تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شينجياڭ اۋىل - قىستاق امانات - قارىز كووپەراتيۆى شارۋا وتباسىلارىنا قارىز اقشا بەرۋ كولەمىن ارتتىرىپ، مولشەرىن كوبەيتىپ، ءبىر ميلليون 466 مىڭ 700 وتباسىن يگىلىككە كەنەلتتى

  انار بۇلت / شينجياڭ گازەتىنىڭ ءتىلشىسى ۋاڭ يۇڭفي 8 - ايدىڭ 21 - كۇنى ۇرىمجىدەن حابارلايدى. شينجياڭ اۋىل - قىستاق امانات - قارىز كووپەراتيۆى بىرلەسكەن كووپەراتيۆىنەن ۇعىسۋعا قاراعاندا، شينجياڭ اۋىل - قىستاق امانات - قارىز كووپەراتيۆى بيىل قارىز اقشا قارجىسىمەن قامداۋدى بار كۇشپەن قامتاماسىز ەتىپ، شارۋا وتباسىلارىنا قارىز اقشا بەرۋ كولەمىن ارتتىرىپ، مولشەرىن كوبەيتۋدى كۇش سالا اتقارادى ەكەن. 7 - ايدىڭ سوڭىنا دەيىن شارۋا وتباسىلارىنا بەرىلەتىن قارىز اقشا قالدىق سوماسى 102 ميلليارد 349 ميلليون يۋانعا جەتىپ، قارىز اقشا جالپى سانىنىڭ %26ىن يەلەپ، ءبىر ميلليون 466 مىڭ 700 شارۋا وتباسىن يگىلىككە كەنەلتكەن.

  شينجياڭ اۋىل - قىستاق امانات - قارىز كووپەراتيۆى اۆتونوميالى رايوننىڭ ”استىق ءوندىرىسىن ورنىقتىرۋ، ماقتا شارۋاشىلىعىن ساپالىلاندىرۋ، جەمىس - جيدەك شارۋاشىلىعىن كۇشەيتۋ، مال شارۋاشىلىعىن كوركەيتۋ، ەرەكشەلىكتى جەبەۋ“ سىندى كاسىپ سالاسىنىڭ دامۋىن ورنالاستىرۋدى مىقتاپ ارقاۋ ەتىپ، فينانس ونىمدەرىندە جاڭالىق اشىپ، فينانسپەن قامداۋدى ساپالىلاندىرىپ، شارۋا وتباسىلارىنا قارىز اقشا بەرۋ مولشەرىن كوبەيتىپ، كولەمىن ارتتىرۋدى ۇزدىكسىز ىلگەرىلەتىپ، اۋىل - قىستاقتى گۇلدەندىرۋ ستراتەگياسىن اتقارۋدى قارجى جاعىنان قامتاماسىز ەتتى. 7 - ايدىڭ سوڭىنا دەيىن، شينجياڭ اۋىل - قىستاق امانات - قارىز كووپەراتيۆىنىڭ شارۋا وتباسىلارىنا بەرەتىن قارىز اقشا قالدىق سوماسى وتكەن جىلدىڭ سوڭىنان 21 ميلليارد 323 ميلليون يۋان ارتىپ، ارتۋ مولشەرى %26.32 بولىپ، ءتۇرلى قارىز اقشانىڭ ارتۋ مولشەرىنەن 17.52 پايىز جوعارى بولدى.

  شارۋا وتباسىلارىنا قارىز اقشا بەرۋ كولەمىن ارتتىرۋ، مولشەرىن كوبەيتۋ ءۇشىن، شينجياڭ اۋىل - قىستاق امانات - قارىز كووپەراتيۆى وتىرۋدان، توسۋدان وتباسىلارىنا بارىپ ىرىقتى تۇردە قىزمەت وتەۋگە، تۇعىردا قىزمەت وتەۋدەن اتىز باسىنا بارىپ قىزمەت وتەۋگە ويىسىپ، سەنىمدىلىگىن باعالاۋدى قىستاق بويىنشا ىلگەرىلەتۋ قىزمەتىن ىشكەرىلەي ورىستەتىپ، شارۋا وتباسىلارىنا قارىز اقشا بەرۋ قامتىمىن ۇزدىكسىز ارتتىردى. 7 - ايدىڭ سوڭىنا دەيىن، ءبىر ميلليون 466 مىڭ 700 شارۋا وتباسىنا بەرىلەتىن قارىز اقشا ساقتالدى، بۇل وتكەن جىلدىڭ سوڭىنداعىدان 128 مىڭ 400 وتباسى ارتىپ، ارتۋ مولشەرى %9.59 بولىپ، سايكەس مەزگىلدەگىدەن 45 مىڭ 800 وتباسى ارتىپ، ارتۋ مولشەرى %3.22 بولىپ، شارۋا وتباسىلارىنا قارىز اقشا بەرۋ قامتىم مولشەرى ونان ارى جوعارىلادى.

