تيانشان تورى
تيانشان تورى   ›   جاڭالىقتار   ›   شينجياڭ حابارلارى

قالا جەر استى قالا اكىمشىلىك نەگىزدىك قۇرىلعى قۇرىلىسىن كۇشەيتەدى

رايونىمىز اتقارۋ پىكىرىن جاريالادى

قالا جەر استى قالا اكىمشىلىك نەگىزدىك قۇرىلعى قۇرىلىسىن كۇشەيتەدى

  انار بۇلت / شينجياڭ گازەتىنىڭ ءتىلشىسى ۋاڭ يايۇن 8 - ايدىڭ 27 - كۇنى ۇرىمجىدەن حابارلايدى. تاياۋدا اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى «اۆتونوميالى رايوننىڭ قالا جەر استى قالا اكىمشىلىك نەگىزدىك قۇرىلعى قۇرىلىسىن كۇشەيتۋ جونىندەگى اتقارۋ پىكىرىن» (تومەندە قىسقارتىلىپ «پىكىر» دەلىنەدى) جاريالادى، رايونىمىزدىڭ قالا جەر استى قالا اكىمشىلىك نەگىزدىك قۇرىلعىلارىن جۇيەلىلەندىرۋ قۇرىلىسىن كۇشەيتىپ، باسقارۋ ءتۇزىمى جۇيەسىن جەدەل كەمەلدەندىرىپ، ينفورماتسيالانعان قۇرىلىس ارقىلى قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، قالانىڭ حاۋىپسىزدىك ورەسى مەن جالپىلىق كوتەرىمدىلىك قۋاتىن جوعارىلاتىپ، قونىستانۋعا جايلى قالا، يكەمدى قالا، زەردەلى قالا قۇرىپ، حالىق بۇقاراسىنىڭ كۇن سايىن ارتقان تاماشا تۇرمىسقا دەگەن قاجەتىن قاناعاتتاندىرادى.

  «پىكىردە» مىنالار تالاپ ەتىلدى: قۇرىلعىلارعا جاپپاي تەكسەرۋ جۇرگىزىپ، قالانى جالپىلىق باسقارۋ، قىزمەت وتەۋ تۇعىرىن ورناتىپ جانە كەمەلدەندىرىپ، قالا جەر استى كەڭىستىگى مەن قالا اكىمشىلىك ىستەرى نەگىزدىك قۇرىلعى قۇرىلىسىن ءبىر تۇتاس جوسپارلاپ، قۇرىلعى حاۋىپسىزدىگى كومەسكى كىناراتتارىن ارىلتۋ، كونە قۇرىلعىلاردى جاڭالاۋ تەبىنىن ارتتىرۋ، قۇرىلعىلاردى جۇيەلىلەندىرۋ قۇرىلىسىن كۇشەيتۋ، سيفرلاندىرۋ، زەردەلىلەندىرۋ قۇرىلىسىن ىلگەرىلەتۋ سياقتى جاقتارداعى ولقىلىقتاردى تولىقتاپ، قۇرىلعىلاردى اسىراۋدى كۇشەيتىپ، قامتاماسىزداندىرۋ شارالارىن كەمەلدەندىرۋ كەرەك.

  «پىكىردە» مىنالار العا قويىلدى: جەر - جەر قالا جەر استى كەڭىستىگى مەن قالا اكىمشىلىك ىستەرى نەگىزدىك قۇرىلعى قۇرىلىسىن ءبىر تۇتاس جوسپارلاپ، ءتۇرلى قۇرىلعىلاردىڭ كەڭىستىگى مەن كولەمىن ۇيلەسىمدى جايعاستىرىپ، جەر استى كەڭىستىگىن ساتىعا ءبولىپ پايدالانۋدى جالپىلاستىرىپ، جەر استى كەڭىستىگىنىڭ پايدالانىلۋ ونىمدىلىگىن جوعارىلاتىپ، جەر استى قۇرىلعىسى مەن جەر ءۇستى قۇرىلعىسىن سايكەستى قۇرۋدى، جەر استى قۇرىلعىلارى اراسىندا ۆەرتيكال ساتىلى ورنالاسۋىن، كولدەنەڭىنەن تىعىز ۇشتاسۋىن جۇزەگە اسىرۋ كەرەك.

