− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدىءسوزى رايونىمىزداعى ءار ۇلت كادر - بۇقاراسىن ەكپىندەي ىلگەرىلەۋگە شابىتتاندىردى
انار بۇلت / شينجياڭ گازەتىنىڭ تىلشىلەرى
نەشە كۇننەن بەرى باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزى رايونىمىزدا قىزۋ اڭىس قوزعادى. كوپشىلىك جابال مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى. باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جۇڭحۋا ۇلتىنىڭ ۇلى ىنتىماعى تۋىن بيىك ۇستاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن قاز - قالپىندا، شىنايى تياناقتاندىرىپ، ۇلت قىزمەتىنىڭ جاڭا جاعدايىن ۇزدىكسىز اشامىز.
اۆتونوميالى رايوندىق پارتكوم ۇگىت ءبولىمىنىڭ كادرى ىحىليما قاسىم باس شۋجي شي جينپيڭنىڭ ماڭىزدى ءسوزىنىڭ رۋحىن تاباندا ۇيرەنىپ، توتەنشە اسەرلەندى. ول بىلاي دەدى: ”باس شۋجي شي جينپيڭنىڭ ماڭىزدى ءسوزىنىڭ ويى ورەلى، يدەياسى تەرەڭ، پارتيانىڭ ۇلت قىزمەتى امالياتىنىڭ ەڭ جاڭا قورىتىندىسى، ماركسيزمدىك ۇلت نازارياسىنىڭ جۇڭگوشالانۋىنىڭ ەڭ جاڭا جەتىستىگى، جاڭا داۋىردەگى پارتيانىڭ ۇلت قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى. ۇگىت كادرى رەتىندە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، قىزمەت ورنىمدى تياناق ەتىپ، شينجياڭنىڭ ءىس جۇزىندىگىمەن بىرلەستىرىپ، ۇگىت جۇرگىزۋ، ۇگىت لەكسيا سياقتى قىزمەتتەردى تىڭعىلىقتى، ويداعىداي ىستەپ، يدەولوگيا شەبىن ويداعىداي قورعايمىن“.
باس شۋجي شي جينپيڭ مىنالاردى اتاپ كورسەتتى: پارىقتى وڭىرلىك قولداۋ ساياساتىن كەمەلدەندىرىپ، ۇلتتىق وڭىرلەردىڭ رەفورما جاساۋدى، ەسىك اشۋدى جاپپاي تەرەڭدەتۋىنە قولداۋ كورسەتىپ، ءوز - ءوزىن دامىتۋ قابىلەتىن جوعارىلاتۋ كەرەك. تارباعاتاي ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى، شينجياڭ تارباعاتاي ءتۇيىندى وركەندەتۋ، ەسىكتى اشىق ۇستاۋ سىناق رايونى قۇرىلىسى قولباسشىلىق شتابى ساۋداگەر شاقىرۋ، ۇگىت گرۋپپاسىنىڭ باستىعى گۇلبارشىن قۇسايىن بىلاي دەدى: ءبىز تارباعاتاي ايماعىنىڭ وزگەشە ابزالدىلىعىن تياناق ەتىپ، سىناق رايونىن ەكونوميكاسى گۇلدەنگەن، ەكولوگياسى كورىكتى، كاسىپتەنۋگە، قونىستانۋعا قولايلى، ۇلتتارى ىنتىماقتى، تاتۋ كورشى، جاقسى دوس بولاتىن، ەسىكتى اشىق ۇستاۋعا باستايتىن ”جىبەك جولىنداعى جاڭا قالا“ جانە سىرتقا ەسىك اشۋداعى ماڭىزدى تەرەزە ەتىپ قۇرىپ شىعۋعا كۇش سالامىز.
سانجى حۇيزۋ اۆتونوميالى وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى فۋ چياڭ مىنالاردى ءبىلدىردى: سانجى وبلىسى باس شۋجي شي جينپيڭنىڭ تالابى بويىنشا بايلىق ارتىقشىلىعى، دامۋ شارت - جاعدايى، سالىستىرمالى ابزالدىلىق سياقتى ءىس جۇزىندىكتى تياناق ەتىپ، جاڭا دامۋ كەزەڭىن يگەرۋدىڭ، جاڭا دامۋ ۇستانىمىن دايەكتىلەندىرۋدىڭ، جاڭا دامۋ ارناسىنا توعىسۋدىڭ، جوعارى ساپالى دامۋدى جۇزەگە اسىرۋدىڭ، بىرگە بايۋدى جەبەۋدىڭ كىرىسۋ ءتۇيىنى مەن كۇش سالۋ ءتۇيىنىن ءدال تاۋىپ، بۇلجىماستان جاسىل دامۋ، حاۋىپسىز دامۋ، جاڭالىق اشا دامۋ جولىمەن ءجۇرىپ، سانجى وبلىسىنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتەدى.
