تيانشان تورى   ›   جاڭالىقتار   ›   شينجياڭ حابارلارى

ساتىپ الۋ ساۋدا بازارى جەمىس - جيدەكتى ساتىپ الۋ - ساتۋ كوپىرىن سالدى

− جەمىس ورمان ونىمدەرىن ساتۋ تۋرالى جەلىلەس حابار (1)

□ انار بۇلت / شينجياڭ گازەتىنىڭ ءتىلشىسى تۇ يا

  ءپايزاۋات اۋدانىنىڭ 260 مىڭ مۋ جەرىندەگى ءپايزاۋات قاۋىنى 7 - ايدان باستاپ ارت - ارتىنان بازارعا شىققاننان بەرى تۇتاس رايونىمىزداعى ەڭ ۇلكەن ءپايزاۋات قاۋىنى ساۋدا ورتالىعى − شينجياڭ گويە توبى شەكتى سەرىكتەستىگىنە قاراستى شينجياڭ جەمىس - جيدەك (ءپايزاۋات) تولايىم تاراتۋ ساۋدا بازارىندا ءپايزاۋات قاۋىنىن ساتقان، ساتىپ العان قاۋىنشىلار مەن ساۋداگەرلەردىڭ اياعى ۇزىلمەدى، كۇن سايىن 100دەن ارتىق جۇك ماشيناسى وسى ارادان بۇكىل مەملەكەتتىڭ جەر - جەرىنە جول الۋدا.

  ”7 - ايدىڭ سوڭىندا ءپايزاۋات قاۋىنى ساتۋدىڭ قاۋىرت مەزگىلىنە وتەدى، بەيجيڭ، شاڭحاي، شىنجىن سياقتى جەرلەردەن كەلگەن 230دان ارتىق تۇراقتى ساۋداگەر كۇن سايىن 1500 توننادان ارتىق قاۋىندى بۇكىل مەملەكەتتىڭ جەر - جەرىنە جونەلتەدى“، - دەدى 8 - ايدىڭ 24 - كۇنى شينجياڭ جەمىس - جيدەك (ءپايزاۋات) تولايىم تاراتۋ ساۋدا بازارىنىڭ ورىنباسار ديرەكتورى ۋاڭ ۋي، بيىل تۇتاس اۋدانداعى ءپايزاۋات قاۋىنىنىڭ جالپى ءونىم مولشەرى 500 مىڭ تونناعا جەتتى، قازىرگە دەيىن وسى ساۋدا ورتالىعى 180 مىڭ توننا ءپايزاۋات قاۋىنىن ساتىپ بولدى.

  شينجياڭ جەمىس - جيدەك (ءپايزاۋات) تولايىم تاراتۋ ساۋدا بازارى رايونىمىز قۇرعان 24 جەمىس - جيدەك ساتىپ الۋ ساۋدا بازارىنىڭ ءبىرى. 2018 - جىلدان بەرى اۆتونوميالى رايوندىق پارتكوم مەن ۇكىمەتتىڭ شينجياڭنىڭ جەمىس ورمانى ونىمدەرىن شينجياڭ ىشىندە ساتىپ الۋ، شينجياڭ سىرتىندا ساتۋ سىندى ”ەكى تور“ قۇرىلىسىن ىشكەرىلەي ىلگەرىلەتۋ جونىندەگى تالابى بويىنشا، رايونىمىز شينجياڭ ىشىندە ءبىرشاما ۇلكەن جەمىس - جيدەك ساتىپ الۋ ساۋدا بازارىنان 24ىن قۇرىپ، ورنالاسۋى ۇيلەسىمدى، قۇرىلىمى نىعىز شينجياڭ ىشىندە ساتىپ الۋ تورىن بىرتىندەپ قالىپتاستىرىپ، ءوندىرىس رايونىن تولىق قامتۋدى جۇزەگە اسىرىپ، جەمىس - جيدەكتى ساتۋدى ءونىمدى جەبەپ، شارۋالاردى كىرىسىن ارتتىرۋعا باستادى.

  8 - ايدىڭ 24 - كۇنى تاڭ سارىدە ءپايزاۋات اۋدانى عولتوعىراق قالاشىعى سارتوعىراق قىستاعىنىڭ تۇرعىنى قادىرجان ابىلەت شينجياڭ جەمىس - جيدەك (ءپايزاۋات) تولايىم تاراتۋ ساۋدا بازارىنا كەلدى. ”بيىل قاۋىننىڭ باعاسى جاقسى، بۇگىن 1800 كيلوگرام قاۋىندى شاڭحايعا ساتتىم. 20 مۋ جەردەگى قاۋىن 95 مىڭ يۋانعا ساتىلادى دەپ مەجەلەپ وتىرمىن، كەلەر جىلى تاعى 30 مۋ جەرگە قاۋىن ەكپەكشىمىن“. سويلەپ وتىرعان ونىڭ توتىققان جۇزىنەن كۇلكى لەبى ەسەدى.

