حۋنان:
”قىستاقتار مەن قىستاقتاردىڭ جۇپ قۇراۋى“ كاسىپ سالاسىنىڭ تەڭ وركەندەۋىن جۇزەگە اسىردى
انار بۇلت / شينجياڭ گازەتىنىڭ ءتىلشىسى جاڭ رۇيلين
”حۋناننىڭ ’اپەكەلى - سىڭلىلەر قىستاعىنداعى‘ كەپتەر باعۋشى تەحنيكتەرمەن پىكىر اۋىستىرعاننان كەيىن مەن باعىمشىلىقتى دامىتۋ جونىندە جاڭا ويلارعا كەلىپ، تۇقىمدى ساپالىلاندىرىپ، كىرىستى ارتتىرۋ بەتالىسىن ايقىندادىم“. 8 - ايدىڭ 18 - كۇنى كەپتەر ۇياسىنداعى گۋ - گۋلەگەن كەپتەرلەرگە قاراپ تۇرىپ، تۇرپان قالاسى گاۋچاڭ رايونى يار قالاشىعى جاڭاءشار باتىس قاقپا قىستاعىنىڭ تۇرعىنى تۇرسۇن راحمتۇللانىڭ كوز جانارىنان ءۇمىت مەن مۇندالايدى.
تۇرسۇن ايتقان ”اپەكەلى - سىڭلىلەر قىستاعى“ حۋنان ولكەسى شياڭشي تۋجيا ۇلتى، مياۋزۋ ۇلتى اۆتونوميالى وبلىسى حۋايۋان اۋدانى شۋاڭلۇڭ قالاشىعى شىبادۇڭ قىستاعى ەدى. 2020 - جىلى 9 - ايدا حۋنان ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابىنىڭ دانەكەر بولۋىندا جاڭاءشار باتىس قاقپا قىستاعى مەن شىبادۇڭ قىستاعى ۇلتتار ىنتىماعىنان جانە اۋىل - قىستاقتى گۇلدەندىرۋدەن ۇلگى كورسەتۋ قىستاعىن بىرگە قۇرۋ كەلىسىمىن جاساستى. بيىل 7 - ايدا شىبادۇڭ قسىتاعىنىڭ كەپتەر باعۋشى تەحنيكتەرى جاڭاءشار باتىس قاقپا قىستاعىنا بارىپ، باعىمشىلىق تۇقىمى جانە باعىمشىلىق تەحنيكاسى جونىندە قىستاقتاعى باعىمشىلىق وتباسىلارىمەن پىكىر اۋىستىرىپ، تاتىمدى ۇسىنىس - پىكىرلەر بەردى.
”قىستاقتار مەن قىستاقتار جۇپ قۇراعاننان“ كەيىن قىستاق تۇرعىنى مۇيبۇللا راسۇلدىڭ كۇش - قايراتى ونان ارى تاسقىندادى. ”قىستاعىمىزدىڭ نان كاسىپ سالاسى باقشاسىنىڭ ناندارى شىبادۇڭ قىستاعى قامداۋ - ساۋدا كووپەراتيۆىنىڭ ’شينجياڭنىڭ ونىمدەرىن حۋنانعا ەنگىزۋ‘ اۋىل شارۋاشىلىق ونىمدەرى سورەسىنە شىعارىلدى. ناندى جاقسى جاۋىپ، جۇپ قۇراعان قىستاقتىڭ ءدامدى تاعامدارىمىزدى مۇنان دا كوپ ادامعا تانىستىرۋىنا مۇمكىندىك جاسايمىن“، - دەدى مۇيبۇللا ماقتانىشپەن.
بيىل حۋنان ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابىنىڭ ۇيىمداستىرۋىندا تۇرپان قالاسى گاۋچاڭ رايونى شينچىڭ اۋماعىن باسقارۋ كوميتەتى پارتيا قىزمەت كوميتەتىنىڭ شۋجيى چىن جياسۇن حۋنان ولكەسىندەگى جۇپ قۇراعان قىستاققا بارىپ، كوزدەن كەشىرىپ، ۇيرەنۋدە بولدى. جۇمىس باسىندا كوزدەن كەشىرگەننەن كەيىن، ول اراداعى پارىقتى سەزىندى، ءبىراق دامۋ سەنىمى مەن بەتالىسىن دا تاپتى. ”قازىر ەكى جەردىڭ ىقپالداستىق جاساۋى ونان ارى جيىلەپ، ءبىز بايلىق، دارىندى، ۇستانىم، تەحنيكا سياقتى كوپ جاقتاعى جەتىستىكتەن بىرگە يگىلىكتەندىك. الدا ءبىز جۇپ قۇراعان قىستاقپەن مەرزىم بويىنشا بەينە ەكران بايلانىسى ارقىلى اڭگىمە ءماجىلىس اشۋعا ۇيىمداستىرىپ، كادرلاردى، دارىندىلاردى ۇيرەنۋدە بولۋعا، اۋىس - كۇيىس جاساۋعا ءوزارا جىبەرىپ، جان - جاقتى تەرەڭدەي سەلبەستىكتى جۇزەگە اسىرامىز“، - دەدى چىن جياسۇن.
