تيانشان تورى   ›   جاڭالىقتار   ›   ەل ءىشى حابارى

اۋا تاۋىنىڭ كورىكتى جاڭا كارتيناسىن قۇلشىنا سىزدى

□ شينحۋا اگەنتتىگىنىڭ تىلشىلەرى جي جىپىڭ، يان يۇڭ

  ”حاتتارىڭىزدى وقىپ، كەدەيلىكتەن ارىلتۋدان قامال الۋدىڭ اۋا تاۋىنا اكەلگەن تەرەڭ وزگەرىستەرىن ءبىلىپ، اۋا حالقىنىڭ پارتيا دەپ ىنتىققان، مەملەكەت دەپ ىنتىققان ىقىلاستى سۇيىسپەنشىلىگىن سەزىنىپ، توتەنشە ءسۇيىندىم“.

  8 - ايدىڭ 19 - كۇنى باس شۋجي شي جينپيڭ يۇننان ولكەسى لينساڭ قالاسى ساڭيۋان ۋازۋ اۆتونوميالى اۋدانىنىڭ شەكارا قىستاقتارىنداعى ساقا ياچەيكا شۋجيلەرىنە جاۋاپ حات جازىپ، ولاردىڭ ۇلگىلىك، باستاماشىلدىق رولدارىن ساۋلەلەندىرىپ، اۋىلداستاردى باستاپ كورىكتى مەكەندى جاقسى قۇرۋعا، ۇلتتار ىنتىماعىن جاقسى قورعاۋعا، قاسيەتتى مەملەكەت تەرريتورياسىن جاقسى قورعاۋعا شابىتتاندىردى.

  بەيجيڭنەن كەلگەن بۇل حات باس شۋجي شي جينپيڭنىڭ ىقىلاستى تاپسىرماسىن، ىزگى تىلەگىن، سونداي - اق شەكارا وڭىردەگى بۇقاراعا دەگەن تەرەڭ سۇيىسپەنشىلىكتى ساعىنىشىن الا كەلىپ، اۋا تاۋىن دۋمانعا بولەدى! جەرگىلىكتى كادر - بۇقارا باس شۋجيدىڭ تاپسىرماسىن ەستە بەرىك ساقتاپ، ەكپىندەي ىلگەرىلەگەن جاڭا ساپارعا العىس ايتىپ، جاڭا داۋىردەگى اۋا حالقىنىڭ باقىت جىرىن شىعانداتاتىندىقتارىن ءبىلدىردى.

اۋا حالقى جاڭا ءاندى تاعى شىعانداتتى

  8 - ايدىڭ 20 - كۇنى تۇستەن بۇرىن ساڭيۋان اۋدانى بانحۇڭ اۋىلى بانحۇڭ قىستاعى شيابانبا گرۋپپاسىندا بامبۋك ورمانى اراسىنا كىرىكتىرە سالىنعان ۋازۋ ۇلتى ەرەكشەلىگىنە يە قاتار - قاتار تۇرعىن ۇيلەر تۇر، قىستاقتاعى بىرنەشە ءتۇپ ۇلكەن رۇڭشۋ اعاشىن قورشاعان الاڭقايدا مەرەكەلىك سالتانات كيىمدەرىن كيىپ العان ۋازۋ ۇلتى بۇقاراسىنىڭ جۇزدەرىنەن شاتتىق كۇلكى ەسەدى.

  يۇننان ولكەلىك پارتكومداعى نەگىزگى جاۋاپتى جولداس باس شۋجي شي جينپيڭنىڭ جاۋاپ حاتىن سالتاناتپەن وقىدى. وقىلىپ بولعاننان كەيىن، بۇقارا شاتتانا الاقايلادى، ۋازۋ ۇلتى جاستارى اعاش دابىل سوعىپ، ەر - ايەل، كارى - جاس «اۋا حالقى جاڭا ءان شىرقايدى» ءانىن ايتىپ، وزدەرىنىڭ پارتيا دەپ ىنتىققان، مەملەكەت دەپ ىنتىققان شىنايى سۇيىسپەنشىلىكتەرىن ءبىلدىردى، اۋەزدى ءان، شات كۇلكى جاسىل تاۋلار مەن تۇنىق سۋلار اراسىندا جاڭعىردى.

