تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

بۇقارانى ءۇيىنىڭ ماڭىندا مول مادەنيەت نارىنەن يگىلىكتەندىردى

شاڭحاي:

بۇقارانى ءۇيىنىڭ ماڭىندا مول مادەنيەت نارىنەن يگىلىكتەندىردى

انار بۇلت / شينجياڭ گازەتىنىڭ ءتىلشىسى حان چينيان

  8 - ايدىڭ 20 - كۇنى مارالباسى اۋدانى مارالباسى قالاشىعى دوستىق جولى الەۋمەتتىك اۋماعىنىڭ مادەنيەت قيمىل ۇيىندە كىشكەنتاي دوستار قورشاما دويبى ويناۋدا.

  ”ءبىر دويبى تاسىنىڭ ’ءتورت جولى‘ بار، ەگەر ’ءتورت جولعا‘ قارسى جاق بۇكىلدەي توسقاۋىل قويعاندا، وندا دويبى تاسىن قارسى جاعى جەپ قويادى“، - دەدى 12 جاستاعى احمەترايىم ءنامار.

  قارسى جاعىندا وتىرعان ءابدۇنابي امەت ونىڭ ءسوزىن جالعاستىرىپ: ”ءبىر دويبى تاسىن جەۋ ءۇشىن ەكى جولدى تابۋ كەرەك، جول از بولعاندا شابۋىلعا ۇشىراپ، بوگەلەسىڭ دە قالاسىڭ. ءبىر جولى عانا قالعان تاس جەلىنەتىن تاس دەلىنەدى، قاشىپ قۇتىلماعاندا جەلىنەدى“، - دەدى.

  ”بۇلاردىڭ ءبارىن بىزگە شاڭحاي قالالىق قورشاما دويبى قوعامىنىڭ وقىتۋشىلارى ۇيرەتكەن“، - دەدى احمەترايىم.

  بالالاردىڭ قىزىعا دويبى ويناپ جاتقاندىعىنا قاراپ تۇرعان، شاڭحاي قالاسىنان شينجياڭعا كومەككە كەلگەن كادر، قاشقار ايماقتىق پارتكوم ۇگىت ءبولىمىنىڭ ورىنباسار باستىعى لو جىنگۋاڭ ”قورشاما دويبى مادەنيەتىن ۇيرەنۋ جانە ونى جالپىلاستىرۋ بۇقارانىڭ جۇمىستان سىرتقى تۇرمىسىن بايىتۋمەن بىرگە، ۇلتتاردىڭ مادەنيەتتىك ارالاسۋىن، ىشتەسۋىن، توعىسۋىن جەبەدى“، - دەدى.

  شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ”ەنگىزۋ“ مەن ”سىرتقا شىعارۋدى“ ۇشتاستىرۋعا تاباندى بولىپ، جاس وسپىرىمدەردىڭ ” قول ۇستاسۋ“، ”دوس بولۋ“ جانە ”كوركەمونەردى ساباقحاناعا كىرگىزۋ“ سياقتى قيمىلداردى ۇزدىكسىز ىلگەرىلەتىپ، ”بەستى شىنايى مويىنداۋدى“ ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىنىڭ ءار ۇلت بۇقاراسىنىڭ جۇرەك تۇكپىرىنە تەرەڭ تامىر تارتۋىنا مۇمكىندىك جاسادى.

  قاشقار ايماقتىق پارتكومنىڭ ورىنباسار شۋجيى، شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى حۋ جيجۇن: ”مادەنيەتتى شىنايى مويىنداۋ − ەڭ تەرەڭ قاباتتاعى شىنايى مويىنداۋ، ۇلتتار ىنتىماعىنىڭ تامىرى، ۇلتتار تاتۋلىعىنىڭ جانى“، - دەدى.

  6 - ايدىڭ 23 - كۇنى قاشقار 6 - ورتا مەكتەبىندە شاڭحاي جيڭجۇي تەاترحاناسىنان كەلگەن ارتيستەر بالالارعا «ءتورتىنشى ۇلدىڭ شەشەسىنە امانداسا بارۋى»، «ۋيحۋشاندى اقىلمەن الۋ» سياقتى كلاسسيكالىق ايگىلى تەاترلاردى ورىندادى.

  ”ءان ماتىنى تاماشا، ىقشام، مەن بەيجيڭ تەاترىن ەرەكشە ۇناتامىن“، - دەدى ”بەيجيڭ تەاترىنىڭ كوركەمدىگىن“ باسى - قاسىندا وتىرىپ سەزىنگەن وسى مەكتەپتىڭ وقۋشىسى ءدىلنۇر ابلەز.

  بۇل شاڭحاي بەيجيڭ تەاترحاناسى اكەلگەن ”كوركەمونەردى ساباقحاناعا كىرگىزۋ“ قيمىلىنداعى ءبىر كورىنىس ەدى. ”كوركەمونەردى ساباقحاناعا كىرگىزۋ“ قيمىلى شاڭحاي قالاسىنىڭ مادەنيەتپەن شينجياڭدى نارلەندىرۋ ماركاسىنا اينالدى.

