تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

باعىتتامالى كومەكتەسۋدىڭ ءۇش ءبولىمدى سيمفونياسىن اسقاقتاتتى

انحۇي:

باعىتتامالى كومەكتەسۋدىڭ ءۇش ءبولىمدى سيمفونياسىن اسقاقتاتتى

□ انار بۇلت / شينجياڭ گازەتىنىڭ ءتىلشىسى ءپاريزات ابدۇل

  گۇما اۋدانى موكويلا اۋىلى حىجيا جاڭا قىستاعىنىڭ كوكونىس جىلىجايىندا جايقالا وسكەن كوكونىستەرگە قاراپ تۇرىپ قىستاق تۇرعىنى عابباس مامەت قۋانا كۇلىمسىرەدى؛ گۇما سيفرلى ەكونوميكا كاسىپ باقشاسىنا ورنالاسقان حوتان ايماعى فىڭران ينفورماتسيالىق تەحنيكا شەكتى سەرىكتەستىگىندە قىزمەتكەر سۋبينۇر ابليكىم تىكە تاراتىلىم ارقىلى مەكەنىن تانىستىرىپ جاتىر...

  انحۇي ولكەسى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كومەك قابىلداۋشى جەردىڭ ءىس جۇزىندىگىنە بىرلەستىرىپ، كاسىپ سالاسىن دامىتۋدى شينجياڭعا كومەكتەسۋ قىزمەتىنىڭ ماڭىزدى مىندەتى ەتىپ، ”قۇرىلعى اۋىل شارۋاشىلىعى، ساندى مالىمەتپەن بەلگىلەنگەن كاسىپ سالاسى جانە كەدەيلەردى جۇمىستاندىرۋ، تۇتىنۋ ارقىلى سۇيەمەلدەۋ“ سىندى باعىتتامالى كومەكتەسۋدىڭ ءۇش ءبولىمدى سيمفونياسىن اسقاقتاتىپ، گۇما اۋدانىنىڭ جوعارى ساپالى دامۋىن جەبەدى.

  ”ءبىزدىڭ ءۇيدىڭ جىلىجايىنداعى چەزىنى 10 مىڭ يۋاننىڭ ۇستىندە ساتتىق“، - دەدى 8 - ايدىڭ 14 - كۇنى عابباس تىلشىگە. حىجيا جاڭا قىستاعى گۇما اۋدانىنداعى قونىس جاڭالاپ كوشىرىپ شوعىرلى ورنالاستىرۋ ءتۇيىنى، 2018 - جىلى گۇما اۋدانىنداعى 8 اۋىل - قالاشىقتان عابباستىڭ وتباسىن قامتىعان 597 ەگىنشى وتباسى حىجيا جاڭا قىستاعىنا كوشىپ كەلدى. كوشىپ كەلگەن بۇقارانىڭ شىنايى كوشىپ شىعا الۋىنا، ورنىعىپ وتىرا الۋىنا، بايي الۋىنا مۇمكىندىك جاساۋ ءۇشىن، انحۇي شينجياڭعا كومەكتەسۋ قولباسشىلىق شتابى 37 ميلليون 400 مىڭ يۋان كومەكتەسىپ قۇرۋ قارجىسىن شىعارىپ، وعان مەملەكەتتىڭ كەدەيلەردى سۇيەمەلدەۋ ارناۋلى قارجىسىن قوسىپ، قونىس جاڭالاعان بۇقاراعا جاڭا ءۇي، وسىزاماندانعان 640 جىلىجاي سالىپ بەردى ءارى انحۇي مەن اۆتونوميالى رايوننان اۋىل شارۋاشىلىق تەحنيكاسى ماماندارىن ۇسىنىس ەتىپ، ولارعا كوكونىس ەگۋدى ءبىر - بىرلەپ ۇيرەتتى.

  قۇرىلعى اۋىل شارۋاشىلىعىنا سۇيەنگەن حىجيا جاڭا قىستاعىنىڭ بىلتىرعى جان باسىندىق ورتاشا تازا كىرىسى 9756 يۋانعا جەتىپ، قونىس جاڭالاۋدان بۇرىنعى 3000 نەشە يۋاننان الدەقايدا اسىپ ءتۇستى. كوكونىس ەگۋدى ۇيرەنگەن عابباس ءوزىنىڭ كوكونىس جىلىجايىن جۇيەلى باسقارۋمەن بىرگە، تاعى كاسىپورىننىڭ 3 جىلىجايىن كوتەرمەگە الىپ، بۇگىنگى كۇندە جىلدىق كىرىسى 70 مىڭ يۋاننان اسىپ، تۇرمىسى بارعان سايىن جاقساردى.

  گۇما اۋدانىنىڭ اۋىل شارۋاشىلىق بايلىعى ايرىقشا بولىپ، اۋىل شارۋاشىلىق قوسىمشا ونىمدەرى توتەنشە مول. گۇما اۋدانىنىڭ اۋىل شارۋاشىلىعىن جوعارى ساپالى دامىتۋدى ىلگەرىلەتىپ، ەگىنشىلەردى كىرىسىن ۇزدىكسىز، ورنىقتى ارتتىرۋعا باستاۋ ءۇشىن، انحۇي ولكەسى زات اينالىمى، قامبادا ساقتاۋ ينجەنەرياسىنا ءۇرتىس 5 جىل بويى جىلىنا 6 ميلليون يۋان ارناۋلى كومەك قاراجات ءبولىپ، انحۇي ولكەسنىڭ بوجوۋ، فۋياڭ، حۋاينان، بىڭبۋ، چىجوۋ، ليۋ - ان سياقتى شينجياڭعا كومەكتەسەتىن 6 ايماق، قالاسى گۇما اۋدانىنداعى 16 اۋىل - قالاشىقپەن توقتامداسقان جۇپ قۇراپ بىرگە قۇرۋ، كەدەيلەرگە دالمە - ءدال كومەكتەسۋ - سۇيەمەلدەۋ توقتامىن جاپپاي اتقارىپ، كەدەيلەردى تۇتىنۋ ارقىلى سۇيەمەلدەۋ اياسىن كەڭەيتتى.

