ۇيرەنۋدىڭ قىزۋ ورلەۋىن كوتەرىپ، رۋحپەن جان دۇنيەنى نارلەندىردى

تۇرپان قالاسى:

ۇيرەنۋدىڭ قىزۋ ورلەۋىن كوتەرىپ، رۋحپەن جان دۇنيەنى نارلەندىردى

انار بۇلت / شينجياڭ گازەتىنىڭ تۇرپانداعى تىلشىلەر پۋنكتىنەن ما جيانشان، شىڭ يۇي

　　جۋىقتان بەرى تۇرپان قالاسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى قازىرگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، دەن قويا ورنالاستىرىپ، جايعاستىرىپ، قۇنتتىلىقپەن ۇيىمداستىرىپ اتقارىپ، بۇكىل قالادا ۇيرەنۋدىڭ، دايەكتىلەندىرۋدىڭ قىزۋ ورلەۋىن كوتەردى.

　　تۇرپان قالاسىنداعى ءار دارەجەلى باسشى كادرلار ۇلگى كورسەتۋ رولىن ساۋلەلەندىرىپ، الدىن الا ۇيرەنۋگە، تەرەڭدەي ۇيرەنۋگە تاباندى بولىپ، جاي پارتيا مۇشەسى سالاۋاتىمەن ءوزى قاراستى پارتيا ياچەيكاسىنىڭ پارتيا تاريحىن ۇيرەنۋ تاربيەسى ارناۋلى تاقىرىپتىق ۇيىمدىق تۇرمىس جيىنىنا قاتىناسىپ، باستاماشى بولىپ ۇيرەنۋ، باستاماشى بولىپ ۇگىت لەكسيا جاساۋ سياقتى تاسىلدەر ارقىلى ۇيرەنۋ تاربيەسىن قىزۋ ورلەۋگە كوتەردى، جانداندىردى.

　　8 - ايدىڭ 16 - كۇنى تۇرپان قالالىق تابيعي بايلىق مەكەمەسى ارناۋلى تاقىرىپتىق جيىن اشىپ، پارتيالى كادرلاردى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋگە، دايەكتىلەندىرۋگە ۇيىمداستىردى. جيىنعا قاتىناسقان كادرلار ءبىر اۋىزدان مىنالاردى ءبىلدىردى: ”تۇنىق سۋ، جاسىل تاۋ − باعالى بايلىق“ ۇستانىمىن بەرىك ورناتىپ جانە امالياتتا ايگىلەپ، ۇيرەنۋ ناتيجەسىن تۇرپان قالاسىنىڭ تابيعي بايلىق ىستەرىن جوعارى ساپالى دامىتۋدى ىلگەرىلەتۋدىڭ ءىس جوزىندىك ارەكەتىنە قۇلشىنا اينالدىرامىز.

　　باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن نەگىزگى ساتىعا تەرەڭ ۇيالاتۋدى، بۇقاراعا تەرەڭ ۇيالاتۋدى ىلگەرىلەتۋ ءۇشىن 7 - ايدان بەرى تۇرپان قالاسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ ۇگىت لەكسيا ۇيىرمەسىن قۇردى ءارى پارتيالىق، بۇقارالىق قىزمەت وتەۋ ورتالىقتارى، الىس ارالىقتان تاربيەلەۋ پۋنكتتەرى سياقتى پارتيا مۇشەلەرىن تاربيەلەۋ بازالارىنا سۇيەنىپ، لەكسيا سويلەۋ فورماسى، سۇحباتتاسۋ فورماسى، كورىنىس فورماسى سياقتى كوپ ءتۇرلى فورمالار ارقىلى ۇگىتتەۋ، ۇگىت لەكسيا سويلەۋ قيمىلدارىن ورىستەتتى. پارتيا تاريحىن ۇيرەنۋ تاربيەسى ورىستەتىلگەننەن بەرى تۇرپان قالاسى 2316 رەت ارناۋلى تاقىرىپتا ۇگىت لەكسيا ورىستەتىپ، تىڭدارمان سانى 43 مىڭنان استام ادام - رەتكە جەتتى.

　　8 - ايدىڭ 19 - كۇنى تۇستەن كەيىن ءپىشان اۋدانى لوكچۇن قالاشىعى مۇقام قىستاعىنىڭ تۇرعىنى ءومار سىمايىلدىڭ ءۇيىنىڭ ءجۇزىم سورەسى استىندا باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ ۇگىت لەكسياسى باستالدى. ۇگىت لەكسيا بارىسىندا، قىستاقتىڭ ءبىرىنشى شۋجيى زۇلفىحار راحىمان قاراپايىم تۇسىنىكتى تىلمەن كوپشىلىكتى پارتيانىڭ كۇرەس جاساۋ تاريحىن ەسكە الۋعا باستاپ، كوپشىلىككە قازىرگى تاماشا تۇرمىستىڭ وڭاي - وسپاق قولعا كەلمەگەندىگىن تەرەڭ سەزىندىردى.

　　”بۇقارا قايدا بولسا، ءبىزدىڭ ۇگىت لەكسيامىز سوندا بولدى. ءبىز ’شاعىن پارتيا ساباعىن‘ تۇراقتى ورىننان ءۇيدىڭ ەسىك الدىنا، اۋلا ىشىنە، اتىز باسىنا دەيىن كەڭەيتتىك. سونىمەن ءبىر ۋاقىتتا، قىستاق ۇلكەن كەرنايىنىڭ، سۇپى باسى ۇگىت لەكسيا سويلەۋشىلەردىڭ رولىن تولىق ساۋلەلەندىرىپ، پارتيا مۇشەلەرى مەن بۇقارانىڭ باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىنان ەكپىندەي ىلگەرىلەۋدىڭ كۇش - قۋاتىن الۋىنا مۇمكىندىك جاسادىق“، - دەدى زۇلفىحار راحىمان.

　　سونىمەن بىرگە تۇرپان قالاسىنداعى ءارقايسى ورىندار، ءارقايسى تاراۋلار ۇيرەنۋدە قۇدىرەتتى ەل، پارتيا قۇرىلىسى تورابى سياقتى تەكشەلەردە ۇيرەنۋ تاربيەسىن ىشكەرىلەي ورىستەتتى ءارى زەيىن سىناۋ جارىسى، ”مەن پارتياعا جۇرەك ءسوزىمدى ايتامىن“ سياقتى جەلىلەس قيمىلداردى ورىستەتۋ ارقىلى تۇتاس قالادا ۇيرەنۋدىڭ، ۇگىتتەۋدىڭ قويۋ رايىن قالىپتاستىردى.