انار بۇلت / شينجياڭ گازەتىنىڭ ءتىلشىسى ميھىرگۇل ناسىر 8 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق قازىنا مەڭگەرمەسىنەن ۇعىسۋعا قاراعاندا: بيىل 1 - ايدان 7 - ايعا دەيىن تۇتاس رايون حالىق تۇرمىسى سالاسىنا قازىنالىق شىعىستان 239 ميلليارد 125 ميلليون يۋان جۇمساپ، ادەتتەگى الەۋمەتتىك مەجە ەسەپ شىعىسىنداعى ۇستايتىن سالىستىرماسى ％75.5كە جەتكەن.
بيىل جىل باسىنان بەرى رايونىمىز حالىق تۇرمىسىن قازىنالىق قامتاماسىز ەتۋ ءتۇزىمى جۇيەسىن ۇزدىكسىز كەمەلدەندىرىپ، قازىنالىق قارجىنى حالىق تۇرمىسى سالاسىنا قاراي بەيىمدەۋ تەبىنىن ارتتىرىپ، ەڭبەكاقىنى قامتاماسىز ەتۋدى، اينالىمدى قامتاماسىز ەتۋدى، نەگىزگى حالىق تۇرمىسىن قامتاماسىز ەتۋدى الدىمەن ورىنداپ، حالىق تۇرمىسىن قامتاماسىز ەتۋدى ەڭ تومەنگى شەكتەن تۇسىرمەي بەكەمدەدى.
ساندى مالىمەتتە كورسەتىلۋىنشە، بيىل 1 - ايدان 7 - ايعا دەيىن اۆتونوميالى رايوننىڭ ءوز دارەجەسىندەگى ءتۇرلى قازىنالىق شىعىسى 74 ميلليارد 730 ميلليون يۋان بولىپ، ％23.6 ۇستاعان؛ ءارقايسى ايماقتاردىڭ (وبلىس، قالا) ءتۇرلى قازىنالىق شىعىسى 242 ميلليارد 150 ميلليون يۋان بولىپ، ％76.4 ۇستاپ، رايونىمىزدىڭ ەكونوميكالىق، قوعامدىق ىستەرىنىڭ دامۋىندا تاماشا قازىنالىق سۇيمەن رولىن ساۋلەلەندىرگەن.
حالىق تۇرمىسىنداعى ناقتى ىستەردى ويداعىداي ىستەۋ ءۇشىن، اۆتونوميالى رايوندىق قازىنا مەڭگەرمەسى قازىنا كۇشىن اناعۇرلىم ءبىر تۇتاس جوسپارىلاپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن بەلسەنە ورىستەتىپ، جۇمىستانۋ، وقۋ - اعارتۋ، ەمدەۋ، قوعامدىق قامسىزداندىرۋ سياقتىلاردى ماڭىزدى ءتۇيىن ەتكەن ”10 ءتۇرلى حالىققا تيىمدىلىك جەتكىزۋ ينجەنەرياسىن“ تىڭعىلىقتى ىلگەرىلەتىپ، تياناقتاندىرۋ شارالارىن ءبىر - بىردەن رەتتەپ، 20 ءتۇرلى قىزمەت مىندەت ءتىزىمىن العا قويدى. 8 - ايدىڭ باسىنا دەيىن اۆتونوميالى رايوندىق قازىنا مەڭگەرمەسى قوعامدىق قامسىزداندىرۋ كولەمىن كەڭەيتۋ ينجەنەرياسىن قامتاماسىز ەتۋ، جالپى حالىقتىڭ سالاماتتىعىن تەگىن تەكسەرۋ، اۋىل - قىستاق دارەتحاناسىن وزگەرتۋ قۇرىلىسى سياقتى 9 ناقتى ءىستى ورىندادى.
