تيانشان تورى   ›   جاڭالىقتار   ›   ماڭىزدى حابارلار

جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك

شي جينپيڭ ورتالىقتىڭ ۇلت قىزمەتى ماجىلىسىندە بىلاي دەپ باسا دارىپتەدى

جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك

لي كىچياڭ باسقاردى، لي جانشۋ، ۋاڭ حۋنيڭ، جاۋ لىجي، حان جىڭ قاتىناستى، ۋاڭ ياڭ ءسوز سويلەدى

  8 - ايدىڭ 27 - كۇنىنەن 28 - كۇنىنە دەيىن، ورتالىقتىڭ ۇلت قىزمەتى ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

  شينحۋا اگەنتتىگىنىڭ 8 - ايدىڭ 28 - كۇنى بەيجيڭنەن بەرگەن حابارى. ورتالىقتىڭ ۇلت قىزمەتى ءماجىلىسى 8 - ايدىڭ 27 - كۇنىنەن 28 - كۇنىنە دەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەپ، بىلاي دەپ باسا دارىپتەدى: پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دالمە - ءدال يگەرىپ جانە جاپپاي دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، جۇڭحۋا ۇلتى ورتاق رۋحاني مەكەنىن قۇرىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەپ، ۇلتتىق وڭىرلەردىڭ وسىزامانداندىرۋ قۇرىلىسىنىڭ اياق الىسىن جەدەلدەتۋىن جەبەپ، ۇلت ىستەرىن باسقارۋدىڭ زاڭمەن جونگە سالۋ دەڭگەيىن جوعارىلاتىپ، ۇلت سالاسىنداعى حاۋىپ - قاتەرلەردىڭ، كومەسكى كىناراتتاردىڭ الدىن الىپ جانە ونى جويىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتىپ، بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزۋگە جۇمىلدىرۋ كەرەك.

  لي كىچياڭ ءماجىلىستى باسقاردى. لي جانشۋ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى. ۋاڭ ياڭ قورىتىندى ءسوز سويلەدى.

