انار بۇلت / شينجياڭ گازەتىنىڭ ءتىلشىسى چىن چياڭۋي 8 - ايدىڭ 27 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، الدىڭعى 7 ايدا قورعاس شەكارا وتكەلىنەن يمپورت - ەكسپورت ەتىلگەن زات مولشەرى 22 ميلليون 213 مىڭ 600 توننا، ساۋدا سوماسى 151 ميلليارد 993 ميلليون يۋان بولىپ، جەكە - جەكە سايكەس مەزگىلدەگىدەن ％16.5، ％25.41 ارتقان، زات مولشەرىنىڭ، ساۋدا سوماسىنىڭ ءبارى شينجياڭداعى شەكارا وتكەلدەرىنىڭ اراسىندا الدىڭعى ورىندى يەلەگەن.
قورعاس كەدەنىنىڭ ساناق مالىمەتىندە كورسەتىلۋىنشە، الدىڭعى 7 ايدا قورعاس شەكارا وتكەلىنەن يمپورت ەتىلگەن زات مولشەرى 19 ميلليون 589 مىڭ 400 توننا بولىپ، سايكەس مەزگىلدەگىدەن ％14.4 ارتقان، يمپورت ەتىلگەن تاۋارلاردان، باستىسى، تەمىر رۋدالارى، استىق - ماي داقىلدارى، حيميا ونەركاسىبى شيكىزاتى سياقتى ءداستۇرلى مول تۇتىنىلاتىن زاتتار بولعان؛ 2 ميلليون 624 مىڭ 200 توننا زات ەكسپورت ەتىلىپ، سايكەس مەزگىلدەگىدەن ％35.6 ارتقان، ەكسپورت ەتىلگەن تاۋارلار ماشينا - ەلەكتر ونىمدەرىن، اۆتوموبيل بولشەكتەرىن، كيىم - كەشەك، اياق كيىمدەردى، كۇندەلىكتى تۇتىنۋ بۇيىمدارىن، جەمىس - جيدەك، كوكونىستەردى نەگىز ەتىپ، نەگىزىنەن ورتا ازياداعى 5 ەلگە جانە رەسەيگە ەكسپورت ەتىلگەن. وسى شەكارا وتكەلىنەن يمپورت - ەكسپورت ەتىلگەن زات مولشەرى بۇكىل شينجياڭداعى شەكارا وتكەلدەرىنەن يمپورت - ەكسپورت ەتىلگەن زات مولشەرىنىڭ 60 پايىزدان استامىن ۇستاعان.
قورعاستاعى ءبىر حالىقارالىق زات تاسىمال كاسپورنىنىڭ كاسىپتىك ديرەكتورى جاڭ بين بىلاي دەپ تانىستىردى: كاسىپورىن ورتا ەسەپپەن ءار كۇنى قورعاس شەكارا وتكەلىنەن 15 جۇك اۆتوموبيلى اينالاسىندا زات ەكسپورت ەتەدى، ەكسپورت ەتىلگەن زاتتار، باستىسى، ۇساق - تۇيەك تاۋارلار، كۇندەلىكتى تۇتىنۋ بۇيىمدارى بولىپ، نەگىزىنەن قازاقستان، رەسەي، قىرعىزستان سياقتى ەلدەرگە جونەلتىلەدى.
”شەكارا وتكەلىنىڭ كەدەننەن وتكىزۋ ونىمدىلىگىن تەزدەتۋ ءۇشىن كەدەن ’ءىلىپ الماستىرۋ + قىسقا ارالىقتى تاسىمال‘، ’شەكارا كوپىرىندە تاپسىرىپ بەرۋ - تاپسىرىپ الۋ‘ سياقتى كوپ ءتۇرلى كەدەننەن وتكىزۋ جۇمىسى ۇلگىسىندە جاڭالىق اشىپ، بەلسەندى ونىمدىلىكتەرگە قول جەتكىزدى. بيىل 4 - ايدان باستاپ قورعاس شەكارا وتكەلىنەن يمپورت - ەكسپورت ەتىلگەن زات مولشەرى ءۇرتىس 4 اي بويى الدىڭعى ساناق مەزگىلىندەگىدەن ارتقان. مۇنىڭ ىشىندە 7 - ايدا 3 ميلليون 136 مىڭ 200 توننا بولىپ، يمپورت ەتىلگەن زات مولشەرى 2019 - جىلدان بەرى تاريحتاعى جوعارى دەڭگەيگە جەتتى“، - دەدى قورعاس كەدەنى جالپىلىق كاسىپتىك ءبولىمىنىڭ باستىعى يۋان حۇيپيڭ.