  «پىكىردە» مىنالار باسا دارىپتەلدى: 2021 - جىلدىڭ سوڭىنان بۇرىن ءۇرىمجى قالاسى، قارامايلى قالاسى، تۇرپان قالاسى، قۇمىل قالاسى، كۇيتۇن قالاسى، اقسۋ قالاسى سىندى 6 قالادا الدىمەن سىناق رەتىندە اتقارىپ، قالانىڭ جەر استى نەگىزدىك قۇرىلعىلارىنا جاپپاي تەكسەرۋ جۇرگىزۋ، انىق - قانىعىنا جەتۋ قىزمەتىن باستاۋ كەرەك. تەز قارقىندى جول، كۇرە جول، قوسىمشا جول، تارماق جول، وتكەلدەردى قامتىعان قالا جولدارىنىڭ، كوشەلەرىنىڭ جانە باسقا دا الەۋمەتتىك وڭىرلەردىڭ قالا − قالاشىق سۋمەن قامداۋ، سۋ ىعىستىرۋ، جانار گاز، جىلۋ، ەلەكتر، حابارلاسۋ، حالىقتىق قورعانىس ينجەنەرياسى سياقتى جەر استى قالا اكىمشىلىك ىستەرى نەگىزدىك قۇرىلعىلارىنا ءتۇيىندى تۇردە جاپپاي تەكسەرۋ ورىستەتۋ كەرەك.

  2022 - جىلدىڭ سوڭىنان بۇرىن سىناق ءتۇيىنى بولعان6 قالادا قۇرىلعىلاردى جاپپاي تەكسەرۋ نەگىزىنەن ورىندالىپ بولادى. قالا جەر استى قالا اكىمشىلىك ىستەرى نەگىزدىك قۇرىلعىسىن ينفورماتسيالاندىرۋ قۇرىلىسىن ىلگەرىلەتىپ، قالانى جالپىلىق باسقارۋ، قىزمەت وتەۋ تۇعىرىن ورناتىپ، كەمەلدەندىرىپ، قولدانۋعا، جالپىلاستىرۋعا بولاتىن سىناق ءتۇيىنى تاجىريبەسىن قالىپتاستىرىپ، اۆتونوميالى رايوننىڭ تۇعىرىمەن ۇلاستىرۋدى، تۇتاستىرۋدى جۇزەگە اسىرادى.

  2023 - جىلدىڭ سوڭىنان بۇرىن وزگە قالالاردىڭ، اۋدان قالا − قالاشىقتارىنىڭ قۇرىلعىسىن جاپپاي تەكسەرۋ نەگىزىنەن ورىندالىپ، ورىن تەۋىپ وتىرعان كومەسكى كىناراتتار مەن قاتەرلى تۇيىندەر مەڭگەرىلەدى جانە شەكتى مەرزىمدە الاستالادى. قالا بولىپ قۇرىلعان قالالاردا قالانى جالپىلىق باسقارۋ، قىزمەت وتەۋ تۇعىرى ورناتىلادى جانە كەمەلدەندىرىلەدى ءارى ول اۆتونوميالى رايوننىڭ تۇعىرىمەن ۇلاستىرىلادى، تۇتاستىرىلادى.

  2025 - جىلدىڭ سوڭىنان بۇرىن تۇتاس رايوندا جالپىلىق باسقارۋ ينفورماتسيا تۇعىرىمەن تۇتاس قامتۋ نەگىزىنەن جۇزەگە اسىرىلىپ، قالا جەر استى قالا اكىمشىلىك ىستەرى نەگىزدىك قۇرىلعى قۇرىلىسىن سايكەستىرۋ مەحانيزمى اناعۇرلىم اقاۋسىزداندىرىلىپ، ونىمدىلىگى اناعۇرلىم جوعارىلاتىلىپ، حاۋىپسىزدىك كومەسكى كىناراتتار، شىرعالاڭدار كورنەكتى ازايىپ، قالانىڭ حاۋىپسىزدىك سەرپىمدىلىگى كورنەكتى جوعارىلايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.