  شي جينپيڭ سوزىندە بىلاي دەپ اتاپ كورسەتتى: پارتيانىڭ 100 جىلدىق تاريحىنا قايىرىلا قاراساق، پارتيانىڭ ۇلت قىزمەتىندە قول جەتكىزگەن ەڭ ۇلكەن تابىسى ۇلت ماسەلەسىن شەشۋدىڭ جۇڭگوشا دۇرىس جولىمەن ءجۇرۋى بولدى. رەفورما جاساعاننان، ەسىك اشقاننان، اسىرەسە، پارتيا 18 - قۇرىلتايىنان بەرى، پارتيامىز جۇڭحۋا ۇلتى ۇلى شاڭىراعى، جۇڭحۋا ۇلتى ورتاق تۇلعاسى، جۇڭحۋا ۇلتى ورتاق تۇلعا تانىمىن بەرىك ورناتۋ سياقتى ۇستانىمداردى باسا دارىپتەپ، پارتيانىڭ ۇلت نازارياسى مەن ۇلت ساياساتىن ساباقتاستىرا ءارى داۋىرمەن بىرگە العا باستىرا وتىرىپ دايەكتىلەندىرىپ، ۇلت ماسەلەسىن يگەرۋدىڭ، ۇلت قىزمەتىن ويداعىداي ىستەۋدىڭ باعالى تاجىريبەلەرىن توپتاپ، پارتيانىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن قالىپتاستىردى، مۇنى مىنا بىرنەشە جاققا جيناقتاۋعا بولادى. ءبىرىنشى، ءسوز جوق، جاڭا داۋىردەگى پارتيانىڭ ۇلت قىزمەتىنىڭ تاريحي ورنىن جۇڭحۋا ۇلتىنىڭ ۇلى گۇلدەنۋى ستراتەگيالىق بيىگىنەن يگەرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى شىعار ءتۇيىن جانە تابان تىرەر تياناق ەتىپ، جاڭا داۋىردەگى پارتيانىڭ ۇلت قىزمەتىن ءبىر تۇتاس جوسپارلاۋ جانە ىلگەرىلەتۋ كەرەك. ەكىنشى، ءسوز جوق، ءار ۇلتتىڭ جاپپاي سوتسياليستىك وسىزاماندانعان مەملەكەت قۇرۋ جولىندا بىرگە كۇرەس جۇرگىزۋىن ىلگەرىلەتۋدى جاڭا داۋىردەگى پارتيانىڭ ۇلت قىزمەتىنىڭ ماڭىزدى مىندەتى ەتىپ، ءار ۇلتتىڭ ءداۋىردىڭ اياق الىسىنا تىعىز ىلەسۋىن، بىرگە ىنتىماقتاسا كۇرەس جۇرگىزۋىن، بىرگە گۇلدەنىپ، دامۋىن جەبەۋ كەرەك. ءۇشىنشى، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتىپ، ءار ۇلتتىڭ تاباندىلىقپەن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىن ىلگەرىلەتىپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتۋ كەرەك. ءتورتىنشى، ءسوز جوق، دۇرىس جۇڭحۋا ۇلتى تاريحى كوزقاراسىنا تاباندى بولىپ، جۇڭحۋا ۇلتىن شىنايى مويىنداۋ سەزىمىن جانە ماقتانىش ەتۋ سەزىمىن نىعايتۋ كەرەك. بەسىنشى، ءسوز جوق، ءار ۇلتتىڭ تەرەزەسى تەڭ بولۋىنا تاباندى بولىپ، ءار ۇلتتىڭ بىرگە قوجايىن بولۋىنا، مەملەكەت ىستەرىن باسقارۋعا ات سالىسۋىنا كەپىلدىك ەتىپ، ءار ۇلت بۇقاراسىنىڭ زاڭدى ۇقىق - مۇددەسىن قامتاماسىز ەتۋ كەرەك. التىنشى، ءسوز جوق، جۇڭحۋا ۇلتى ۇلى ىنتىماعى تۋىن بيىك ۇستاپ، ءار ۇلتتىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەۋ كەرەك. جەتىنشى، ءسوز جوق، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، پارتيا ورتالىق كوميتەتىنىڭ ساياسات - جارلىقتارىنىڭ ىركىلىسسىز بولۋىنا شىنايى كەپىلدىك ەتىپ، مەملەكەتتىڭ زاڭ، زاڭ ەرەجەلەرىنىڭ اتقارىلۋىنا شىنايى كەپىلدىك ەتىپ، ءار ۇلتتىڭ ەكونوميكانى دامىتۋىن، حالىق تۇرمىسىن جاقسارتۋىن، بىرگە دامۋدى، بىرگە بايۋدى جۇزەگە اسىرۋىن قولداۋ كەرەك. سەگىزىنشى، ءسوز جوق، جۇڭحۋا ۇلتى ورتاق رۋحاني مەكەنىن قۇرىپ، ءار ۇلت حالىق تىلەگىنىڭ توعىسۋىنا، رۋحاني جاقتا ءبىر - بىرىنە سۇيەنۋىنە مۇمكىندىك جاساپ، جۇرت تىلەگىن ۇيىستىراتىن، ىنتىماقتاسا ەكپىندەي العا ىلگەرىلەيتىن قۋاتتى رۋحاني دانەكەر قالىپتاستىرۋ كەرەك. توعىزىنشى، ءسوز جوق، ءار ۇلتتىڭ كەڭ كولەمدە ارالاسۋىن، ىشتەسۋىن، توعىسۋىن جەبەپ، ءار ۇلتتىڭ مۇرات، سەنىم، سۇيىسپەنشىلىك، مادەنيەت جاعىنداعى ىنتىماعى مەن بىرلىگىن، ءوزارا قارايلاسىپ، ەتەنە سۇيىسپەنشىلىك ورناتۋىن جەبەۋ كەرەك. ونىنشى، ءسوز جوق، ۇلت ىستەرىن زاڭ بويىنشا جونگە سالۋعا تاباندى بولىپ، ۇلت ىستەرىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ كەرەك. ون ءبىرىنشى، ءسوز جوق، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ءار ۇلتتى وتانشىلدىق داستۇرگە مۇراگەرلىك ەتۋگە جانە ونى ساۋلەلەندىرۋگە، وتاننىڭ تۇتاستىعىن، مەملەكەتتىڭ حاۋىپسىزدىگىن، قوعامنىڭ ورنىقتىلىعىن سانالى تۇردە قورعاۋعا تاربيەلەۋ، جەتەكتەۋ كەرەك. ون ەكىنشى، ءسوز جوق، پارتيانىڭ ۇلت قىزمەتىنە باسشىلىعىنا تاباندى بولىپ، ۇلت ماسەلەسىن شەشۋ، ۇلت قىزمەتىن ويداعىداي ىستەۋ قابىلەتى مەن دەڭگەيىن جوعارىلاتۋ كەرەك. پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى پارتيانىڭ ۇلت قىزمەتى نازارياسى مەن امالياتىنىڭ اقىل - پاراسات جاۋھارى، جاڭا داۋىردەگى پارتيانىڭ ۇلت قىزمەتىنىڭ ءتۇبىرلى بويسۇنۋ ولشەمى، بۇكىل پارتيا، ونى، ءسوز جوق، تولىق، دالمە - ءدال، جان - جاقتى يگەرۋ جانە دايەكتىلەندىرۋ كەرەك.