  وتاننىڭ باتىس وڭتۇستىك شەكاراسىنداعى ساڭيۋان اۋدانى بۇكىل ەل بويىنشا ۋازۋ ۇلتى ەڭ شوعىرلى قونىستانعان اۋدان، تاۋى جاسىل، سۋى تۇنىق، كوگىلدىر بامبۋك، كورىنىسى كوركەم ەكولوگيالىق تانىسقىعا يە. تاۋى بيىك، سۋدان ءوتۋ قيىن، قاتىناسى تۇيىق سياقتى سەبەپتەردەن، ساڭيۋانداعى ۋازۋ حالقى كەزىندە ۇزاق ۋاقىت بويى اۋىر كەدەيلىكتە تۇردى.

  جاپپاي دوڭگەلەك داۋلەتتى قوعام ورناتۋدا بىردە - ءبىر ۇلتتى قاعىس قالدىرۋعا بولمايدى. پارتيا 18 - قۇرىلتايىنان بەرى جەرگىلىكتى ورىن كەدەيلىكتەن ارىلتۋدان قامال الۋ قادامىن جەدەلدەتىپ، كەدەي بۇقارانىڭ ءوندىرىس، تۇرمىس شارت - جاعدايىن كورنەكتى جاقسارتىپ، تۇرعىن ءۇي حاۋىپسىزدىگى، اۋىز سۋ حاۋىپسىزدىگى، ەمدەلۋ، بالنيتساعا جاتۋ، پەرزەنتتەرىنىڭ وقۋعا ءتۇسۋى سياقتىلاردى تۇگەلدەي قامتاماسىز ەتتى. 2019 - جىلدىڭ اياعىنا بارعاندا، وسى اۋدانداعى 67 كەدەي قىستاق، 40 مىڭنان استام كەدەي جان سانى تۇگەلدەي كەدەيلىكتەن ارىلدى.

  جاقىندا ساڭيۋان اۋدانى بانحۇڭ اۋىلىنىڭ، بانلاۋ اۋىلىنىڭ 9 شەكارا قىستاعىنداعى 10 ساقا ياچەيكا شۋجيى باس شۋجي شي جينپيڭگە حات جازىپ، ۋازۋ حالقىنىڭ كەدەيلىكتەن ارىلىپ، تاماشا تۇرمىس وتكىزگەن جاعدايىن مالىمدەپ، ۇرپاقتار بويى كوممۋنيستىك پارتياعا ىلەسىپ، اتا مەكەندى ءتىپتى دە كورىكتى، شۇرايلى ەتىپ قۇرۋ بەرىك بەكىمدەرىن ءبىلدىردى.

  71 جاستاعى يان ۋىڭ حات جازعان ساقا ياچەيكا شۋجيلەردىڭ ءبىرى. تاۋ اراسىندا جاڭادان سالىنعان سەرۋەن جولى، قىستاقتاعى بال مانەرلەۋ زاۆودى، ۇيدەگى سۋمەن شايىلاتىن دارەتحانا... وسى جاڭا زاتتاردى ءبىر - بىرلەپ اتاي تۇرىپ، ول تەبىرەنە بىلاي دەدى: ”بۇرىن ءبىز ءشوپ كۇركەلەردە تۇرىپ، بالشىق جولدا جۇرەتىنبىز، ءبىر جىلدىڭ ءتورت ماۋسىمىندا تۇگەلدەي قارنىمىز تويىپ كورمەدى. قازىر قىستاقتا قابات ۇيلەر سالىندى، جەڭىل اۆتوكولىكتەر اعىلىپ ءجۇر، تۇرمىسىمىز بارعان سايىن جاقساردى!“.

