تيانشان تورى   ›   جاڭالىقتار   ›   شينجياڭ حابارلارى

جۇڭحۋا ۇلتى ورتاق تۇلعا تانىمىن بەرىك ورناتىپ، زەيىن - زەردەنى، كۇش - قۋاتتى ۇيىستىرىپ، جاڭا داۋىردەگى جۇڭگوشا سوتسياليستىك شينجياڭ قۇرامىز

− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزى رايونىمىزدا كۇشتى اڭىس قوزعادى

انار بۇلت / شينجياڭ گازەتىنىڭ تىلشىلەرى

  8 - ايدىڭ 27 - كۇنىنەن 28 - كۇنىنە دەيىن ورتالىقتىڭ ۇلت قىزمەتى ءماجىلىسى بەيجيڭدە اشىلدى. باس شۋجي شي جينپيڭ ماجىلىستە ماڭىزدى ءسوز سويلەپ، جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ءجۇرۋ سياقتى كەلەلى ماسەلەلەرگە عىلمي جاۋاپ بەردى، ول پارتيانىڭ ۇلت قىزمەتى امالياتىنىڭ ەڭ جاڭا قورىتىندىسى، ماركسيزم ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى، جاڭا داۋىردەگى ۇلت قىزمەتىن جاقسى ىستەۋدىڭ ءتۇبىرلى بويسۇنۋ ولشەمى. باس شۋجي شي جينپيڭنىڭ ماڭىزدى ءسوزى رايونىمىز قوعامىنىڭ ءار سالاسىندا كۇشتى اڭىس قوزعادى. بۇكىل رايونداعى ءار ۇلت كادر - بۇقاراسى جابال مىنالاردى ءبىلدىردى: جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت ماسەلەسىن شەشۋدىڭ جۇڭگوشا دۇرىس جولىمەن مىزعىماستان ءجۇرىپ، جۇڭحۋا ۇلتى ورتاق رۋحاني مەكەنىن ورناتىپ، زەيىن - زەردەنى، كۇش - قۋاتتى ۇيىستىرىپ، جاڭا داۋىردەگى جۇڭگوشا سوتسياليستىك شينجياڭدى ويداعىداي قۇرامىز.

  اۆتونوميالى رايوندىق ۇلت ىستەرى كوميتەتى (ءدىن ىستەرى مەكەمەسى) پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى (مەكەمە باستىعى) ماحمۇت وسمان بىلاي دەدى: باس شۋجي شي جينپيڭنىڭ ماڭىزدى ءسوزى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدىڭ جەتەكشى يدەياسىن، ستراتەگيالىق نىسانالارىن، ءتۇيىندى مىندەتتەرىن، ساياساتتىق شارالارىن ايقىنداپ، جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. جۇڭحۋا ۇلتى ورتاق تۇلعا تانىمىن بەرىك ورناتۋ ۇلتتار ىنتىماعىن كۇشەيتۋ، قوعام ورنىقتىلىعىن قورعاۋ، مەملەكەتتىڭ تۇتاستىعىن قورعاۋ جونىنەن، رايونىمىزداعى ءار ۇلت كادر - بۇقاراسىنىڭ جاڭا داۋىردەگى جۇڭگوشا سوتسياليستىك شينجياڭ قۇرۋداعى تەلەگەي كۇشىن ۇيىستىرۋ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ جونىنەن ەرەكشە ماڭىزدى مانگە يە.

  باس شۋجي شي جينپيڭ: جاڭا داۋىردەگى پارتيانىڭ ۇلت قىزمەتىن ويداعىداي ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك، - دەپ باسا دارىپتەدى. شينجياڭ قوعامدىق عىلىمدار اكادەمياسى ۇلتتار زەرتتەۋ ورنىنىڭ كومەكشى اعا زەرتتەۋشىسى لي يانرۇڭ مىنالاردى ءبىلدىردى: جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ ءار سالاسىمەن، جالپى بارىسىمەن ساباقتاستىرۋ، ءسوز جوق، جۇڭحۋا ۇلتىنىڭ ۇلى ىنتىماعىن بارىنشا بەكەمدەپ جانە دامىتىپ، ەلىمىزدىڭ ۇلتتار ىنتىماعى، العاباسارلىعى ىستەرى دامۋىنىڭ جاڭا جاعدايىن ۇزدىكسىز اشادى، ءسوز جوق، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزۋگە جۇمىلدىرادى.

  باس شۋجي شي جينپيڭ، ءسوز جوق، جۇڭحۋا ۇلتى ۇلى ىنتىماعى تۋىن بيىك ۇستاپ، ءار ۇلتتىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەۋ كەرەك دەپ اتاپ كورسەتتى. مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە، 12 جىل بويى ءوز اۋلاسىندا تاباندىلىقپەن مەملەكەت تۋىن شىعارعان سالىحجان يمىن بىلاي دەدى: ”مەن ءوزىمنىڭ جۇڭحۋا ۇلتىنىڭ ءبىر مۇشەسى بولعاندىعىمدى شەكسىز ماقتانىش سەزىنەمىن، بۇكىل ءومىرىمدى ۇلتتار ىنتىماعىن قورعاۋعا ارنايمىن، سونىمەن بىرگە ماڭايىمداعى ءار ۇلت بۇقاراسىن جۇڭحۋا ۇلتى ورتاق تۇلعا تانىمىن بەرىك ورناتىپ، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ بەرىك يدەيالىق قامالىن ورناتۋعا تاربيەلەيمىن، جەتەكتەيمىن“.

