− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندەگى ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
”پارتيانىڭ 100 جىلدىق تاريحىنا قايىرىلا قاراساق، پارتيانىڭ ۇلت قىزمەتىندە قول جەتكىزگەن ەڭ ۇلكەن تابىسى ۇلت ماسەلەسىن شەشۋدىڭ جۇڭگوشا دۇرىس جولىمەن ءجۇرۋى بولدى“. ورتالىقتىڭ ۇلت قىزمەتى ماجىلىسىندە، باس شۋجي شي جينپيڭ ماڭىزدى ءسوز سويلەپ، پارتيامىزدىڭ ۇلت قىزمەتىنىڭ 100 جىلدىق شۇعىلالى بارىسى مەن تاريحي تابىسىنا جالپى بەتتىك قايىرىلا قارادى، كەزەكتە پارتيانىڭ ۇلت قىزمەتى ءدوپ كەلگەن جاڭا جاعدايعا تەرەڭدەي تالداۋ جاسادى، پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جۇيەلى بايىمدادى، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدىڭ جەتەكشى يدەياسىن، ستراتەگيالىق نىسانالارىن، ءتۇيىندى مىندەتتەرىن، ساياساتتىق شارالارىن ايقىندادى. باس شۋجي شي جينپيڭنىڭ ماڭىزدى ءسوزىنىڭ ءمانى زور، يدەياسى تەرەڭ، مازمۇنى باي، ول جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ءجۇرۋ سياقتى كەلەلى ماسەلەلەرگە عىلمي جاۋاپ بەردى، ەرەكشە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، پارتيانىڭ مەملەكەتتى باسقارۋ جالپى جوباسىنىڭ پارتيانىڭ ۇلت قىزمەتى سالاسىنداعى شوعىرلى بەينەلەنۋى، ماركسيزم ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى، جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى.
قۇرىلعاننان باستاپ، پارتيامىز ۇلت ماسەلەسىن شەشۋدىڭ ەلىمىزدىڭ مەملەكەت جاعدايىنا ۇيلەسەتىن جولى جونىندە بەلسەنە ىزدەنىس جاسادى. جاڭا جۇڭگو قۇرىلعاننان كەيىن، پارتيامىز ماركسيزم ۇلت نازارياسىن جۇڭگونىڭ ۇلت ماسەلەسىنىڭ ناقتى ءىس جۇزىندىگىمەن جاسامپازدىقپەن ۇشتاستىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن ءجۇرىپ، پارتيانىڭ ۇلت نازارياسى مەن ۇلت ساياساتىن تۇراقتاندىرىپ، ۇلتتار تەڭدىگىن مەملەكەت قۇرۋدىڭ نەگىزگى پرينسيپتەرىنىڭ ءبىرى ەتىپ، ۇلتتىق وڭىرلىك اۆتونوميا ءتۇزىمىن ورناتىپ، ءار ۇلت حالقى تاريحتا تۇڭعىش رەت تەڭ ساياسي ۇقىق - مۇددەگە شىن مانىندە قول جەتكىزىپ، بىرگە قوجايىن بولىپ، كونە جۇڭگوداعى ۇلتتىق ەزگى، تالاس - تارتىس سىندى تاۋقىمەتتى تاريحتى اياقتاتىپ، ۇلتتاردىڭ تەرەزەسى تەڭ، ىنتىماقتى، قارايلاسىمدى، جاراسىمدى قاتىناسىن دامىتۋدىڭ جاڭا ءداۋىرىن اشتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتى جونىندە ءبىرسىپىرا ماڭىزدى شەشىم، ورنالاستىرۋ جاساپ، ەلىمىزدىڭ ۇلتتار ىنتىماعى، العاباسارلىعى ىستەرىندە جاڭا تاريحي جەتىستىككە قول جەتكىزۋىن ىلگەرىلەتتى. جۇڭحۋا ۇلتى ءبىر ءۇيلى جانداي ەتەنە بولۋ، جۇڭگو ارمانىن ءبىر نيەتپەن سومداۋ − جاڭا داۋىردەگى ەلىمىزدىڭ ۇلتتار ىنتىماعى، العاباسارلىعى ىستەرىنىڭ جاندى بەينەسى، سونداي - اق، جاڭا داۋىردەگى ۇلت قىزمەتىن جاسامپازدىقپەن ىلگەرىلەتۋدىڭ ايقىن ەرەكشەلىگى. اماليات پارتيانىڭ ۇلت نازارياسىنىڭ جانە باعىت - ساياساتىنىڭ دۇرىس ەكەندىگىن، ۇلت ماسەلەسىن شەشۋدىڭ جۇڭگوشا جولىنىڭ دۇرىس ەكەندىگىن، تەك جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الاتىندىعىن، تەك جۇڭگوشا سوتسياليزم عانا ءار ۇلتتى ۇيىستىرىپ، ءار ۇلتتى دامىتىپ، ءار ۇلتتى گۇلدەندىرە الاتىندىعىن تولىق دالەلدەدى.
