تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

”ۇيىرمە قۇراۋ ۇلگىسىندەگى“ شينجياڭعا كومەكتەسۋدىڭ كوپ سالاعا قاراي كەڭەيۋىن ىلگەرىلەتتى

لياۋنيڭ:

”ۇيىرمە قۇراۋ ۇلگىسىندەگى“ شينجياڭعا كومەكتەسۋدىڭ كوپ سالاعا قاراي كەڭەيۋىن ىلگەرىلەتتى

□ انار بۇلت / شينجياڭ گازەتىنىڭ ءتىلشىسى ءرايدا

  8 - ايدىڭ 10 - كۇنى تارباعاتاي ايماقتىق حالىق شيپاحاناسى بوبەكتەر اۋرۋى ءبولىمىنىڭ ناۋقاس ۇيىندە شينجياڭعا كومەكتەسۋشى شيپاگەر، جۇڭگو مەديتسينا داشۋەسىنە قاراستى 1 - شيپاحاناسى بوبەكتەر اۋرۋى ءبولىمىنىڭ ورىنباسار مەڭگەرۋشىسى جاۋ شىمىڭ قىزمەتتەسىمەن بىرگە شالا تۋىلعان ءبىر بوبەكتىڭ ناۋقاس جاعدايىن تالقىلاۋدا ەدى.

  2020 - جىلى 11 - ايدا جۇڭگو مەديتسينا داشۋەسى ەمدەۋ دارىندىلارىنىڭ ”ۇيىرمە قۇراۋ ۇلگىسىندەگى“ شينجياڭعا كومەكتەسۋ ەمدەۋ اترەتىنىڭ كومەگىندە، تارباعاتاي ايماقتىق حالىق شيپاحاناسىندا بوبەكتەر اۋرۋى ءبولىمى قۇرىلىپ، كەزىندە قاتەرلى، سالماقتى ناۋقاسقا شالدىققان بالالاردى ۇرىمجىدەگى ۇلكەن شيپاحانالارعا اۋىستىرىپ قۇتقارۋ - ەمدەۋ ماسەلەسى شەشىلدى.

  لين حۇڭجۇن تارباعاتاي ايماقتىق حالىق شيپاحاناسى بوبەكتەر اۋرۋى ءبولىمىنىڭ كومەكشى شيپاگەرى ءارى جاۋ شىمىڭنىڭ وقۋشىسى. ”جاۋ مۇعالىم ماعان بوبەكتەردىڭ كىندىك ۆەناسىن ورنالاستىرۋ وپەراتسياسىن ۇيرەتتى، بۇل تەحنيكانىڭ قيىندىق دارەجەسى توتەنشە زور، بوبەكتەردىڭ جۇعىمدالۋ ىقتيمالدىعىن ازايتادى“، - دەدى لين حۇڭجۇن.

  ”مەن شينجياڭعا كومەكتەسۋ قىزمەتى ارقىلى جەرگىلىكتى ورىنداعى شيپاحانالاردىڭ ەمدەۋ ىستەرىن جۇيەلىلەندىرۋىنە كومەكتەسىپ، تارباعاتاي ايماعىنداعى بوبەك نارەستە ناۋقاستارعا اناعۇرلىم ويداعىداي قىزمەت وتەۋدى قالايمىن“، - دەدى جاۋ شىمىڭ.

  2016 - جىلى 4 - ايدان باستاپ جۇڭگو مەديتسينا داشۋەسى ىلگەرىندى - كەيىندى جۇڭگو مەديتسينا داشۋەسىنە قاراستى 1 - شيپاحاناسى، قاراستى شىڭجيڭ شيپاحاناسى، قاراستى 4 - شيپاحانا جانە قاراستى اۋىز قۋىسى شيپاحاناسىنان 6 توپتا جيىنى 117 شينجياڭعا كومەكتەسۋ ەمدەۋ دارىندىلارىن تاڭداپ جىبەرىپ، تارباعاتاي ايماقتىق حالىق شيپاحاناسىنا ورنالاسىپ، ”ۇيىرمە قۇراۋ ۇلگىسىندەگى“ ەمدەۋ جاعىنان كومەكتەسۋ قىزمەتىن ورىستەتتى.

