جوۋ لينا:
ارمانىنان اينىماعان اۋىل - قىستاق وقىتۋشىسى
□ انار بۇلت / شينجياڭ گازەتىنىڭ ءتىلشىسى جاڭ رۇيلين
8 - ايدىڭ 17 - كۇنى جوۋ لينا مەن قىزمەتتەستەرى جۋىق ارادا باستالاتىن جاڭا وقۋ ماۋسىمىنا قاۋىرت دايىندالۋدا ەدى، بالاباقشاعا جاڭادان كەلەتىن بالالاردىڭ قاجەتتى ماتەريالدارىن، ينتەرنەتتە تىزىمدەلۋ بارىسىن تۇگەلدەي ءبىر - بىردەن اتا - انالارعا قۇلاقتاندىرىپ جاتتى.
”وقۋ باستاۋدىڭ الدى وتە قاربالاس بولادى ءارى ۇمىتكە تولى بولادى، جاڭادان كەلگەن كوپتەگەن بالا ءبىزدىڭ دوسىمىزعا اينالىپ، وسى ارادان ارمانعا قانات قاعۋدىڭ نەگىزىن قالايدى“، - دەدى جوۋ لينا.
جوۋ لينا قىزىلسۋ قىرعىز اۆتونوميالى وبلىسى اتۇش قالاسى جوعارعى اتۇش قالاشىعى ياۋىلىق قىستاعى ياۋىلىق بالاباقشاسى پارتيا ياچەيكاسىنىڭ شۋجيى، قوسىمشا ارناۋلى وقىتۋشىسى. بيىل 55 جاسقا كەلگەن ول شىنياڭدىق، 2006 - جىلى شينجياڭدىق كۇيەۋىنە ەرىپ اتۇش قالاسى جوعارعى اتۇش قالاشىعى قايراق قىستاعىنا كەلەدى. ول اسىلىندە كۇيەۋىمەن بىرگە ساۋدا ىستەمەكشى بولعان ەدى، ال بۇل ارادا وقىتۋشى بولۋ ارمانىنىڭ جۇزەگە اساتىندىعىن ويلاماعان - دى.
ساباق مىنبەسىندە تۇرعان سول ساتتە كىرشىكسىز كۇلىمسىرەگەن بەينەلەردىڭ جوۋ لينانىڭ وسى ارادا قالىپ، تامىر تارتىپ، تاباندى تۇردە اۋىل - قىستاق وقىتۋشىسى بولۋعا بەل بايلاۋىنا مۇرىندىق بولعاندىعى كۇنى بۇگىنگە دەيىن ەسىنەن كەتپەيدى.
ول كەزدە قىستاقتىڭ وقىتۋ ورتاسى جۇپىنى، مەكتەپ وقىتۋشى كۇشى ءالسىز، وقىتۋداعى ماسەلەلەردى تۇگەلدەي ءوز كۇشىنە سۇيەنىپ ىزدەنۋگە تۋرا كەلەتىن. وسىنداي رەالدىق الدىندا جوۋ لينا شەگىنشەكتەمەدى.
بالالاردىڭ تەز ارادا مەملەكەتتە ءبىر تۇتاس قولدانىلاتىن ءتىل - جازۋدى يگەرۋىنە مۇمكىندىك جاساۋ ءۇشىن، جوۋ لينا كوپتەگەن ادىستەردى ويلاستىردى. ول ۇنەمى تۇندەلەتە باس الماي ساباق دايىنداپ، ءتۇرلى ۇيرەنۋ كارتچكاسىن جاسادى. ول قىزىقتى قيمىلداردى ساباقحاناعا ەنگىزىپ، ىقپالداستىق بارىسىندا بالالاردىڭ ۇيرەنۋ قىزعىندىلىعىن ارتتىرىپ، اسەرلى تاسىلدەردى قولدانۋ ارقىلى وقۋشىلاردىڭ وقۋلىق مازمۇنىن يگەرۋىن جەبەدى.
ۋاقىت بىلىنبەي زىمىراپ ءوتىپ جاتتى، 15 جىل ىشىندە جوۋ لينا ىلگەرىندى - كەيىندى 2 رەت قىزمەت ورنىن اۋىستىردى، باستاۋىش مەكتەپ وقىتۋشىسىنان اۋىل - قىستاق بالاباقشا وقىتۋشىسىنا اينالدى. جاڭا باسەكە، جاڭا وقىتۋ مىندەتى الدىندا جوۋ لينا قاي - قاشان دا كۇش - قۋاتىن تاسقىنداتىپ، ءتۇرلى ۇيرەنۋ كۋرستارىنا بەلسەنە قاتىناستى، باسقا وقىتۋشىلاردىڭ وقىتۋداعى ەرەكشەلىكتەرىن ۇيرەنۋ ۇلگىسى ەتىپ، باسقارۋ قابىلەتىن ۇزدىكسىز جوعارىلاتىپ، ىزدەنۋ جانە العا باسۋ بارىسىندا جوۋ لينا بالالاردىڭ كوڭىلىندەگى مەيىرىمدى ”بالاباقشا باستىعى اناسىنا“، قىزمەتتەستەردىڭ نازارىنداعى ”قازىنالى بالاباقشا باستىعىنا“ اينالدى. ول ىلگەرىندى - كەيىندى داڭقپەن ”بۇكىل مەملەكەتتىك ەڭ ارداقتى اۋىل - قىستاق وقىتۋشىسى“، ”بۇكىل مەملەكەتتىك وزگەلەرگە كومەكتەسۋدى قۋانىش سانايتىن ءمورال ۇلگىسى“، ”بۇكىل مەملەكەتتىك 8 - ناۋرىز قىزىلتۋشىسى“، ”اۆتونوميالى رايوندىق ۇلتتار ىنتىماعىنداعى، العاباسارلىعىنداعى ۇلگىلى جەكە“ سياقتى اتاقتارعا يە بولادى.