  مىڭ جىلدىق كەدەيلىك تاريحقا اينالىپ، اۋا تاۋىندا وراسان زور وزگەرىستەر تۋىلدى.

  بالالار مەكتەپتە ءنارلى تاعامدار جەيدى، اۋا تاۋىنان توپ - توپ جوعارى مەكتەپ وقۋشىلارى شىقتى، ساڭيۋان اۋدانىنىڭ جان باسىندىق ءبىلىم الۋ جاس شەگى 2014 - جىلعى 7.9 جىلدان 2018 - جىلعى 9.1 جىلعا جوعارىلادى؛

  ساڭيۋان ۋاشان اۋەجايى سالىنىپ ۇشاق قاتىنادى، بۇكىل اۋدانداعى اۆتوكولىك قاتىناۋ قاشىقتىعى ”12 - بەسجىلدىقتاعىدان“ ءبىر قاتتالدى، اۋىل - قىستاق تاس جولىنىڭ قاتتىلانۋ مولشەرى بۇكىل ولكەنىڭ الدىنا شىعىپ، جوعارى جىلدامدىقتى تاس جول داۋىرىنە ءوتۋ الدىندا تۇر؛

  قىستاقتاردىڭ بارلىعىندا ەمحانا بار، بارلىق ادامدا ەمدەۋ قامسىزداندىرۋى بار، ۋازۋ باۋىرلاستاردىڭ اۋرۋ كورسەتۋى ەندىگارى قيىن بولمايدى...

  ساڭيۋان اۋداندىق پارتكومنىڭ شۋجيى ياڭ جىتيڭ بىلاي دەدى: ”ەكىدەن تارىقتىرماۋ، ءۇشتى قامتاماسىز ەتۋدى“ تياناقتاندىرۋ نەگىزىندە، ساڭيۋان ”ادام مەن مال اۋاشا تۇرۋ، دارەتحانا سالۋ، وشاق باسىن وزگەرتۋ، گۇل، كوكونىس ەگۋدى“ تۇتقا ەتىپ، اۋىل - قىستاقتىڭ قونىس ورتاسىن جاقسارتىپ، بۇكىل ەل بويىنشا قىستاقتاردى تازارتۋ ارەكەتىندەگى وزات اۋدان بولىپ ماداقتالىپ - سيلاندى.

  قازىر اۋا تاۋىندا بارلىق قىستاق سۋرەتتەي كوركەم، ءار ۇلت بۇقاراسى قادام تاستاعان بىرگە بايۋ جولى بارعان سايىن كەڭەيە ءتۇستى.

  شەكارا وڭىردەگى حالىقتىڭ جۇرەگى پارتيا دەپ سوقتى

  باس شۋجي شي جينپيڭ جاۋاپ حاتىندا ”سىزدەر تۇگەلدەي ساقا شۋجيسىزدەر، ۇزاق ۋاقىت شەكارا وڭىردە قىزمەت ىستەپ، تۇرمىس كەشىردىڭىزدەر، شەكارا حالقىنىڭ بايۋىنىڭ، شەكارانىڭ ورنىقتىلىعىنىڭ ماڭىزىن اناعۇرلىم تۇسىنەسىزدەر“، - دەدى.

  باس شۋجي شي جينپيڭگە حات جازعان بانحۇڭ اۋىلىنىڭ، بانلاۋ اۋىلىنىڭ 9 شەكارا قىستاعىنىڭ سان ۋىڭ، سان گۇي، ى سۇڭ، سان مۋگا، ني حۇڭ، ساي جين، يان ۋىڭ، يان تۋان، سان مۋشۇي، يان بان سىندى 10 ساقا ياچەيكا شۋجيىنىڭ اراسىندا كەيبىرەۋلەر الدىڭعى عاسىردىڭ 70 -، 80 - جىلدارىندا قىستاق پارتيا ياچەيكاسىنىڭ شۋجيى بولعان، كەيبىرەۋلەرىنىڭ مىندەت اتقارعانىنا 30 جىلدان استى.

