تيانشان تورى
تيانشان تورى   ›   جاڭالىقتار   ›   ەل ءىشى حابارى

”ىنتىماقتاسقاندا، سەلبەسكەندە عانا، ەڭ سوڭىندا ۆيرۋستى جەڭۋگە بولادى“

□ حالىق گازەتىنىڭ ءتىلشىسى جيڭ يۋە

  ”جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، امەريكا ’جاڭا تيپتى ايدارشا ۆيرۋستىڭ قاينارى‘ سىندى قالپاقتى جۇڭگوعا زورلاپ كيگىزىپ، سان قۋلىققا باسىپ جۇڭگونىڭ حالىقاراداعى بەدەلىنە داق سالۋعا ۇرىندى. مۇنداي ۆيرۋستىڭ تەگىن انىقتاۋ ماسەلەسىن ساياسيلاندىرۋ قىلىعىنىڭ كۇللى الەمنىڭ سەلبەسىپ ىندەتكە قارسى اتتانۋىنا ەشقانداي پايداسى جوق“، - دەدى ەگيپەت كوممۋنيستىك پارتياسى ساياسي بيۋروسىنىڭ مۇشەسى سالاح سالۋري جۋىقتا گازەتىمىزدىڭ ءتىلشىسىن قابىلداعاندا.

  سالۋري مىنانى ءبىلدىردى: امەريكانىڭ ۆيرۋستىڭ تەگىن انىقتاۋ ماسەلەسىن ساياسيلاندىرۋداعى باس ماقساتى، اۋەلى، ءوزىنىڭ ىندەتكە توتەپ بەرۋدە ساتسىزدىككە ۇشىراعانى جونىندە ايتىلعان ايىپتاۋلاردى وزگەگە اۋدارۋ. ىندەتكە قارسى اتتانۋدا دارمەنسىزدىك كورسەتكەندىكتەن، امەريكا دۇنيە جۇزىندەگى دياگنوزى تۇراقتاندىرىلعان جالپى ناۋقاستار مەن ولگەن ناۋقاستار ەڭ كوپ مەملەكەتكە اينالدى. مۇنداي ساتسىزدىكتى بۇركەمەلەۋ ءۇشىن، امەريكا ”ۆيرۋستىڭ تەگىن انىقتاۋ“ دەگەن اتپەن وزگە ەلدەرگە قىسىم جاسادى، مۇنداي ساياسي ۆيرۋس جاڭا تيپتى ايدارشا ۆيرۋستان دا قورقىنىشتى.

  سالۋري مىنانى اتاپ كورسەتتى: جۇڭگو باستان - اياق عىلمي پوزيتسيا نەگىزىندە ۆيرۋستىڭ تەگىن انىقتاۋعا سايكەسىپ، دەر كەزىندە ۆيرۋس گەن تىزبەگىن ورتاقتاسىپ، دۇنيە جۇزىلىك دەنساۋلىق ساقتاۋ ۇيىمىنىڭ ماماندارىن جۇڭگودا ۆيرۋستىڭ تەگىن انىقتاۋ زەرتتەۋىن ورىستەتۋگە ۇسىنىس ەتتى. ماماندار ناقتى ورىندى ارالاۋ جانە تەكسەرۋ - زەرتتەۋ ارقىلى تاجىريبەحانادان تارالۋى ”مۇلدە مۇمكىن ەمەس“ دەگەن قورىتىندىنى كەسەتىپ ايتتى. ”امەريكا ساياسي الاياقتارى عىلمي مالىمەتتى ەلەڭعۇرلى كورمەي، جۇڭگوعا ۇزدىكسىز شابۋىل جاسادى. مەنىڭ ايتارىم، ساياسي قاسكۇنەمدىك نەگىزىندەگى تەگىن انىقتاۋدىڭ ماڭگى شىن سىرى بولمايدى“.

  جۇڭگو مەن ەگيپەتتىڭ ىندەتكە قارسى اتتانۋ سەلبەستىگىن اۋىزعا العاندا، سالۋري بىلاي دەدى: ”ىندەتتەن ساقتانۋ زاتتىق ماتەريالدارى مەن ۆاكسينانى كومەككە بەرۋدەن جۇڭگو ۆاكسيناسىن جەرگىلىكتى ورىندا ءوندىرۋدى جۇزەگە اسىرۋعا دەيىن، جۇڭگو زاتتىق ماتەريال، ءدارى - دارمەك، تەحنيكا، قارجى سياقتى جاقتاردا ەگيپەتكە جان - جاقتىلى كومەك بەردى، بۇل تەك ەگيپەت حالقىن يگىلىككە كەنەلدىرىپ قالماستان، افريكا جانە ارابتىڭ باسقا وڭىرلەرىندەگى حالىقتى دا يگىلىككە كەنەلدىردى. مۇنداي سەلبەستىك قارىمجى تىلەمەيدى، ادال نيەتكە تولى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدىڭ ناقتى شاراسى بولىپ تابىلادى“. سالۋري مىنانى ءبىلدىردى: جۇڭگونىڭ دۇنيە ءجۇزىنىڭ ”ۆاكسينا جىلعاسىن“ تولتىرۋىنا كومەكتەسۋ جاعىنداعى قۇلشىنىستارى القاۋعا تاتيدى. ”ۆيرۋستىڭ تەگىن انىقتاۋدا، ءسوز جوق، عىلىمدى نەگىز ەتۋدەگى ماقساتى ادامزاتتىڭ ۆيرۋستى اناعۇرلىم جاقسى جەڭۋىنە مۇمكىندىك جاساپ، ەكونوميكالىق، قوعامدىق ءتارتىپتى قالپىنا كەلتىرۋ“.

  ”ىنتىماقتاسقاندا، سەلبەسكەندە عانا، ەڭ سوڭىندا ۆيرۋستى جەڭۋگە بولادى. ساياسي جاقتان قىسىم تۇسىرمەي، وزبىرلىقپەن بارىمتالاماي، كوبىرەك ساندى مالىمەتپەن سويلەۋدى، عىلىممەن سويلەۋدى ءۇمىت ەتەمىز. حالىقارالىق قوعام ورتاق قۇلشىنىپ، الەمدىك ىندەتكە قارسى اتتانۋ ارەكەتىنىڭ ءساتتى، ءتارتىپتى، جوعارى ءونىمدى جۇرگىزىلۋىنە مۇمكىندىك جاساۋى كەرەك“، - دەدى سالۋري.

  (8 - ايدىڭ 19 - كۇنگى «حالىق گازەتىندە» باسىلعان)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.