  باس شۋجي شي جينپيڭ مەملەكەتتە ءبىر تۇتاس قولدانىلاتىن ءتىل - جازۋدى كەڭىنەن جالپىلاستىرۋ كەرەك دەپ باسا دارىپتەدى، بۇل مەملەكەتتىك تاڭداۋلى كوممۋنيستىك پارتيا مۇشەسى، ءۇشتۇرپان اۋدانى يماملىرىم قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نيازدى ايرىقشا اسەرلەندىردى. ”ءتىل − كوپىر جانە دانەكەر، ءتىل بىلسە، از ۇلت بۇقاراسى ءوزىن اناعۇرلىم جاقسى دامىتا الادى. مەن جۇڭحۋانىڭ تاڭداۋلى ءداستۇرلى مادەنيەتىن وقۋ - اعارتۋمەن، وقىتۋمەن توعىستىرىپ، بالالاردىڭ كىشكەنتايىنان جۇڭحۋا ۇلتى ورتاق تۇلعا تانىمىن بەرىك ورناتىپ، وتاندى ءسۇيۋ ىنتا - ىقىلاسىن جەتىلدىرۋىنە مۇمكىندىك جاسايمىن“.

  دامۋ − ۇلتتىق وڭىرلەردەگى ءتۇرلى ماسەلەلەردى شەشۋدىڭ باس كىلتى. باس شۋجي شي جينپيڭ ءار ۇلتتىڭ سوتسياليستىك وسىزاماندانۋعا بىرگە قادام تاستاۋىن ىلگەرىلەتۋ كەرەك دەپ اتاپ كورسەتتى. ۇلىقشات اۋدانى جىعىن اۋىلدىق پارتكومنىڭ شۋجيى چىن زوۋفىڭ بىلاي دەدى: كورىكتى اۋىل - قىستاق قۇرۋعا كۇش سالىپ، 1 - ، 2 - ، 3 - كاسىپتەردىڭ توعىسا دامۋىن ىلگەرىلەتىپ، اۋىل شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، شارۋالاردىڭ باي - باقۋاتتى بولۋىن جەبەيمىز.

  ”باس شۋجي شي جينپيڭ ۇلتتار ىنتىماعى، العاباسارلىعىنداعى وزاتتاردان بولۋدى ىشكەرىلەي ورىستەتىپ، ىشكى ءمانىن تەرەڭدەتۋگە، فورماسىن بايىتۋعا، ادىستە جاڭالىق اشۋعا كۇش سالۋ كەرەك دەپ باسا دارىپتەدى. بەيتيڭ بايىرعى قالا جۇرتى شينجياڭنىڭ ەجەلدەن وتانىمىزدىڭ ايىرىلماس ءبىر بولىگى ەكەندىگىنە كۋا بولدى، بۇل شينجياڭنىڭ تاريحىن دۇرىس ءتۇسىندىرىپ، شينجياڭدى مادەنيەتپەن نارلەندىرۋدىڭ رولىن تولىق ساۋلەلەندىرىپ، شينجياڭنىڭ قوعام ورنىقتىلىعىن جانە ۇلتتار ىنتىماعىن قورعاۋ جونىنەن تەرەڭ مانگە يە“. جەمسارى اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاڭ يانجىن مىنالاردى ءبىلدىردى: قازىر جەمسارى اۋدانى مەملەكەتتىك ۇلتتار ىنتىماعىندا، العاباسارلىعىندا ۇلگى كورسەتەتىن اۋدان قۇرۋدى وراي ەتىپ، بەيتيڭ بايىرعى قالاسى ارقىلى شينجياڭ تاريحىن دالەلدەۋ، ارحەولوگيالىق جۇمىس باسىنا بارۋ سياقتى قيمىلداردى ورىستەتۋ ارقىلى جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتۋدا.

  ”باس شۋجي شي جينپيڭنىڭ ماڭىزدى ءسوزى جاڭا داۋىردەگى پارتيانىڭ ۇلت قىزمەتىن جاقسى ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى“. نيە اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ءمامتىمىن بايتوللا بىلاي دەدى: مۇنان كەيىنگى قىزمەتتە، ءبىز باتىل تۇردە باس شۋجيدىڭ تالاپتارى بويىنشا، پارتيانىڭ باسشىلىعىن ۇلت قىزمەتىنىڭ جالپى بارىسىمەن ساباقتاستىرىپ، پارتكوم ءبىر تۇتاس باسشىلىق ەتەتىن، ۇكىمەت زاڭ بويىنشا باسقاراتىن، بىرلىكساپ تاراۋى باستاماشىلدىقپەن سايكەستىرەتىن، ۇلت قىزمەتى تاراۋى مىندەت اتقارىپ، جاۋاپكەرشىلىگىن ادا ەتەتىن، تاراۋلار تىزە قوسا سەلبەسەتىن، تۇتاس قوعام بىرگە ات سالىساتىن جاڭا داۋىردەگى پارتيانىڭ ۇلت قىزمەتى ارناسىن قالىپتاستىرامىز. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن تەرەڭدەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ءار ۇلت بۇقاراسىنىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرامىز.

  (ءتىلشى لي ياڭ، قاتىناسقان تىلشىلەر ميھىرگۇل عوپۇر، رايدا، فان حۇڭي، لياڭ ليحۋا، جاڭ رۇيلين، ءپاريزات ابدۇل، ەرىكتى ءتىلشى حاسيەت)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.