تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

【مەن ٴبىر ٴتۇيىر انار ٴدانىمىن】 ماقتا اتىزىنداعى تۋىسقاندىق سۇيىسپەنشىلىك

اۆتورى: جاڭ لۋ، جىڭ ۋيدۇڭ

 8 – ايدىڭ 13 – كۇنى، فان جۇن (سولدا) مەن ياسىن مامەت ماقتا اتىزىندا ماقتانىڭ ٴوسۋ جاعدايىن كورۋدە. (سۋرەتتى جىڭ ۋيدۇڭ تۇسىرگەن)

  8 – ايدىڭ 13 – كۇنى، شينجياڭ اقسۋ ايماعى شايار اۋدانى تارىم اۋىلى ساڭتام قىستاعى پارتيا ياچەيكاسىنىڭ شۋجيى فان جۇن مەن قىستاق تۇرعىنى ياسىن مامەت ماقتا اتىزىندا تىنىم تاپپادى، ولار ٴالسىن – ٴالى ەڭكەيىپ، قالىڭ بۇتاقتار مەن جاپىراقتاردى اشىپ، ماقتا قاۋاشاعىنىڭ سانىن كورىپ، بيىلعى كىرىمدى ەسەپتەدى.

  ”بيىل ماقتانىڭ ٴوسۋ جاعدايى جاقسى، مەجەمەن ٴار مۋ جەردەن 500 كيلوگرام اينالاسىندا ٴونىم بەرەتىن سەكىلدى، مول ٴونىم الۋدا سەنىم بار“، - دەدى فان جۇن قۋانا.

  ”باۋىرىم، مۇنىڭ بارىندە وزىڭە العىس ايتامىن، ەگەر كەزىندە ماعان ەگۋ تەحنيكاسىن ۇيرەتپەگەن بولساڭ، مەن جەردى الدەقاشان ساتىپ جىبەرگەن بولار ەدىم، بۇگىنگىدەي تاماشا كۇن دە بولماس ەدى “، - دەدى ياسىن.

  ياسىننىڭ ەسىندە قالۋىنشا فان جۇننىڭ قالتقىسىز كومەگى — ولاردىڭ تۋىسقاندىق سۇيىسپەنشىلىگىنىڭ باستالۋى بولعان.

  1996 – جىلى كوكتەمدە ياسىن وتباسىنىڭ ماقتا اتىزى ۇرىق، حيميالىق تىڭايتقىش كەمشىل بولۋ سەبەبىنەن، تۇقىم سەبىلمەي قالادى. سول كەزدە 17 جاستاعى فان جۇن ەندى عانا وقۋدان تاراپ، ۇيىنە قايتىپ كەلگەن كەز ەدى، ول مۇڭايىپ جۇرگەن ياسىنعا جولىعىپ، اڭگىمە بارىسىندا ياسىن وتباسىنىڭ ەگىنشىلىك ماتەريالى كەمشىل بولعاندىقتان، جەرىن ساتپاقشى بولعانىن بىلەدى.

  ۇيىنە قايتقاننان كەيىن فان جۇن ياسىن وتباسىنىڭ قيىنشىلىعىن اكەسىنە ايتادى. اكەسى فان جۇندى ەرتىپ ۇيىندەگى ۇرىق، حيميالىق تىڭايتقىشتى ياسىننىڭ ۇيىنە جەتكىزىپ بەرەدى ٴارى ونىڭ تۇقىم سىڭىرۋىنە كومەكتەسەدى، سول جىلى ياسىن وتباسى ماقتادان مول ٴونىم الادى. ”اقشا تاۋىپ، قاتتى قۋاندىم. ويتكەنى وسىنىڭ بارلىعى فان جۇن وتباسىنىڭ كومەگىندە بولعان، وسىدان كەيىن ونىڭ وتباسىندا قانداي كومەك قاجەت ەتكەن ىستەر بولسا، مەن ۇنەمى ٴبىرىنشى بولىپ بارامىن“، - دەدى ياسىن.

  1998 – جىلى 8 – ايدا ماقتاشىلار ارت – ارتىنان سۋ باستاپ، ماقتا اتىزدارىن سۋارادى. فان جۇن وتباسىنىڭ ماقتا اتىزى سۋارىلىپ بولىپ، اعار اۋىزدى بىتەمەكشى بولعاندا قينالادى. ول كەزدە اكەسى ۇيدە جوق، شەشەسى ەكەۋى اۋىزدى بىتەۋگە بارادى، سۋدىڭ اعىسى كۇشتى بولعاندىقتان، قالاي ىستەسە دە بىتەي المايدى. سۋدىڭ ۇزدىكسىز ماقتا اتىزىنا اققانىن كورىپ، ماقتانىڭ تىم كوپ سۋارىلۋدان تامىرلارىنىڭ شىرۋىنەن الاڭداپ، فان جۇن مەن شەشەسى ابىرجىعاندىقتان مازاسى كەتەدى.