  ”كوپ قازدىڭ بيىك ۇشۋى الداعى قازدىڭ باستاۋىنان، كەمەنىڭ تۇمەن جىڭ جۇك كوتەرۋى رولشىنىڭ رول ۇستاۋىنان“. اۋا تاۋىنداعى وراسان زور وزگەرىستە وسى ساقا ياچەيكا شۋجيلەرى مەن شەكارا وڭىرگە ۇزاق ۋاقىت تامىر تارتقان پارتيالى كادرلار بۇقارانى باستاپ شەكارانى كۇزەتىپ، شەكارانى بەكەمدەپ، كەدەيلىكتەن ارىلتىپ، بايىتۋداعى جانە اۋىل - قىستاقتى گۇلدەندىرۋدى ىلگەرىلەتۋدەگى نەگىزگى تىرەك، باستاۋشى قاز بولا ءبىلدى.

  الدىڭعى عاسىردىڭ 80 - جىلدارىندا يان ۋىڭ بانحۇڭ اۋىلى بانحۇڭ قىستاعى پارتيا ياچەيكاسىنىڭ شۋجيى بولىپ، 2016 - جىلى عانا زەينەتكە شىققان. وسى ارالىقتا ول ۋاكىلدىك ەتكەن پارتيا مۇشەلەرى باستاماشىلدىق، ۇلگىلىك رولدارىن ساۋلەلەندىرىپ، بۇقارانى باستاپ جول سالىپ، سۋ تۇتاستىرىپ، كاسىپ سالاسىن گۇلدەندىرىپ، تاۋلى اۋىلدىڭ دامۋىن ۇزدىكسىز ىلگەرىلەتتى.

  2016 - جىلى 38 جاستاعى ساي رۇڭ يان ۋىڭنىڭ ”ۇتىلامالى تاياقشاسىن“ قولىنا الىپ، بانحۇڭ قىستاعى پارتيا ياچەيكاسىنىڭ شۋجيى مىندەتىن ارقالادى. ونىڭ مىندەتكە وتىرعاننان كەيىنگى العاشقى ءىسى شيابانبا گرۋپپاسىنداعى ارحيۆ تۇرعىزىلىپ، كارتچكالاندىرىلعان 29 وتباسىن قالاي كەدەيلىكتەن ارىلتۋدى جوسپارلاۋ بولدى.

  جوعارى دارەجەلى پارتكوم مەن ۇكىمەتتىڭ قولداۋىندا، ساي رۇڭ بۇقارانى باستاپ اۋىل - قىستاق ساياحاتىنا كۇش سالىپ، شيابانبا گرۋپپاسىندا جول، كورىنىس تاماشالاۋ تۇعىرى سياقتى قۇرىلعىلاردى سالىپ، اۋلا شاعىن كورىنىسىن تۇلعالاپ، بۇكىل اۋىلداعى العاشقى بال مانەرلەۋ زاۆودىن اشتى، شارۋالاردىڭ تۇرعان ءۇيى، وسىرگەن كوكونىسى، باققان مالى تۇگەلدەي كورىنىسكە اينالىپ، اۋىل - قىستاقتىڭ دامۋى تاسقىنداعان ومىرشەڭدىك كۇشكە يە بولدى. 2019 - جىلى شيابانبا گرۋپپاسىنداعى 29 كەدەي وتباسى ءساتتى تۇردە كەدەيلىكتەن ارىلدى.

  2019 - جىلى بانحۇڭ قىستاعىندا اۋىل - قىستاق ساياحاتى شارۋالار كاسىپتىك سەلبەستىك كووپەراتيۆى قۇرىلدى، بىلتىر ولاردىڭ ساياحاتتان كىرگىزگەن جالپى كىرىسى 2 ميلليون 300 مىڭ يۋانعا جەتتى. جاقىندا وسى قىستاقتاعى 296 وتباسى جارناگەر رەتىندە جارنا قوسىپ، سەلبەستىك كووپەراتيۆتەن 300 نەشە مىڭ يۋاننان ناق اقشا پايدا ءبولىسىن الدى.

