تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

كوللەكتيۆ كومەكتەسۋ - سۇيەمەلدەۋ ەگىس الاڭى قىزىلسۋ وبلىسىنداعى اۋىل - قىستاقتاردى گۇلدەنۋگە باستادى

جياڭسۋ:

كوللەكتيۆ كومەكتەسۋ - سۇيەمەلدەۋ ەگىس الاڭى قىزىلسۋ وبلىسىنداعى اۋىل - قىستاقتاردى گۇلدەنۋگە باستادى

انار بۇلت / شينجياڭ گازەتىنىڭ ءتىلشىسى سۇڭ ۋيگو، ەرىكتى ءتىلشى چىن حۇي

  قوي قورالاردى تازالادى، زارارسىزداندىرىپ ىندەتتەن ساقتاندى، جەم - ءشوپ ازىرلەدى...

  8 - ايدىڭ 15 - كۇنى تاڭەرتەڭ، اتۇش قالاسى قاراجول اۋىلى شەيىت قىستاعىنىڭ 8 تۇرعىنى جاڭادان سالىنىپ پايدالانۋعا بەرىلگەن ”جياڭسۋ سۇيىسپەنشىلىگى . كوللەكتيۆ كومەكتەسۋ - سۇيەمەلدەۋ ەگىس الاڭىنا“ كەلىپ، ءبىر كۇندىك قاربالاس جۇمىستارىن باستادى.

  ”جياڭسۋدىڭ ءبىزدىڭ قىستاققا كومەكتەسىپ سالىپ بەرگەن كوللەكتيۆ كومەكتەسۋ - سۇيەمەلدەۋ ەگىس الاڭى وتە جاقسى، كەدەيلىكتەن ارىلعاننان كەيىن تومەن كىرىستى قىستاق تۇرعىندارىنىڭ كىرىستەرىن ورنىقتى قاداممەن ارتتىرۋ ماسەلەسىن شەشۋمەن بىرگە، قىستاق تۇرعىندارىنىڭ مال باعىمشىلىعى تەحنيكاسىن ۇيرەنۋىنە مۇمكىندىك تۋدىرىپ، قىستاق پارتيا ياچەيكاسىنىڭ اۋىل - قىستاقتى گۇلدەندىرۋ سەنىمىن كۇشەيتتى“، - دەدى شەيىت قىستاعى پارتيا ياچەيكاسىنىڭ شۋجيى ليۋ شيحۋان قۋانىشپەن.

  2019 - جىلى اتۇش قالاسى قاراجول اۋىلى تۇلعالىق كەدەيلىكتەن ارىلۋدى جۇزەگە اسىردى.

  كەدەيلىكتەن ارىلعان وتباسىلاردىڭ قايتالاي كەدەيلەسۋىنىڭ الدىن الىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋ ءۇشىن، جياڭسۋ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى ىلگەرىندى - كەيىندى قاشقار ايماعىنىڭ جاڭاءشار اۋدانى، اقسۋ ايماعىنىڭ كەلپىن اۋدانى سياقتى جەرلەرگە باردى، سونداي - اق جياڭسۋ ولكەسىنىڭ قاتىستى اۋىل شارۋاشىلىق تاراۋلارى، عىلمي زەرتتەۋ مەكەمەلەرى، ورىندارى، باعىمشىلىق كاسىپورىندارى قىزمەت تەكسەرىپ تەكسەرۋ - زەرتتەۋ جۇرگىزىپ، كوللەكتيۆ كومەكتەسۋ - سۇيەمەلدەۋ ەگىس الاڭىن قۇرۋ ارقىلى قايتالاي كەدەيلەسۋدىڭ الدىن الۋ كومەكتەسۋ - سۇيەمەلدەۋ مەحانيزمىن ورناتۋ وي جەلىسىن بىرتىندەپ تۇراقتاندىردى.