  وسى ساتتە تاياۋ ماڭداعى اتىزدا جۇمىس ىستەپ جۇرگەن ياسىن كەتپەنىن كوتەرىپ جەتىپ كەلىپ، باسقا ەشتەڭە دەمەستەن توعانعا سەكىرىپ ٴتۇسىپ، بوگەندى دەرەۋ توسىپ، 3 ادام بىرلەسىپ اۋىزدى بىتەيدى.

  وسى ىستەن كەيىن، فان جۇن مەن ياسىن ٴتىپتى دە جاقىنداسىپ، ۇنەمى بىرگە ەڭبەك ىستەپ، جاڭا تەحنيكانى بىرگە ۇيرەندى. ٴار جولى فان جۇن وتباسى سۋ جىبەرىپ، جەر جىرتقاندا، ياسىن ۇنەمى بىرگە ٴجۇردى. فان جۇن ۇرىق، حيميالىق تىڭايتقىش ساتىپ العاندا، ياسىنعا الا كەلۋدى ۇمىتپادى. ماقتانىڭ مايساسىن تىگىپ، شىرپىعان كەزدە، ياسىن فان جۇنگە كومەكتەسىپ، ەرتەرەك كۇندىكشىلەرمەن بايلانىس جاسادى، اسىرەسە ٴار جىلى ماقتا تەرەتىن مەزگىلدە، فان جۇن وتباسى ماقتا تەرۋشىلەر جوق بولىپ باسى قاتقان كەزدە، ياسىن ۇنەمى ۋاعىندا ورتاعا شىعىپ، ماقتا تەرۋشىلەردى باستاپ كەلىپ، ماقتا تەرۋگە كومەكتەستى.

  ”قازىر فان جۇن 1000 مۋ جەردى كوتەرمەگە الدى، مەن 100 مۋ جەردى كوتەرمەگە الدىم، ٴار جولى ٴوندىرىس ماتەريالدارىن ساتىپ العاندا، ول مەنىكىن دە توتە ساتىپ الادى، بۇعان مەن ىشتەي توتەنشە اسەرلەندىم، ەكەۋىمىز بىرگە تۋىسقانداي بولدىق“، - دەدى ياسىن.

  فان جۇن مەن ياسىننىڭ سۇيىسپەنشىلىگى ەكى وتباسىن بارعان سايىن جاقىنداتتى، مەرەكە – مەيرام كەزدەرىندە ەكى وتباسى ٴوزارا بارىس – كەلىس جاساپ، كىمنىڭ وتباسىندا قيىنشىلىق بولسا، قارسى جاق بەلسەندى تۇردە كومەكتەستى. فان جۇننىڭ شەشەشى تۇتقيىل اۋىرعاندا، ياسىن ەڭ الدىمەن شيپاحاناعا بارىپ كوڭىلىن سۇرادى ٴارى ايەلىنە كومەكتەسىپ قاراۋدى تاپسىردى؛ ياسىنىڭ ۇلكەن ۇلى ۇيلەنگەندە، فان جۇن جان – جاققا جۇگىرىپ ورنالاستىردى…

  2017 – جىلى فان جۇن ساڭتام قىستاعىنىڭ پارتيا ياچەيكا شۋجيى بولىپ سايلانىپ، قىزمەتى ٴتىپتى دە قاربالاستاپ، ماقتا اتىزىن باسقارۋ ۋاقىتى بارعان سايىن ازايدى. ياسىن اتىز باسىنا بارعاندا فان جۇننىڭ ماقتا اتىزىن كورىپ، ماسەلە بايقالسا دەرەۋ فان جۇنگە ايتىپ وتىردى.

  ”ٴوزارا كومەكتەسۋ بارىسىندا ٴبىز ەتەنە باۋىرلاسقا اينالدىق. فان جۇننىڭ كومەگى بولماسا، وتباسىم وسىنشا تەز اۋقاتتانا الماس ەدى، ٴبىز وسى سۇيىسپەنشىلىكتى بالالارىمىزعا دا جالعاستىرعىزامىز“، - دەدى ياسىن.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.