پىڭ گۇيچين:
مەكتەپ − تاپجىلماي قورعايتىن مەكەنىم
انار بۇلت / شينجياڭ گازەتىنىڭ ءتىلشىسى جاڭ رۇيلين
”ول بەينە توراڭعى سياقتى ءوزى قىزۋ سۇيگەن وقۋ - اعارتۋ ىستەرىنە تامىر تارتتى. ونىڭ بۇكىل وي - ارمانى بالالار ءۇشىن، وقۋ - اعارتۋ ءۇشىن قىزمەت ىستەۋ، مىنە بۇل مەنىڭ نازارىمداعى پىڭ شۋجي“، - دەدى 8 - ايدىڭ 24 - كۇنى ءوزىنىڭ جاقسى سەرىگىن اۋىزعا العاندا تۇرپان قالاسى توقسۇن اۋداندىق 1 - باستاۋىش مەكتەبىنىڭ باستىعى رىسالات قۇربان اسەرلەنىپ.
رىسالات ايتقان ”پىڭ شۋجي“ تۇرپان قالاسى توقسۇن اۋداندىق 1 - باستاۋىش مەكتەبى پارتيا باس ياچەيكاسىنىڭ شۋجيى پىڭ گۇيچين. وقۋ - اعارتۋ ىستەرىمەن شۇعىلدانعانىنا 30 نەشە جىل بولعان ول قاي - قاشان دا ”كوڭىلدى وقىتۋ“ ۇستانىمىن ۇستانىپ، بالالاردىڭ كوڭىلدى ۇيرەنۋ بارىسىندا ەسەيىپ - ەرجەتۋىنە مۇمكىندىك جاساۋعا قۇلشىندى.
2011 - جىلى 9 - ايدا توقسۇن اۋداندىق 1 - باستاۋىش مەكتەبى بۇرىنعى ءۇمىت باستاۋىش مەكتەبىمەن، سارى ءدوڭ باستاۋىش مەكتەبىمەن قوسىلىپ، جاڭادان توقسۇن اۋداندىق 1 - باستاۋىش مەكتەپ بولىپ قۇرىلادى، پارتيا ياچەيكاسىنىڭ ورىنباسار شۋجيى، مەكتەپ باستىعى بولىپ تاعايىندالعان پىڭ گۇيچين جاڭا سىناققا ءدوپ كەلەدى. توعىسۋ، ونان دا ماڭىزدىسى، جاڭالىق اشۋ كەرەك. پىڭ گۇيچين باتىلدىقپەن ساباقحانا وقىتۋ تاسىلىنە وزگەرىس ەنگىزىپ، ءار ساعاتتىق ساباقتا وقىتۋشى مەن وقۋشىلاردىڭ ىقپالداستىق جاساۋ، تالقى وتكىزۋ ۋاقىتىن شىعارىپ، وقۋشىلاردى ساباقحانانىڭ باس كەيىپكەرى بولۋىنا مۇمكىندىك جاسايدى.
كۇمانمەن قارايتىن، تۇسىنبەيتىندەر ىلەسە جۇرەدى. كۇمانمەن قارايتىندار تەك اتا - انالاردان عانا ەمەس، وقىتۋشىلاردان دا شىعادى. پىڭ گۇيچين رەفورمانىڭ ءمانىن سابىرلىلىقپەن ءتۇسىندىرىپ، پىكىرلەر مەن ۇسىنىستاردى دەن قويا تىڭداپ، ۇزدىكسىز كەمەلدەندىرۋ بارىسىندا وقۋشىلاردىڭ ساباقحانادان العان اسەرىن جوعارىلاتىپ، بالالاردىڭ ۇيرەنۋگە بولعان قۇشتارلىعىن ءتىپتى دە قويۋلاتادى.
بالالاردىڭ جان - جاقتىلى دامۋىنا كومەكتەسۋ ءۇشىن، پىڭ گۇيچين اۋەستى جەتىلدىرۋدى دارىپتەپ، وقۋشىلاردىڭ مەكتەپ قۇشاعىنداعى تۇرمىسىن بايىتادى. ءار جىلى وقۋ باستاۋدان بۇرىن پىڭ گۇيچين وقىتۋشىلاردى جيناپ، جاڭا وقۋ ماۋسىمىنداعى كۋرجەك قىزمەتىن تالقىلايدى. قازىر مەكتەپتە مۋزيكا، اسەمونەر، كارتون، باعدارلاما جاساۋ، قۇلتەمىر جاساۋ سياقتىلاردى قامتىعان 24 كۋرجەك بار. سونىمەن بىرگە مەكتەپ تاعى ”ءبىر كلاستا ءبىر ءونىم، ءبىر كلاستا ءبىر ەرەكشەلىك بولۋ“ قيمىلىن ورىستەتىپ، وقۋشىلاردىڭ قابىلەتىن ەركىن ايگىلەۋىنە مۇمكىندىك جاساپ، وقۋشىلاردىڭ دەربەس وي جۇگىرتۋ قابىلەتىن جەتىلدىرىپ، بالالاردىڭ جان - جاقتىلى دامۋىنا ويداعىداي نەگىز قالادى.
