تيانشان تورى   ›   جاڭالىقتار   ›   ماڭىزدى حابارلار

مونوپوليالاۋعا قارسى تۇرۋدى، ورىنسىز باسەكەگە قارسى تۇرۋدى باقىلاۋ - باسقارۋ تەبىنىن كۇشەيتىپ، زاتتىق ماتەريال زاپاسى ءتۇزىلىسىن، مەحانيزمىن كەمەلدەندىرىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ كەرەك

شي جينپيڭ ورتالىق رەفورمانى جاپپاي تەرەڭدەتۋ كوميتەتىنىڭ 21 - رەتكى ءماجىلىسىن باسقارىپ اشىپ بىلاي دەپ باسا دارىپتەدى

  مونوپوليالاۋعا قارسى تۇرۋدى، ورىنسىز باسەكەگە قارسى تۇرۋدى باقىلاۋ - باسقارۋ تەبىنىن كۇشەيتىپ، زاتتىق ماتەريال زاپاسى ءتۇزىلىسىن، مەحانيزمىن كەمەلدەندىرىپ، لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ كەرەك

لي كىچياڭ، ۋاڭ حۋنيڭ، حان جىڭ قاتىناستى

  شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 8 - ايدىڭ 30 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 21 - رەتكى ءماجىلىسىن باسقارىپ اشتى، ءماجىلىس «مونوپوليالاۋعا قارسى تۇرۋدى كۇشەيتىپ، ءادىل باسەكە ساياساتىن اتقارۋدى ىشكەرىلەي ىلگەرىلەتۋ جونىندەگى پىكىردى»، «تۇزىلىسكە، مەحانيزمگە رەفورما جاساپ، كەمەلدەندىرىپ، ستراتەگيالىق جانە شۇعىل جاعدايعا قاجەتتى زاتتىق ماتەريال زاپاسى حاۋىپسىزدىگىن باسقارۋدى كۇشەيتۋ جونىندەگى ءبىرقانشا پىكىردى»، «لاستانۋدان ساقتانۋدان جانە ونى جونگە سالۋدان قامال الۋ شايقاسىن ىشكەرىلەي ويداعىداي جۇرگىزۋ جونىندەگى پىكىردى»، «ساناقتىق باقىلاۋدىڭ فۋنكتسيالىق رولىن اناعۇرلىم ءونىمدى ساۋلەلەندىرۋ جونىندەگى پىكىردى» قاراپ ماقۇلدادى.

