شينحۋا اگەنتتىگىنىڭ 8 - ايدىڭ 23 - كۇنى بەيجيڭنەن بەرگەن حابارى. 8 - ايدىڭ 23 - كۇنى مەملەكەت ءتوراعاسى شي جينپيڭ جۇڭگو - شاڭحاي سەلبەستىك ۇيىمى سيفرلى ەكونوميكا كاسىپ سالاسى تالقى مىنبەرىنە، 2021 جۇڭگو حالىقارالىق زەردەلى كاسىپ سالاسى كورمەسىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: دۇنيە ءجۇزى سيفرلى ەكونوميكانىڭ تەز قارقىنمەن دامىعان مەزگىلىنە ءوتتى، 5G، جاساندى زەردە، پاراساتتى قالا سياقتى جاڭا تەحنيكا، جاڭا كاسىپ كۇيى، جاڭا تۇعىر قارىشتاي دامىپ، الەمنىڭ عىلىم - تەحنيكادا جاڭالىق اشۋىنا، كاسىپ سالاسى قۇرىلىمىن رەتتەۋىنە، ەكونوميكالىق، قوعامدىق دامۋعا تەرەڭ ىقپال كورسەتتى. جۋىق جىلداردان بەرى جۇڭگو سيفردى كاسىپ سالالاندىرۋدى، كاسىپ سالاسىن سيفرلاندىرۋدى بەلسەنە جەبەپ، سيفرلى تەحنيكانىڭ ەكونوميكالىق، قوعامدىق دامۋمەن تەرەڭ توعىسۋىن ىلگەرىلەتتى.
شي جينپيڭ بىلاي دەپ باسا دارىپتەدى: شاڭحاي سەلبەستىك ۇيىمى قۇرىلعاندىعىنىڭ 20 جىلدىعى قارساڭىندا، جۇڭگو ءارقايسى مۇشە ەلدەرمەن ”شاڭحاي رۋحىن“ اسقاقتاتىپ، سيفرلى ەكونوميكا حالىقارالىق سەلبەستىگىنە ىشكەرىلەي ات سالىسىپ، سيفرلانۋدىڭ، ينتەرنەتتەنۋدىڭ، زەردەلىلەنۋدىڭ ەكونوميكالىق، قوعامدىق دامۋعا قوزعاۋشى كۇش قوسۋىنا مۇمكىندىك جاساپ، سيفرلى ەكونوميكا سەلبەستىگىنىڭ جاڭا جاعدايىن اشۋدى قالايدى.
جۇڭگو - شاڭحاي سەلبەستىك ۇيىمى سيفرلى ەكونوميكا كاسىپ سالاسى تالقى مىنبەرى، 2021 جۇڭگو حالىقارالىق زەردەلى كاسىپ سالاسى كورمەسى ءبىر ۋاقىتتا وتكىزىلدى، سول كۇنى چۇڭچيڭ قالاسىندا باستالدى.