  ”مەن بيىل 1000 نەشە يۋان پايدا ءبولىسىن الدىم. قىستاق ياچەيكا شۋجيىنىڭ جاقسى باستاۋىندا ءبىزدىڭ تۇرمىسىمىز بالدان دا ءتاتتى بولدى!“، - دەدى كەزىندە قىستاقتا ارحيۆ تۇرعىزىلىپ، كارتچكالاندىرىلعان كەدەي شارۋا ياڭ ۋىنشين.

  جاقىنداعى جىلداردان بەرى ساڭيۋان پارتيا قۇرىلىسى ارقىلى ەكونوميكالىق دامۋ، كاسىپ سالاسى قۇرىلىسى، شەكارا ءوڭىردى كۇشەيتىپ، شەكارانى بەكەمدەۋ، ۇلتتار ىنتىماعى سياقتى قىزمەتتەرگە ءبىر تۇتاس باسشىلىق ەتىپ، بۇقارا تۇرمىسىنىڭ باقىت كۇيىن شىعانداتتى.

  جۇڭگو - بيرما شەكاراسىنداعى ماڭكا قالاشىعى باييان قىستاعىندا شەكارا ىستەرى قىزمەتكەرى جوۋ گوۋىن 50 جىل بويى تاباندىلىقپەن شەكارا كۇزەتىپ، شەكارا قورعاپ، شەكارا سىزىعىنداعى ”ءتىرى شەكارا بەلگىسىنە“ اينالىپ، تاباندىلىعىمەن ءبىر كوممۋنيستىك پارتيا مۇشەسىنىڭ پارتيا مەن وتانعا دەگەن شەكسىز ادالدىعىن ءتۇسىندىردى.

  دانجيا اۋىلى انيە قىستاعىندا شىعىس اۆياتسيا توبىنىڭ مىندەتتەپ جىبەرۋىمەن انيە قىستاعىنا كەلىپ قىستاقتا تۇرعان ءبىرىنشى شۋجي بولعان مەي يباۋ ياچەيكا قۇرىلىسىن كۇشەيتۋدى كۇش سالۋ ءتۇيىنى ەتىپ، ءبىر جىلدا قىستاق كوللەكتيۆىنىڭ ەكونوميكالىق تيجارات كىرىسىن 30 مىڭ يۋاننان 2 ميلليون يۋانعا اسىردى.

  ”شەكارا بويىنداعى دوڭگەلەك داۋلەتتى قىستاقتان“، ”كورىكتى اۋىل - قىستاقتان“ ”كورىكتى اۋدان قالاشىعى“ قۇرىلىسىنا دەيىن... اۋا تاۋىنىڭ كونە بەينەسى شىت جاڭا تۇسكە ەنىپ، ”پارتيانىڭ شۇعىلاسى شەكارا ءوڭىردى نۇرلاندىرۋىنىڭ، شەكارا وڭىردەگى حالىقتىڭ جۇرەگىنىڭ پارتيا دەپ سوعۋىنىڭ“ جاندى كارتيناسىنا اينالدى.

  باس شۋجيدىڭ جاۋاپ حاتىن تىڭداعاننان كەيىن، يان ۋىڭ بىلاي دەدى: ”ءبارىمىز قاتتى قۋاندىق ءارى قاتتى اسەرلەندىك، باس شۋجي، پارتيا ورتالىق كوميتەتى الاڭسىز بولسىن، ءبىز پارتيانىڭ سوزىنە ماڭگى قۇلاق اسىپ، پارتياعا ىلەسىپ، ۇلتتار ىنتىماعىن كۇشەيتەمىز، شەكارا ءوڭىر قۇرىلىسىن جاقسارتامىز، وتان تەرريتورياسىن جاقسى قورعايمىز“.