  شي جينپيڭ ءماجىلىستى باسقارعاندا، بىلاي دەپ باسا دارىپتەدى: مونوپوليالاۋعا قارسى تۇرۋدى كۇشەيتۋ، ءادىل باسەكە ساياساتىن اتقارۋدى ىشكەرىلەي ىلگەرىلەتۋ − سوتسياليستىك بازار شارۋاشىلىعى ءتۇزىلىسىن كەمەلدەندىرۋدىڭ ىشكى تالابى. جاڭا دامۋ ارناسىن قالىپتاستىرۋدىڭ، جوعارى ساپالى دامۋدى ىلگەرىلەتۋدىڭ، بىرگە بايۋدى جەبەۋدىڭ ستراتەگيالىق دەڭگەيىن شىعار ءتۇيىن ەتىپ، ءادىل باسەكەلەسەتىن بازار ورتاسىن قالىپتاستىرۋدى جەبەپ، ءتۇرلى بازار تۇلعالارى، اسىرەسە، ورتا، شاعىن كاسىپورىندار ءۇشىن كەڭ دامۋ ءورىسىن جاراتىپ، تۇتىنۋشىلاردىڭ ۇقىق - مۇددەسىن اناعۇرلىم ويداعىداي قورعاۋ كەرەك. مەملەكەت زاپاسى مەملەكەتتى جونگە سالۋدىڭ ماڭىزدى زاتتىق نەگىزى، ستراتەگيالىق جانە شۇعىل جاعدايعا قاجەتتى زاتتىق ماتەريال زاپاسى حاۋىپسىزدىگىن باسقارۋدى ءتۇزىلىس، مەحانيزم ساتىسىنان كۇشەيتىپ، ستراتەگيالىق قامتاماسىزدىق، ماكرولىق رەتتەۋ - تىزگىندەۋ جانە شۇعىل قاجەتتى شەشۋ يقۋاتىن كۇشەيتىپ، ەلەۋلى حاۋىپ - قاتەرلەردەن ساقتانۋ، توتەپ بەرۋ قابىلەتىن كۇشەيتۋ كەرەك. لاستانۋدان ساقتانۋدان جانە ونى جونگە سالۋدان قامال الۋ جەتىستىكتەرىن بەكەمدەپ، لاستانۋدى دالمە - ءدال جونگە سالۋعا، لاستانۋدى عىلمي جولمەن جونگە سالۋعا، لاستانۋدى زاڭ بويىنشا جونگە سالۋعا تاباندى بولىپ، اشىق اسپاندى، تۇنىق سۋدى، تازا توپىراقتى قورعاۋ شايقاسىن اناعۇرلىم جوعارى ولشەممەن ويداعىداي جۇرگىزىپ، جوعارى ساپالى دامۋدى ىلگەرىلەتۋدى، جوعارى ساپالى تۇرمىس جاراتۋدى جوعارى دەڭگەيدە قورعاپ، ادام مەن تابيعات جاراسىمدى قاتار ءومىر سۇرەتىن كورىكتى جۇڭگو قۇرۋعا قۇلشىنۋ كەرەك. ساناقتىق باقىلاۋدىڭ فۋنكتسياسىن كۇشەيتىپ، ساناق ساندى مالىمەتىنىڭ ساپاسىن جوعارىلاتىپ، جۇيەسى كەمەلدى، سايكەسۋى جوعارى ءونىمدى، تەجەۋى پارمەندى ساناقتىق باقىلاۋ جۇيەسىن جەدەل ورناتۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي كىچياڭ، ۋاڭ حۋنيڭ، حان جىڭ ماجىلىسكە قاتىناستى.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ءبىز مونوپوليالاۋعا قارسى تۇرۋدى، ورىنسىز باسەكەگە قارسى تۇرۋدى ارقاۋ ەتىپ، ءبىر قىدىرۋ كەلەلى شەشىمدەر، ورنالاستىرۋلار جاساپ، ءادىل باسەكە ءتۇزىمىن كەمەلدەندىرىپ، بازاردى باقىلاۋ - باسقارۋ تۇزىلىسىنە رەفورما جاساپ، مونوپوليالاۋعا قارسى تۇرۋ بويىنشا باقىلاۋ - باسقارۋدى كۇشەيتىپ، جوعارى ولشەمدى بازار جۇيەسى قۇرىلىسىن ىلگەرىلەتىپ، ءبىر تۇتاس اشىق، باسەكەسى ءتارتىپتى بازار جۇيەسىن قالىپتاستىرۋدى ىلگەرىلەتتىك. كەيبىر تۇعىرلىق كاسىپورىنداردا ورىن تەپكەن تۇرپايىلىقپەن ءوسۋ، ءتارتىپسىز كەڭەيۋ سياقتى كورنەكتى ماسەلەلەرگە قاراتا، ءبىز مونوپوليالاۋعا قارسى تۇرۋ بويىنشا باقىلاۋ - باسقارۋ تەبىنىن ارتتىرىپ، قاتىستى تۇعىرلىق كاسىپورىنداردىڭ مونوپوليالاۋ جانە ورىنسىز باسەكە ارەكەتىن زاڭ بويىنشا تەكسەرىپ ءبىر جاقتى ەتىپ، كاپيتالدىڭ ءتارتىپسىز كەڭەيۋىنەن ساقتانۋدا باستاپقى قادامدا ونىمدىلىككە قول جەتكىزىپ، بازارداعى ءادىل باسەكە ءتارتىبىن ورنىقتى قاداممەن جاقسارتتىق.

