تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

التايدىڭ جۇڭي ءشوپ دارىلەرى تۇتاس كاسىپ سالاسى تىزبەگىن تۇلعالاۋىنا دەم بەردى

جيلين:

التايدىڭ جۇڭي ءشوپ دارىلەرى تۇتاس كاسىپ سالاسى تىزبەگىن تۇلعالاۋىنا دەم بەردى

□ انار بۇلت / شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى چاڭ - يرۋ

  8 - ايدىڭ 13 - كۇنى جيلين ولكەسى اۋىل شارۋاشىلىق عىلىمى اكادەمياسىنىڭ قابا اۋداندىق تاجىريبە پۋنكتىندە قىزىل ميا، تاسپا ءشوپ، شىتىرشىق تامىرى سياقتى ءار ءتۇرلى جۇڭي ءشوپ دارىلەرى ءوسىپ - ءونۋ قاۋىرت مەزگىلىنە ءوتتى.

  ”بيىل ءبىزدىڭ نىسان ۇجىمىمىز كوكتەمگى قۇرعاقشىلىق، جوعارى تەمپەراتۋرا، بوران سياقتى ءتيىمسىز اۋا رايى ىقپالدارىن جەڭىپ، ءونىمدى شارالار قولداندى، قازىر تاجىريبە پۋنكتىندەگى جۇڭي ءشوپ دارىلەرىنىڭ ءوسۋ جاعدايى جاقسى“. جيلين اۋىل شارۋاشىلىق داشۋەسى جۇڭي ءدارى ماتەريالى شۋەيۋانىنىڭ ورىنباسار باستىعى حان جۇڭميڭ جۇڭي ءشوپ دارىلەرىنىڭ ءوسىپ - ءونۋ، جەتىلۋ جاعدايىنا تەكسەرۋ - ولشەۋ جۇرگىزۋدە، ”بيىل ءبىز تاعى ماقسارى، كوك شۇعىنىق سياقتى قىرۋار جۇڭي ءدارى ماتەريالىنىڭ اسىل تۇقىمىن ەنگىزىپ، جەرسىندىرۋ جانە تۇقىمدىق زات بايلىعى باقشاسى قۇرىلىسى قىزمەتىن ورىستەتتىك“.

  قابا اۋدانى التاي تاۋىنىڭ وڭتۇستىك باۋرايىنا ورنالاسقان، كوپ نەگىزدى كليمات ورتاسى ءار ءتۇرلى جابايى جۇڭي ءشوپ ءدارى ءتۇرىنىڭ وسۋىنە شارت - جاعداي ازىرلەدى. قابا اۋدانىنىڭ جۇڭي ءشوپ دارىلەرى تۇتاس كاسىپ تىزبەگىنىڭ دامۋىنا كومەكتەسۋ - سۇيەمەلدەۋ ءۇشىن، بيىل جيلين ولكەسى جۇڭي شيپاگەرلىك - دارىگەرلىك كاسىپ سالاسى ابزالدىلىعىنا سۇيەنىپ، «قابا اۋدانى جۇڭي ءشوپ دارىلەرى كاسىپ سالاسىن دامىتۋ جوباسىن (2021 − 2030 - جىل)» جاساۋعا كومەكتەسىپ، نازاردى ”ولشەمدەندىرىلگەن ەگىمشىلىك، جىنتىكتەي مانەرلەۋ، ماركالاندىرىپ ساتۋ“ سىندى 3 ءىرى ءتۇيىندى بۋىنعا اۋدارىپ، ”8 ءىرى ينجەنەريانى“ سايكەسە ىلگەرىلەتىپ، 3 − 5 جىلدا قابا اۋدانىندا جۇڭي ءشوپ دارىلەرىنىڭ تۇقىمىن جەتىلدىرۋ، قالامشا باپتاۋ، ەگۋ، وڭدەۋ، ساتۋ كاسىپ سالاسى بيىگىن العاشقى قادامدا قۇرۋدى جوسپارلاۋدا؛ 2030 - جىلعا بارعاندا ”ەرتىس وزەنى ءدارى اڭعارىنىڭ“ اتاعىن شىعارىپ، قابا اۋدانىن باتىس سولتۇستىكتەگى، ءتىپتى، بۇكىل ەلدەگى ايگىلى جۇڭي ءشوپ دارىلەرىن جيناۋ - جونەلتۋ ورتالىعى ەتىپ قۇرىپ شىعادى.

