تيانشان تورى
تيانشان تورى   ›   جاڭالىقتار   ›   سۋرەتتى حابار

جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

  جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

  چىن چۋانگو، يۋان جياجۇن، شوكىرات زاكىر، ۋاڭ جۇنجىڭ قيمىلعا قاتىناستى

  انار بۇلت / شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 19 - كۇنى ۇرىمجىدەن حابارلايدى. 8 - ايدىڭ 17 - كۇنىنەن 19 - كۇنىنە دەيىن، جىجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى يۋان جياجۇن جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى ۋاڭ جۇنجىڭ قاتىستى قيمىلدارعا قاتىناستى.

  شينجياڭداعى كەزىندە، جىجياڭ ولكەسىنىڭ پارتيا، ۇكىمەت ۋاكىلدەر ۇيىرمەسى ءۇرىمجى قالاسى، اقسۋ ايماعى اقسۋ قالاسى، ونسۋ اۋدانى مەن بيڭتۋان 1 - شى ارال قالاسىنا كەلىپ، مەكتەپ، الەۋمەتتىك اۋماق، اۋىل - قىستاق، كاسىپ سالاسى باقشا رايونى، جوبالاۋ الاڭ - سارايى سياقتى ورىندارعا ىشكەرىلەي بارىپ، شينجياڭعا باعىتتامالى كومەكتەسۋ نىسان قۇرىلىستارىنىڭ ىلگەرىلەۋ جاعدايىن تەكسەردى، نەگىزگى ساتىداعى بۇقارادان احۋال ۇعىسىپ، شينجياڭعا كومەككە كەلگەن كادرلارعا، دارىندىلارعا امانداسىپ، ولاردان حال سۇرادى، باعىتتامالى كومەكتەسۋ قىزمەتى جونىندە اڭگىمە ءماجىلىس اشتى ءارى جۇلگەلىك سەلبەستىك كەلىسىمىنە قول قويۋ سالتىن جانە قاتىستى سەلبەستىك نىساندارىنىڭ جۇمىس باستاۋ سالتىن وتكىزدى.

  8 - ايدىڭ 19 - كۇنى تۇستەن بۇرىن، جىجياڭ ولكەسى ● شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانىنىڭ باعىتتامالى كومەكتەسۋ قىزمەتى جونىندەگى اڭگىمە ءماجىلىس ۇرىمجىدە اشىلدى. چىن چۋانگو اۆتونوميالى رايوندىق پارتكوم مەن ۇكىمەت جانە تۇتاس رايونداعى ءار ۇلت حالقى اتىنان جىجياڭ ولكەسىنىڭ ۇزاق ۋاقىتتان بەرى شينجياڭدى زور كۇشپەن قولداعاندىعىنا جانە قالتقىسىز كومەكتەسكەندىگىنە شىن جۇرەكتەن العىس ايتتى. چىن چۋانگو بىلاي دەدى: جىجياڭ شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ جىجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ەكى سەگىز ستراتەگياسىن“ ادالدىقپەن امالياتتا اتقارىپ، ”ماڭىزدى تەرەزەنى“ قۇلشىنا قۇرىپ، ناقتاپ ىستەپ، الدىڭعى لەكتە ءجۇرىپ، باتىلدىقپەن اتويلاپ، سوتسياليستىك وسىزامانداندىرۋدا باستاماشى ولكە بولۋعا تالپىنۋ؛ بىرگە بايۋدان ۇلگى كورسەتۋ رايونىن جوعارى ساپامەن دامىتىپ، قۇرىپ، ەكونوميكالىق، قوعامدىق دامۋدا جۇرتتى جالت قاراتارلىق تابىستارعا قول جەتكىزىپ، جىجياڭنىڭ بايتاق دالاسىندا ومىرشەڭدىك قاۋلاعان تاماشا جاعداي جارىققا شىقتى.

  چىن چۋانگو بىلاي دەدى: جىجياڭ ولكەلىك پارتكوم مەن ولكەلىك ۇكىمەت شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، شينجياڭعا باعىتتامالى كومەكتەسۋ قىزمەتىن كەلەلى ساياسي مىندەت ەتىپ، دامىتۋ ينجەنەرياسىن، ۇلتتار ىنتىماعى ينجەنەرياسىن، جۇرت تىلەگىن ۇيىستىرۋ ينجەنەرياسىن ىشكەرىلەي اتقارىپ ىلگەرىلەتىپ، اقسۋ ايماعىنىڭ جانە بيڭتۋان 1 - شىسىنىڭ ەكونوميكالىق، قوعامدىق دامۋىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعىنا ماڭىزدى ۇلەس قوستى. بۇعان شينجياڭداعى ءار ۇلت حالقى العىس ايتادى. شينجياڭ الداعى جەردە ونان ارى ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ ورنالاستىرۋى بويىنشا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جىجياڭنىڭ قۇندى تاجىريبەسىنەن ۇيرەنىپ، ۇلگى الىپ، تۇلعالىق جاۋاپكەرشىلىكتى كۇشەيتىپ، قىزمەت مەحانيزمىن كەمەلدەندىرىپ، ءوزارا ءتيىمدى سەلبەستىكتى تەرەڭدەتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز جوعارىلاتىپ، قوعام ورنىقتىلىعىنىڭ، ىندەتتەن ساقتانۋ - تىزگىندەۋدى ۇدايىلاندىرۋدىڭ، ءوندىرىس حاۋىپسىزدىگى مەن ەكونوميكانىڭ جوعارى ساپالى دامۋىنىڭ ءتۇرلى قىزمەتتەرىن تىڭعىلىقتى ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.