  شي جينپيڭ بىلاي دەپ باسا دارىپتەدى: جاڭا داۋىردەگى پارتيانىڭ ۇلت قىزمەتىن ويداعىداي ىستەۋدە جۇڭحۋا ۇلتى ورتاق تۇلعا تانىمىن بەرىك ورناتۋدى پارتيانىڭ ۇلت قىزمەتىنىڭ نەگىزگى جەلىسى ەتۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدا ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ − ءار ۇلتتىڭ ءتۇبىرلى مۇددەسىن قورعاۋدىڭ قاجەتتى تالابى، تەك جۇڭحۋا ۇلتى ورتاق تۇلعا تانىمىن بەرىك ورناتىپ، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ بەرىك يدەيالىق قورعانىن ورناتىپ، ءار ۇلت مەملەكەتتىڭ حاۋىپسىزدىگى مەن قوعام ورنىقتىلىعىن بىرگە ويداعىداي قورعاعاندا عانا، ءتۇرلى ۇشقارى، بولشەكتەۋشىلىك يدەيالاردىڭ سىنالاپ كىرۋىن، قۇلاتۋىن ءونىمدى تەجەۋگە، ءار ۇلت حالقىنىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋعا، ءار ۇلتتىڭ ءتۇبىرلى مۇددەسىن ويداعىداي جۇزەگە اسىرۋعا، ويداعىداي قورعاۋعا، ويداعىداي دامىتۋعا بولادى. جۇڭحۋا ۇلتى ورتاق تۇلعا تانىمىن بەرىك ورناتۋ − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى. جۇڭحۋا ۇلتى ورتاق تۇلعا تانىمىن بەرىك ورناتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بارىسىندا ۇلت سالاسىندا تۋىلۋى مۇمكىن حاۋىپ - قاتەرلەر مەن سىن - سايىستارعا ءونىمدى توتەپ بەرۋگە، پارتيا مەن مەملەكەتتىڭ گۇلدەنىپ - كوركەيۋىنە، باياندى تىنىشتىعىنا ماڭىزدى يدەيالىق كەپىل ازىرلەۋگە بولادى. جۇڭحۋا ۇلتى ورتاق تۇلعا تانىمىن بەرىك ورناتۋ − تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋدىڭ جانە دامىتۋدىڭ قاجەتتى تالابى. جۇڭحۋا ۇلتى ورتاق تۇلعا تانىمىن بەرىك ورناتقاندا عانا، ءار ۇلتتىڭ جۇڭحۋا ۇلتىن سانالى تۇردە شىنايى مويىنداۋىن نىعايتىپ، ەلىمىزدىڭ ۇلت قاتىناسىن دامىتۋدىڭ يدەيالىق نەگىزىن بەكەمدەپ، جۇڭحۋا ۇلتىنىڭ شىنايى مويىنداۋ دەڭگەيى اناعۇرلىم جوعارى، ۇيىسۋ قۋاتى اناعۇرلىم كۇشتى تاعدىرلاس ورتاق تۇلعاعا اينالۋىن ىلگەرىلەتۋگە بولادى. جۇڭحۋا ۇلتى ورتاق تۇلعا تانىمىن بەرىك ورناتۋ − پارتيانىڭ ۇلت قىزمەتىندە جاڭا جاعداي اشۋدىڭ قاجەتتى تالابى، تەك ءداۋىردىڭ وزگەرىسىنە ۇيلەسىپ، ورتاقتىقتى نىعايتۋ بەتالىسى بويىنشا ۇلت قىزمەتىن جاقسارتىپ، ورتاقتىق پەن ايىرماشىلىقتىڭ ديالەكتيكالىق بىرلىگىن، ۇلتتىق فاكتور مەن وڭىرلىك فاكتوردىڭ ورگانيكالى ۇشتاسۋىن ورىنداعاندا عانا، جاڭا داۋىردەگى پارتيانىڭ ۇلت قىزمەتىن ويداعىداي، ەگجەي - تەگجەيلى، تىڭعىلىقتى ىستەۋگە بولادى.

