تيانشان تورى   ›   جاڭالىقتار   ›   شينجياڭ حابارلارى

”ءتورت ءتۇرلى تاسىلدە سويلەۋمەن“ جاپپاي قامتىپ، ىشكەرىلەي ۇيرەنىپ، جەتە تۇسىنۋگە كۇش سالدى

سانجى وبلىسى:

”ءتورت ءتۇرلى تاسىلدە سويلەۋمەن“ جاپپاي قامتىپ، ىشكەرىلەي ۇيرەنىپ، جەتە تۇسىنۋگە كۇش سالدى

□ انار بۇلت / شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى قىران ماقان

  8 - ايدىڭ 19 - كۇنى سانجى حۇيزۋ اۆتونوميالى وبلىسى پارتيا تاريحىن ۇيرەنۋ تاربيەسى ۇگىت لەكسيا ۇيىرمەسىنىڭ مۇشەسى، شينجياڭ اۋىل شارۋاشىلىعى كاسىپتىك - تەحنيكالىق شۋەيۋانىنىڭ پروفەسسورى لي شياۋتۇڭ ماناس اۋدانىندا ارناۋلى تاقىرىپتىق ۇگىت لەكسيا سويلەپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن جۇيەلى ءتۇسىندىردى.

  ”ارناۋلى تاقىرىپتىق ۇگىت لەكسيادان باس شۋجي شي جينپيڭنىڭ ’1 - شىلدەدەگى‘ ماڭىزدى ءسوزىنىڭ رۋحىن اناعۇرلىم تەرەڭ ءتۇسىندىم، ۇيرەنۋ جەتىستىكتەرىمدى قىزمەت ونىمدىلىگىمە اينالدىرىپ، بۇقارا ءۇشىن كوبىرەك ناقتى ءىس، جاقسى ءىس ىستەيمىن“، - دەدى ماناس اۋداندىق پارتكوم ۇگىت ءبولىمىنىڭ ماناس قالاشىعى نانچىڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى حۋ يۇڭچياڭ ايرىقشا اسەرلەنىپ.

  باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ ءۇشىن سانجى وبلىسى «باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى ۇگىتتەۋ قيمىلىن ورىستەتۋ جونىندەگى حابارلاندىرۋدى» باسىپ تاراتىپ، بۇكىل وبلىستاعى ءار دارەجەلى پارتيا ۇيىمدارىنان كوپ ءتۇرلى فورمالاردان پايدالانىپ، ءتۇرلى بايلىقتارعا سۇيەنىپ، ”ءتورت ءتۇرلى تاسىلدە سويلەۋدى“ (باسشى كادرلار باستاماشىلدىقپەن سويلەۋ، مامان - وقىمىستىلار ۇلگى كورسەتە سويلەۋ، نەگىزگى ساتىنى جاپپاي قامتىپ ۇگىت لەكسيا سويلەۋ، ينتەرنەت جەلىسىندە جانە ينتەرنەت جەلىسىنەن تىس بىردەي سويلەۋ) كورنەكتىلەندىرۋدى تالاپ ەتتى. قازىر سانجى وبلىسى مىڭ نەشە رەت ۇگىت لەكسيا ورىستەتىپ، وتباسىلارىن ارالاپ 55 مىڭ 300 رەت ۇگىت لەكسيا سويلەدى.

  سانجى وبلىسىنداعى ءار دارەجەلى باسشى كادرلار ”شەشۋشى ازشىلىق“ رولىن بەلسەندىلىكپەن ساۋلەلەندىرىپ، باستاماشىلدىقپەن ۇيرەنىپ، يگەرىپ، باستاماشىلدىقپەن تانىمدى تەرەڭدەتىپ، باستاماشىلدىقپەن ۇگىت لەكسيا سويلەپ، تاماشا ناتيجەگە قول جەتكىزدى. جۋىقتا موري قازاق اۆتونوميالى اۋدانى شيجىر قالاشىعى پارتكومىنىڭ شۋجيى كاڭ جۇن باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى ارناۋلى تاقىرىپتىق ۇگىت لەكسياسىن جاسادى، شيجىر قالاشىعىنداعى پارتيالى كادرلاردىڭ پارتيانىڭ داڭقتى داستۇرىنە، قىمباتتى تاجىريبەلەرىنە جانە ۇلى تابىستارىنا بولعان تانىمى اناعۇرلىم تەرەڭدەي ءتۇستى.

  شيجىر قالاشىعىنىڭ كادرى جاڭ شياۋ بىلاي دەدى: ”باس شۋجي شي جينپيڭنىڭ ’1 − شىلدەدەگى‘ ماڭىزدى ءسوزىنىڭ رۋحىن ىشكەرىلەي ۇيرەنىپ، جەتە ءتۇسىنىپ، پارتيالىلىق جەتىلىمىمدى ۇزدىكسىز كۇشەيتىپ، ءىس جۇزىندىك ارەكەتىممەن بۇقارانى باقىتقا كەنەلتىپ، اۋىل - قىستاقتى گۇلدەندىرۋگە كۇش - قۋات قوسامىن“.

  سانجى وبلىسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇگىتتەۋ، لەكسيا جاساۋدا ينتەرنەتتە تاراتۋ ءتاسىلىن جاپپاي قولدانىپ، ينتەرنەتتە پارتيا تاريحىن ۇيرەنۋ تاربيەسى زەيىن سىناۋ جارىسى، كلاسسيكالىق شىعارمالاردى وقۋ سياقتى ۇلاسپالى قيمىلدار ورىستەتىپ ءارى ميكرو بەينەجازبا، حابارلاندىرۋ، H5، VR سياقتى ۇگىت لەكسيا ونىمدەرى ارقىلى ساباقحانانى ينتەرنەتتەن اشىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدىڭ، ۇگىتتەۋدىڭ، دايەكتىلەندىرۋدىڭ ”ۇلكەن حورىن“ اسقاقتاتتى.

  ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىمەن ۇشتاستىرىپ، سانجى وبلىسىندا 50 مىڭنان استام پارتيالى كادر تۋىستارى مەن بايلانىس جاساعان وتباسىلارىن ارالاپ، جاعدايلارىن ۇعىسىپ، ولارعا وقۋلىق جەتكىزدى، وزگەرىستەردى اڭگىمەلەدى، ساياساتتاردى باياندادى. سانجى وبلىسىنداعى ءار ۇلت بۇقاراسى پارتياعا دەگەن جۇرەك سوزدەرىن ”اقىندار ايتىسى“، شينجياڭ حالىق اۋەندەرى، موڭعۇل تۋدۋسى سياقتى تاسىلدەرمەن اۋىل - قىستاق ۇلكەن ساحناسىندا، مادەنيەت ۇلكەن اۋلاسىندا، جاڭا ءداۋىر وركەنيەت امالياتى پۋنكت تۇيىندەرىندە ايتتى.

  شونجى اۋدانىنداعى قازاق مۋزيكا مۇعالىمى جانىبەك قابىل باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىن ۇيرەنگەن سوڭ ەرەكشە شابىتتانىپ، «ۇلى جۇڭحۋا» اتتى ءان جازدى. ول بىلاي دەدى: ”كوممۋنيستىك پارتيا بولماسا، جاڭا جۇڭگو بولماق ەمەس. باس شۋجي شي جينپيڭنىڭ ماڭىزدى ءسوزىن ۇيرەنىپ، پارتياعا ماڭگى ىلەسۋ سەنىمىم ونان ارى بەكەمدەلدى. مەن جالعاستى ءتىپتى كوپ ءان جازىپ، ۇلى پارتيانى، ۇلى وتاندى جىرلايمىن!“

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.