انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 22 - كۇنى ۇرىمجىدەن حابارلايدى. 8 - ايدىڭ 23 - كۇنىنەن 29 - كۇنىنە دەيىنگى ۋاقىت − 31 - رەتكى مەملەكەتتىك ەنەرگيا ۇنەمدەۋ ۇگىت اپتالىعى، ۇگىت اپتالىعى قيمىلىنىڭ نەگىزگى تاقىرىبى ”ەنەرگيا ۇنەمدەپ، كومىر قىشقىل گازىنىڭ شىعارىلۋىن ازايتۋ، جاسىل دامۋ“. ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنشا، بيىل رايونىمىز ەنەرگيا جۇمساۋدا ”قوس تىزگىندەۋدى“ باسقارۋىن زور كۇشپەن اتقارىپ، ەنەرگيا قاينارىنان پايدالانۋ ونىمدىلىگىن ۇزدىكسىز جوعارىلاتادى ەكەن.
2021 - جىلى رايونىمىزدىڭ ەنەرگيا جۇمساۋدا ”قوس تىزگىندەۋ“ نىساناسى − بىرلىك رايوننىڭ ءوندىرىس جالپى ءونىم قۇنىنداعى ەنەرگيا جۇمسالىمىن ％3 مولشەرىندە تومەندەتىپ، ەنەرگيا جۇمسالىمىنىڭ تۇتىنۋداعى ارتۋ مولشەرىن مەملەكەت تۇسىرگەن نىسانا كولەمى ىشىندە تىزگىندەۋ. «شينجياڭ ۇيعۇر اۆتونوميالى رايوننىڭ 2021 - جىلعى ەنەرگيا ۇنەمدەۋ قىزمەتى تۇيىندەرىنە» ساي، اۆتونوميالى رايون قۇرىلىمدى رەتتەپ، ءتۇيىندى سالالاردا ەنەرگيانى ۇنەمدەپ، ىعىستىرۋدى ازايتۋدى كۇشەيتىپ، جاسىل دامۋ دەڭگەيىن جوعارىلاتۋدى بەلسەندى ىلگەرىلەتەدى.
قۇرىلىمدى رەتتەۋدى ىلگەرىلەتۋ جاعىندا، اۆتونوميالى رايون كاسىپ سالاسى قۇرىلىمىن رەتتەۋدى جەدەلدەتىپ، ارتىق ءوندىرىس قۋاتىن تاباندىلىقپەن باسەڭدەتىپ، جوعارى ساپالى دامۋعا ەنەرگيا پايدالانۋ كەڭىستىگىن ازىرلەيدى؛ ەنەرگيانى كوپ سارىپ ەتەتىن كاسىپ سالاسى قۇرىلىمىن رەتتەۋدى جەدەل ىلگەرىلەتىپ، ەنەرگيانى ۇيلەسىمسىز پايدالانۋدى شىنايى تۇردە قاينارىنان باستاپ جويىپ، ”ءۇش جوعارى“ نىسانداردىڭ شينجياڭعا كىرۋىن قاتاڭ شەكتەيدى؛ ەرەكشە باسىمدىققا يە كاسىپ سالاسىن جەتىلدىرىپ، زورايتىپ، كاسىپ سالاسىنىڭ كولەمىن جانە بازارداعى باسەكەلىك قۋاتىن جوعارىلاتىپ، كاسىپورىنداردىڭ جاسىل تەحنيكادان پايدالانۋىن قولداپ، ەنەرگيانىڭ ونىمدىلىك دەڭگەيىن جوعارىلاتادى. سونىمەن بىرگە، ەنەرگيا قۇرىلىمىن ساپالىلاندىرىپ، تازا دا تومەن كومىرتەكتى، حاۋىپسىز دە جوعارى ءونىمدى ەنەرگيا جۇيەسىن جەدەل قۇرادى. قاتىناس - تاسىمال قۇرىلىمىن رەتتەپ، رايونىمىزدىڭ كەشەندى، ستەرەولدى قاتىناس تورىن جەدەل قۇرىپ، ءتۇرلى تاسىمالداۋ تاسىلدەرىنىڭ سالىستىرمالى باسىمدىعى مەن جيىنتىق ونىمدىلىگىن تولىق ساۋلەلەندىرەدى.