  شي جينپيڭ بىلاي دەپ اتاپ كورسەتتى: پارتيانىڭ ۇلت قىزمەتىن جاسامپازدىقپەن دامىتۋدا دۇرىستارىنا تاباندى بولىپ، ۋاقىتى وتكەندەردى رەتتەپ، ءار ۇلت بۇقاراسىنىڭ زاڭدى ۇقىق - مۇددەسىن اناعۇرلىم ويداعىداي قامتاماسىز ەتۋ كەرەك. ورتاقتىق پەن ايىرماشىلىقتىڭ قاتىناسىن دۇرىس يگەرىپ، ورتاقتىقتى نىعايتۋ، ايىرماشىلىققا قۇرمەت ەتۋ جانە وعان كەڭ پەيىلدىلىكپەن قاراۋ − ۇلت قىزمەتىنىڭ ماڭىزدى پرينسيبى. جۇڭحۋا ۇلتى ورتاق تۇلعا تانىمى مەن ءار ۇلت تانىمىنىڭ قاتىناسىن دۇرىس يگەرىپ، ءار ۇلتتى جۇڭحۋا ۇلتىنىڭ مۇددەسىن باستان - اياق ماڭداي الدى ورىنعا قويۋعا، ءوز ۇلتى تانىمىن جۇڭحۋا ۇلتى ورتاق تۇلعا تانىمىنا بويسۇندىرۋعا جانە قىزمەت ەتتىرۋگە جەتەكتەۋ، سونىمەن بىرگە جۇڭحۋا ۇلتى ورتاق تۇلعاسىنىڭ جالپى تۇلعالىق مۇددەسىن ويداعىداي جۇزەگە اسىرۋ بارىسىندا ءار ۇلتتىڭ ناقتى مۇددەسىن ويداعىداي جۇزەگە اسىرۋ كەرەك، زور حانزۋشىلدىق تا، جەرگىلىكتى ۇلتشىلدىق تا جۇڭحۋا ۇلتى ورتاق تۇلعا قۇرىلىسىنا ءتيىمسىز. جۇڭحۋا مادەنيەتى مەن ءار ۇلت مادەنيەتىنىڭ قاتىناسىن دۇرىس يگەرۋ كەرەك، ءار ۇلتتىڭ تاڭداۋلى ءداستۇرلى مادەنيەتىنىڭ بارلىعى جۇڭحۋا مادەنيەتىنىڭ قۇرامداس بولىگى، جۇڭحۋا مادەنيەتى نەگىزگى ءدىڭ، ءار ۇلت مادەنيەتى ونىڭ بۇتاق - جاپىراقتارى سانالادى، تامىرى تەرەڭ، ءدىڭى مىعىم بولعاندا عانا، بۇتاق - جاپىراعى جايقالىپ وسەدى. ماتەريا مەن رۋحتىڭ قاتىناسىن دۇرىس يگەرىپ، بارلىق رەفورما مەن دامۋعا جۇڭحۋا ۇلتى ورتاق تۇلعا تانىمىن ايگىلەيتىن ءمان، ءبىر تۇتاستىقتى قورعايتىن، بولشەكتەۋشىلىككە قارسى تۇراتىن ءمان، حالىق تۇرمىسىن جاقسارتاتىن، جۇرت تىلەگىن ۇيىستىراتىن ءمان ۇستەپ، جۇڭحۋا ۇلتى ورتاق تۇلعاسىنىڭ مىزعىماس بەرىك بولۋىنا مۇمكىندىك جاساۋ كەرەك.

  شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ ”ارقاۋى“، بارلىق قىزمەتتى وسىعان شوعىرلاندىرۋ كەرەك. جۇڭحۋا ۇلتى ورتاق رۋحاني مەكەن قۇرىلىسىن جاپپاي ىلگەرىلەتىپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ۇيرەنۋ تاربيەسى بارىسىندا پارتيامىزدىڭ ۇلت قىزمەتىندەگى 100 جىلدىق تابىستى تاجىريبەلەرىن ىشكەرىلەي قورىتىندىلاپ، پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن زەرتتەۋدى تەرەڭدەتىپ، وسى زامانعى وركەنيەت تاربيەسىن كۇشەيتىپ، وركەنيەتتى ورىن قۇرۋ، ازاماتتىق ءمورال قۇرىلىسى، ءداۋىردىڭ جاڭا ادامدارىن جەتىلدىرۋ سياقتى ينجەنەريالاردى ىشكەرىلەي اتقارىپ، ءار ۇلت بۇقاراسىن يدەيالىق كوزقاراس، رۋحاني ىنتا، تۇرمىس ءتاسىلى جاعىندا وسىزاماندانۋعا قاراي قادام تاستاۋعا جەتەكتەۋ كەرەك. مەملەكەتتە ءبىر تۇتاس قولدانىلاتىن ءتىل - جازۋدى كەڭىنەن جالپىلاستىرىپ، ءار ۇلت ءتىل - جازۋىن عىلمي قورعاپ، از ۇلت ءتىل - جازۋىن ۇيرەنۋگە جانە قولدانۋعا قۇرمەت ەتۋ جانە ونى قامتاماسىز ەتۋ كەرەك.

  شي جينپيڭ بىلاي دەپ اتاپ كورسەتتى: ءار ۇلتتىڭ سوتسياليستىك وسىزاماندانۋعا بىرگە قادام تاستاۋىن ىلگەرىلەتۋ كەرەك. پارىقتى وڭىرلىك قولداۋ ساياساتىن كەمەلدەندىرىپ، ۇلتتىق وڭىرلەردىڭ رەفورما جاساۋدى، ەسىك اشۋدى جاپپاي تەرەڭدەتۋىنە قولداۋ كورسەتىپ، ءوزىن دامىتۋ قابىلەتىن جوعارىلاتۋ كەرەك. ۇلتتىق وڭىرلەر بايلىق ارتىقشىلىعى، دامۋ شارت - جاعدايى، سالىستىرمالى باسىمدىعى سياقتى ءىس جۇزىندىكتى تياناق ەتىپ، جاڭا دامۋ كەزەڭىن يگەرۋدىڭ، جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىنا توعىسۋدىڭ، جوعارى ساپالى دامۋدى جۇزەگە اسىرۋدىڭ، بىرگە بايۋدى جەبەۋدىڭ كىرىسۋ ءتۇيىنى مەن كۇش سالۋ ءتۇيىنىن ءدال تابۋ كەرەك. ۇلتتىق وڭىرلەردىڭ نەگىزدىك قۇرىلعى قۇرىلىسىنا، كاسىپ قۇرىلىمىن رەتتەۋىنە قولداۋ كورسەتۋ سەرپىنىن ارتتىرىپ، ەكونوميكالىق، قوعامدىق دامۋ مەن ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىن ساپالىلاندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتۋ كەرەك. ۇلتتىق وڭىرلەردىڭ كەدەيلىكتەن ارىلتۋدان قامال الۋ جەتىستىگىن بەكەمدەۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى جۇزەگە اسىرۋىنا قولداۋ كورسەتىپ، ەگىن، مال شارۋاشىلىعىنىڭ جوعارى ساپالى، جوعارى ءونىمدى بولۋىن، اۋىل - قىستاقتىڭ قونىسقا جايلى، كاسىپكە ىڭعايلى بولۋىن، ەگىنشى - مالشىلاردىڭ باي، باقۋاتتى بولۋىن جەبەۋ كەرەك. شەكارا بويىن اشۋ، ەسىك اشۋ ساياسات جۇيەسىن كەمەلدەندىرىپ، شەكارانى بەكەمدەۋ، شەكارانى كوركەيتۋ، حالىقتى بايىتۋ ارەكەتىن ىشكەرىلەي ىلگەرىلەتۋ كەرەك.