  يۋان جياجۇن شينجياڭ ۇيعۇر اۆتونوميالى رايونىنىڭ، شينجياڭ ءوندىرىس - قۇرىلىس بيڭتۋانىنىڭ ۇزاق ۋاقىتتان بەرى جىجياڭنىڭ ەكونوميكالىق، قوعامدىق دامۋىن قولداعاندىعىنا، كومەكتەسكەندىگىنە، جىجياڭنان شينجياڭعا كومەككە كەلگەن كادرلارعا كوڭىل بولگەندىگىنە، ايالاعاندىعىنا العىس ايتتى. ول بىلاي دەدى: شينجياڭ باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، ورنىقتىلىق، دامۋ قىزمەتتەرىن تىڭعىلىقتى، ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا شىت جاڭا بەينەنى اشتى. ءبىز شينجياڭنىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدەگى ساياسي دەڭگەيىنەن، رەفورما جاساۋدى، ەسىك اشۋدى تەرەڭدەتىپ، جاڭا دامۋ ارناسىمەن توعىسۋداعى ستراتەگيالىق كورەگەندىگىنەن، جاڭالىق اشۋ ارقىلى دەم بەرۋدى كۇشەيتىپ، ەرەكشە كاسىپ سالاسىن زورايتۋداعى ناقتى شارالارىنان، كەدەيلىكتى كۇش سالا جويىپ، حالىق تۇرمىسىن ۇزدىكسىز جاقسارتقان سۇيىسپەنشىلىگىنەن، جاۋاپكەرشىلىك ارقالاۋىنان، نەگىزگى ساتىنى جونگە سالۋدى كۇشەيتىپ، ۇلتتار ىنتىماعىن نىعايتۋداعى ساياسي اقىل - پاراساتىنان، ءوز كۇشىنە سۇيەنىپ ءومىر ءسۇرىپ، ىنتىماقتاسا كۇرەسكەن رۋحاني قاسيەتىنەن كىشى پەيىلدىكپەن ۇيرەنەمىز. جاڭا دامۋ كەزەڭىندە ءبىز ورتالىقتىڭ ءبىر تۇتاس ورنالاستىرۋى بويىنشا اۆتونوميالى رايونمەن، بيڭتۋانمەن بىرگە وزىمىزدە بار تاماشا نەگىزدە وي جەلىنى ۇزدىكسىز جاڭالاپ، شارالاردى ساپالىلاندىرىپ، سەرپىندى ارتتىرىپ، باعىتتامالى كومەكتەسۋ قىزمەتىن قول ۇستاسا جاقسى ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرىپ، كاسىپ سالاسى ارقىلى شينجياڭعا كومەكتەسۋدى، اقىل - پاراسات ارقىلى شينجياڭعا كومەكتەسۋدى، حالىق تۇرمىسى سالاسى ارقىلى شينجياڭعا كومەكتەسۋدى تەرەڭدەتەمىز؛ جاڭا دامۋ ارناسىنا قول ۇستاسا توعىسىپ، نەگىزدىك قۇرىلعىلار، عىلىم - تەحنيكادا جاڭالىق اشۋ، سىرتقا ەسىك اشۋ سەلبەستىگىن كۇشەيتەمىز؛ شينجياڭدى ورنىقتىرىپ، شەكارانى بەكەمدەۋدى سەلبەسە جاقسى ىستەپ، جەرگىلىكتى ورىننىڭ سيفرلانۋ دەڭگەيىن جوعارىلاتۋىنا بەلسەنە دەم بەرىپ، نەگىزگى ساتىنىڭ نەگىزىن بىرگە بەكەمدەيمىز؛ ارالاسۋدى، ىشتەسۋدى، توعىسۋدى قول ۇستاسا كەڭەيتىپ، ءار جىكتەگىلەردىڭ ءوزارا بارىس - كەلىسىن، كادرلاردىڭ اۋىس - كۇيىسىن، شينجياڭدى مادەنيەتپەن نارلەندىرۋدى مىقتاپ يگەرىپ، شينجياڭعا باعىتتامالى كومەكتەسۋ قىزمەتىنىڭ جوعارى ساپالى دامۋىن ىلگەرىلەتىپ، جىجياڭ مەن شينجياڭنىڭ اۋىس - كۇيىسىن، سەلبەستىگىن تاعى دا تىڭ ساتىعا كوتەرۋدى ىلگەرىلەتەمىز.

  اڭگىمە ماجىلىستە شوكىرات زاكىر، ۋاڭ جۇنجىڭ اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتى جاعدايىن تانىستىردى، جىجياڭ ولكەلىك پارتكومنىڭ تۇراقتى مۇشەسى، ۇنەمىلىك ىستەرگە جاۋاپتى ورىنباسار ولكە باستىعى چىن جينبياۋ جىجياڭ ولكەسىنىڭ ەكونوميكالىق، قوعامدىق دامۋى جانە باعىتتامالى كومەكتەسۋ قىزمەتى جاعدايىن تانىستىردى.

  جىجياڭ ولكەسىنىڭ باسشىلارىنان جوۋ جياڭيۇڭ، چىن يجۇن، اۆتونوميالى رايون مەن بيڭتۋاننىڭ باسشىلارىنان شۇي حايرۇڭ، سارقىت اقان، چىن ۋيجۇن، پىڭ جيارۇي، دوۋ ۋانگۇي، لۋ شۇيپيڭ، لي جيدۇڭ قاتارلىلار جوعارىداعى قيمىلدارعا قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.