قالا مەن قالانىڭ ۇشتاسۋىنان قىستاق پەن قىستاقتىڭ قول ۇستاسۋىنا دەيىن تىڭعىلىقتى كومەكتەسۋ - سۇيەمەلدەۋ حۋنان ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابى تۇلعالاعان جاڭاشا ”حۋنان ولكەسىنىڭ شينجياڭعا باعىتتامالى كومەكتەسۋ ۇلگىسى“. بىلتىردان بەرى تۇرپان قالاسى گاۋچاڭ رايونى يار قالاشىعىنىڭ جاڭاءشار باتىس قاقپا قىستاعى سياقتى قىستاقتار (ليان - دۇي) جەكە - جەكە حۋنان ولكەسى شاۋشان قالاسى شاۋشان اۋىلىنىڭ شاۋشان قىستاعى، حۋايۋان اۋدانى شۋاڭلۇڭ قالاشىعىنىڭ شىبادۇڭ قىستاعى، رۋچىڭ اۋدانى ۋىنميڭ ياۋزۋ اۋىلىنىڭ شاجوۋ ياۋزۋ قىستاعى، ليۋياڭ قالاسى بەيشىڭ قالاشىعىنىڭ ماجان قىستاعى سياقتى ەرەكشە قىستاقتارمەن ۇلتتار ىنتىماعىنان جانە اۋىل - قىستاقتى گۇلدەندىرۋدەن ۇلگى كورسەتۋ قىستاعىن بىرگە قۇرۋ بويىنشا جۇپ قۇرادى.
”قىستاقتار مەن قىستاقتار جۇپ قۇراۋدان“ سىرت، حۋنان ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابى حۋنان ولكەسىنەن كەمىندە 100 كاسىپتىك دارىندىنى جانە حۋنان ولكەسىنىڭ مەملەكەت مەنشىگىندەگى كاسىپورىندارىنان، حالىقتىق كاسىپورىندارىنان، سونداي - اق حۋنان ولكەسىنىڭ شينجياڭداعى ساۋداگەرلەر قوعامىنان، كاسىپورىندارىنان، شينجياڭعا باعىتتامالى كومەكتەسەتىن ساۋداگەر شاقىرىپ، قارجى ەنگىزۋ كاسىپورىندارىنان 100ىن توقتام جاساسىپ جۇپ قۇراۋ، بايلانىس جاساپ بىرگە قۇرۋ سياقتى تاسىلدەردى قولدانىپ، تۇرپان قالاسىنداعى 100 قىستاقپەن مەرزىم بويىنشا، توپ بويىنشا بايلانىس جاساپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا ات سالىسىپ جانە ونىمەن توعىسىپ، اۋىل - قىستاقتى گۇلدەندىرۋ ستراتەگياسىن اتقارۋعا دەم بەرىپ، حۋنان مەن تۇرپان ەكى جەردىڭ ارالاسۋىن، ىشتەسۋىن، توعىسۋىن تەرەڭدەتىپ، ۇلتتار ىنتىماعىنىڭ جانە اۋىل - قىستاقتى گۇلدەندىرۋدىڭ ”شينجياڭعا باعىتتامالى كومەكتەسۋ ۇلگىسىن“ بىرگە قۇرۋعا ۇيىمداستىردى، جۇمىلدىردى.
تۇرپان قالالىق پارتكومنىڭ ورىنباسار شۋجيى، حۋنان ولكەسىنىڭ شينجياڭعا باعىتتامالى كومەكتەسۋ الدىڭعى جاق قولباسشىلىق شتابىنىڭ باس قولباسشىسى ليۋ جۇڭجيە بىلاي دەپ تانىستىردى: حۋنان ولكەسى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كومەك كورسەتىلەتىن جەردىڭ ءىس جۇزىندىك جاعدايىنا نەگىزدەلىپ، قىستاقتار مەن قىستاقتاردىڭ جۇپ قۇراپ بىرگە قۇرۋىن تۇتقا ەتىپ، كومەك كورسەتىلەتىن قىستاقتاردىڭ ”قاجەتىن“ حۋنان ولكەسىنىڭ جۇپ قۇراعان قىستاقتارىنىڭ ”شاما - شارقىمەن“ ۇشتاستىرىپ، بىرگە قۇرۋ مازمۇنىن دالمە - ءدال بەلگىلەپ، ەكى جەردىڭ نەگىزگى ساتى پارتيا قۇرىلىسى جانە نەگىزگى ساتىنى جونگە سالۋ سياقتى جاقتاردا تاجىريبە اۋىستىرۋىن ارتتىرىپ، بايلىقتان بىرگە يگىلىكتەنۋدى، كاسىپ سالاسىنىڭ بىرگە گۇلدەنۋىن جۇزەگە اسىرۋعا قۇلشىندى. كەلەر قادامدا ۇلتتار ىنتىماعىنان جانە اۋىل - قىستاقتى گۇلدەندىرۋدەن ۇلگى كورسەتۋ قىستاعىن بىرگە قۇرۋ قىزمەتىن ۇزدىكسىز ىلگەرىلەتىپ، جۇپ قۇراپ بىرگە قۇرۋدىڭ فورماسى مەن مازمۇنىن تەرەڭدەتىپ، ەكى جەردەگى پارتيالى كادرلاردىڭ، بۇقارانىڭ ءوزارا بارىس - كەلىس، اۋىس - كۇيىس جاساسۋ سەرپىنىن ارتتىرىپ، قىستاق ”ەكى كوميتەتى“ مۇشەلەرىنىڭ، زاپاس كادرلاردىڭ جۇپ قۇراعان قىستاققا بارىپ، كۋرسقا ىلەسىپ ۇيرەنۋ مەحانيزمىن تياناقتاندىرىپ، ەكى جەردىڭ كوللەكتيۆ شارۋاشىلىق ۇيىمدارىنىڭ ءوزارا تيىمدىلىك جاساۋ سەلبەستىگىن ىلگەرىلەتەدى.