  شينجياڭ جەمىس - جيدەك (ءپايزاۋات) تولايىم تاراتۋ ساۋدا بازارىنا جالپى 210 ميلليون يۋان قارجى قوسىلعان، 2019 - جىلى 6 - ايدا ىسكە قوسىلعاننان بەرى ءتۇرلى ساۋداعا قىزمەت وتەۋ فۋنكتسياسى بىرتىندەپ كەمەلدەنىپ، اۋىل شارۋاشىلىعى ونىمدەرىن ساۋدالاۋ ورتالىعى، سۋىق تىزبەكتى زات تاسىمال بويىنشا قامبادا ساقتاۋ، ەسەپ جابۋ قىزمەت وتەۋ ورتالىعى سياقتى 5 ارناۋلى اۋماق قۇرعان، سونداي - اق 20 نەشە زات اينالىمى، قاعاز جاشىك، كوپىرشىكتى تور زاۆودى سياقتىلاردى سايكەستى ەنگىزىپ، جەرگىلىكتى ورىنداعى 3000نان ارتىق شارۋانى جۇمىستانۋعا باستادى.

      ەل ءىشى بازارىنا ءورىس اشىپ قانا قالماستان، رايونىمىز قۇرعان جەمىس - جيدەك ساتىپ الۋ ساۋدا بازارى ەگىنشى وتباسىلارىنىڭ شەتەل ساۋدا بازارىنا ءورىس اشۋىنا دا كومەكتەستى، شينجياڭ گويە توبى قاعىلىق جاڭعاق ساۋدا ورتالىعى قاعىلىق جاڭعاعىنىڭ حالىقارالىق ماركا تۇلعالاۋىنا كومەكتەستى.

  قاعىلىق اۋدانىنداعى جاڭعاق ەگىلگەن جەر اۋماعى 580 مىڭ مۋدان اسادى، 2020 - جىلدىڭ سوڭىنا دەيىن جەرگىلىكتى ورىنداعى ەگىنشى - مالشىلاردىڭ تازا كىرىسىندە جاڭعاقتان كىرگەن كىرىس 30 پايىزدان استامىن ۇستاپ، جاڭعاق كاسىپ سالاسى قاعىلىقتىڭ اۋىل - قىستاقتى گۇلدەندىرۋىن جەتەكتەيتىن نەگىزگى كاسىپ سالاسىىنا، حالىقتى اۋقاتتاندىرۋ كاسىپ سالاسىنا اينالدى. شينجياڭ گويە توبى قاعىلىق جاڭعاق ساۋدا ورتالىعىنىڭ باس ديرەكتورى في شيڭحۋا بىلاي دەدى: بيىل جىل باسىنان بەرى قاعىلىق جاڭعاق ساۋدا ورتالىعى جاڭعاق ساۋداسىنان 23 مىڭ 400 توننا ورىنداپ، ساۋدا سوماسى 230 ميلليون يۋانعا جەتتى.

  قازىرگە دەيىن قاعىلىق جاڭعاق ساۋدا ورتالىعىنىڭ جاڭعاق تاپسىرىس مولشەرى بىلتىرعىدان %20 ارتقان، شەتەل تاپسىرىسى ساۋدانىڭ جالپى مولشەرىنىڭ 70 پايىزىن ۇستاپ، نەگىزىنەن تۇركيا، رەسەي، اراب بىرىككەن امىرلىگى سياقتى ەلدەرگە ساتىلعان. ساتۋ بازارىنىڭ كەڭەيۋى جەرگىلىكتى ورىن جاڭعاعىنىڭ ساۋدا مولشەرىن، باعاسىن ورنىقتى قاداممەن جوعارىلاتتى. جاڭعاق باعاسى 2018 - جىلعى ءار كيلوگرامى 7.5 تە 8.5 يۋان ارالىعىنان قازىرگى 12 يۋانعا ءوستى.

  ”بۇرىن جاڭعاق ساتقان كەزدە ۇنەمى باعانىڭ ۇيلەسىمسىز بولۋىنان نەمەسە الۋشى تابىلماۋىنان الاڭدايتىنبىز، قازىر ساۋداگەرمەن بەتپە - بەت سويلەسەمىز، باعا دا اشىق ايتىلادى“، - دەدى قاعىلىق اۋدانى شارباق قالاشىعى ءدوڭشاقار قىستاعىنىڭ ەگىنشىسى امەت عۇجامنياز ريزاشىلىقپەن.

