اۆتونوميالى رايوندىق مادەنيەت جانە ساياحات مەڭگەرمەسى جاڭا ٴداۋىر وركەنيەت امالياتى قيمىلىن ورىستەتتى
كورىكتى اۋىل – قىستاقتى قورعاۋ ەرىكتى قىزمەت وتەۋىندە مەن بارمىن
تيانشان تورى – شينجياڭ گازەتىنىڭ حابارى (ٴتىلشى يىن لۋ حابارلايدى) 8 – ايدىڭ 15 – كۇنى، اۆتونوميالى رايوندىق مادەنيەت جانە ساياحات مەڭگەرمەسىنىڭ جاڭا ٴداۋىر وركەنيەت امالياتى پۋنكتىن ىلگەرىلەتۋ ٴماجىلىسى مەن ەرىكتىلەرگە تۋ بەرۋ سالتى اۋات اۋدانى يىڭارىق قالاشىعى سۇگەتارىق قىستاعىندا وتكىزىلدى، اۆتونوميالى رايوندىق مادەنيەت جانە ساياحات مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى مەن ەرىكتىلەر اۋىل – قىستاقتىڭ جاڭا ٴداۋىر وركەنيەت امالياتى قيمىلىنا بەلسەنە قاتىناساتىندىعى جونىندە سەرت بەردى.
بيىل جىل باسىنان بەرى، اۆتونوميالى رايوندىق مادەنيەت جانە ساياحات مەڭگەرمەسى مادەنيەت ۇلكەن اۋلاسى، كوشپەلى مۇراجاي، ”انار ٴدانى“ مادەنيەت، ادەبيەت – كوركەمونەر شاعىن اترەتى سياقتى جاڭالىق اشۋ دانەكەرلەرى ارقىلى ساياسات، نازاريا ۇگىت – لەكسياسى، مادەنيەت ارقىلى حالىققا تيىمدىلىك جاساۋ سياقتى الۋان فورمالى جاڭا ٴداۋىر وركەنيەت امالياتى قيمىلىن ورىستەتۋ ارقىلى نەگىزگى ساتىنىڭ مادەني تۇرمىسىن ۇزدىكسىز بايىتتى جانە جانداندىردى.
ٴتىلشى سۇگەتارىق قىستاعىنىڭ جاڭا ٴداۋىر وركەنيەت امالياتى ورتالىعىنان بۇل ارادا قۇرىلعىلارى كەمەلدى باسكەتبول الاڭى، ۇستەل دوپ الاڭى، دەن قويا جاسالعان اۋىل – قىستاق ۇلكەن ساحناسى، مىڭعا جۋىق كىتاپ قويۋعا بولاتىن كىتاپ وقۋ ورنى، ۇيرەنۋگە جانە ساباق تىڭداۋعا ازىرلەنگەن كوپ مەديالى ساباقحانا، كوركەمونەر تاربيەلەۋىن قاناعاتتاندىراتىن ٴبي، حور ايتۋ جاتتىعۋ الاڭى بارلىعىن كوردى. تاياۋدا قىزمەت اترەتىنىڭ مۇشەلەرى كۇي ساندىق تا ساتىپ الىپ، ۇلگى كورمەسى، شارۋالار سۋرەت كورمەسى سياقتىلاردى ۇيىمداستىردى.
”جاڭا ٴداۋىر وركەنيەت امالياتى پۋنكتىنىڭ ىلگەرىلەتىلۋى ٴار ۇلت كادر – بۇقاراسىنىڭ ەرىكتى قىزمەت وتەۋگە بەلسەنە ات سالىسۋىن قاجەت ەتەدى، پارتيا مۇشەلەرىنەن بۇقاراعا دەيىن، قارتتاردان بالالارعا دەيىن، ٴاربىر ادام وركەنيەتتىڭ ات سالۋشىسى، سونداي – اق وركەنيەتتىڭ يگىلىگىن كورۋشى“، - دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ سۇگەتارىق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ٴبىرىنشى شۋجيى جاڭ رۇيحۋا.
”دەمالىسقا تاراعاننان كەيىن، مەن كەيدە جازعى دەمالىس كلاسىنداعى بالالارعا تاپسىرما پىسىقتاتتىم، كەيدە ساباقتاستارىممەن بىرگە قىستاق تۇرعىندارىنىڭ ۇيىنە بارىپ، ولاردىڭ اۋلانى كورىكتەندىرۋىنە كومەكتەستىم. ەرىكتى قىزمەت وتەۋ ارقىلى كورىكتى مەكەنىمە ۇلەس قوسۋ، ماعان ەرەكشە تابىس سەزىمىن سيلادى“، - دەدى شينجياڭ 2 – مەديتسينا شۋەيۋانىندا كلينيكالىق مەديتسينا كاسىبىن وقىپ جاتقان ايزوھرا ماحمۇت.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى حوۋ حانمين بىلاي دەدى: جاڭا داۋىردەگى وركەنيەت امالياتى پۋنكتىن قۇرۋ قىزمەتىن ويداعىداي ىستەۋ – ماڭىزدى حالىق تىلەگى ينجەنەرياسى، ول مازمۇنىن ۇزدىكسىز بايىتىپ، باۋراۋ قۋاتى مەن ىقپال كۇشىن ارتتىرىپ، قىستاق تۇرعىندارىنىڭ ٴۇيىنىڭ ماڭىنداعى وركەنيەت امالياتى پۋنكتىن شىن جۇرەكتەن سۇيۋىنە، سونداي – اق ىرىقتىلىقپەن كەلىپ كورۋىنە، ات سالىسۋىنا مۇمكىندىك جاساپ، قىستاق دارەجەلى جاڭا ٴداۋىر وركەنيەت امالياتى پۋنكتىنىڭ قوعام ورنىقتىلىعىنداعى، اۋىل – قىستاقتى گۇلدەندىرۋدەگى ماڭىزدى رولىن تولىق ساۋلەلەندىرىپ، ونىڭ اۋىل – قىستاقتاردا تامىر تارتىپ، ناتيجەلەردى قولعا كەلتىرۋىنە مۇمكىندىك جاساۋدى قاجەت ەتەدى.
اۋدارعان: قادىر ماقان
