انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 23 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، الدىڭعى 7 ايدا رايونىمىزدىڭ فوتوۆولتتىق ەلەكتر شىعارۋدان پايدالانۋ مولشەرىنىڭ جيىنتىعى ％98.4كە جەتىپ، سايكەس مەزگىلدەگىدەن 2.6 پايىز جوعارىلاعان؛ جەل ەلەكترىنەن پايدالانۋ مولشەرى ％92.3 بولىپ، سايكەس مەزگىلدەگىدەن3.5 پايىز جوعارىلاعان. فوتوۆولتتىق ەلەكتر شىعارۋدىڭ جالپى تۇلعالىق اينالىم جاعدايى جاقسى بولىپ، جەل ەلەكتردىڭ اينالىم جاعدايى ۇزدىكسىز جاقسارعان، جابدىقتاردى پايدالانۋ ساعات سانى ۇزدىكسىز جوعارىلاپ، پايدالانۋ مولشەرى تۇگەلدەي سايكەس مەزگىلدەگىدەن ارتقان.
7 - ايدىڭ سوڭىنا دەيىن شينجياڭ ەلەكتر تورىنىڭ ورنالاستىرۋ ولشەمىندەگى اگراگاتتار سيىمدىلىعى 104 ميلليون 984 مىڭ كيلوۆات بولعان. مۇنىڭ ىشىندە فوتوۆولتتىق ەلەكتر تاراتۋ اگراگاتتار سيىمدىلىعى 12 ميلليون 385 مىڭ كيلوۆات بولىپ (جايلمالى ۇلگىدەگى فوتوۆولتتى قاميتدى)، جالپى اگراگاتتار سيىمدىلىعىنىڭ ％11.8ىن يەلەگەن؛ جەل ەلەكترى اگراگاتتار سيىمدىلىعى 23 ميلليون 665 مىڭ كيلوۆات بولىپ، جالپى اگراگاتتار سيىمدىلىعىنىڭ ％22.6ىن يەلەگەن.
1 - ايدان 7 - ايعا دەيىن شينجياڭ ەلەكتر تورى ورنالاستىرۋ ولشەمىندەگى ەلەكتر شىعارۋ جابدىقتارىنىڭ ورتاشا پايدالانىلۋ ۋاقىتى 2254 ساعات بولىپ، سايكەس مەزگىلدەگىدەن 119 ساعات ارتقان. مۇنىڭ ىشىندە فوتوۆولتتىق ەلەكتر شىعارۋ 925 ساعات بولىپ، سايكەس مەزگىلدەگىدەن 87 ساعات ارتقان؛ جەل ەلەكترى 1455 ساعات بولىپ، سايكەس مەزگىلدەگىدەن 127 ساعات ارتقان.
الدىڭعى 7 ايدا شينجياڭ ەلەكتر تورى ورنالاستىرۋ ولشەمىندەگى جالپى ەلەكتر شىعارۋ مولشەرى 236 ميلليارد 970 ميلليون كيلوۆات - ساعات بولىپ، سايكەس مەزگىلدەگىدەن ％16.6 ارتقان. مۇنىڭ ىشىندە فوتوۆولتتىق ەلەكتر شىعارۋ 10 ميلليارد 910 ميلليون كيلوۆات - ساعات بولىپ، سايكەس مەزگىلدەگىدەن ％21.1 ارتقان؛ جەل ەلەكترى 33 ميلليارد 720 ميلليون كيلوۆات - ساعات بولىپ، سايكەس مەزگىلدەگىدەن ％33 ارتقان.
كەلەسى قادامدا اۆتونوميالى رايوندىق دامۋ جانە رەفورما كوميتەتى جاڭا دامۋ ۇستانىمىن ىشكەرىلەي دايەكتىلەندىرىپ، تياناقتاندىرىپ، سونداي - اق كومىر قىشقىل گازىنىڭ شىعارىلۋىن ەڭ جوعارى ماننەن اسىرماۋ، كومىر قىشقىل گازىن بەيتاراپتاندىرۋ نىساناسىن ارقاۋ ەتىپ، 2021 - جىلعى قايتا تۋىندايتىن ەنەرگيا قاينارى ەلەكتر كۇشىن قابىلداۋ جاۋاپكەرشىلىك ۇقىعى اۋىر مىندەتىن بەلسەندىلىكپەن تياناقتاندىرىپ، جاڭا ەنەرگيامەن ەلەكتر شىعارۋدىڭ كولەمدەنە، شوعىرلانا دامۋىن باياندى ىلگەرىلەتىپ، ارزان جاڭا ەنەرگيا نىساندار قۇرىلىسىن بەلسەنە ىلگەرىلەتىپ، رايونىمىزدىڭ جاڭا ەنەرگيا كاسىبىنىڭ جوعارى ساپالى دامۋىن ىلگەرىلەتەدى.
