□ حالىق گازەتىنىڭ ءتىلشىسى يۋان جيرۇڭ
8 - ايدىڭ 25 - كۇنى جۇڭگو كوممۋنيستىك پارتياسى ورتالىق كوميتەتىنىڭ سىرتپەن بايلانىس جاساۋ ءبولىمى بەينە ەكران ءماجىلىس تاسىلىمەن جاڭا تيپتى ايدارشا ۆيرۋستىڭ تەگىن انىقتاۋ بويىنشا قۇلاق قاعىس ەتۋ ءماجىلىسىن وتكىزدى، ەگيپەت، تۋنيس، پالەستينا، يراق سياقتى 13 اراب ەلىنىڭ 28 ساياسي پارتياسى مەن ۇيىمىنىڭ باسشىسى قاتىناستى. ۋاكىلدەر ماجىلىستە جاپپاي لەبىز ءبىلدىردى، ءاسىلى 2 ساعاتقا بەلگىلەنگەن قۇلاق قاعىس ەتۋ ءماجىلىسى 3 ساعاتتان استام ۋاقىت جالعاستى.
پالەستينا فاتاح توڭكەرىستىك كوميتەتىنىڭ مۇشەسى، پالەستينا ەمدەۋ - دەنساۋلىق ساقتاۋ بويىنشا قىزمەت وتەۋ باس جوراسى ۋساماي ناگار الدىمەن لەبىز ءبىلدىردى. ول امەريكانىڭ ۆيرۋستىڭ تەگىن انىقتاۋ ماسەلەسىن جەلەۋ ەتىپ ساياسي سايقالدىقپەن اينالىسقان ارەكەتىن جازعىرىپ، عىلمي تۇردە تەگىن انىقتاۋدىڭ ماڭىزدىلىعىن دارىپتەدى. ناگار مىنانى ءبىلدىردى: جۇڭگو الەمدىك ىندەتكە قارسى اتتانۋ سەلبەستىگىنە ماڭىزدى ۇلەس قوستى، وتە - موتە، دامۋى كەنجە قالعان ەلدەردىڭ ىندەتكە قارسى اتتانۋىنا قولداۋ كورسەتۋى ادامگەرشىلىك رۋحتى ايگىلەدى.
يەمەن − جۇڭگو دوستىق قوعامىنىڭ ءتوراعاسى حۋلاني مىنانى ءبىلدىردى: امەريكا ۇكىمەتىنىڭ ۆيرۋستىڭ تەگىن انىقتاۋ سىندى ماماندىق مىندەتتى مالىمەت توپتاۋ تاراۋلارىنا تاپسىرۋى ونىڭ ماقساتىنىڭ ۆيرۋستىڭ كەلۋ قاينارىن انىقتاۋ ەمەس، قايتا دالەل - ىسپاتتى بۇرمالاپ، وسەك - اياڭ شىعارىپ، ايتىلمىس ”تاجىريبەحانادان تارالدى ءپاتۋاسىنا“ ”ىسپات“ ىزدەۋ ەكەندىگىن دالەلدەدى. حۋلاني بىلاي دەپ قارادى: دۇنيە جۇزىندەگى ەلدەر، ءسوز جوق، ءبىر نيەتپەن كۇش قوسىپ، سەلبەستىكتى كۇشەيتىپ، عىلمي ءتاسىل ارقىلى ۆيرۋستىڭ تەگىن انىقتاۋ كەرەك.
يەمەن رەفورما توبى پارتياسى پارلامەنتتىك پارتيا - توبىنىڭ ءتوراعاسى ابدۇل رازاق مىنانى ءبىلدىردى: يەمەن جۇڭگونىڭ ۆيرۋستىڭ تەگىن انىقتاۋ ماسەلەسىندەگى پرينسيپتىك تۇرعىسىن قولدايدى، ۆيرۋستىڭ تەگىن انىقتاۋدى ساياسيلاندىرۋعا باتىل قارسى تۇرادى.