  6 - ايدىڭ 28 - كۇنى تۇتاس شينجياڭداعى تۇڭعىش ”جۇڭي ءشوپ دارىلەرى اكادەميك، ماماندار قىزمەت پۋنكتى“ قابا اۋدانىندا قۇرىلدى، ”’جۇڭي ءشوپ دارىلەرى اكادەميك، ماماندار قىزمەت پۋنكتىنىڭ‘ قۇرىلۋى وسى ءوڭىردىڭ جۇڭي ءشوپ دارىلەرىنىڭ جوعارى، ورتا، تومەنگى بۋىنىنداعى كاسىپ سالاسىنىڭ توعىسا دامۋىن ىلگەرىلەتىپ، جۇڭي ءشوپ دارىلەرى تۇتاس كاسىپ سالاسى تىزبەگىن اشۋدى ىلگەرىلەتىپ، جۇڭي ءشوپ دارىلەرى دارىندىلار قوسىنىن باۋلۋعا پارمەندى تىرەك ازىرلەۋىنە دەم بەرەدى“، - دەدى قابا اۋدانىنا ورنالاسقان شينجياڭ رۇڭچىڭ حاكى ءدارى جاساۋ شەكتى سەرىكتەستىگىنىڭ القا باستىعى ديڭ رۇڭچىڭ.

  ”بۇرىن ءبىزدىڭ ەگىمشىلىك تەحنيكامىز ءالى كەمەلدەنبەگەن، ەگىمشىلىك كولەمىمىز دە شاعىن. بيىل شينجياڭعا كومەكتەسۋشى مامانداردىڭ جەتەكشىلىگىندە، ءبىز ەگىمشىلىك كولەمىن كەڭەيتىپ، 9600 مۋ جەرگە جۇڭي ءشوپ ءدارىسىن ەكتىك“، - دەدى قابا اۋدانى شينمانيۋان اۋىل شارۋاشىلىق عىلىم - تەحنيكاسىن دامىتۋ شەكتى سەرىكتەستىگىنىڭ باس ديرەكتورى لۋ شۋمين نىق سەنىممەن.

  ۇعىسۋعا قاراعاندا، بىلتىر قابا اۋدانىنىڭ جۇڭي ءشوپ دارىلەرى ەگىمشىلىگىنىڭ اۋدانى 30 مىڭ مۋدان اسقان، بيىل 110 مىڭ مۋعا ارتىپ، ”14 - بەسجىلدىقتىڭ“ سوڭىنا بارعاندا 200 مىڭ مۋعا دەيىن دامىتۋدى جوسپارلاپ وتىر ەكەن. بۇل جيلين ولكەسىنىڭ التاي ايماعىنا كومەكتەسىپ جۇڭي ءشوپ دارىلەرى تۇتاس كاسىپ سالاسى تىزبەگىن قۇرۋىنىڭ ىقشام كورىنىسى عانا.