وقىتۋشىلاردىڭ نازارىندا پىڭ گۇيچين بەينە ”قازىنالى قوبدي“ سياقتى زەيىنىندە ۇنەمى جاڭا ويلار جۇرەدى.
”ءوز ءۇيىڭ سياقتى، ونى ۇنەمى ءتىپتى دە ادەمى، ءتىپتى دە جايلى ەتىپ ساندەۋدى ويلاۋىڭ كەرەك. مەن ءۇشىن ايتقاندا، مەكتەپ مەنىڭ تاپجىلماي قورعايتىن مەكەنىم، مەن امالىن تاۋىپ بالالاردىڭ ارمانىن قورعاپ، ولاردىڭ قۇلاشىن كەڭگە جايۋىنا بەرىك نەگىز قالايمىن“. مەكتەپتىڭ ”ۇلكەن اتا - اناسى“ رەتىندە پىڭ گۇيچين ۇنەمى قايراتىنا ءمىنىپ، سۇيىسپەنشىلىك جانە مەيىر ارقىلى كوپشىلىكتى ىنتىماقتاستىرادى.
مەكتەپ العاش قۇرىلعان كەزدەن باستاپ توعىستىرۋ مەن ىنتىماقتاستىرۋ پىڭ گۇيچين قىزمەتىنىڭ نەگىزگى مازمۇندارىنىڭ ءبىرى بولاتىن. ول ءتۇرلى قيمىلداردى ۇيىمداستىرىپ ورىستەتىپ، ءوزارا تىلدەسۋدى، اۋىس - كۇيىس جاساۋدى جەبەدى. جۇپ قۇراپ تۋىس بولۋدا پىڭ گۇيچىن ەڭ بەلسەندى جانداردىڭ ءبىرى ەدى؛ تۇرمىسىندا قيىنشىلىعى بار وقۋشىلاردىڭ وتباسىنا ول ۇنەمى ءبىرىنشى بولىپ كومەك قولىن سوزاتىن. پىڭ گۇيچيننىڭ باستاۋى مەن ىقپالىندا توقسۇن اۋداندىق 1 - باستاۋىش مەكتەبىندەگى وقىتۋشى - وقۋشىلار ءبىر وتباسىنىڭ ادامىنداي بولىپ، بىرگە ۇيرەنىپ، بىرگە وينادى. مەيلى كىمنىڭ وتباسىندا قيىنشىلىق بولسا، كوپشىلىك تۇگەلدەي كومەك قولدارىن سوزاتىن.
پىڭ گۇيچين ءۇشىن ايتقاندا، كوڭىلدى ۇيرەنۋ تەك شات - شادىمان ساباقحانانى عانا مەڭزەمەيدى. ىنتىماقتى، جاراسىمدى مەكتەپ قۇشاعى رايى عانا بالالارعا تاماشا ۇيرەنۋ ورتاسىن سيلايدى. پىڭ گۇيچيننىڭ تالىقپاي تاباندىلىق كورسەتۋىنىڭ ارقاسىندا، مەكتەپ مەيىرلى ۇلكەن شاڭىراققا اينالىپ، ”كوڭىلدى وقىتۋ“ سۇبەلى جەمىس بەردى.
”وقۋ - اعارتۋ قىزمەتكەرلەرى ءتىپتى دە توراڭعى سياقتى تەرەڭگە تامىر تارتىپ تاپجىلماۋى ءتيىس. ءبىز بۇتاق - جاپىراقتارىمىزدى كەڭ جايىپ، ءوزىمىزدى تولىقتىرىپ، كەمەلدەندىرۋگە قۇلشىنعاندا عانا، بالالاردىڭ سايامىزدا ەسەيىپ - ەرجەتۋىنە مۇمكىندىك جاساي الامىز. 1 - باستاۋىش مەكتەپتەگى بالالاردىڭ تۇگەلدەي ىنتىماقتىڭ كۇش - قۋاتىن قابىلداپ، بولاشاق ساپارىندا جۇرەكتەرىنە مەيىر ۇيالاتىپ، ۇلەس قوسۋعا پەيىل بولۋلارىن ءۇمىت ەتەمىن“، - دەدى پىڭ گۇيچين.
پىڭ گۇيچين بار ىقىلاسىن سالىپ، ءوزى قىزۋ سۇيگەن وقۋ - اعارتۋ ىسىنەن تاپجىلمادى، ونىڭ سىڭىرگەن ەڭبەگى دە مويىنداۋعا يە بولدى. پىڭ گۇيچين ىلگەرىندى - كەيىندى مەملەكەتتىك تاڭداۋلى پارتيا ىستەرى قىزمەتكەرى، مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، اۆتونوميالى رايوندىق 1 - مامىر ەڭبەك مەدالى، اۆتونوميالى رايوندىق وزات قىزمەتكەر، اۆتونوميالى رايوندىق رۋحاني وركەنيەت قۇرىلىسىنداعى باستاماشى، اۆتونوميالى رايوندىق ورتا، باستاۋىش مەكتەپتەردىڭ ءمورال تاربيەسى عىلمي زەرتتەۋ قىزمەتىندەگى وزات قىزمەتكەر سياقتى اتاقتارعا يە بولدى.