باس شۋجي شي جينپيڭ مىنالاردى تالاپ ەتتى: ۇلتتار ىنتىماعىنداعى، العاباسارلىعىنداعى وزات ورىن قۇرۋدى ىشكەرىلەي ورىستەتىپ، ىشكى ءمانىن تەرەڭدەتۋگە، فورماسىن بايىتۋعا، ادىستە جاڭالىق اشۋعا كۇش سالۋ كەرەك. جىڭ اۋداندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى بۇلعىن بىلاي دەدى: ”ءبىز باستان - اياق تيپ باۋلۋدى، ۇلگىمەن جەتەكتەۋدى مەملەكەتتىك ۇلتتار ىنتىماعى، العاباسارلىعىنداعى وزات رايون قۇرۋدىڭ ماڭىزدى تۇتقاسى ەتتىك ءارى ’شاعىن سۋرەتتەردى توپتاۋدى، شاعىن حيكايالاردى قۇراستىرۋدى، شاعىن تيپتەردى ىزدەستىرۋدى، شاعىن تۇعىر ورناتۋدى، شاعىن اندەردى شارىقتاتۋدى، شاعىن ۇلگىلەردى ماداقتاۋ - سيلاۋدى‘ باستى مازمۇن ەتكەن ۇلتتار ىنتىماعى ’شاعىن قيمىلدارىن‘ ورىستەتىپ، ۇلگىنىڭ كۇشى ارقىلى ءار ۇلت بۇقاراسىن ۇلتتار ىنتىماعىن سانالى قورعاۋعا تاربيەلەدىك جانە باستادىق“.
باس شۋجي شي جينپيڭ مىنالاردى باسا دارىپتەدى: جۇڭحۋا ۇلتى ورتاق تۇلعا تانىمىن بەكەمدەۋ ۇگىت - تاربيەسىن ۇدايىلاندىرۋ مەحانيزمىن قۇرىپ، ونى كادرلار تاربيەسى، پارتيا مۇشەلەرى تاربيەسى، حالىقتىق تاربيە جۇيەسىنە ەنگىزىپ، قوعامدىق ۇگىت - تاربيەنى ويداعىداي جۇرگىزۋ كەرەك. حوشۇت اۋداندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى چىمانگۇل ابىليمىت مىنالاردى ءبىلدىردى: حوشۇت اۋدانى جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، الۋان فورماداعى ۇيرەنۋ، باۋلۋ جانە ۇگىتتەۋ، ۇگىت لەكسيا قيمىلدارىن ورىستەتۋگە ۇيىمداستىرىپ، ءار ۇلت كادر - بۇقاراسىن ارالاسۋ، ىشتەسۋ، توعىسۋدى كۇشەيتۋگە باستاپ، ۇلتتار ىنتىماعىنىڭ يدەيالىق نەگىزىن شىن مانىندە بەكەمدەيدى.
ءۇرىمجى قالالىق پارتكوم ساياسي - زاڭ كوميتەتىنىڭ ورىنباسار شۋجيى، قالالىق ءادىليا مەكەمەسى پارتيا باسشىلىق گرۋپپاسىنىڭ شۋجيى جاڭ جيڭچۇن مىنالاردى ءبىلدىردى: يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن سانالى تۇردە بىرلىككە كەلتىرىپ، ءار ۇلت بۇقاراسىنىڭ زاڭدى ۇقىق - مۇددەسىن زاڭ بويىنشا قامتاماسىز ەتىپ، زاڭعا قايشى ءتۇرلى قىلمىستىق ارەكەتتەرگە زاڭ بويىنشا سوققى بەرىپ، زاڭ الدىندا بارلىق ادامنىڭ تەڭ بولۋىن جۇزەگە اسىرامىز؛ ادۆوكات، كۋالاندىرۋ، زاڭدىق كومەك، ءادىليالىق ساراپتاۋ، زاڭمەن جونگە سالۋ ۇگىتى، حالىقتىق جاراستىرۋ سياقتى زاڭدىق قىزمەت وتەۋ بايلىقتارىن نەگىزگى ساتىعا قاراي قانات جايدىرىپ، حالىق بۇقاراسىنىڭ الەۋمەتتىك زاڭدىق قىزمەت وتەۋگە دەگەن جاڭا قاجەتىن ۇزدىكسىز قاناعاتتاندىرامىز.
مەملەكەتتىك ۇلتتار ىنتىماعى، العاباسارلىعىنىڭ ۇلگىسى، بيڭتۋان 1 - شى 13 - تۋان 11 - ليانىنىڭ قىزمەتكەرى يوۋ لياڭيىڭ مىنالاردى ءبىلدىردى: ”ۇلتتار ىنتىماعى شينجياڭداعى ءار ۇلت حالقىنىڭ جان تامىرى، ءبىز ۇلتتار ىنتىماعىن كوز قاراشىعىمىزداي ايالاپ، اناردىڭ دانىندەي تىعىز ۇيىسىپ، ءبىر نيەت، ءبىر تىلەكتە ويلاپ، كۇشتى ءبىر جەرگە جۇمساپ، كورىكتى مەكەنىمىزدى بىرگە قۇرۋىمىز كەرەك“.
(ءتىلشى جاڭ يۇنمەي، قاتىناسقان تىلشىلەر جاڭ يانفاڭ، ءرايدا، گى يوۋجۇن، سۇڭ ياۋىن، دۋ جيانحۇي، ۋاڭ نا، ميھىرگۇل عوپۇر)