”امەريكا الەمدىك ىندەتكە قارسى اتتانۋعا كوڭىل بولمەي، قايتا ۆيرۋستىڭ تەگىن انىقتاۋدى جۇڭگوعا سوقتىعاتىن تاسىلگە اينالدىرىپ وتىر، بۇل بۇكىلدەي جاۋاپكەرسىز قىلىق، عىلمي تۇردە تەگىن انىقتاۋ مەن تەكسەرۋ عانا دۇرىس ءتاسىل بولىپ تابىلادى“. سيريا گۇلدەندىرۋ پارتياسى ورتالىق باسشىلىق قۇرىلىمىنىڭ مۇشەسى ماحدي داحالاي الا بىلاي دەپ اتاپ كورسەتتى: جۇڭگو كۇللى الەمنىڭ ىندەتكە بىرگە قارسى اتتانۋىنا ماڭىزدى ۇلەس قوسۋشى، جۇڭگونىڭ سيرياعا ىندەتكە قارسى اتتانۋ كومەگىن بەرگەندىگىنە العىس ايتامىز.
الجيريا ۇلت ازاتتىق شەبى پارتياسى ساياسي بيۋروسىنىڭ مۇشەسى باتيس برۋزني مىنانى ءبىلدىردى: پارتيامىز ۆيرۋستىڭ تەگىن انىقتاۋدى ساياسيلاندىرۋعا باستان - اياق قارسى تۇرادى، ”ۆيرۋستىڭ تەگىن انىقتاۋدا، ءسوز جوق، عىلمي رۋحتان جازباۋ كەرەك“ دەپ قارايمىز. الجيريا نامىس پارتياسىنىڭ ءتوراعاسى مۇحاممەد داۆي مىنانى ءبىلدىردى: امەريكا ”قىلمىستى دەپ جورامالداۋ“ ءتاسىلى ارقىلى جۇڭگوعا كۇيە جاعىپ وتىر، ايتىلمىس ايىپتاۋدىڭ ەشقانداي عىلمي نەگىزى جوق.
ەگيپەت كوممۋنيستىك پارتياسى ساياسي بيۋروسىنىڭ مۇشەسى سالاح سالۆي مىنانى ءبىلدىردى: امەريكانىڭ ۆيرۋستىڭ تەگىن انىقتاۋدى ساياسيلاندىرۋداعى ناعىز ماقساتى ءوز مۇددەسىنە قىزمەت ەتتىرۋ، بۇل قىلىعى عىلمي رۋحقا قايشى، مۇنداي ساياسي قاسكۇنەمدىك تۇبىندە جەڭىلىسپەن تىنادى.
يوردانيا كوممۋنيستىك پارتياسىنىڭ ورىنباسار باس شۋجيى نيدلەر مۋدىيا مىنانى ءبىلدىردى: ”ۆيرۋستىڭ تەگىن انىقتاۋدى ساياسيلاندىرىپ الەمدىك ىندەتكە قارسى اتتانۋ سەلبەستىگىن ءبۇلدىرۋ ادام قولىنان كەدەرگى جاساۋ بولىپ تابىلادى“.
”عىلمي تۇردە ىندەتكە قارسى اتتانۋ، عىلمي تۇردە تەگىن انىقتاۋ عانا دۇرىس جول، وسىلاي بولعاندا عانا، دۇنيە جۇزىندەگى ەلدەردىڭ ىندەتكە بىرلەسىپ قارسى اتتانۋىن ىلگەرىلەتۋگە بولادى“، - دەدى ماۋريتانيا رەسپۋبليكا بولۋعا قول جەتكىزۋ وداعىنىڭ ورىنباسار ءتوراعاسى ياحيا احمەد ۋاگف.
(8 - ايدىڭ 27 - كۇنگى «حالىق گازەتىندە» باسىلعان)