  جاڭعاقتىڭ ساتىلۋى جاقسى بولىپ، ساۋداگەرلەردىڭ جاڭعاق ساپاسىنا بولعان تالابى ءتىپتى دە جوعارىلادى. جاڭعاق كاسىپ سالاسىنىڭ ساننان ساپاعا قاراي وزگەرۋىن جۇزەگە اسىرۋ ءۇشىن، قاعىلىق اۋدانى جۋىق جىلداردان بەرى ءتۇرلى جەمىس ورماننىڭ ساپاسىن جوعارىلاتىپ، ونىمدىلىگىن ارتتىراتىن شارالاردى جولعا قويدى. جەرگىلىكتى ورىنداعى ەگىنشىلەردىڭ جاڭعاق ەگىمشىلىگى ساپاسىن جوعارىلاتۋدى تالاپ ەتكەن ارماندارى بارعان سايىن كۇشەيە ءتۇستى. بيىل تۇتاس اۋدانىنداعى جاڭعاق اعاشىنىڭ التىدان ءبىر بولىگى ساپالى تۇقىممەن بۋدانداستىرىلعاندىقتان، جاڭعاقتىڭ ءدانى اۋىرلاپ، جەمىس ءپىشىنى مەن ساپاسى ۇزدىكسىز جوعارىلادى.

  2018 - جىلدان بەرى شينجياڭ گويە توبى باستاماشى كاسىپورىنداردىڭ جەتەكشىلىك رولىن تولىق ساۋلەلەندىرىپ، حوتان، اقسۋ، ونسۋ، ءپايزاۋات، قاعىلىق، ءپىشان جانە چارقىلىق سياقتى جەمىس ورمانى ءوندىرىسى نەگىزگى اۋدان، قالالارىن تور كوزى ەتكەن 11 جەمىس - جيدەك ساۋدا بازارىن قالىپتاستىرىپ، بازا، مانەرلەۋ، ساۋدالاۋ، سۋىق تىزبەكتى قامبادا ساقتاۋ، زات جەتكىزۋ - تاسىمالداۋدان ەڭ سوڭعى ساتىلاتىن جەرگە دەيىنگى تۇتاس كاسىپ سالاسى تىزبەگىن شوعىرلاندىرعان دامۋ تۇعىرىن قۇردى، اۋىل شارۋاشىلىعى ونىمدەرىنىڭ جىلدىق ساتىپ الۋ - ساتۋ، ساۋدالاۋ كولەمى 5 ميلليون تونناعا جەتتى.

  سونىمەن بىرگە ءارقايسى ايماق، وبلىستار دا وندىرەتىن جەرلەردىڭ ساۋدا بازار قۇرىلىسىنا وسكەلەڭ ءمان بەرىپ، شەريا، تۇرپان، جىڭ، كورلا، چارقىلىق، توقسۋ سياقتى جەرلەردە جاڭعاق، شىلان، الما، ءجۇزىم، المۇرت سياقتى جەمىس - جيدەك ارناۋلى بازارىنان 13ىن قۇرىپ، 1500دەن ارتىق ساۋداگەردى باۋراپ، جىلدىق ساۋدا مولشەرى 480 مىڭ تونناعا، ساۋدا سوماسى 4 ميلليارد يۋانعا تايادى، سونداي - اق جەر - جەردەگى ساۋدا بازارلارى ءبىر توپ جەمىس ورمانىن ساتىپ الاتىن، بازاردى تۇسىنەتىن، باسقارا بىلەتىن دەلدالداردى جەتىلدىرىپ، جەمىس شارۋالارى مەن بازار اراسىنا كوپىر سالدى.

  كەزەكتە تۇتاس رايوندا ساۋدا بازارىن نەگىزگى تۇلعا، اۋىل، قالاشىق، قىستاق بازارىن ءتۇيىن ەتكەن، كووپەراتيۆ، دەلدال ارقىلى قالىڭ ەگىنشىلەردى بايلانىستىرعان شينجياڭ ىشىندەگى ساتىپ الۋ تورىن قالىپتاستىردى. بولاشاققا كوز جىبەرگەندە، ساۋدا بازارىنىڭ جەتەكشىلىك ەتۋىندە شينجياڭداعى جەمىس شارۋالارى، ءسوز جوق، ءتىپتى دە بالداي ءتاتتى تۇرمىس كەشىرەدى!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.