تيانشان تورى   ›   جاڭالىقتار   ›   ەل ءىشى حابارى

ورتالىق كوميتەت ۇگىت ءبولىمى «جۇڭگو كوممۋنيستىك پارتياسىنىڭ تاريحي بورىشى مەن ارەكەت قۇنى» اتتى حۇجات - ماتەريال جاريالادى

  شينحۋا اگەنتتىگىنىڭ 8 - ايدىڭ 26 - كۇنى بەيجيڭنەن بەرگەن حابارى. ورتالىق كوميتەت ۇگىت ءبولىمى 8 - ايدىڭ 26 - كۇنى «جۇڭگو كوممۋنيستىك پارتياسىنىڭ تاريحي بورىشى مەن ارەكەت قۇنى» اتتى حۇجات - ماتەريال جاريالادى.

  حۇجات - ماتەريالدا بىلاي دەپ تانىستىرىلدى: 100 جىلدان بەرى جۇڭگو كوممۋنيستىك پارتياسىنىڭ حالىقتى ىنتىماقتاستىرىپ، باستاپ جۇرگىزگەن بارلىق كۇرەسىن، بارلىق قۇرباندىعىن، بارلىق جاسامپازدىعىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ دەگەن ءبىر تاقىرىپقا جيناقتاۋعا بولادى. جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جۇڭگو كوممۋنيستىك پارتياسىنىڭ تاريحي بورىشى؛ حالىقتى تاماشا تۇرمىسقا كەنەلتۋ جۇڭگو كوممۋنيستىك پارتياسىنىڭ بۇلجىماس كۇرەس نىساناسى.

  حۇجات - ماتەريالدا بىلاي دەپ اتاپ كورسەتىلدى: جۇڭگو كوممۋنيستىك پارتياسى حالىق ءۇشىن كۇرەس جاسايتىن ساياسي پارتيا، حالىقتى باستان - اياق ءبىرىنشى ورىنعا قويىپ، قوعامنىڭ دامۋ زاڭدىلىعىنا قۇرمەت ەتۋ مەن حالىقتىڭ تاريحي نەگىزگى تۇلعالىق ورنىنا قۇرمەت ەتۋدىڭ بىرلىگىنە تاباندى بولىپ، اسقاق مۇرات ءۇشىن كۇرەسۋ مەن ەڭ كەڭ حالىق بۇقاراسىنىڭ مۇددەسىن كوزدەۋدىڭ بىرلىگىنە تاباندى بولىپ، پارتيانىڭ ءتۇرلى قىزمەتتەرىن ورىنداۋ مەن حالىقتىڭ مۇددەسىن جۇزەگە اسىرۋدىڭ بىرلىگىنە تاباندى بولىپ، حالىقتى يگىلىككە كەنەلتۋ ىستەرىن ۇزدىكسىز العا ىلگەرىلەتتى.

  حۇجات − ماتەريالدا بىلاي دەپ باسا دارىپتەلدى: ماركسيزم جۇڭگو كوممۋنيستىك پارتياسىنىڭ ءتۇبىرلى جەتەكشى يدەياسى، پارتيانىڭ جانى، پارتيانىڭ ۇزدىكسىز العا باسۋىنا جەتەكشىلىك ەتەتىن شۇعىلالى تۋ. جۇڭگو كوممۋنيستىك پارتياسىنىڭ نەلىكتەن ىسكەر بولۋى، جۇڭگوشا سوتسياليزمنىڭ نە ءۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا. پارتيانىڭ كۇرەس تاريحى ماركسيزمنىڭ جۇڭگوشالانۋىن ۇزدىكسىز ىلگەرىلەتۋ تاريحى، ۇزدىكسىز تۇردە نازاريادا جاڭالىق اشۋدى ىلگەرىلەتكەن، نازاريالىق جاسامپازدىق جۇرگىزگەن نازاريالىق ىزدەنۋ تاريحى.

  حۇجات − ماتەريالدا بىلاي دەلىندى: جۇڭگو كوممۋنيستىك پارتياسى سىندى وسىنداي ۇلى پارتيا جۇڭگو سىندى وسىناۋ ءىرى ەلدە ميلليارد حالىقتى ىنتىماقتاستىرىپ جانە ۇيىستىرىپ، ءبىر - بىرلەگەن تار جول تايعاق كەشۋلەردى باستان وتكەرىپ، ءبىر - بىرلەگەن قيىندىقتار مەن حاۋىپ − قاتەرلەردى جەڭۋىنىڭ تەتىگى پارتيانىڭ ايرىقشا ىنتىماعى مەن بىرلىگىندە، پارمەندى باسشىلىق قۋاتىنا، بيلىك جۇرگىزۋ قۋاتىنا يە بولعاندىعىندا.

  حۇجات − ماتەريالدا بىلاي دەلىندى: پارتيا 100 جىلدىق جاۋىن - شاشىندى باستان وتكەرسەدە ءالى دە ءداۋىردىڭ الدىڭعى لەگىندە ءجۇرىپ، جاستىق ومىرشەڭدىگىن ساقتاۋى پارتيانىڭ حالىققا باسشىلىق ەتىپ، ۇلى قوعامدىق توڭكەرىستەردى جۇرگىزىپ قانا قويماي، وزىنە ءوزى ۇلى توڭكەرىس جۇرگىزىپ، باستان - اياق پارتيانى پارتيا باسقارۋعا، پارتيانى جاپپاي قاتاڭ جونگە سالۋعا تاباندى بولىپ، داۋىرمەن بىرگە العا باسىپ ءوزىن كىرشىكسىزدەندىرىپ، ءوزىن كەمەلدەندىرىپ، ءوزىن جاڭالاپ، ءوز دەڭگەيىن جوعارىلاتىپ، باستان - اياق تۇلعاسىنىڭ اقاۋسىزدىعىن جانە ومىرشەڭدىك كۇشىنىڭ قاۋلاۋىن ساقتاعاندىعىندا.

  حۇجات − ماتەريالدا بىلاي دەپ اتاپ كورسەتىلدى: جۇڭگو كوممۋنيستىك پارتياسى جۇڭگو حالقىن باقىتقا كەنەلتەتىن ساياسي پارتيا، سونداي - اق ادامزاتتىڭ العا باسۋ ىستەرى ءۇشىن كۇرەس جۇرگىزەتىن ساياسي پارتيا. حالىقارالىق جاعداي مەيلى قالاي وزگەرسە دە، جۇڭگو كوممۋنيستىك پارتياسى باستان - اياق بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇنىن جاقتاپ، باستان - اياق ينتەرناتسيونالدىق رۋحتى اسقاقتاتىپ، باستان - اياق تاريحتىڭ دۇرىس جاعىندا تۇرىپ، ادامزاتتىڭ العا باسۋ جاعىندا تۇرىپ، دۇنيە ءجۇزىنىڭ بەيبىتشىلىگىنە، دامۋىنا ۇلەس قوسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.