  شي جينپيڭ بىلاي دەپ باسا دارىپتەدى: ءار ۇلتتىڭ ارالاسۋىن، ىشتەسۋىن، توعىسۋىن جەبەۋ كەرەك. تۇرلىشە ۇلتتاردىڭ، تۇرلىشە وڭىرلەردىڭ ءىس جۇزىندىگىن تولىق ويلاسىپ، قالا - اۋىل قۇرىلىسىن ورنالاستىرۋ جوباسى مەن الەۋمەتتىك قىزمەت وتەۋ بايلىعىن جايعاستىرۋدى ءبىر تۇتاس جوسپارلاپ، ساياساتتىق شارالاردى كەمەلدەندىرىپ، ورتا رايىن قالىپتاستىرىپ، ءار ۇلتتىڭ كەڭىستىك، مادەنيەت، ەكونوميكا، قوعام، پسيحيكا سياقتى جاقتاردا جان - جاقتى كىرىگۋىن بىرتىندەپ جۇزەگە اسىرۋ كەرەك. ۇلتتار ىنتىماعىنداعى، العاباسارلىعىنداعى وزاتتاردان بولۋدى ىشكەرىلەي ورىستەتىپ، ىشكى ءمانىن تەرەڭدەتۋگە، فورماسىن بايىتۋعا، ادىستە جاڭالىق اشۋعا كۇش سالۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت تاربيەسىن ۇدايىلاندىرۋ مەحانيزمىن ورناتىپ، ونى كادرلار تاربيەسى، پارتيا مۇشەلەرى تاربيەسى، حالىقتىق تاربيە جۇيەسىنە ەنگىزىپ، قوعامدىق ۇگىت تاربيەنى ويداعىداي ىستەۋ كەرەك.

  شي جينپيڭ بىلاي دەپ اتاپ كورسەتتى: ۇلت ىستەرىن جونگە سالۋ جۇيەسى مەن جونگە سالۋ قابىلەتىن وسىزامانداندىرۋ دەڭگەيىن كوتەرۋ كەرەك. تۇرلىشە ءوڭىردىڭ، تۇرلىشە ۇلتتىڭ ءىس جۇزىندىگىنە نەگىزدەلىپ، ءادىل، تۋراشىل بولۋدى پرينسيپ ەتىپ، وڭىرلەندىرۋ مەن دالمە - ءدال بولۋدى كورنەكتىلەندىرىپ، ايرىقشا بەلگىلەنگەن وڭىرلەرگە، ەرەكشە ماسەلەلەرگە، ەرەكشە ىستەرگە اناعۇرلىم كوپ باعىتتالعان پارىقتى وڭىرلىك قولداۋ ساياساتىن جاساۋ، اتقارۋ كەرەك. ءار ۇلت بۇقاراسىنىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، ۇلت فاكتورىنا ساياتىن دەلولاردى، ۋاقيعالاردى زاڭ بويىنشا ۇيلەسىمدى ءبىر جاقتى ەتىپ، ءتۇرلى زاڭعا قايشى قىلمىستىق ارەكەتتەرگە زاڭ بويىنشا سوققى بەرىپ، زاڭ الدىندا بارلىق ادامنىڭ تەرەزەسى تەڭ بولۋدى ورىنداۋ كەرەك.

  شي جينپيڭ بىلاي دەپ باسا دارىپتەدى: ۇلت سالاسىنداعى ەلەۋلى حاۋىپ - قاتەرلەردەن، كومەسكى كىناراتتاردان باتىل ساقتانۋ كەرەك. يدەولوگيا شەبىن ساقتاپ، ۇلت فاكتورىنا ساياتىن يدەولوگيا ماسەلەسىن بەلسەندى، ۇيلەسىمدى ءبىر جاقتى ەتىپ، ۇلتتىق بولشەكتەۋشىلىك، ءدىني ۇشقارىلىق يدەياسىنىڭ ۋىتىن ءۇرتىس الاستاۋ كەرەك. حالىقارالىق لاڭكەستىككە قارسى تۇرۋ سەلبەستىگىن كۇشەيتىپ، ءتۇيىندى ەلدەر مەن وڭىرلەر، حالىقارالىق ۇيىمدار، شەتەلدەگى از ۇلت حۋاچياۋلار، حۋارىندار شوعىرى سياقتى قىزمەتتەردى ويداعىداي ىستەۋ كەرەك.