  اۋا تاۋىنىڭ كوركەم كارتيناسىن سىزدى

  ”بارلىق قىستاق دابىل قاعىپ، كەرناي شالىپ، اۋالىقتار جاڭا انگە باستى...“ 20 - عاسىردىڭ 60 - جىلدارىندا ۋازۋ حالقىنىڭ كوممۋنيستىك پارتيانىڭ باسشىلىعىندا تىڭ تىرشىلىككە يە بولىپ، قوجايىن بولعاندىعىن بەينەلەيتىن «اۋا حالقى جاڭا ءان شىرقايدى» ءانى چاڭجياڭ الابىنا كەڭىنەن تارالدى.

  العاشقى قوعامدىق تۇرمىسقا قوش ايتۋدان تۇتاس ۇلت بويىنشا كەدەيلىكتەن ارىلۋعا، 2 - رەتكى ”مىڭ جىلدىق شارىقتاۋدى“ جۇزەگە اسىرۋعا دەيىن اۋا تاۋىنداعى وراسان زور وزگەرىس پارتيا بەكىمىنىڭ، حالىق تىلەگىنىڭ كۇش ۇيىستىرۋداعى ۇلىلىعىن تاعى ءبىر رەت كورسەتتى.

  ”سىزدەردىڭ ۇلگىلىك، باستاماشىلدىق رولدارىڭىزدى ۇزدىكسىز ساۋلەلەندىرىپ، اۋىلداستاردى ماڭگى پارتيانىڭ سوزىنە قۇلاق اسۋعا، پارتياعا ىلەسۋگە باستاپ، كورىكتى مەكەندى جاقسى قۇرىپ، ۇلتتار ىنتىماعىن جاقسى قورعاپ، قاسيەتتى مەملەكەت تەرريتورياسىن جاقسى قورعاپ، جاڭا داۋىردەگى اۋا حالقىنىڭ باقىت ءانىن اسقاقتاتا شىرقاۋلارىڭىزدى ءۇمىت ەتەمىن“.

  باس شۋجي شي جينپيڭنىڭ ىقىلاستى تاپسىرماسى ناقتى ىستەۋدىڭ، قاجىرلىلىقپەن ىستەۋدىڭ تەلەگەي كۇشىن ۇيىستىرۋدا.

  اۋا تاۋىنا بارساڭىز، بارلىق جەردەن تازا دا كورىكتى قىستاقتاردى، بارلىق جەردەن كادرلار مەن بۇقارانىڭ كاسىپ سالاسىن قۇلشىنا گۇلدەندىرگەن بەينەسىن، بارلىق جەردەن كورىكتى اتا مەكەندى جەدەل قۇرىپ جاتقان جالىندى كورىنىستى كورەسىز.

  ”مۇنان كەيىن ءبىز كاسىپ سالاسىن بارىنشا گۇلدەندىرىپ، تۇنىق سۋدى، جاسىل تاۋدى جاقسى قورعاپ، شەكارا لەنياسىن بەكەم كۇزەتىپ، باقىتتى تۇرمىستى ءتىپتى دە جاقسارتامىز!“، - دەدى ساي رۇڭ.

  ”ءوزىڭ ىستەسەڭ، كيىم مەن استىقتان تارشىلىق تارتپايسىڭ!“. شيابانبا گرۋپپاسىندا ”بانحۇڭ 4 جەڭگەي“ اسحاناسى بولىمشە ءدامحاناسىنىڭ سىرتقى داۋالىنداعى جازبا ۇران كوزگە ەرەكشە ءتۇسىپ تۇر. 20 - عاسىردىڭ 60 - جىلدارىندا بانحۇڭ اسحاناسىنداعى 4 جەڭگەيدىڭ كۇتىپ وتىرماي، يەك سۇيەمەي، ءوز كۇشتەرىنە سۇيەنىپ ءومىر ءسۇرىپ، بۇكىل ىنتا - پەيىلىمەن حالىق ءۇشىن ىستەگەن ىزگى ىستەرى بۇكىل ەلدى ءدۇر سىلكىندىردى. جاقىنداعى جىلداردان بەرى ءار دارەجەلى پارتكومدار مەن ۇكىمەتتەردىڭ قولداۋىندا، ”بانحۇڭ 4 جەڭگەي“ اسحاناسى ساۋداسىن قالپىنا كەلتىرىپ قانا قالماستان، كوپتەگەن بولىمشە ءدامحانالار اشىپ، اتىن ەستىپ الىستان كەلگەن قوناقتاردى توپ - توبىمەن قارسى الدى.