رەفورما جاساعاننان، ەسىك اشقاننان، اسىرەسە، پارتيا 18 - قۇرىلتايىنان بەرى پارتيامىز جۇڭحۋا ۇلتى ۇلى شاڭىراعى، جۇڭحۋا ۇلتى ورتاق تۇلعاسى، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى ۇستانىمداردى باسا دارىپتەپ، پارتيانىڭ ۇلت نازارياسى مەن ۇلت ساياساتىن ساباقتاستىرا، داۋىرمەن بىرگە العا باستىرا وتىرىپ دايەكتىلەندىرىپ، ۇلت ماسەلەسىن يگەرۋدىڭ، ۇلت قىزمەتىن ويداعىداي ىستەۋدىڭ باعالى تاجىريبەلەرىن توپتاپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىردى. باس شۋجي شي جينپيڭ بۇنى 12 جاقتان ەگجەي - تەگجەيلى جيناقتادى: ءسوز جوق، جاڭا داۋىردەگى پارتيانىڭ ۇلت قىزمەتىنىڭ تاريحي ورنىن جۇڭحۋا ۇلتىنىڭ ۇلى گۇلدەنۋى ستراتەگيالىق بيىگىنەن يگەرۋ؛ ءسوز جوق، ءار ۇلتتىڭ جاپپاي سوتسياليستىك وسىزاماندانعان مەملەكەت قۇرۋ جولىندا بىرگە كۇرەس جۇرگىزۋىن ىلگەرىلەتۋدى جاڭا داۋىردەگى پارتيانىڭ ۇلت قىزمەتىنىڭ ماڭىزدى مىندەتى ەتۋ؛ ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتۋ؛ ءسوز جوق، دۇرىس جۇڭحۋا ۇلتى تاريحى كوزقاراسىنا تاباندى بولۋ؛ ءسوز جوق، ءار ۇلتتىڭ تەرەزەسى تەڭ بولۋىنا تاباندى بولۋ؛ ءسوز جوق، جۇڭحۋا ۇلتى ۇلى ىنتىماعى تۋىن بيىك ۇستاۋ؛ ءسوز جوق، ۇلتتىق وڭىرلىك اۆتونوميا تۇزىمىنە تاباندى بولۋ جانە ونى كەمەلدەندىرۋ؛ ءسوز جوق، جۇڭحۋا ۇلتى ورتاق رۋحاني مەكەنىن قۇرۋ؛ ءسوز جوق، ءار ۇلتتىڭ كەڭ كولەمدە ارالاسۋىن، ىشتەسۋىن، توعىسۋىن جەبەۋ؛ ءسوز جوق، ۇلت ىستەرىن زاڭ بويىنشا جونگە سالۋعا تاباندى بولۋ؛ ءسوز جوق، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ؛ ءسوز جوق، پارتيانىڭ ۇلت قىزمەتىنە باسشىلىعىنا تاباندى بولۋ. پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى پارتيانىڭ ۇلت قىزمەتى نازارياسى مەن امالياتىنىڭ اقىل - پاراسات جاۋھارى، جاڭا داۋىردەگى پارتيانىڭ ۇلت قىزمەتىنىڭ ءتۇبىرلى بويسۇنۋ ولشەمى، بۇكىل پارتيا، ونى ءسوز جوق، تولىق، دالمە - ءدال، جان - جاقتى يگەرۋ جانە دايەكتىلەندىرۋ كەرەك.
بۇكىل پارتيانىڭ، بۇكىل ەلدەگى ءار ۇلت حالقىنىڭ ۇزدىكسىز كۇرەس جۇرگىزۋى ارقىلى ءبىز ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا از ۇلتتار مەن ۇلتتىق وڭىرلەردى قامتىعان دوڭگەلەك داۋلەتتى قوعامدى جاپپاي قۇرىپ شىعىپ، ەكىنشى 100 جىلدىق كۇرەس نىساناسىنا شەرۋ تارتۋدىڭ جاڭا ساپارىنا قادام تاستادىق. جاڭا تاريحي باستامادا پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دالمە - ءدال يگەرىپ جانە جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، جۇڭحۋا ۇلتى ورتاق رۋحاني مەكەنىن قۇرىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، ۇلتتىق وڭىرلەردىڭ وسىزاماندانۋ قۇرىلىسى اياق الىسىن ىلگەرىلەتىپ، ۇلت ىستەرىن باسقارۋدىڭ زاڭمەن جونگە سالۋ دەڭگەيىن جوعارىلاتىپ، ۇلت سالاسىنداعى حاۋىپ - قاتەرلەردىڭ، كومەسكى كىناراتتاردىڭ الدىن الىپ جانە ونى جويىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتىپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزۋگە جۇمىلدىرۋ كەرەك.
جۇڭحۋا ۇلتىنىڭ جانى، كۇشى، ءۇمىتى ءار ۇلتتىڭ بىرگە ىنتىماقتاسىپ العا باسۋىندا، بىرگە گۇلدەنىپ دامۋىندا، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا بىردە - ءبىر ۇلتتى قاعىس قالدىرۋعا بولمايدى. جاڭا داۋىردە كۇرەس جۇرگىزىپ، جاڭا ساپاردا قايراتتانا العا ۇمتىلىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، ءار ۇلت حالقىنىڭ اقىل - پاراساتى مەن كۇش - قۋاتىن ەڭ جوعارى شەكتە ۇيىستىرىپ، ءبىر جاعادان باس، ءبىر جەڭنەن قول شىعارىپ، قاجىماي - تالماي كۇرەس جۇرگىزىپ، جۇڭحۋا ۇلتىنىڭ جارقىن بولاشاعىنا بىرگە جول اشىپ، ۇلتتىڭ گۇلدەنۋىنىڭ ۇلى داڭقىنان بىرگە يگىلىكتەنەيىك!
(شينحۋا اگەنتتىگىنىڭ 8 - ايدىڭ 28 - كۇنى بەيجيڭنەن بەرگەن حابارى)