  اتۇش قالاسىنىڭ قاراجول اۋىلىنداعى مالشىلاردىڭ باعىمشىلىق ءتاسىلى قازىر ءداستۇرلى كوشپەلى مال باعۋدان قورادا مال باعۋعا قاراي وزگەرۋدە، جياڭسۋ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى قاراجول اۋىلى شەيىت قىستاعى سياقتى 3 قىستاقتى سىناق ءتۇيىنى ەتىپ تاڭداپ، جەر اۋماعى 20 مىڭ شارشى مەترلىك 3 ”جياڭسۋ سۇيىسپەنشىلىگى. كوللەكتيۆ كومەكتەسۋ - سۇيەمەلدەۋ ەگىس الاڭىن“ سالدى، ءارقايسى ەگىس الاڭىنا وسىزاماندانعان مال بورداقىلاۋ قوراسىن، قۇنارلى جەم قامباسىن، جەم - ءشوپ قوراسىن، سۇرلەم ۇراسىن، مال تەزەگىن جيۋ ورنىن، سونداي - اق ۆاننا كولشىگىن (ۆاننا ماشيناسىن) سالدى ءارى اتۇش قالاسى مەن قاراجول اۋىلىنىڭ مال شارۋاشىلىق تاراۋلارىمەن سايكەسىپ تەحنيكا جاعىنان قامتاماسىز ەتتى، مەرزىم بويىنشا تەحنيكتەردى كومەكتەسۋ - سۇيەمەلدەۋ ەگىس الاڭىنداعى باعىمشىلىق قىزمەتكەرلەردى باۋلۋعا ورنالاستىردى ءارى ىندەتتەن ساقتانۋ، تازالىق جانە كۇندەلىكتى باسقارۋ جاعىندا جەتەكشىلىك ەتۋ قىزمەتىن ويداعىداي ىستەدى. سىناق ءتۇيىنى ەتىلگەن قىستاققا باعىمشىلىق تاجىريبەسى بار 2 پارتيا مۇشەسىن ورنالاستىرىپ، ەگىس الاڭىنىڭ كۇندەلىكتى باسقارۋ قىزمەتىنە ارناۋلى جاۋاپتاندىردى، 4 كەدەي ەڭبەككۇشتى تاڭداپ الىپ ەگىنشىلىك الاڭىنىڭ كۇندەلىكتى باسقارۋ جانە باعىمشىلىق قىزمەتىن جۇكتەدى. شينجياڭعا باعىتتامالى كومەكتەسۋ قولباسشىلىق شتابى تاعى سىناق ءتۇيىنى ەتىلگەن قىستاقتاردا قوزى ساتىپ الۋ قارجىسىنىڭ %5ىن قامسىزداندىرۋ ساتىپ الىپ بەرۋگە جۇمساپ، ىندەتتەن، تابيعي اپاتتان كەلەتىن قاۋىپ - قاتەرلەردىڭ زيانىن ازايتتى.

  شينجياڭعا باعىتتامالى كومەكتەسۋ قارجىسىمەن تۇڭعىش توپتا ساتىپ الىنعان 3000 قوزى ەگىنشىلىك الاڭىنا اكەلىنىپ باعىمشىلىققا بەرىلدى، مەجەمەن تۇتاس جىلدا تومەن كىرىستى 100 وتباسىنىڭ ءاربىرىنىڭ كىرىسىن ورتا ەسەپپەن 20 نەشە مىڭ يۋان ارتتىرۋدى، 3 قىستاقتىڭ ءاربىرىنىڭ كوللەكتيۆ كىرىسىن 600 مىڭ يۋان ارتتىرۋدى جەبەيدى، كومەككە يە بولعان جەرلەردەگى كادر - بۇقارا قايتالاي كەدەيلەسۋدەن ساقتانۋدىڭ مۇنداي كومەكتەسۋ - سۇيەمەلدەۋ مەحانيزمىن اۋىز جاپپاي القادى. بيىل جياڭسۋ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابى شينجياڭعا باعىتتامالى كومەكتەسۋ قارجىسىنان تاعى 35 ميلليون يۋان شىعارىپ، بۇقارانىڭ ەسىك الدىنان تاعى 7 كوللەكتيۆ كومەكتەسۋ - سۇيەمەلدەۋ ەگىس الاڭىن تىڭنان سالۋدى جوسپارعا الدى.

  قىزىلسۋ وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ شينجياڭعا باعىتتامالى كومەكتەسۋ قىزمەتى الدىڭعى شەپ قولباسشىلىق شتابىنىڭ باس قولباسشىسى جوۋ ۋي - ۋىن بىلاي دەدى: ”8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسى اشىلعاننان كەيىن، جياڭسۋ ولكەسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ءماجىلىس رۋحى بويىنشا ولشەمگە تۋرالانىپ، جىلدىق قىزمەتتى قايتالاي جوسپارلادى، قايتالاي ورنالاستىردى. جياڭسۋدىڭ شينجياڭعا باعىتتامالى كومەكتەسۋ قارجىسىمەن ەگىس الاڭىن سالدى ءارى تۇڭعىش توپتا قوزى جانە جەم - ءشوپ ساتىپ الدى، مال - مۇلىكتى قىستاقتىڭ كوللەكتيۆ باسقارۋىنا بەردى، تومەن كىرىستى وتباسىلاردىڭ ەگىس الاڭىندا جۇمىستانىپ ەڭبەكاقى سيپاتتى كىرىس تابۋىنا بولاتىن بولدى، ەگىس الاڭىنىڭ كىرىسى كوللەكتيۆكە ءتان بولادى. قىستاق ’ەكى كوميتەتى‘ كىرىستى تاعى دا ءبولىپ، ءبىر ءبولىمىن ۇدايى ءوندىرىس جۇرگىزۋگە پايدالانسا، باسىم كوپ ءبولىمىن وڭاي كەدەيلەسەتىن وتباسىلارعا قوسىمشا قاراجات رەتىندە بەرۋگە پايدالانادى، بۇل قىستاق كوللەكتيۆبىنىڭ تومەن كىرىستى بۇقارانى كىرىستەرىن ارتتىرىپ بايۋعا باستاۋىنىڭ ءبىر ءونىمدى ىزدەنىسى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.