  شي جينپيڭ بىلاي دەپ اتاپ كورسەتتى: پارتيانىڭ جالپى بەتتىك باسشىلىعىن كۇشەيتۋ جانە كەمەلدەندىرۋ − جاڭا داۋىردەگى پارتيانىڭ ۇلت قىزمەتىن ويداعىداي ىستەۋدەگى ءتۇبىرلى ساياسي كەپىل. ءار دارەجەلى پارتكومدار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ءىسىن“ ەستە بەرىك ساقتاپ، نەگىزگى تۇلعالىق جاۋاپكەرشىلىكتى مۇقيات اتقارىپ، پارتيانىڭ باسشىلىعىن ۇلت قىزمەتىنىڭ جالپى بارىسىنا ساباقتاستىرىپ، پارتكوم ءبىر تۇتاس باسشىلىق ەتەتىن، ۇكىمەت زاڭ بويىنشا باسقاراتىن، بىرلىكساپ تاراۋلارى باستاماشىلدىقپەن سايكەستىرەتىن، ۇلت قىزمەتى تاراۋلارى مىندەت اتقارىپ، جاۋاپكەرشىلىكتى ادا ەتەتىن، ءارقايسى تاراۋلار تىزە قوسا سەلبەسەتىن، تۇتاس قوعام بىرگە ات سالىساتىن جاڭا داۋىردەگى پارتيانىڭ ۇلت قىزمەتى ارناسىن قالىپتاستىرۋ كەرەك. نەگىزگى ساتىنىڭ ۇلت قىزمەتى قۇرىلىمى قۇرىلىسى مەن ۇلت قىزمەتى كۇشىن كۇشەيتىپ، نەگىزگى ساتى ۇلت قىزمەتىنىڭ ءونىمدى اينالىمىنا شىنايى كەپىلدىك ەتۋ كەرەك. جاڭا داۋىردەگى جاقسى كادر ولشەمىنە تاباندى بولىپ، پارتيانىڭ ورتالىقتانعان ءبىر تۇتاس باسشىلىعىن قورعاۋ پوزيتسياسى ەرەكشە باتىل، ۇلكەن دۇرىس پەن ۇلكەن بۇرىستى ايقىن ايىرۋ تۇرعىسى ەرەكشە سەرگەك، جۇڭحۋا ۇلتى ورتاق تۇلعا تانىمىن بەرىك ورناتۋ ارەكەتى ەرەكشە بەكەم، ءار ۇلت بۇقاراسىن قىزۋ ءسۇيۋ سۇيىسپەنشىلىگى ەرەكشە شىنايى ۇلتتىق ءوڭىر كادرلار قوسىنىن قۇلشىنا قۇرىپ، ءار دارەجەلى باسشىلىق ۇقىقتىڭ ادال، كىرشىكسىز، جاۋاپكەرشىلىك ارقالايتىن كادرلاردىڭ قولىندا بولۋىنا شىنايى كەپىلدىك ەتۋ كەرەك. شارت - جاعدايى جاپالى وڭىرلەردە قىزمەت ىستەيتىن ءبىرىنشى شەپتەگى كادرلارعا اناعۇرلىم باسا ءمان بەرىپ، كوڭىل ءبولىپ، قامقورلىق جاساپ، ءتىپتى دە كوپ تاڭداۋلى دارىندىلاردى باۋراۋ كەرەك. از ۇلت كادرلارىن باۋلۋعا جانە ويداعىداي ىستەتۋگە باسا ءمان بەرىپ، ساياسيدا ىسىلعان، باتىلدىقپەن جاۋاپكەرشىلىك ارقالايتىن تاڭداۋلى از ۇلت كادرلارىنا تولىق سەنىم ارتۋ، ماڭىزدى مىندەت جۇكتەۋ كەرەك. ۇلتتىق وڭىرلەردىڭ نەگىزگى ساتى بيلىك قۇرىلىسىن كۇشەيتىپ، نەگىزگى ساتىنىڭ نەگىزىن بەكەمدەپ، پارتيانىڭ ۇلت نازارياسى مەن ۇلت ساياساتىن نەگىزگى ساتىداعىلاردىڭ تۇسىنۋىنە، ۇلت قىزمەتىن نەگىزگى ساتىداعىلاردىڭ يگەرۋىنە شىنايى كەپىلدىك ەتۋ كەرەك.

