انار بۇلت / شينجياڭ گازەتىنىڭ ءتىلشىسى شى شين 8 - ايدىڭ 28 - كۇنى ۇرىمجىدەن حابارلايدى. 8 - ايدىڭ 28 - كۇنى شينجياڭ ەگىن، مال شارۋاشىلىعى قارجى قوسۋ (توبى) شەكتى جاۋاپكەرشىلىك سەرىكتەستىگى (تومەندە قىسقارتىلىپ ”شينجياڭ ەگىن، مال شارۋاشىلىعى قارجى قوسۋ توبى“ دەلىندى) ماڭدايشالىق اسىپ قۇرىلدى، بۇل رايونىمىزدا وسىدان باستاپ مەملەكەت مەنشىگىندەگى كاپيتال جايعاسقان ەگىن، مال شارۋاشىلىعى قارجى قوسۋ، قارجى قۇراۋ تۇعىرى بولاتىندىعىن، شينجياڭ ەگىن، مال شارۋاشىلىعىنىڭ وسىزاماندانعان كاسىپ سالاسىنا قاراي تيبىن جاڭالاپ، دارەجەسىن وسىرۋدە ماڭىزدى قادام باسقاندىعىن كورسەتەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماڭدايشالىق اسۋ سالتىنا قاتىناستى ءارى ءسوز سويلەدى.
ەركىن تۇنياز بىلاي دەپ اتاپ كورسەتتى: شينجياڭ ەگىن، مال شارۋاشىلىعى قارجى قوسۋ توبىنىڭ قۇرىلۋى اۆتونوميالى رايوندىق پارتكوم مەن ۇكىمەتتىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرۋدە، تياناقتاندىرۋدا شىعارعان ءبىر كەلەلى شەشىمى، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرۋداعى كەلەلى شاراسى، سونداي - اق مەملەكەت مەنشىگىندەگى كاسىپورىن رەفورماسىنىڭ 3 جىلدىق ارەكەت مىندەتىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، شينجياڭنىڭ ەگىن، مال شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋىنا جانە تيبىن جاڭالاپ، دارەجەسىن وسىرۋىنە پايدالى، جوعارى ولشەمدى ماڭىزدى ەگىن، مال شارۋاشىلىعىن كاسىپ سالالاندىرۋ نىساندارىن اناعۇرلىم جاقسى اتقارۋعا جانە ىلگەرىلەتۋگە پايدالى، 1 - ، 2 - ، 3 - كاسىپ سالالارىنىڭ توعىسپالى دامۋىنا جانە اۋىل - قىستاقتى گۇلدەندىرۋ ستراتەگياسىن اتقارۋعا پايدالى. شينجياڭ ەگىن، مال شارۋاشىلىعى قارجى قوسۋ توبى ”مال - مۇلىك ۇقىعى ايقىن، ۇقىق پەن جاۋاپكەرشىلىك انىق، ۇكىمەت پەن كاسىپورىن بولىنگەن، باسقارۋى عىلمي“ بولعان وسى زامانعى كاسىپورىن ءتۇزىمىن ورناتىپ، ”شينجياڭنىڭ اۋىل شارۋاشىلىعىن، اۋىل - قىستاقتارىن، شارۋالارىن دامۋعا جەتەكتەپ، شينجياڭ ەگىن، مال شارۋاشىلىعىنىڭ قۇنىن ايگىلەپ، شينجياڭداعى ەگىنشى - مالشىلاردى اۋقاتتانۋعا باستاۋ“ ستراتەگيالىق بورىشىن جۇزەگە اسىرىپ، رايونىمىزدىڭ وسى زامانعى ەگىن، مال شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك.
شينجياڭ ەگىن، مال شارۋاشىلىعى قارجى قوسۋ توبى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ تىكەلەي باقىلاپ - باسقارۋىنداعى مەملەكەت مەنشىگىندەگى جەكەلەي قارجىلى سەرىكتەستىك، جارنا ۇقىعى، قارجى قوسۋ، مال - مۇلىك باسقارۋ، بايلىقتى بىرىكتىرۋ سياقتى جاقتاردا بەلسەندى رول ساۋلەلەندىرىپ، شينجياڭنىڭ ەگىن، مال شارۋاشىلىعىن كاسىپ سالالاندىرۋ بارىسىنا جەتەكشىلىك ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىنا اناعۇرلىم ويداعىداي قىزمەت وتەيدى.