  2020 - جىلدان بەرى جۇڭگو مەديتسينا داشۋەسى ەمدەۋ دارىندىلارىنىڭ ”ۇيىرمە قۇراۋ ۇلگىسىندەگى“ شينجياڭعا كومەكتەسۋ ەمدەۋ اترەتى جەرگىلىكتى ورىنداعى قاتەرلى، سالماقتى جۇكتى ايەلدەردى، بوسانعان ايەلدەردى قۇتقارۋ - ەمدەۋ ورتالىعى، بوبەكتەردى قۇتقارۋ - ەمدەۋ ورتالىعى، كوكىرەك اۋرۋى ورتالىعى، ميعا قان قۇيىلۋ اۋرۋى ورتالىعى جانە جاراقات ورتالىعى سىندى 5 ۇلكەن ورتالىق قۇرىلىسىن كەمەلدەندىرىپ، وسپە ىشكى اۋرۋلار ءبولىمى، ينەكسيا ءبولىمى، اس قورىتۋ ىشكى مۇشەلەر ءدۇربىسى ءبولىمى جانە بوبەكتەر ءبولىمى سياقتى بولىمدەردى كوبەيتىپ قۇرىپ، عىلمي ءپاننىڭ قۇرىلۋى جانە جاڭا تەحنيكانىڭ ورىستەتىلۋىنىڭ ارقاسىندا تارباعاتاي ايماعىنداعى ءار ۇلت بۇقاراسى ەسىكتەرىنىڭ الدىندا - اق ەڭ ساپالى ەمدەۋ قىزمەت وتەۋىنەن يگىلىكتەنەتىن بولدى.

  جۇڭگو مەديتسينا داشۋەسى 6 - توپتاعى ەمدەۋ دارىندىلارىنىڭ ”ۇيىرمە قۇراۋ ۇلگىسىندەگى“ شينجياڭعا كومەكتەسۋ ەمدەۋ اترەتىنىڭ جەتەكشىسى جۇڭ حۇڭشان بىلاي دەدى: ”14 - بەسجىلدىق“ مەزگىلىندە ءبىز ءپان قۇرىلىسى قىزمەتىن ۇزدىكسىز ىلگەرىلەتىپ، تارباعاتاي ايماعىنداعى ەلەۋلى، توسىن الەۋمەتتىك دەنساۋلىق ساقتاۋ وقيعالارىن ءبىر جايلى ەتۋ قابىلەتىن جوعارىلاتامىز. سونىمەن بىرگە جۇقپالى اۋرۋلاردىڭ الدىن الۋ جانە ونى ەمدەۋ قىزمەتىن، سونداي - اق جۇقپالى اۋرۋلار شيپاحاناسى قۇرىلىسى قىزمەتىن كۇشەيتەمىز. ءبىز وسپە اۋرۋلارىنا دياگنوز قويۋ - ەمدەۋ ورتالىعىن قۇرامىز، بۇل ءبىزدىڭ الداعى جەردە شينجياڭعا كومەكتەسۋ قىزمەتىمىزدىڭ ءتۇيىنى“.

  ”ءبىز باستان - اياق دارىندىلار اقىل - پاراساتى ارقىلى كومەكتەسۋدى شينجياڭعا كومەكتەسۋ قىزمەتىندەگى ماڭىزدىنىڭ ماڭىزدىسى رەتىندە يگەرىپ، جەرگىلىكتى ورىنداعى كادرلاردىڭ يدەيالىق كوزقاراسىن جاڭالاۋىنا، قىزمەت وي جەلىسىن كەڭەيتۋىنە، قىزمەت ادىسىندە جاڭالىق اشۋىنا كومەكتەسىپ، كاسىپتىك تەحنيكالىق دارىندىلاردىڭ دارىندى ورنىنا بارىپ ىستەۋدەن دارىندىلارعا كومەكتەسۋ - جەتەكتەۋگە قاراي بۇرىلىس جاساۋىن قولدايمىز“، - دەدى تارباعاتاي ايماقتىق پارتكومنىڭ ورىنباسار شۋجيى، لياۋنيڭ ولكەسىنىڭ شينجياڭعا كومەكتەسۋ قولباسشىلىق شتابىنىڭ باس قولباسشىسى ۋاڭ چيڭدۇڭ.

