− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزى رايونىمىزداعى ءار ۇلت كادر - بۇقاراسىن ەكپىندەي ىلگەرىلەۋگە، ىسكەرلىك كورسەتۋگە جىگەرلەندىردى
انار بۇلت / شينجياڭ گازەتىنىڭ تىلشىلەرى
ءۇرتىس نەشە كۇننەن بەرى، رايونىمىزداعى ءار ۇلت كادر - بۇقاراسى باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزىن مۇقيات ۇيرەنىپ، قىزۋ اڭىس ءبىلدىردى. كوپشىلىك ءبىر اۋىزدان مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، ءبىر نيەتپەن ىنتىماقتاسىپ، قاجىماي - تالماي كۇرەس جۇرگىزىپ، جۇڭحۋا ۇلتىنىڭ ورتاق رۋحاني مەكەنىن تۇلعالاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن بىرگە جازامىز.
”باس شۋجي شي جينپيڭ پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن 12 جاقتان ەگجەي - تەگجەيلى قورىتىندىلادى، سونىڭ ءبىرى − ’جۇڭحۋا ۇلتى ورتاق رۋحاني مەكەنىن، ءسوز جوق، تۇلعالاۋ‘“. اۆتونوميالى رايوندىق پارتكوم پارتيا مەكتەبى (اكىمشىلىك شۋەيۋانى) ۇلت، ءدىن نازارياسى وقىتۋىن زەرتتەۋ ءبولىمىنىڭ مەڭگەرۋشىسى ليۋ شىگو مىنالاردى ءبىلدىردى: جۇڭحۋا ۇلتى ورتاق رۋحاني مەكەنىن تۇلعالاۋ ءار ۇلت بۇقاراسى اراسىندا سوتسياليستىك وزەكتى قۇن كوزقاراسى تاربيەسىن كۇشەيتىپ، ءار ۇلتتىڭ تاباندىلىقپەن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىن ىلگەرىلەتۋدى قاجەت ەتەدى، سونداي - اق شينجياڭداعى ءار ۇلتتىڭ تاڭداۋلى ءداستۇرلى مادەنيەتىن جالعاستىرۋدى، قورعاۋدى جانە جاڭالىق اشا توعىستىرۋدى بار كۇشپەن ىلگەرىلەتىپ، ءار ۇلت تەڭ يگىلىكتەنەتىن جۇڭحۋانىڭ مادەنيەت تاڭباسى مەن جۇڭحۋا ۇلتى وبرازىن ورناتىپ جانە كورنەكتىلەندىرىپ، ءار ۇلت حالقىنىڭ تىلەگىنىڭ توعىسۋىنا، رۋحاني جاقتا ءبىر - بىرىنە سۇيەنىش بولۋىنا مۇمكىندىك جاساپ، جۇرت تىلەگىن ۇيىستىراتىن، ىنتىماقتاسا ەكپىندەي العا ىلگەرىلەيتىن قۋاتتى رۋحاني دانەكەر قالىپتاستىرىپ، شينجياڭداعى ءار ۇلتتىڭ جۇڭحۋا ۇلتى ورتاق تۇلعا تانىمىن بەرىك ورناتۋ يدەيالىق نەگىزىن ۇزدىكسىز بەكەمدەپ، شينجياڭ قىزمەتىنىڭ باس نىساناسىنىڭ جۇزەگە اسۋىن جەبەۋ كەرەك.
باس شۋجي شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ ”ارقاۋى“، بارلىق قىزمەتتى وسىعان شوعىرلاندىرۋ كەرەك. التاي ايماقتىق پارتكوم ۇگىت ءبولىمىنىڭ ورىنباسار باستىعى، التاي راديو - تەلەۆيزيا ستانسياسى پارتيا باسشىلىق گرۋپپاسىنىڭ شۋجيى جاۋ جياڭزى بىلاي دەدى: بۇدان كەيىن ءبىز وركەنيەتتى ورىن قۇرۋ، ازاماتتىق ءمورال قۇرىلىسى، ءداۋىردىڭ جاڭا ادامدارىن جەتىلدىرۋ سياقتى ينجەنەريالاردى جالعاستى ىشكەرىلەي اتقارىپ، ءار ۇلت بۇقاراسىن يدەيالىق كوزقاراس، رۋحاني ىنتا، تۇرمىس ءتاسىلى جاعىندا وسىزاماندانۋعا قاراي قادام تاستاۋعا جەتەكتەيمىز. سونداي - اق بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن مىقتاپ ورناتىپ، جۇڭحۋا ۇلتى ورتاق تۇلعا تانىمىن ۇزدىكسىز بەرىك ورناتامىز.
