رۋحاني ناقتى ءمانىن جەتە ءتۇسىنىپ، ەكپىندەي ىلگەرىلەۋ كۇشىن ۇيىستىردى

ءۇرىمجى قالاسى:

رۋحاني ناقتى ءمانىن جەتە ءتۇسىنىپ، ەكپىندەي ىلگەرىلەۋ كۇشىن ۇيىستىردى

انار بۇلت / شينجياڭ گازەتىنىڭ ءتىلشىسى رىن چۇنشياڭ

　　7 - ايدان بەرى ءۇرىمجى قالاسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى جانە بۇدان بىلايعى ءبىر مەزگىلدەگى كەلەلى ساياسي مىندەت ەتىپ، ءبىر تۇتاس جوبا - جوسپار جاساپ، ەگجەي - تەگجەيلى، ناقتى يگەرىپ، قالىڭ پارتيا مۇشەلەرىن، كادرلاردى، بۇقارانى رۋحاني ناقتى ءمانىن جەتە تۇسىنۋگە، وزەكتى ءتۇيىنىن يگەرۋگە، يدەيانىڭ ۇلى كۇشىن سەزىنىپ، ەكپىندەي ىلگەرىلەۋ كۇشىن ۇيىستىرۋعا جەتەكتەدى.

　　باسشىلار باستاپ ۇيرەندى، ونەگە كورسەتىپ جەتەكشىلىك ىستەدى

　　ءۇرىمجى قالالىق پارتكوم ايرىقشا ءمان بەرىپ، دەن قويا ورنالاستىرۋ جاسادى، باسشى كادرلاردان باستاماشىلدىقپەن باستاپ ۇيرەنىپ، ۇيرەنۋدى جەبەپ، ءوز بويىنان ونەگە كورسەتۋدى، توپتىق ۇيرەنۋ، جەكەلەر وزدىگىنەن ۇيرەنۋ، ارناۋلى تاقىرىپتا پىسىقتاۋ جاساۋ، اۋىس - كۇيىس جاساۋ، زەرتتەۋ - تالقىلاۋ سياقتى تاسىلدەرمەن ىشكەرىلەي ۇيرەنۋ، ەگجەي - تەگجەيلى ءتۇسىنۋ جاعىندا ۇلگى بولىپ، ونەگە كورسەتۋدى، جەتەكشىلىك ىستەۋ رولدارىن تولىق ساۋلەلەندىرۋدى تالاپ ەتتى.

　　سوڭعى كۇندەردەن بەرى ءۇرىمجى قالالىق پارتكوم جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جونىندە ءۇرتىس اڭگىمە ءماجىلىس اشىپ، ءۇرىمجى قالالىق پارتكومنىڭ نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋىن جانە پارتيا تاريحىن ۇيرەنۋ تاربيەسى ارناۋلى تاقىرىپتىق كىتاپ وقۋ كۋرسى سياقتىلاردى وتكىزىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ىشكەرىلەي ۇيرەنىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ۇلى پارتيا قۇرۋ رۋحىن اسقاقتاتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ ىرىستى جەرىندە جاڭا ساپارعا ارشىنداي العا ىلگەرىلەۋگە ىنتالاندىردى.

　　كەزەكتە ءۇرىمجى قالاسىنداعى ءار دارەجەلى پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدى توڭىرەكتەي وتىرىپ 1900 مايدان - رەتتەن استام ارناۋلى تاقىرىپتىق ۇيرەنۋ، زەرتتەۋ - تالقىلاۋ ورىستەتتى.

　　شوعىرلى ۇيرەنىپ، تىڭعىلىقتى ىلگەرىلەتتى

　　شوعىرلى كوردى، ارناۋلى تاقىرىپتىق اڭگىمە وتكىزدى، زەيىن سىناۋ جارىسىن وتكىزدى... سوڭعى كۇندەردەن بەرى ءۇرىمجى قالاسىنداعى ءارقايسى رايوندار (اۋدان)، تاراۋلار، مەكەمە - ورىندارى ۇيرەنۋدىڭ قىزۋ ورلەۋىن كوتەرىپ، ”3 جيىن، ءبىر ساباق“، ارناۋلى تاقىرىپتىق كىتاپ وقۋ كۋرسى، ۇيرەنۋ، پىكىر اۋىستىرۋ جينالىسى سياقتى كوپ ءتۇرلى فورمالاردان تولىق پايدالانىپ، باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋدىڭ، دايەكتىلەندىرۋدىڭ وي - ساناعا ۇيالاۋىن، تەرەڭدەۋىن، ناقتىلانۋىن ىلگەرىلەتتى.

