تيانشان تورى
تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

ۇيىرمە قۇراپ، باتىسقا ەسىك اشۋدىڭ ەمدەۋ جاڭا بيىگىن تۇلعالادى

جياڭسۋ:

ۇيىرمە قۇراپ، باتىسقا ەسىك اشۋدىڭ ەمدەۋ جاڭا بيىگىن تۇلعالادى

□ انار بۇلت/ شينجياڭ گازەتىنىڭ ءتىلشىسى ءجازيرا نەسىپبەك

  ”«اسپاپ ارقىلى ۇيرەنۋدى نەگىز ەتەتىن كوز ءتۇبى كەسكىنىنە تالداۋ جاساۋ تەحنيكاسىنىڭ باتىس بولىكتەگى باستى سوزىلمالى اۋرۋلاردى مەڭگەرۋدەگى قولدانىلۋىن زەرتتەۋ» الدىڭعى اپتادا نىسانعا ءساتتى ەنگىزىلدى، قازىر زەرتتەۋ كەزەڭىنە ءوتتى. بۇل زەرتتەۋ تاقىرىبى شيپاحانامىز بيىل ءوتىنىش ەتكەن 34 زەرتتەۋ تاقىرىبىنىڭ ىشىندەگى ءتۇيىندى زەرتتەۋ تاقىرىبى، زەرتتەۋ جەتىستىگى ىلە وبلىستىق دوستىق شيپاحاناسىن زەرتتەۋ ۇلگىسىندەگى شيپاحانا ەتىپ قۇرىپ شىعۋدىڭ ماڭىزدى تىرەگىنە اينالادى“، - دەدى 8 - ايدىڭ 17 - كۇنى ىلە قازاق اۆتونوميالى وبلىستىق دوستىق شيپاحاناسى پارتكومىنىڭ ورىنباسار شۋجيى، شيپاحانانىڭ ورىنباسار باستىعى جاڭ ۋيجۇڭ.

  بۇل زەرتتەۋ تاقىرىبى، باستىسى، جاساندى زەردە ارقىلى كوز تور قابىعىنىڭ كەسكىنىن ءبىر جاقتى ەتۋ تەحنيكاسى مەن 5G حابارلاسۋ تەحنيكاسىن پايدالانۋدى زەرتتەپ، ەلىمىزدە تۇڭعىش رەت تۇتاس اۋدان وڭىرىندەگى ادامدار شوعىرىندا جوعارى قان قىسىمى، قانتتى نەسەپ اۋرۋى سياقتى قاتەرى اۋىر سوزىلمالى اۋرۋلاردى باقىلاۋ - تەكسەرۋ جانە مەڭگەرۋ جۇمىسىن ورىستەتىپ، باتىس بولىكتەگى جۇرەك - مي قان تامىرلارى اۋرۋى سياقتى سوزىلمالى اۋرۋلاردىڭ اۋىر دارەجەدە قوسالقى اۋرۋ تۋدىرۋ مولشەرىن ازايتادى؛ جاساندى زەردەنىڭ شالعاي وڭىرلەردىڭ ەمدەۋ − دەنساۋلىق ساقتاۋ جۇيەسى قۇرىلىسىندا پايدالانىلۋ ۇلگىسىن قاراستىرىپ، نەگىزگى ساتىنىڭ ەمدەۋگە، دەنساۋلىق ساقتاۋعا قىزمەت وتەۋ قابىلەتىن جوعارىلاتادى.

  2020 - جىلى جياڭسۋ ولكەسىنىڭ 10 - توپتا شينجياڭعا كومەكتەسەتىن كادرلارى ىلە وبلىسىنا كەلگەننەن كەيىن نازاردى جەرگىلىكتى ورىننىڭ ەمدەۋ − دەنساۋلىق ساقتاۋ ىستەرىنىڭ دامۋىنا كەدەرگى بولعان تەرەڭ قاتپارلى ماسەلەلەرگە شوعىرلاندىرىپ، كوپ جىلدان بەرگى شينجياڭعا كومەكتەسۋ جەتىستىكتەرىنىڭ ءتىپتى دە زور ونىمدىلىك كورسەتۋىنە مۇمكىندىك جاسادى.

  ”جياڭسۋ ولكەسى ىلە وبلىسىنا باعىتتامالى كومەكتەسكەن 24 جىلدان بەرى كومەككە يە بولعان جەردىڭ ەمدەۋ − دەنساۋلىق ساقتاۋ ورەسىنىڭ جوعارىلاۋىنا ءبىرشاما جاقسى نەگىز قالادى، ال جەرگىلىكتى ورىننىڭ ەمدەۋ − دەنساۋلىق ساقتاۋ ىستەرىنىڭ اناعۇرلىم دامۋى وزىق ەمدەۋ تەحنيكاسىن كىرگىزۋ قارقىنى باياۋ بولۋداي، ەمدەۋ دارىندىلارى كەمشىل بولۋداي قيىن ماسەلەلەردى شەشۋدى قاجەت ەتەدى“، - دەدى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى جاق قولباسشىلىق شتابىنىڭ كادر دارىندىلاردى سايكەستىرۋ گرۋپپاسىنىڭ ورىنباسار باستىعى، ىلە وبلىستىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى ۋ حايفىڭ.

  بۇعان قاراتا جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى جاق قولباسشىلىق شتابى ”كەشەندى شارالار“ شىعارىپ، 2020 - جىلدىڭ سوڭىندا 35 ميلليون يۋان قارجى ءبولىپ، ىلە وبلىستىق دوستىق شيپاحاناسىنىڭ ”مەديتسينالىق زەرتتەۋ، دارىندىلاردى باۋلۋ، جەتىستىكتەردى كادەگە جاراتۋ“ سىندى ءۇشتى ءبىر تۇلعالاندىرعان جالپىلىق مەديتسينالىق زەرتتەۋ قۇرىلىمى − ىلە وبلىستىق كلينيكالىق مەديتسينا زەرتتەۋ ورنىن قۇرۋىنا كومەكتەستى.