  ”2020 - جىلى 10 - ايدان بەرى حوتان ايماعىنا كومەكتەسىپ ساتىپ بەرگەن ءتۇرلى اۋىل شارۋاشىلىق ونىمدەرى جيىنى 48 مىڭ 600 تونناعا، كومەكتەسىپ ساتقان ساتىلىم سوماسى 615 ميلليون يۋانعا جەتتى“، - دەدى انحۇيدان شينجياڭعا كومەككە كەلگەن كادر، گۇما اۋداندىق اۋىل شارۋاشىلىعى، اۋىل - قىستاق مەكەمەسىنىڭ ورىنباسار باستىعى ۋاڭ يۇيلۇڭ.

  سونىمەن بىرگە، انحۇي شينجياڭعا كومەكتەسۋ قولباسشىلىق شتابى ەڭبەككۇش شوعىرلانعان كاسىپورىنداردى بەلسەنە ەنگىزىپ، گۇما اۋدانىنىڭ ساندى مالىمەتپەن بەلگىلەنگەن كاسىپ سالاسىن جەتىلدىرىپ، كۇشەيتىپ، جەرگىلىكتى ورىنداعى بۇقارانى كىرىسىن ارتتىرىپ بايۋعا باستادى.

  8 - ايدىڭ 14 - كۇنى حوتان ايماعى فىڭران ينفورماتسيالىق تەحنيكا شەكتى سەرىكتەستىگىنە بارعانىمىزدا، قىزمەتكەر رۋحيا تۇرسۇننياز تىكە تاراتۋ بولمەسىندە جانكۇيەرلەرىمەن اڭگىمەلەسىپ وتىر ەكەن. انحۇي شينجياڭعا كومەكتەسۋ قولباسشىلىق شتابىنىڭ قولداپ - قۋاتتاۋىندا، اتالعان سەرىكتەستىك ”دارىندىلاردى باۋلۋ جوسپارىن“ اتقاردى، رۋحيا تاڭداۋلى قىزمەتكەر رەتىندە شىجياجۋاڭعا بارىپ، بەينە كەسكىن ءتۇسىرۋ، قۇراستىرۋ جانە تىكە تاراتۋ شەبەرلىگى، تىكە تاراتىلىمدا زات تانىستىرۋ سياقتى كاسىپتىك باۋلۋدان ءوتتى.

  ”ءبىز تىكە تاراتۋ ارقىلى شەبەرلىگىمىزدى ايگىلەپ، مەكەنىمىزدىڭ ەرەكشە ونىمدەرىن تانىستىرىپ، كوز ايامىزدى كەڭەيتۋمەن بىرگە، تاعى كوپتەگەن بىلىمدەردى ۇيرەندىك، مەن قازىرگى قىزمەتىمدى وتە جاقسى كورەمىن“، - دەدى رۋحيا.

  ساندى مالىمەتپەن بەلگىلەنگەن كاسىپ سالاسى ءارى اقىل - پاراسات شوعىرلانعان كاسىپ سالاسى، ءارى ەڭبەككۇش شوعىرلانعان كاسىپ سالاسى بولىپ، حوتان ايماعىنا ۇيلەسەتىن، انحۇيدىڭ شينجياڭعا كومەكتەسۋىندەگى ”1 - ءنومىرلى ينجەنەريا“. 2020 - جىلى 5 - ايدا انحۇي شينجياڭعا كومەكتەسۋ قولباسشىلىق شتابى گۇما اۋدانىندا سيفرلى ەكونوميكا كاسىپ باقشاسى قۇرىلىسىن باستادى. قازىر گۇما اۋدانى سيفرلى ەكونوميكا كاسىپ باقشاسىنا 20 نەشە كاسىپورىن كەلىپ ورنالاسىپ، جەرگىلىكتى ورىننان 2000عا جۋىق ادامدى جۇمىستاندىرىپ وتىر.

  سونىمەن بىرگە، انحۇي شينجياڭعا كومەكتەسۋ قولباسشىلىق شتابى قارجى قوسىپ قۇرعان گۇما اياق كيىم، كيىم - كەشەك كاسىپ باقشاسى قازىر 26 كاسىپورىنمەن توقتامداستى، 11 كاسىپورىن كەلىپ ورنالاسىپ، 1300 ادامنىڭ جۇمىسقا ورنالاسۋىن شەشىم ەتىپ، 2000 ادامدى ەڭبەك شەبەرلىگىنە باۋلىدى. گۇما گۇما اياق كيىم، كيىم - كەشەك كاسىپ باقشاسىنىڭ 2 - مەرزىمدىك نىسانى جۋىق ارادا پايدالانۋعا بەرىلەدى، سول كەزدە 8000 ادامدى جۇمىسقا ورنالاستىرا الادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.