     لي كىچياڭ ءماجىلىستى باسقارعان كەزدە بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە پارتيامىزدىڭ ۇلت قىزمەتىنىڭ 100 جىلدىق شۇعىلالى بارىسى مەن تاريحي تابىسىنا جالپى بەتتىك قايىرىلا قارادى، كەزەكتە پارتيانىڭ ۇلت قىزمەتى ءدوپ كەلگەن جاڭا جاعدايعا تەرەڭدەي تالداۋ جاسادى، پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن جۇيەلى بايىمدادى، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋدىڭ جەتەكشى يدەياسىن، ستراتەگيالىق نىسانالارىن، ءتۇيىندى مىندەتتەرىن، ساياساتتىق شارالارىن ايقىندادى، جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى، ەرەكشە كۇشتى ساياسي سيپاتقا، يدەيالىق سيپاتقا، نازاريالىق سيپاتقا يە، پارتيانىڭ مەملەكەتتى باسقارۋ جالپى جوباسىنىڭ پارتيانىڭ ۇلت قىزمەتى سالاسىنداعى شوعىرلى بەينەلەنۋى. مۇقيات ۇيرەنىپ، ءتۇسىنىپ، ”ءتورت تانىمدى“ كۇشەيتپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، ءوز ءوڭىرىنىڭ، ءوز تاراۋىنىڭ ءىس جۇزىندىگىنە ۇشتاستىرىپ، ءتۇرلى مىندەتتەردىڭ دايەكتىلەنۋىن، تياناقتانۋىن ويداعىداي يگەرۋ كەرەك.

  ۋاڭ ياڭ قورىتىندى سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزىنىڭ ءمانى زور، يدەياسى تەرەڭ، ول جاڭا داۋىردەگى ۇلت قىزمەتىندە قانداي تۋ ۇستاۋ، قانداي جولمەن ءجۇرۋ سياقتى كەلەلى ماسەلەلەرگە عىلمي جاۋاپ بەردى، پارتيانىڭ ۇلت قىزمەتى امالياتىنىڭ ەڭ جاڭا قورىتىندىسى، ماركسيزم ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى، جاڭا داۋىردەگى ۇلت قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى. باس شۋجي شي جينپيڭنىڭ ۇلت قىزمەتىن كۇشەيتۋ مەن جاقسارتۋ جونىندەگى ماڭىزدى يدەياسىن تولىق، دالمە - ءدال، جاپپاي يگەرىپ، وزەكتى ءتۇيىنىن، رۋحاني ءمانىن، باي مازمۇنى مەن امالياتتىق تالابىن ىشكەرىلەي ءتۇسىنۋ كەرەك. پارتيانىڭ 100 جىلدىق كۇرەس ساپارىندا قازىرگى كەزەڭدەگى ۇلت قىزمەتىنىڭ تاريحي ورنى مەن ماڭىزدى بورىشىن يگەرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ تاريحي قاجەتتىلىگىن، ەرەكشە ماڭىزدىلىعىن جانە رەال باعىتتامالىلىعىن تەرەڭ تانىپ، ونى ۇلت قىزمەتىنىڭ ءار سالاسىنا، تۇتاس بارىسىنا ساباقتاستىرۋ كەرەك. وڭىرلەر، تاراۋلار ءماجىلىس رۋحىن ويداعىداي ۇيرەنۋدى، دايەكتىلەندىرۋدى ماڭىزدى ساياسي مىندەت ەتىپ، فورماسى الۋان ءتۇرلى ۇيرەنۋ كۋرسىن جانە ۇگىت، ۇگىت لەكسيا قيمىلىن ۇيىمداستىرىپ ورىستەتىپ، ءىس جۇزىندىككە ۇشتاستىرىپ اتقارۋ پىكىرىن اقىلداسىپ جاساپ، باسشىلىقتى كۇشەيتىپ، جاۋاپكەرشىلىكتى ناقتىلاندىرىپ، سايكەستىرۋدى ويداعىداي ىستەپ، قۋزاۋ - تەكسەرۋدى كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ قاتىستى باسشى جولداستارى، مەملەكەتتىك كەڭەس مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ قاتىستى باسشى جولداستارى قاتارلىلار ماجىلىسكە قاتىناستى.

  ءارقايسى ولكە، اۆتونوميالى رايون، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتى جولداستار جانە ۇلت قىزمەتىنە جاۋاپتى جولداستار، ءارقايسى جوسپارى بولەك جاسالاتىن قالالار جانە اۆتونوميالى وبلىستار پارتكومىنداعى نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار، قاتىستى فينانس قۇرىلىمدارى مەن كاسىپورىندارداعى، ارميانىڭ قاتىستى ورىندارىنداعى، قاتىستى زەرتتەۋ قۇرىلىمدارىنداعى جاۋاپتى جولداستار، ت.ب ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىىندا اشىلدى، ءارقايسى ولكە، رايون، قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس ورنى ورنالاستىرىلدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.