تيانشان تورى
تيانشان تورى   ›   جاڭالىقتار   ›   شينجياڭ حابارلارى

الدىڭعى 7 ايدا رايونىمىزدا ءتۇيىندى حالىق تۇرمىسى نىساندارى ءتارتىپتى ىلگەرىلەدى

  انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، 1 - ايدان 7 - ايعا دەيىن تۇتاس رايونىمىزدا ءتۇيىندى حالىق تۇرمىسى نىساندارى پارمەندى ىلگەرىلەتىلىپ، 25 ميلليارد 940 ميلليون يۋان قارجى قوسىلعان، بۇل تۇتاس جىلدىق جوسپاردىڭ %53.5ىن ۇستاعان.

  مۇنىڭ ىشىندە اۆتونوميالى رايونىمىزداعى جوعارى مەكتەپ مەكتەپ اۋماعى قۇرىلىس نىسانى، جۇندۇڭ ەكونوميكالىق، تەحنيكالىق اشۋ رايونى ءوندىرىس پەن وقىتۋدى توعىستىرۋ، عىلىم - تەحنيكادا جاڭالىق اشۋ باقشاسى نىسانى، اۆتونوميالى رايوندىق بالالار اۋرۋحاناسى مەملەكەتتىك بالالار وڭىرلىك ەمدەۋ ورتالىعى قۇرىلىسى نىسانى، التاي جىكبەلەڭ مەملەكەتتىك قار - مۇز ساياحات بازاسى نەگىزدىك قۇرىلعى قۇرىلىسى نىسانى سياقتى 29 كەلەلى حالىق تۇرمىسى نىسانى جەدەل سالىنىپ، قارجى قوسۋ جۇمىسىنىڭ ورىندالۋ سالىستىرماسى %55تەن اسقان. التاي قالاسى جياڭجۇن تاۋ اۋىل - قىستاق ساياحات نەگىزدىك قۇرىلعى نىسانى سالىنىپ ءبىتىپ، پايدالانۋعا بەرىلگەن. كومىرتەكتىك ەنەرگيا بايلىعى حيمياسى جانە ودان پايدالانۋ مەملەكەتتىك ءتۇيىندى تاجىريبەحاناسى، بۇراتالا قالاسى دالىتى بايىرعى قالا جۇرتىن قورعاۋ قۇرىلىسى نىسانى، قاعىلىق اۋدانى حۋاليڭ سيىر شارۋاشىلىعى اۋىل - قىستاق كەشەندى تۇلعا قۇرىلىس نىسانى، قالا - قالاشىقتاعى لاشىقتى رايونداردى وزگەرتۋ جانە الەۋمەتتىك جالعا بەرىلەتىن ءۇي نىسانى سياقتى حالىق تۇرمىسىنا قاتىستى 23 نىسان قۇرىلىسى تىڭنان باستالىپ سالىنعان.

  ۇعىسۋعا قاراعاندا، 2021 - جىلى اۆتونوميالى رايون حالىق تۇرمىسىنا قاتىستى 93 ءتۇيىندى نىسان ورنالاستىرعان، جالپى قوسىلاتىن قارجى 292 ميلليارد 100 ميلليون يۋان بولىپ، مۇنىڭ 48 ميلليارد 400 ميلليون يۋان قارجىسىن قوسۋ جوسپارعا الىنعان، بۇل عىلىم - تەحنيكا، وقۋ - اعارتۋ، مادەنيەت، ساياحات، دەنساۋلىق ساقتاۋ، دەنە تاربيە، ەكولوگيالىق ورتانى قورعاۋ، اۋىل شارۋاشىلىعى، ورمان شارۋاشىلىعى، مال شارۋاشىلىعى، قالا - قالاشىق قۇرىلىسى سياقتى سالالارعا سايادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.