باس شۋجي شي جينپيڭ بىلاي دەپ باسا دارىپتەدى: جۇڭحۋا ۇلتى ورتاق تۇلعا تانىمىن بەرىك ورناتۋ ۇگىت تاربيەسىن ۇدايىلاندىرۋ مەحانيزمىن ورناتۋ كەرەك. تارىم داشۋەسى ەكونوميكا جانە باسقارۋ شۋەيۋانى يدەيا - ساياسي فاكۋلتەتىنىڭ مەڭگەرۋشىسى وۋ ۋىنشي مىنالاردى ءبىلدىردى: يدەيا - ساياسي ساباق وقىتۋشىسى رەتىندە، پارتيا ءۇشىن ادام تاربيەلەۋ، وتان ءۇشىن دارىندى تاربيەلەۋ بورىشىن ەستە بەرىك ساقتاپ، جۇڭحۋا ۇلتى ورتاق تۇلعا تانىمىن بەرىك ورناتۋ تاربيەسىن وقۋشىلاردىڭ يدەيا - ساياسي تاربيەسى بارىسىمەن توعىستىرىپ، يدەيا - ساياسي ساباعى وقىتۋىنا ەنگىزىپ، ءار ۇلت وقىتۋشى - وقۋشىلارىنىڭ ارالاسۋىن، ىشتەسۋىن، توعىسۋىن جەبەيمىز.
”باس شۋجي شي جينپيڭنىڭ ماڭىزدى ءسوزى جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى“، - دەدى اۋات اۋداندىق پارتكومنىڭ ورىنباسار شۋجيى، اۋدان اكىمى وبۇلقاسىم ءماتتۇرسىن، ”جۇڭحۋا ۇلتى ورتاق تۇلعا تانىمىن بەرىك ورناتۋ − ءار ۇلتتىڭ ءتۇبىرلى مۇددەسىن قورعاۋدىڭ قاجەتتى تالابى، بۇدان كەيىن جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ’ۇلتتار ىنتىماعىنىڭ بەرەكەلى شاڭىراعى‘ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، تۇتاس اۋدانداعى كادر - بۇقارانى ۇلتتار ىنتىماعىن ويداعىداي قورعاۋعا باستاپ، كورىكتى مەكەنىمىزدى ويداعىداي قۇرامىز“.
”باس شۋجي شي جينپيڭ بىلاي دەپ اتاپ كورسەتتى: ءار ۇلتتىڭ تاڭداۋلى ءداستۇرلى مادەنيەتىنىڭ بارلىعى جۇڭحۋا مادەنيەتىنىڭ قۇرامداس بولىگى، جۇڭحۋا مادەنيەتى − نەگىزگى ءدىڭ، ءار ۇلت مادەنيەتى − بۇتاق - جاپىراقتارى، تامىرى تەرەڭ، ءدىڭى مىعىم بولعاندا عانا، بۇتاق - جاپىراعى جايقالىپ وسەدى. مەن قاي - قاشان دا جۇڭحۋا ۇلتى ورتاق تۇلعا تانىمىن بەرىك ورناتۋدى ارقاۋ ەتە وتىرىپ، شىعارماشىلىق ورىستەتىپ، جۇڭحۋا ۇلتى ورتاق رۋحاني مەكەنىن قۇرۋعا كۇش - قۋاتىمدى ارنايمىن“، - دەدى شينجياڭ جازۋشىلار قوعامىنىڭ ورىنباسار ءتوراعاسى، شينجياڭ جازۋشىلار قوعامى ينتەرنەت جازۋشىلار قوعامى بولىمشەسىنىڭ ءتوراعاسى ەركەش قۇرمانبەك.
موري قازاق اۆتونوميالى اۋدانىندا، قاينار ۇلتتىق قولونەر بۇيىمدارىن جاساۋ شەكتى سەرىكتەستىگىنىڭ باس ديرەكتورى شەكەر قۇسايىن 20 جىلدان استام ۋاقىتتا اۋىلىنىڭ ۇلتتىق كەستە بۇيىمدارىن ەل ءىشى - سىرتىنا ساتتى، ول ءار ۇلتتان 3000عا جۋىق شاكىرت قابىلدادى. باس شۋجي شي جينپيڭنىڭ ماڭىزدى ءسوزىن مۇقيات ۇيرەنگەن سوڭ، شەكەر بىلاي دەدى: ”سەرىكتەستىكتىڭ دامۋى پارتيانىڭ ۇلت ساياساتىنىڭ قامقورلىعىنان ايرىلا المايدى، تەك ءار ۇلت حالقى ءوزارا قول ۇستاسىپ، ىنتىماقتاسا كۇرەس جاساساق، وتانىمىزدىڭ، ءسوز جوق، اناعۇرلىم كوركەيىپ قۇدىرەتتەنەتىندىگىنە، ءار ۇلت بۇقاراسىنىڭ تۇرمىسى، ءسوز جوق، اناعۇرلىم باقىتتى، كوركەم بولاتىندىعىنا سەنەمىن“.
(ءتىلشى جاڭ يانفاڭ، قاتىناسقان تىلشىلەر جاڭ جىلي، جاڭ تيڭ، لي ياڭ، لي لي، ەرىكتى تىلشىلەر شى چيان، ياڭ باۋرىن)