  جۋىق جىلداردان بەرى جيلين ولكەسى التاي ايماعىندا كولەمدەندىرە، شوعىرلاندىرا، ماشينالاستىرىپ وندىرۋگە ۇيلەسەتىن قىزىل ميا، تاسپا ءشوپ، شىتىرشىق تامىرى سياقتى جۇڭي ءشوپ دارىلەرى تۇرلەرىن تاڭداۋ ارقىلى حيميالىق تىڭايتقىشتىڭ ورنىنا ورگانيكالىق تىڭايتقىشتى ىستەتۋ، دەرت - دەربەز، زياندى جاندىك، ارام شوپتەردەن جاسىل، جالپىلىق ساقتانۋ - تىزگىندەۋ سياقتى تاجىريبە ۇلگىلەرىن ورىستەتىپ، سول جەردە ءوندىرۋ تالابىنا ۇيلەسەتىن جۇڭي ءشوپ دارىلەرىن ولشەمدەندىرە ءوسىرۋدىڭ تەحنيكالىق ەرەجەسىن جاساپ، قىرۋار جۇڭي ءدارى ماتەريالدارىن جاسىل، ولشەمدەندىرە ءوندىرۋ بازاسىن قۇرۋدى ىلگەرىلەتىپ، التاي ايماعىنىڭ جۇڭي ءشوپ دارىلەرى كاسىپ سالاسىنىڭ باياندى دامۋىن ىلگەرىلەتتى.

  5 - ايدىڭ اياعىندا جيلين ولكەسى ولكە ىشىندەگى 10نان استام جۇڭي ءدارى ماتەريالدارى حالىقتىق كاسىپورىندارىمەن سايكەسىپ، التاي ايماعىنا بارىپ تەكسەرۋ جۇرگىزىپ، التاي ايماعىنىڭ وزىق تەحنيكا جانە شارۋاشىلىق تانىمىن ەنگىزۋىنە دەم بەردى ءارى جابايى ناعىز جۇڭي ءدارى ماتەريالدارىن جەرسىندىرۋ، جوعارى ساپالى جۇڭي ءدارى ماتەريالدارىن زەرتتەپ اشۋ، جۇڭي دارىلەرى تۋرامالى دارىلەرىن مانەرلەۋ، ءونىم ساتۋ سياقتى جاقتاردا كوپتەگەن قارجى قوسۋ جانە كومەكتەسۋ - سۇيەمەلدەۋ رايىن قالىپتاستىردى.

  التاي ايماقتىق پارتكومنىڭ ورىنباسار شۋجيى، جيلين ولكەسىنىڭ شينجياڭعا كومەكتەسۋ قولباسشىلىق شتابىنىڭ باس قولباسشىسى يۇي حۋاياڭ بىلاي دەدى: ”8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى پارتيا ورتالىق كوميتەتىنىڭ شينجياڭعا كومەكتەسۋ قىزمەتىنە ايرىقشا ءمان بەرەتىندىگىن جان - جاقتىلى ايگىلەدى، جيلين ولكەسى’قان قۇيۋ‘ مەن ’قان جاساۋدى‘ ءوزارا بىرلەستىرۋگە تاباندى بولىپ، كومەك قابىلداعان جەردىڭ ابزالدىلىعىن جانە كومەسكى كۇشىن تياناق ەتىپ، ەرەكشە كاسىپ سالاسىنىڭ دامۋىن، زورايۋىن ىلگەرىلەتەدى. كەلەسى قادامدا جيلين ولكەسى جۇڭي ءشوپ دارىلەرى تۇرلەرىن ەنگىزۋدى، ۇلگى ەتۋدى، سونداي - اق جالپىلاستىرۋدى ۇزدىكسىز كۇشەيتىپ، ەمدەۋ، ءدارى - دارمەك كاسىپورىندارىن ەنگىزىپ، جۇڭي ءشوپ تۇرلەرىن جىنتىكتەي مانەرلەپ، وڭدەلگەن دايىن ءدارى - دارمەكتەردى زەرتتەپ اشىپ، جۇڭي ءشوپ دارىلەرى كاسىپ سالاسى تىزبەگىن ۇزارتىپ، اۋىل شارۋاشىلىعىنىڭ ونىمدىلىگىن ارتتىرادى، ەگىنشىلەردىڭ كىرىسىن مولايتادى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.