　　ءۇرىمجى قالالىق قالا باسقارۋ مەكەمەسى (اكىمشىلىك زاڭ اتقارۋ مەكەمەسى) پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى جاڭ لەي ارناۋلى تاقىرىپتىق كىتاپ وقۋ كۋرسىنا قاتىناسقان كەزدە: حالىق ءۇشىن قىزمەت ىستەۋ باس ماقساتىن باستان - اياق ەستە بەرىك ساقتاپ، ۇيرەنۋ جەتىستىگىن قالانى باسقارۋدىڭ جوعارى ساپالى دامۋىن ىلگەرىلەتۋدىڭ ناقتى ارەكەتىنە اينالدىراتىندىعىن ءبىلدىردى.

　　ءۇرىمجى قالالىق بازار باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ مۇشەسى جاڭ پىڭچىڭ مىنالاردى ءبىلدىردى: باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن جەتەكشى ەتىپ، قىزمەت ورنىن تياناق ەتىپ، مىندەتتى اتقارىپ، جاۋاپكەرشىلىكتى ارقالاپ، ىرىقتىلىقپەن ىسكەرلىك كورسەتەمىن. الداعى جەردە اناعۇرلىم پارمەندى شارالاردى قولدانىپ، باقىلاۋ - باسقارۋ قىزمەتىن كۇشەيتىپ، تۇتىنۋشىلارعا اناعۇرلىم تاماشا تۇتىنۋ ورتاسىن ازىرلەيمىن.

　　نەگىزگى ساتىنى ىشكەرىلەي ارالادى، ”ءۇن“ جۇرت جۇرەگىنە جەتتى

　　”تاياۋ جىلداردان بەرگى ءبىزدىڭ تۇرمىسىمىزداعى وزگەرىستەر پارتيانىڭ اۋەلگى ماقساتى مەن بورىشىن جاندى ءتۇسىندىردى...“ ءۇرىمجى قالاسى شۇيموگوۋ رايونى ۋيحۋلياڭ ءمالىسى چاڭشىڭشياڭ الەۋمەتتىك اۋماعىندا تۇرعىندار ءۇرىمجى قالالىق پارتكوم ”قىزىل تاۋ ءۇنى“ ۇگىت لەكسيا ۇيىرمەسىنىڭ باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحىن ۇيرەنۋ، دايەكتىلەندىرۋ بويىنشا ارالاپ ءجۇرىپ جاساعان ۇگىت لەكسياسىن تىڭدادى.

　　پارتيا تاريحىن ۇيرەنۋ تاربيەسى ورىستەتىلگەننەن بەرى ”قىزىل تاۋ ءۇنى“ ۇگىت لەكسيا ۇيىرمەسى نەگىزگى ساتىنى ىشكەرىلەي ارالاپ، الەۋمەتتىك اۋماقتارعا بارىپ، ”ۇگىت لەكسيا + ادەبيەت - كوركەمونەر“ ءتاسىلىن قولدانىپ، ەرەكشە ۇگىت ورىستەتىپ، مەيىرگە تولى، حالىققا جاناسىمدى ۇگىت لەكسيانى بۇقارانىڭ ماڭىنا جەتكىزدى. ۇگىت لەكسياشى جۋ جيڭ بىلاي دەدى: ءبىز بۇقارا تۇسىنە الاتىن، ۇناتىپ تىڭدايتىن تاسىلدەر ارقىلى ۇگىت لەكسيا جۇرگىزىپ، قالىڭ بۇقارانى پارتيانىڭ مەيىرىنە العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە اناعۇرلىم ويداعىداي جەتەكتەيمىز.

　　ءۇرىمجى قالاسىنداعى ءارقايسى رايوندار (اۋدان)، تاراۋلار، مەكەمە - ورىندار ءتۇرلى ۇگىت لەكسيا ۇيىرمەسىن، ۇگىت لەكسيا اترەتىن ۇيىمداستىرىپ قۇرىپ الەۋمەتتىك اۋماقتاردا، كاسىپورىنداردا، ەگىن، مال شارۋاشىلىق رايوندارىندا الۋان فورمادا، باي مازمۇندى ۇگىت لەكسيا ورىستەتتى. كەزەكتە ءۇرىمجى قالاسىنداعى ءار دارەجەلى، ءار ءتۇرلى ۇگىت لەكسيا ۇيىرمەلەرى باس شۋجي شي جينپيڭنىڭ ”1 - شىلدەدەگى“ ماڭىزدى ءسوزىنىڭ رۋحى جونىندە 21 مىڭ مايدان - رەتتەن استام ۇگىت لەكسيا جاسادى.