  مادەنيەتپەن شينجياڭدى نارلەندىرۋ ءۇنسىز اسەر كورسەتتى، ءتىپتى دە كوپ مادەنيەتپەن شينجياڭدى نارلەندىرۋ نىساندارى قاشقار ايماعىنا ەنگىزىلۋدە. سوڭعى جىلدارى شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى شاڭحاي قالاسىنىڭ قولداۋىندا ”جۇڭحۋانىڭ كلاسسيكالىق جەلىلەس وقۋلىقتارىن“ قۇراستىرىپ، ”مادەنيەتپەن شينجياڭدى نارلەندىرۋ ۇلكەن ساباقحاناسى“ سياقتى جەلىلەس نىسانداردى قۇردى.

  7 - ايدىڭ 11 - كۇنى 36 - كەزەكتى ”حايگاڭ - شاڭچي“ ساۋىتى اتىنداعى شينمين كەشكى گازەتى جازعى دەمالىستاعى ورتا مەكتەپ وقۋشىلارىنىڭ فۋتبول جارىسى قاشقار قالاسىندا ءوتتى؛ 7 - ايدىڭ 21 - كۇنى قاشقار ايماعىنداعى 60 وقىتۋشى - وقۋشى ۇسىنىس بويىنشا شاڭحاي جاسوسپىرىمدەر حالىقارالىق اۋىس - كۇيىس ورتالىعىنا بارىپ، ”جاڭا ءداۋىردىڭ جاڭا جاستارى“ 2021 - جىلعى شاڭحاي - قاشقار جاس وسپىرىمدەر اۋىس - كۇيىس قيمىلىنا قاتىناستى...

  بىلتىردان باستاپ شاڭحاي قالاسىنىڭ شينجياڭعا باعىتتامالى كومەكتەسۋ الدىڭعى شەپ قولباسشىلىق شتابى ءۇرتىس 2 جىل دۇڭفاڭ جاساندى سەرىك تەلەۆيزياسىمەن سەلبەستىك جاساپ، ادامدى جىگەرلەندىرەتىن ءىرى تيپتەگى سەزىنۋ باعدارلاماسى «ەڭ جوعارى شەككە سايىس جاريالاۋدى» قاشقار ايماعىنا ەنگىزىپ، «ەڭ جوعارى شەككە سايىس جاريالاۋ − قازىنا ساپارىن» ءتۇسىرىپ، ءىرى تيپتى الۋان ونەر باعدارلاماسىنىڭ شينجياڭعا باعىتتامالى كومەكتەسۋىنىڭ جاڭا ۇلگىسىن اشتى.

  ”بىلتىر قاشقار بايىرعى قالاسىندا وسى باعدارلامانى تۇسىرگەن كەزدە 10 مىڭنان استام ادام ناق مايدان ۇستىندە تاماشالادى“، - دەدى لو جىنگۋاڭ سول كەزدى ەسىنە الىپ.

  «جوعارى شەككە سايىس جاريالاۋ − قازىنا ساپارىنىڭ» ”شينجياڭ ءبولىمى“ العاش قويىلعاننان كەيىن مارالباسى اۋدانى شامال اۋىلىنىڭ چيتى قىستاعى، اققۇم تاۋى قۇمدى ءشول باقشاسى، حۇڭحاي كورىنىس ءوڭىرى قاتارلىلار دەرەۋ ۇلكەن تۇعىرلارداعى ”ساياحات كوزەۋلى جەرىن“ ىزدەۋ تىزىمدىگىنە كىردى.

  شاڭحاي شىفان داشۋەسىنىڭ پروفەسسورى، دوكتورانت جەتەكشىسى ساۋ شۇي ينتەرنەت جەلىسىندە توتە تاراتۋ تاسىلىمەن قاشقار ايماعىنداعى وقىتۋشى - وقۋشىلارعا «تاڭ ءداۋىرى ولەڭدەرىندە ايتىلعانداي كوشەدە جۇرگەندە» دەگەن تاقىرىپتا لەكسيا جاسادى، كەلىپ كورگەن كورەرمەندەر قايشالىستى.

  حوۋ جيجۇن ”«ازاتتىق ارميا گازەتى» قاراماعىنداعى ’مادەنيەت مىنبەرى‘ ايدارى قاشقار ايماعىنا كەلدى، فۋدان داشۋەسىنىڭ پروفەسسورى جاڭ ۋيۋي قاشقار ايماعىنا كەلىپ ساباق سويلەگەن تۇڭعىش مادەنيەت ايگىلى مامانى.“ ”8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرۋ، تياناقتاندىرۋ ءۇشىن ءبىز اناعۇرلىم كوپ تاڭداۋلى مادەنيەتتى ”ەنگىزىپ“، كومەك قابىلداۋشى جەردەگى ءار ۇلت كادرلارىنىڭ، بۇقاراسىنىڭ ءۇيىنىڭ ماڭىندا مول مادەنيەت نارىنەن يگىلىكتەنۋىنە مۇمكىندىك جاسايمىز“، - دەدى حوۋ جيجۇن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.