  قازىر ىلە وبلىستىق كلينيكالىق مەديتسينا زەرتتەۋ ورنىنا ”سالاماتتى ىلە“ زەرتتەۋ ورتالىعى، 5G بولاشاق مەديتسينا بىرلەسكەن تاجىريبەحاناسى، كلينيكالىق بيولوگيالىق ۇلگى قويماسى، الەۋمەتتىك زەرتتەۋ تۇعىرى سياقتى نىساندار ىرگە تەپتى ءارى ەل ىشىندەگى 30 نەشە ماماندى ۇسىنىس ەتىپ، ىلە وبلىسىنا توتە قاراستى ورىندارداعى ەمدەۋ قىزمەتكەرلەرىنەن 1000 نەشە ادام - رەت باۋلۋ ورىستەتتى، سونىمەن بىرگە جياڭسۋ ولكەسىنىڭ عىلمي زەرتتەۋ ۇيىرمەسىمەن بىرلەسىپ، شينجياڭدا ءجيى كەزدەسەتىن اۋرۋلارعا، كوپ تۋىلاتىن اۋرۋلارعا جانە جەرگىلىكتى اۋرۋلارعا قاراتا نەگىزدىك زەرتتەۋ جانە كلينيكالىق زەرتتەۋ جۇرگىزدى. قازىر 34 زەرتتەۋ تاقىرىبى جۇمىس باستادى.

  ءپان قۇرىلىسىنان سىرت، وسى زەرتتەۋ ورنى تاعى نەگىزگى ساتى ەمدەۋ قۇرىلىمدارىندا دارىندىلار كەمشىل بولۋ قيىن ماسەلەسىن كۇش سالا شەشىپ، نانجيڭ مەديتسينا داشۋەسىمەن بىرلەسىپ، ىلە وبلىسىنا توتە قاراستى ورىندارداعى كاسىپتىك شيپاگەرلىك تولىمدىلىق ەمتيحانىنا، كومەكشى شيپاگەرلەرىن ولشەمدەندىرۋ ەمتيحانىنا قاتىناسقان ەمتيحان بەرۋشىلەردى باۋلىپ، كۋالىگىنە قاراي قىزمەت اتقاراتىن ەمدەۋ - كۇتىمدەۋ قىزمەتكەرلەرىنىڭ سانىن مولايتتى. ”بيىل ءبىز سىناق ءتۇيىنى ارقىلى 2400 نەشە ەمتيحان بەرۋشىلەردىڭ اراسىنان 87 سىن تاڭداپ الىپ، ەمتيحان الۋدان 2 اي بۇرىن ولارعا شوعىرلى باۋلۋ جۇرگىزدىك، كەزەكتە كاسىپتىك شيپاگەرلىك تولىمدىلىق ەمتيحانىنىڭ پراكتيكالىق شەبەرلىك ەمتيحانىنىڭ ءبىر ءبولىمى الىنىپ بولىپ، وزدەستىرۋ مولشەرى %96.4كە جەتىپ، تاريحتاعى ەڭ جاقسى ناتيجەنى جاراتتى“، - دەدى جاڭ ۋيجۇڭ.

  ىلە وبلىستىق دوستىق شيپاحاناسى ولكە دارەجەلى وڭىرلىك ەمدەۋ ورتالىعىن قۇرۋ نىسانىنا ءساتتى ءوتىنىش ەتتى. بولاشاقتا بۇل ولكە دارەجەلى وڭىرلىك ەمدەۋ ورتالىعى ىلە وبلىسىنداعى ءار ۇلت بۇقاراسىنا باقىت جاراتۋدان سىرت، تاعى ىلە وبلىسىنىڭ باتىسقا ەسىك اشۋداعى ەمدەۋ جاڭا بيىگىن تۇلعالاۋىنا دەم بەرەدى.

  مۇنان سىرت، ”سالاماتتى ىلە“ زەرتتەۋ ورتالىعى 8 - ايدىڭ باس شەنىندە ىلە وبلىستىق كلينيكالىق مەديتسينا زەرتتەۋ ورنىندا ماڭدايشالىق اسىپ قۇرىلدى، بۇل زەرتتەۋ ورتالىعىنىڭ زەرتتەۋ جەتىستىكتەرى جەرگىلىكتى ورىننىڭ ەمدەۋ − دەنساۋلىق ساقتاۋ قىزمەت وتەۋ جۇيەسىنىڭ قۇرىلىسىنا جەتەكشىلىك ەتەدى.

  ”ءبىز 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ’ۇيىرمە قۇراۋ ۇلگىسىندەگى‘ ەمدەۋ ارقىلى شينجياڭعا كومەكتەسۋدىڭ ىشكى ءمانىن، سىرتقى كولەمىن ۇزدىكسىز كەڭەيتىپ، جەرگىلىكتى ورىننىڭ ەمدەۋ − دەنساۋلىق ساقتاۋ ىستەرىنىڭ ۇزدىكسىز تىڭ ساتىعا كوتەرىلۋىنە قۇلشىنىپ، ءار ۇلت بۇقاراسىنىڭ جاقىن ماڭنان ساپالى، جوعارى ءونىمدى ەمدەۋ بايلىعىنان يگىلىكتەنۋىنە مۇمكىندىك جاسايمىز“، - دەدى ۋ حايفىڭ.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.