”قاي سالادا ىستەسەڭىز سول سالانى سۇيە ءبىلىڭىز، مەنىڭ ىستەگەنىم ءوزىمنىڭ قىزۋ سۇيەتىن كاسىبىم، مەن قالايشا بار ىنتا - پەيىلىم مەن كۇش - قۋاتىمدى ارنامايمىن؟“، - دەيدى جوۋ لينا. ارماندى جۇزەگە اسىرۋعا تاباندىلىق كەرەك، ۇيعۇر ءتىلىن بىلمەسەڭىز ۇيرەنۋىڭىز كەرەك، ءبىر ءتۇرلى ۇيرەنۋ ءتاسىلى جاراماسا تاعى ءبىر ءتۇرلى تاسىلگە اۋىسۋ كەرەك، بالا تەنتەكتىك ىستەپ قارسىلىق كورسەتسە ونىمەن دوستاسۋ كەرەك، ونى نازالانۋدان ارىلتىپ، العا قاراي جەتەكتەۋ كەرەك، ”ءادىس - شارا قاشاندا قيىنشىلىقتان كوپ بولادى، تەك ءبىز باس تارتپاساق بولعانى“.
جۇرە كەلە جوۋ لينادا وزىنە تيەسىلى وقىتۋدى باسقارۋ ۇلگىسى قالىپتاستى، ول بولسا ويىن نومىرلەرى ارقىلى تاربيەلەپ، قىزىعۋشىلىق جەتىلدىرۋ. ول بالالارعا دا، وقىتۋشى، جۇمىسشى - قىزمەتكەرلەرگە دە وسىنداي مامىلەدە بولدى. قىزمەتتەستەرىنىڭ العا باسۋىنا كومەكتەسۋ ءۇشىن، جوۋ لينا ىجداعاتتىلىقپەن ءتۇرلى ىقپالداستىق قيمىلدارى مەن جارىستاردى ۇيىمداستىرىپ، وقىتۋشىلاردى باسەكەلەسىپ، ءبىرىن - ءبىرى باسىپ وزۋ بەلسەندىلىگىن ارتتىردى.
”قىزىعۋشىلىق ەڭ جاقسى وقىتۋشى، تەك قىزىققاندا عانا، ىزدەنۋگە بولادى، قىزۋ سۇيگەندە عانا، تاباندىلىق تانىتا الاسىز. قازىر ءبىزدىڭ وقىتۋ ورتامىز ايرىقشا جاقساردى، ارقامىزداعى جۇك ءتىپتى دە اۋىرلادى. بۇدان كەيىن مەن بارىمدى سالىپ، جاس وقىتۋشىلاردىڭ ەسەيۋىنە ءتىپتى دە جاقسى ورتا جانە تۇعىر ازىرلەيمىن“، - دەدى جوۋ لينا.
جوۋ لينانىڭ جەتەكشىلىگىندە جانە ىقپالىندا وقىتۋشى، جۇمىسشى - قىزمەتكەرلەردىڭ قابىلەتى مەن ساپاسى ۇزدىكسىز جوعارىلادى، وسى 2 جىلدا ياۋىلىق بالاباقشاسىنان ءبىر بالاباقشا باستىعى، ءبىر باستاۋىش مەكتەپ پارتيا ياچەيكاسىنىڭ شۋجيى جانە ءبىر توپ جاڭا، جاس وقىتۋشى داڭقپەن پارتياعا مۇشە بولدى.
بيىل جوۋ لينانىڭ قىزى داشۋە ءبىتىرىپ شينجياڭعا قايتىپ كەلىپ، ول دا حالىق وقىتۋشىسى بولدى. قىزىنىڭ تالعامى جونىندە جوۋ لينا بىلاي دەدى: ”ءوزىنىڭ ارمانىن جۇزەگە اسىرۋ شاتتانارلىق ءىس، مەن قىزىمنىڭ ءوزىنىڭ ارمانىنان اينىماي، ءوزى ۇناتاتىن قىزمەتى ءۇشىن ءوزىن ارناۋعا پەيىل بولىپ، ساتسىزدىك الدىندا ەرلىكپەن العا ىلگەرىلەپ، ءوزىنىڭ وكىنىشسىز ءومىرىن تۇلعالاۋىن ءۇمىت ەتەمىن“.
