تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

رايونىمىزدا اۋىل - قىستاق تاس جولىن اۋىل - قىستاقتارعا جەتكىزۋ، ىركىلىسسىزدەندىرۋ نەگىزىنەن جۇزەگە استى

  انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 19 - كۇنى ۇرىمجىدەن حابارلايدى. 8 - ايدىڭ 19 - كۇنى اشىلعان ”’تورتتە جاقسى اۋىل - قىستاق جولى‘ قۇرىلىسىن جوعارى ساپامەن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى كوركەيتۋمەن ءونىمدى ۇشتاستىرۋ“ جونىندەگى اقپار جاريالاۋ ماجىلىسىنەن ۇعىسۋىمىزشا، 2020 - جىلدىڭ سوڭىنا دەيىن، رايونىمىزدا اۋىل - قىستاق تاس جولىنىڭ جالپى ۇزىندىعى 146 مىڭ 800 كيلومەترگە (بيڭتۋاندى قامتىمايدى) جەتىپ، ”12 - بەسجىلدىقتىڭ“ سوڭىنداعىدان 30 مىڭ كيلومەتر ارتىپ، %26 ارتقان، اۋدان قالاشىعىن سەنتر، اۋىل - قالاشىقتى ءتۇيىن، قۇرىلىمدىق قىستاقتى توراپ ءتۇيىنى ەتكەن اۋىل - قىستاق تاس جول جەلىسى نەگىزىنەن قالىپتاسىپ، اۋىل - قىستاق تاس جولىن قىستاقتارعا دەيىن جەتكىزۋ، اۋىل جولدارىن ىركىلىسسىزدەندىرۋ نەگىزىنەن جۇزەگە اسىپ، قاتىناس ارقىلى كەدەيلەردى سۇيەمەلدەۋدىڭ يگىلىگىنە كەنەلگەن حالىق 9 ميلليون 330 مىڭعا جەتكەن.

  ۇعىسۋعا قاراعاندا، رايونىمىز تۇتاس رايونىمىزداعى 869 اۋىل - قالاشىق پەن شارت - جاعدايى تولىمدى 9133 قۇرىلىمدىق قىستاقتا جولدى %100 اسفالتتاندىرا تۇتاستىرۋ، جولاۋشىلار اۆتوموبيلىن قاتىناتۋ سىندى ەكى مىندەتتى ءبىر جىل بۇرىن ورىنداعان. ”13 - بەسجىلدىق“ كەزىندە تۇتاس رايونىمىزدا جاڭادان سالىنعان، وزگەرتىپ سالىنعان اۋىل - قىستاق تاس جولى شامامەن 81 مىڭ 900 كيلومەترگە جەتكەن، تۇتاس رايونىمىزدا دارەجەدەن جوعارى تاس جولدىڭ جانە سالىنىپ بىتكەن تاس جولدىڭ ۇزىندىعىنىڭ اۋىل - قىستاق تاس جول جالپى ۇزىندىعىندا يەلەيتىن سالىستىرماسى %89.5 جانە %80.1 بولىپ، ”12 - بەسجىلدىقتىڭ“ سوڭىنداعىدان جەكە - جەكە 12.8 جانە 22.3 پايىز جوعارىلاپ، جول تورى قۇرىلىمى اناعۇرلىم كەمەلدەنگەن. اۋدان، اۋىلداردا حاۋىپسىزدىك، تىرشىلىك قورعانىس ينجەنەرياسى بويىنشا 43 مىڭ 598 كيلومەتر جول سالىنىپ، جولاۋشىلار اۆتوموبيلىنىڭ قاتىناۋ حاۋىپسىزدىگى تالابىن قاناعاتتاندىرا الماعان تار نەگىزگى جول تاعاندارى لايىقتى كەڭەيتىلىپ، وزگەرتىلىپ سالىندى، كەدەي وڭىرلەردەگى بۇقارا اناعۇرلىم جايلى، اناعۇرلىم الاڭسىز قاتىنايتىن بولدى.

  رايونىمىز جەرگىلىكتى جاعدايعا قاراي جول مەن كاسىپ سالاسىن توعىستىرۋدى ىلگەرىلەتىپ، 5849 كيلومەترلىك بايلىق جولىن، ساياحات جولىن، وزىندىك ەرەكشەلىككە يە كاسىپ سالاسى جولىن سالىپ، ”قاتىناس + وزىندىك ەرەكشەلىككە يە كاسىپ سالاسىنىڭ“، ”قاتىناس + اۋىل - قىستاق ساياحاتىنىڭ“ دامۋىن جەبەپ، كەدەي رايونداردىڭ ”قان جاساۋ“ يقۋاتىن كۇشەيتىپ، كەدەيلەردىڭ كىرىسىن ارتتىرۋعا دەم بەرىپ، اۋىل - قىستاقتىڭ ءوندىرىس، تۇرمىس شارت - جاعدايىن جاقسارتتى.

  سونىمەن قاتار رايونىمىزدىڭ اۋىل - قىستاق تاس جولىن باسقارۋ، قورعاۋ ورەسى كورنەكتى جوعارىلادى. قازىر تۇتاس رايونىمىزدا جەر - جەر ”ءبىر تۇتاس باسشىلىق ەتۋ، دارەجەگە ءبولىپ باسقارۋ، اۋداندى نەگىز ەتۋ، اۋىل - قىستاق سايكەسۋ“ دەي اۋىل - قىستاق تاس جولىن باسقارۋ ءتۇزىلىسى مەحانيزمى مەن ”اۋداندى نەگىزگى تۇلعا، كاسىپ سالاسىن جەتەكشى ەتۋ، تاراۋلار سايكەسۋ، قوعام ات سالىسۋ“ داي قورعاۋ قىزمەت مەحانيزمىن باستاپقى قادامدا ورناتتى، اۋىل - قىستاق تاس جولىن قورعاۋعا الۋ سالىستىرماسى جىلدان - جىلعا ارتىپ، %86.8كە جەتتى.

    اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ مۇشەسى، ورىنباسار باستىعى گو شىڭ مىنانى ءبىلدىردى: ”14 - بەسجىلدىق“ كەزىندە شينجياڭداعى ءار دارەجەلى قاتىناس - تاسىمال تاراۋلارى قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەدەيلىكتەن ارىلتۋدان قامال الۋدى جەبەۋ مەن اۋىل - قىستاقتى كوركەيتۋدى ۇتىمدى ۇشتاستىرۋدى وراي ەتىپ، ”4 تە جاقسى اۋىل - قىستاق جولىنىڭ“ جوعارى ساپالى دامۋىن ىلگەرىلەتەدى.

  ۇعىسۋعا قاراعاندا، ”14 - بەسجىلدىق“ كەزىندە شينجياڭنىڭ اۋىل - قىستاق تاس جولىنىڭ جوبا قۇرىلىس كولەمىنىڭ ۇزىندىعى 28 مىڭ 600 كيلومەتر، وعان 33 ميلليارد يۋان قارجى قوسىلادى ەكەن، حاۋىپسىزدىك، تىرشىلىك قورعانىس ينجەنەرياسى بويىنشا 25 مىڭ 240 كيلومەتر قىستاق جولى سالىنادى ەكەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.