  ۋاڭ چيڭدۇڭ بىلاي دەپ تانىستىردى: جۋىق جىلداردان بەرى لياۋنيڭ - شينجياڭ ەكى جەر جالپى 229 كلاس - رەت كۋرس اشىپ، 8125 ادامدى باۋلىدى، مۇنىڭ ىشىندە جوعارى دەڭگەيلى جانە شۇعىل قاجەتتى، توتەنشە تاپشى دارىندىلاردان 131 ادام، كاسىپورىن شارۋاشىلىق باسقارۋشىسىنان 697 ادام، اۋدان، اۋىل - قىستاق جانە تۋان الاڭى، ليان - دۇي سياقتى نەگىزگى ساتى كادرلارىنان 4170 ادام بولىپ، كومەك قابىلداۋشى جەر ءۇشىن تابانداپ تۇراتىن كادر، دارىندىلار قوسىنىن باۋلىدىق. سونىمەن بىرگە لياۋنيڭ ولكەسىنىڭ شينجياڭعا كومەكتەسۋ ءارقايسى بولىمشە قولباسشىلىق شتاپتارى، قىزمەت اترەتتەرى ارتقى شەپپەن بەلسەنە سايكەستى، جوعارى دارەجەلى دارىندىلاردان جيىنى 349 ادامدى يكەمدى تۇردە ەنگىزدىك، جەرگىلىكتى ورىنداعى دارىندىلاردان 825 ادامدى كومەكتەسىپ باۋلىدىق، 29 تۇردەن تەحنيكالىق جاڭالىق اشىپ، تەكسەرۋ - زەرتتەۋ بايانداماسىنان 100دەن استامىن جازدىق. لياۋنيڭ ولكەسى اۋىل شارۋاشىلىق عىلىم اكادەمياسى 6 اۋىل شارۋاشىلىق مامانىن تاڭداپ جىبەرىپ، جەرگىلىكتى ورىنداعى 10نان استام اۋىل شارۋاشىلىق عىلىم - تەحنيكالىق كاسىپورىندارىنا كومەكتەسىپ 20 تۇردەن استام ”القىمداپ وتىرعان“ تەحنيكالىق قيىن ماسەلەلەردى شەشتى.

  ”8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەت ءماجىلىسى اشىلعاننان كەيىن، ءبىز شينجياڭعا اقىل - پاراسات جاعىنان كومەكتەسۋدى جاڭالىق اشا كەڭەيتىپ، ەمدەۋ دارىندىلارىن ”ۇيىرمە قۇراۋ ۇلگىسىندەگى“ شينجياڭعا كومەكتەسۋ كۇش - قۋاتىن نەگىزگى ساتىعا قاراي كەڭەيتۋدى ىلگەرىلەتتىك، سونىمەن بىرگە ەمدەۋ دارىندىلارى ’ۇيىرمە قۇراۋ ۇلگىسىندەگى‘ شينجياڭعا كومەكتەسۋ تاجىريبەلەرىن ويداعىداي قورىتىندىلاپ، ’ۇيىرمە قۇراۋ ۇلگىسىندەگى‘ تارباعاتاي كاسىپتىك تەحنيكالىق شۋەيۋانىنا كومەكتەسۋ قىزمەتىن ورىستەتىپ، ’ۇيىرمە قۇراۋ ۇلگىسىندەگى‘ شينجياڭعا كومەكتەسۋدى عىلىم - تەحنيكا، اۋىل شارۋاشىلىعى جانە قالا جوبالاۋ سياقتى سالالارعا قاراي كەڭەيتىپ، دارىندىلاردى شينجياڭعا يكەمدى كومەكتەسۋگە ىنتالاندىرىپ، جەرگىلىكتى ورىنداعى كادر، دارىندىلاردى قابىلەت ساپاسىن جوعارىلاتۋعا جەتەكتەپ، تارباعاتاي ايماعىنا مىزعىمايتىن كادر، دارىندىلار قوسىنىن ازىرلەيمىز“، - دەدى ۋاڭ چيڭدۇڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.