شەشىم جاساۋ، كەڭەس بەرۋ قىزمەتىنىڭ جاڭا جاعدايىن قۇلشىنا اشۋ كەرەك

6 - كەزەكتى اۆتونوميالى رايوننىڭ مامان اقىلشىلار ۇيىرمەسىن قۇرۋ ءماجىلىسى اشىلدى

شەشىم جاساۋ، كەڭەس بەرۋ قىزمەتىنىڭ جاڭا جاعدايىن قۇلشىنا اشۋ كەرەك

　　انار بۇلت / شينجياڭ گازەتىنىڭ ءتىلشىسى شيە حۇيبيان 8 - ايدىڭ 23 - كۇنى ۇرىمجىدەن حابارلايدى. 8 - ايدىڭ 23 - كۇنى 6 - كەزەكتى اۆتونوميالى رايوننىڭ مامان اقىلشىلار ۇيىرمەسىن قۇرۋ ءماجىلىسى اشىلدى، ءماجىلىس 5 - كەزەكتى اۆتونوميالى رايوننىڭ مامان اقىلشىلار ۇيىرمەسى قىزمەتىن قورىتىندىلاپ، 6 - كەزەكتى اۆتونوميالى رايوننىڭ مامان اقىلشىلار ۇيىرمەسى قىزمەتىن ورنالاستىردى.

　　اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى ءارى ءسوز سويلەدى.

　　ءماجىلىس مىنالاردى اتاپ كورسەتتى: بيىل ”14 - بەسجىلدىق“ باستالعان جىل، جاڭا دامۋ كەزەڭىن تياناق ەتىپ، مامان اقىلشىلار ۇيىرمەسى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، رايونىمىزدىڭ شەشىم جاساۋ، كەڭەس بەرۋ قىزمەتىنىڭ جاڭا جاعدايىن قۇلشىنا اشۋ كەرەك.

　　ءماجىلىس مىنالاردى تالاپ ەتتى: مامان اقىلشىلار ۇيىرمەسى ساياسي تۇرعىدان باستان - اياق جازباي، ساياسي ۇيرەنۋ مەن كاسىپتىك اۋىس - كۇيىس جاساۋ، عىلمي زەرتتەۋ سەلبەستىگىن ۇشتاستىرىپ، بىرگە جەبەپ، بىرگە ىلگەرىلەتۋى؛ حالىقتىڭ قامىن جەيتىن، حالىقتىڭ قيىنشىلىعىن شەشەتىن تاماشا ءداستۇردى ۇزدىكسىز ساۋلەلەندىرىپ، پارتيا مەن ۇكىمەتتىڭ حالىق بۇقاراسىمەن بايلانىس جاسايتىن كوپىرى، دانەكەرى بولۋى؛ عىلىم رۋحىن ساۋلەلەندىرىپ، رايونىمىزدىڭ ءتۇيىندى قىزمەتىن ارقاۋ ەتىپ، مىندەت اتقارىپ، جاۋاپكەرشىلىكتى وتەۋدەگى كىرىسۋ ءتۇيىندى ءدال تاۋىپ، مامان اقىلشىلار ۇيىرمەسىنىڭ ۇكىمەت ىسىنە كومەكتەسۋ رولىن ساۋلەلەندىرۋى؛ عىلىم - تەحنيكادا جاڭالىق اشۋعا تاباندى بولىپ، اۋىس - كۇيىس، سەلبەستىك جاساۋدى كۇشەيتىپ، ءتىپتى دە كوپ جاڭالىق اشۋ جەتىستىكتەرىنىڭ ساياساتقا اينالۋىن، كاسىپ سالاسىنا قاراي كەڭەيۋىن جەبەۋ كەرەك.

　　اۆتونوميالى رايوننىڭ مامان اقىلشىلار ۇيىرمەسى رايونىمىزدىڭ ماڭىزدى شەشىم جاساۋ، كەڭەس بەرۋ قۇرىلىمى. 6 - كەزەكتى اۆتونوميالى رايوننىڭ مامان اقىلشىلار ۇيىرمەسىندەگى مامان اقىلشىلار جالپى سانى 87 ادام، مۇنىڭ ىشىندە رايون سىرتىنان 14 مامان بار، 11 كاسپتىك گرۋپپا قۇرىلعان.

　　اۆتونوميالى رايوننىڭ ورىنباسار ءتوراعاسى ماڭلىك سەيىت ءماجىلىستى باسقاردى.