ءتۇيىندى سالالاردا ەنەرگيانى ۇنەمدەپ، ىعىستىرۋدى ازايتۋ جاعىندا، اۆتونوميالى رايون ونەركاسىپ، قاتىناس، قۇرىلىس، الەۋمەتتىك قۇرىلىم، ساۋدا اينالىمى، اۋىل - قىستاق، اۋىل شارۋاشىلىعى سالالارىندا ەنەرگيانى ۇنەمدەپ، ىعىستىرۋدى ازايتۋدى كۇشەيتەدى. مۇنىڭ ىشىندە، ونەركاسىپ سالاسىندا اۆتونوميالى رايوننىڭ 5 - توپتاعى جاسىل جاساۋ جۇيەسى قۇرىلىسىندا ۇلگى كورسەتۋ قىزمەتىن ۇيىمداستىرىپ ورىستەتىپ، ونەركاسىپ سالاسىندا ەنەرگيا پايدالاناتىن ءتۇيىندى كاسىپورىنداردىڭ ”13 - بەسجىلدىقتاعى“ ەنەرگيا پايدالانۋ ەسەبىن تەكسەرۋ جانە ”14 - بەسجىلدىقتاعى“ ەنەرگيا ۇنەمدەۋ جوباسىن جاساۋدى باستاپ، 5 - توپتاعى اينالمالى ەكونوميكا سىناق ءتۇيىنى سياقتىلاردى ورىستەتەدى. قۇرىلىس سالاسىندا، تۇتاس رايونداعى جاڭادان سالىنعان تۇرعىن ءۇي قۇرىلىسىندا ％75 ەنەرگيا ۇنەمدەۋ ولشەمىن جاپپاي اتقارادى، الەۋمەتتىك قۇرىلىستا ％65 ەنەرگيا ۇنەمدەۋ ولشەمىن جاپپاي اتقارادى. قاتىناس سالاسىندا قاتىناس نەگىزدىك قۇرىلعىلارىنىڭ جاسىل دامۋ دەڭگەيىن ءتۇيىندى تۇردە جوعارىلاتىپ، جاسىل تاس جولدى بەلسەنە تۇلعالاپ، ەنەرگيا ۇنەمدەيتىن، قورشاعان ورتانى قورعايتىن وزىق تەحنيكالار مەن ونىمدەردى جالپىلاستىرادى. ديزەلدى جۇك اۆتوكولىكتەرىنىڭ لاستانۋدان ساقتانۋ جانە جونگە سالۋدان قامال الۋ شايقاسىن تەرەڭدەتىپ، جاڭا ەنەرگيالى جانە تازا ەنەرگيالى اۆتوكولىكتەردى جالپىلاستىرادى.
بۇدان كەيىن، رايونىمىز ەنەرگيا ۇنەمدەۋ جاۋاپكەرشىلىگىن قاتاڭ تياناقتاندىرىپ، ەنەرگيا ۇنەمدەۋگە قولداۋ كورسەتۋ ساياساتىن اناعۇرلىم ىلگەرىلەتىپ، ەنەرگيا ۇنەمدەۋ، قورشاعان ورتانى قورعاۋ زاڭ، زاڭ ەرەجە ولشەمدەرىن اقاۋسىزداندىرىپ جانە قاتاڭ اتقارىپ، بۇكىل قوعامنىڭ اتتانىسقا كەلۋ جانە ەنەرگيا ۇنەمدەۋ ۇگىت تەبىنى سياقتىلاردى كۇشەيتىپ، ەنەرگيا ۇنەمدەپ، ىعىستىرۋدى ازايتۋدى جانە تومەن كومىرتەكتى دامۋدى ورتاق جەبەيدى.
