداردى قوعامعا اناعۇرلىم كوپ قىزمەت ەتۋگە شابىتتاندىرۋ كەرەك. ۇيلەسىمسىز كىرىستى اداقتاپ، ارناعا سالىپ، كىرىس ءبولىسى ءتارتىبىن رەتتەپ، زاڭسىز كىرىسكە باتىل تيىم سالۋ كەرەك. مال - مۇلىك ۇقىعى مەن ءبىلىم مەنشىك ۇقىعىن قورعاپ، زاڭدى بايۋدى قورعاپ، ءتۇرلى كاپيتالدىڭ جۇيەلى، اقاۋسىز دامۋىن جەبەۋ كەرەك. حالىقتىڭ رۋحاني تۇرمىستا بىرگە بايۋىن جەبەپ، سوتسياليستىك وزەكتى قۇن كوزقاراسىنىڭ جەتەكشىلىگىن كۇشەيتىپ، حالىق بۇقاراسىنىڭ الۋان ءتۇرلى، كوپ ساتىلى، كوپ جاقتى رۋحاني مادەنيەت قاجەتىن ۇزدىكسىز قاناعاتتاندىرۋ كەرەك. بىرگە بايۋدى جەبەۋدىڭ قوعامدىق پىكىر جەتەكشىلىگىن كۇشەيتىپ، بىرگە بايۋدى جەبەۋگە تاماشا قوعامدىق پىكىر ورتاسىن ازىرلەۋ كەرەك. شارۋالاردىڭ، اۋىل - قىستاقتىڭ بىرگە بايۋىن جەبەپ، كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل - قىستاقتاردىڭ نەگىزدىك قۇرىلعى جانە الەۋمەتتىك قىزمەت وتەۋ جۇيەسى قۇرىلىسىن كۇشەيتىپ، اۋىل - قىستاقتىڭ قونىس ورتاسىن جاقسارتۋ كەرەك.

  ءماجىلىس مىنالاردى اتاپ كورسەتتى: پارتيا 19 - قۇرىلتايى ەلەۋلى حاۋىپ - قاتەردەن ساقتانۋدى جانە ونى جويۋدى 3 ۇلكەن قامال الۋ شايقاسىنىڭ ءبىرى رەتىندە قارادى، بىرنەشە جىلدان بەرى پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەستىڭ فينانستى ورنىقتىرۋ، دامىتۋ كوميتەتى ”كەلەلى جاعدايدى ورنىقتىرۋ، ءبىر تۇتاس جوسپارلاپ سايكەستىرۋ، تۇرگە ايىرىپ شارا قولدانۋ، دالمە - ءدال الاستاۋ“ نەگىزگى باعىت بويىنشا قىزمەتتى ىلگەرىلەتىپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋدان قامال الۋ شايقاسىندا ماڭىزدى كەزەڭدىك جەتىستىككە قول جەتكىزىپ، جۇيەلىك فينانس حاۋىپ - قاتەرى تۋىلماۋىنىڭ تومەنگى شەگىن ساقتاپ، مەملەكەتتىڭ ەكونوميكاسىنىڭ، فينانسىنىڭ ورنىقتى بولۋىن جانە حالىقتىڭ مال - مۇلكىنىڭ حاۋىپسىزدىگىن پارمەندى قورعادى.

  ءماجىلىس مىنالاردى باسا دارىپتەدى: ەكونوميكانىڭ، فينانستىڭ كەلەلى جاعدايىنىڭ ورنىقتىلىعىنا شىنايى كەپىلدىك ەتۋدىڭ ءمانى ەرەكشە زور. تومەنگى شەكتە ويلاۋعا تاباندى بولىپ، جۇيە كوزقاراسىن كۇشەيتىپ، بازارلاندىرۋ، زاڭمەن جونگە سالۋ پرينسيبىنە بويسۇنىپ، ەلەۋلى فينانس حاۋىپ - قاتەرىنەن ساقتانۋ جانە ونى جويۋ قىزمەتىن ءبىر تۇتاس جوسپارلاپ ويداعىداي ىستەۋ كەرەك. فينانستىڭ ورنىقتىلىق نەگىزىن بەكەمدەپ، ارتۋدى ورنىقتىرۋ مەن حاۋىپ - قاتەردەن ساقتانۋدىڭ قاتىناسىن ويداعىداي ءبىر جاقتى ەتىپ، ەكونوميكانىڭ قالپىنا كەلۋ، جاقسارۋ جاعدايىن بەكەمدەپ، ەكونوميكانى جوعارى ساپالى دامىتۋ ارقىلى جۇيەلىك فينانس حاۋىپ - قاتەرىن جويىپ، باسقا سالاداعى حاۋىپ - قاتەردى ءبىر جايلى ەتۋ بارىسىندا قوسالقى فينانس حاۋىپ - قاتەرىنىڭ تۋىلۋىنان ساقتانۋ كەرەك. جەرگىلىكتى پارتيا، ۇكىمەت ورىندارى تەڭ جاۋاپكەرشىلىك ارقالاۋدى تياناقتاندىرىپ، ءار جاقتىڭ جاۋاپكەرشىلىگىن ناقتىلاندىرىپ، مەحانيزمدى ىركىلىسسىزدەندىرىپ، قىزمەت جاۋاپكەرشىلىگىن ايقىنداپ، جۇمىس ءبولىسى بويىنشا سايكەسىپ، بىرىككەن كۇش قالىپتاستىرۋ كەرەك. پارتيانى جاپپاي قاتاڭ جونگە سالۋ تالابىن تياناقتاندىرىپ، فينانس جۇيەسىندەگى كادرلار قوسىنىن باقىلاۋ - باسقارۋ قۋاتىن جوعارىلاتىپ، باقىلاۋ - باسقارۋدىڭ سيفرلانۋ، زەردەلىلەنۋ دەڭگەيىن جوعارىلاتىپ، فينانستاعى شىرىكتەسۋدى جازالاۋ، جونگە سالۋ مەن فينانس حاۋىپ - قاتەرىنەن ساقتانۋ - تىزگىندەۋدى ءبىر تۇلعادا ىلگەرىلەتىپ، ءتۇيىندى سالالار رەفورماسىن جەدەلدەتىپ، فينانس بازارىنىڭ جۇرت رايى جەتەكشىلىگىن ويداعىداي ىستەۋ كەرەك. فينانستى زاڭمەن جونگە سالۋ جانە نەگىزدىك قۇرىلعى قۇرىلىسىن كۇشەيتىپ، سەنىمدىلىك جۇيەسى قۇرىلىسىن تەرەڭدەتىپ، سەنىمدىلىكتىڭ فينانس حاۋىپ - قاتەرىن پارىقتاۋ، باقىلاۋ - ولشەۋ، باسقارۋ، ءبىر جايلى ەتۋ سياقتى بۋىندارداعى نەگىزدىك رولىن ساۋلەلەندىرۋ كەرەك.

  ورتالىق قازىنا - ەكونوميكا كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.