  قارىز اقشا ءتاسىلى جاعىندا شينجياڭ اۋىل - قىستاق امانات - قارىز كووپەراتيۆى شاعىن سوماداعى امانات - قارىز اقشا، كەپىلگە قويۋ، كەپىل بولۋ سياقتى كوپ ءتۇرلى قارىز اقشا ءتاسىلىن شىعاردى ءارى ينتەرنەت جەلىسىندە امانات - قارىز اقشا جۇمىسىن بەلسەنە جۇرگىزىپ، ينتەرنەت جەلىسىندە فينانس ءونىمى ”نۇڭدايتۇڭنىڭ“ جالپىلاسۋ سەرپىنىن ارتتىردى. 7 - ايدىڭ سوڭىنا دەيىن، ”نۇڭدايتۇڭعا“ جيىنى 877 مىڭ 300 وتباسى قول قويدى، بۇل وتكەن جىلدىڭ سوڭىنان 101 مىڭ 800 وتباسى ارتىپ، ارتۋ مولشەرى %13.13 بولدى. ”نۇڭدايتۇڭ“ قالدىق سوماسى 38 ميلليارد 485 ميلليون يۋان ارتىپ، وتكەن جىلدىڭ سوڭىنان 12 ميلليارد 35 ميلليون يۋان ارتىپ، ارتۋ مولشەرى %45.50 بولدى.

  مۇنان سىرت، شينجياڭ اۋىل - قىستاق امانات - قارىز كووپەراتيۆى وركەندەتۋ فورماسىنداعى كومەكتەسۋ - سۇيەمەلدەۋ باعىتىنا تاباندى بولىپ، كەدەيلىكتەن ارىلعان حالىققا باعىتتالعان شاعىن سوماداعى امانات - قارىز اقشاسىن بەلسەنە تاراتىپ، كەدەيلىكتەن ارىلعان حالىقتىڭ ءوندىرىستى دامىتۋىنا قولداۋ كورسەتىپ، ”قارىز اقشا بەرۋگە تيىستىلەرىنە مۇمكىندىگىنشە قارىز اقشا بەرۋدى، قارىز اقشانى ويداعىداي الۋ، قارىز اقشادان ويداعىداي پايدالانۋدى“ جۇزەگە اسىردى. 7 - ايدىڭ سوڭىنا دەيىن، وسى جىلدا 62 مىڭ 900 وتباسىنا كەدەيلىكتەن ارىلعان حالىققا باعىتتالعان شاعىن سوماداعى امانات - قارىز اقشاسىنان ءبىر ميلليارد 961 ميلليون يۋان تاراتتى. 233 مىڭ 400 وتباسىنا بەرىلەتىن 7 ميلليارد 993 ميلليون يۋان كەدەيلىكتەن ارىلعان حالىققا باعىتتالعان شاعىن سوماداعى امانات - قارىز اقشاسى ساقتالعان، بۇل جىل باسىنداعىدان 28 مىڭ 400 وتباسى، ءبىر ميلليارد 20 ميلليون يۋان ارتىپ، ارتۋ مولشەرى جەكە - جەكە %13.85، %21.16 بولدى.

  كەزەكتە شينجياڭ اۋىل - قىستاق امانات - قارىز كووپەراتيۆى فيزيكالىق جەلى تۇيىنىنەن 1218ىن، جالپىعا ءتيىمدى فينانس قىزمەت وتەۋ پۋنكتىنەن 9361ىن قۇرىپ، فيزيكالىق جەلى تۇيىندەرىنىڭ بارلىق اۋىل - قالاشىقتى تولىق قامتۋىن جۇزەگە اسىردى ءارى POS اپپاراتى، اقشا قويۋ - الۋ اپپاراتى سياقتى فينانس قىزمەت وتەۋ ماشينا - جابدىقتارىنىڭ بارلىق قىستاقتى تولىق قامتۋىن جۇزەگە اسىرىپ، شارۋا وتباسىلارىنا فينانس قىزمەت وتەۋدى نەگىزدىك قۇرىلعىلارمەن قامتاماسىز ەتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.