  ”كەدەيلىكتەن ارىلتۋدان قامال الۋدىڭ اۋا تاۋىنا جاساعان ەڭ زور ىقپالىنىڭ ءبىرى كەدەي بۇقارانىڭ يدەيا كوزقاراسىن وزگەرتىپ، كوپشىلىكتىڭ تاماشا تۇرمىس كەشىرۋ سەنىمى مەن بەكىمىن قاۋلاتقاندىعى بولدى. ساڭيۋاننىڭ كەدەيلىك قالپاعىن ءبىر جىل بۇرىن الىپ تاستاۋى وسىنىڭ دالەلى“، - دەدى ساڭيۋان اۋدانىنىڭ اكىمى جوۋ پيڭ.

  كەدەيلىكتەن ارىلۋ باقىتتى تۇرمىسقا اياق باسۋداعى ماڭىزدى ءبىر قادام، شەكارا وڭىردەگى حالىق بايىسا عانا شەكارا ءوڭىر ورنىقتى بولادى.

  ساڭيۋان اۋەلگى ۋازۋ ۇلتى مادەنيەتى، ەكولوگيا بايلىعى جانە شەكارا بويىندا ەسىك اشۋ سىندى 3 ۇلكەن ارتىقشىلىقتى تياناق ەتىپ، نەگىزدىك قۇرىلعى قۇرىلىسىن تەزدەتۋ، جاسىل كاسىپ سالاسىن ىلگەرىلەتۋ، كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرىپ كاسىپ سالاسىنىڭ دارەجەسىن جوعارىلاتۋ سياقتى 5 ۇلكەن ارەكەتتى اتقارۋ ارقىلى شەكارا وڭىردەگى ۇلتتىق ءوڭىردىڭ باياندى دامۋىنىڭ جاڭا جولىن بەلسەنە قاراستىرادى.

  ساڭيۋان اۋدانىنداعى ۋازۋ ۇلتى بۇقاراسىندا ەجەلدەن وتاندى ءسۇيىپ، شەكارانى كۇزەتەتىن داڭقتى ءداستۇر بار. ىندەت تۋىلعاننان بەرى بانلاۋ اۋىلى شيابانلاۋ قىستاعىنىڭ 71 جاستاعى ساقا ياچەيكا شۋجيى ساي جين شەكاراداعى ىندەتتەن ساقتانۋ - تىزگىندەۋدىڭ ءبىرىنشى شەبىندە تاپجىلماي قىزمەت ىستەدى.

  ”كۇننىڭ ىستىقتىعى، ماسانىڭ شاعۋى ەشتەڭەگە تۇرمايدى، ءبىر كوممۋنيستىك پارتيا مۇشەسى رەتىندە، مەن شەكارانىڭ ءبىر تۇتام ءشوپ، ءبىر ءتۇپ اعاشىنا دەيىن جاقسى كۇزەتىپ، پارتيانى ءسۇيۋدىڭ، وتاندى ءسۇيۋدىڭ، وتباسىن ءسۇيۋدىڭ ’ۇتىلامالى تاياقشاسىن‘ ۇرپاقتان - ۇرپاققا جالعايمىن!“، - دەدى ساي جين.

  جاڭا ساپاردا شەكارا وڭىردەگى ءار ۇلت ۇلاندارى باس شۋجي شي جينپيڭنىڭ تاپسىرماسىن ەستە بەرىك ساقتاپ، اۋا تاۋىنىڭ كورىكتى جاڭا كارتيناسىن قۇلشىنا سىزۋدا!

  (شينحۋا اگەنتتىگىنىڭ 8 - ايدىڭ 21 - كۇنى كۇنميڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.