  ءماجىلىس مىنالاردى باسا دارىپتەدى: دامۋ مەن حاۋىپسىزدىكتى، ونىمدىلىك پەن ادىلدىكتى، ومىرشەڭدىك كۇش پەن ءتارتىپتى، ەل ءىشى مەن حالىقارانى ءبىر تۇتاس جوسپارلاپ، باقىلاپ - باسقارىپ ارناعا ءتۇسىرۋ مەن دامۋدى جەبەۋ سىندى ەكى جاققا بىردەي ءمان بەرۋگە، ەكى جاقتى دا قاتاڭ يگەرۋگە تاباندى بولىپ، ەرەجەنى ايقىنداپ، تومەنگى شەكتى بەلگىلەپ، ”قىزىل، جاسىل“ شىراقتاردى ويداعىداي ورنالاستىرىپ، كاسىپورىنداردى پارتيانىڭ باسشىلىعىنا بويسۇنۋعا، ەكونوميكالىق، قوعامدىق دامۋدىڭ كەلەلى جاعدايىنا بويسۇنۋعا جانە قىزمەت وتەۋگە جەتەكتەپ، قۋزاپ، كاسىپورىنداردى عىلىم - تەحنيكانىڭ العا باسۋىن جەبەۋدە، بازار شارۋاشىلىعىن گۇلدەندىرۋدە، حالىقتىڭ تۇرمىسىنا قولايلىلىق تۋدىرۋدا، حالىقاراداعى باسەكەگە قاتىناسۋدا بەلسەندى رول اتقارۋعا شابىتتاندىرۋ، ولارعا قولداۋ كورسەتۋ كەرەك. بازارعا كىرۋگە رۇقسات ەتۋ ءتۇزىمى، ءادىل باسەكە بويىنشا تەكسەرۋ مەحانيزمى، سيفرلى ەكونوميكاداعى ءادىل باسەكەنى باقىلاۋ - باسقارۋ ءتۇزىمى، اكىمشىلىك ۇقىقتان بەتالدى پايدالانىپ، باسەكەنى الاستاۋدىڭ جانە ونى شەكتەۋدىڭ الدىن الۋ، وعان تيىم سالۋ ءتۇزىمى سياقتىلاردى جەدەل اقاۋسىزداندىرۋ كەرەك. ”ەكىدەن تيتتەي دە اۋىتقىماۋعا“ تاباندى بولىپ، ءىرى، ورتا، شاعىن كاسىپورىندار ءتيىمدى ىقپالداساتىن، سايكەسە داميتىن تاماشا ارنا قالىپتاستىرۋدى ىلگەرىلەتۋ كەرەك. سىرتقا جوعارى دەڭگەيلى ەسىك اشۋدى تاباندىلىقپەن ىلگەرىلەتىپ، مال - مۇلىك ۇقىعىن جانە ءبىلىم مەنشىك ۇقىعىن قورعاپ، ساياساتتىڭ جاريالىلىعى مەن مەجەلىلىگىن كۇشەيتۋ كەرەك. باسەكە زاڭ - تۇزىمدەرى مەن ساياساتى جونىندەگى ۇگىتتى، باۋلۋدى كۇشەيتىپ، كاسىپورىنداردىڭ ءادىل باسەكە تانىمىن نىعايتىپ، تۇتاس قوعامدى ءادىل باسەكەنى قاستەرلەيتىن، قورعايتىن جانە جەبەيتىن بازار ورتاسىن قالىپتاستىرۋعا جەتەكتەۋ كەرەك. جان - جاقتى، كوپ ساتىلى، ستەرەولدى باقىلاۋ - باسقارۋ جۇيەسىن جەدەل ورناتىپ، ىستەن بۇرىنعى، ءىس بارىسىنداعى، ىستەن كەيىنگى تۇتاس تىزبەكتىك، تۇتاس سالالىق باقىلاۋ - باسقارۋدى جۇزەگە اسىرىپ، باقىلاۋ - باسقارۋداعى ساڭىلاۋلاردى بىتەپ، باقىلاۋ - باسقارۋدىڭ رولىن كۇشەيتۋ كەرەك. باقىلاۋ - باسقارۋ بويىنشا زاڭ اتقارۋ تەبىنىن ارتتىرىپ، تۇعىرلىق ەكونوميكا، عىلىم - تەحنيكادا جاڭالىق اشۋ، ينفورماتسيا حاۋىپسىزدىگى، حالىق تۇرمىسىن قامتاماسىز ەتۋ سياقتى ءتۇيىندى سالالارداعى زاڭ اتقارۋدى، ءادىليانى كۇشەيتۋ كەرەك. مونوپوليالاۋعا قارسى تۇرۋ ءتۇزىلىسىن، مەحانيزمىن كەمەلدەندىرىپ، مونوپوليالاۋعا قارسى تۇرۋدى باقىلاۋ - باسقارۋ كۇشىن نىعايتۋ كەرەك.

  ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ءبىز مەملەكەت زاپاسىن جوعارى دەڭگەيدە جوبالاۋدى كۇشەيتىپ، زاپاستى باسقارۋ ءتۇزىلىسى، مەحانيزمى رەفورماسىن تەرەڭدەتىپ، ورتالىق ۇكىمەت زاپاسىنا ورتالىقتانعان ءبىر تۇتاس باسقارۋ جۇرگىزىپ، بۇكىل ەلدى جاپپاي قامتىعان زاتتىق ماتەريال زاپاسىن جانە جونەلتۋ - تاسۋ نەگىزدىك قۇرىلعى تورىن جەدەل قۇردىق، مەملەكەت زاپاسىنىڭ نەگىزى مەن ناقتى قۋاتى ۇزدىكسىز كۇشەيىپ، ەلەۋلى حاۋىپ - قاتەرلەردەن ساقتانۋدا جانە ونى جويۋدا، جاڭا تيپتى ايدارشا ۆيرۋس وكپە قابىنۋ ىندەتىنە ءونىمدى توتەپ بەرۋدە ماڭىزدى رول اتقاردى.

  ءماجىلىس مىنالاردى باسا دارىپتەدى: ەلىمىز − ءىرى ەل، ءسوز جوق، ءىرى ەلدىك ورنىنا ۇيلەسەتىن مەملەكەت زاپاسى ناقتى قۋاتى جانە شۇعىل جاعدايعا توتەپ بەرۋ قۋاتى بولۋ كەرەك. ”نەنى زاپاس ساقتاۋ“، ”كىم زاپاس ساقتاۋ“، ”قالاي زاپاس ساقتاۋ“ ماسەلەسىن ءبىر تۇتاس جوسپارلاپ ويداعىداي شەشىپ، زاپاستىڭ ءتۇرىن، كولەمىن، قۇرىلىمىن جۇيەلى جوبالاپ، عىلمي تۇردە ساپالىلاندىرىپ، شەشۋشى تۇرگە جاتاتىن زاتتىق ماتەريال ولقىلىعىن جەدەل تولىقتاۋ، تۇگەلدەۋ كەرەك. ءبىر تۇتاس ستراتەگيالىق جانە شۇعىل جاعدايعا قاجەتتى زاتتىق ماتەريال زاپاس جۇيەسىن جەدەل اقاۋسىزداندىرىپ، ۇكىمەت جەتەكشى بولۋعا، قوعام بىرگە قۇرۋعا، كوپ نەگىزدى ءوزارا تولىقتاۋعا تاباندى بولىپ، ورتالىق پەن جەرگىلىكتى ورىننىڭ، ناقتى زات پەن ءوندىرىس قۋاتىنىڭ، ۇكىمەت پەن كاسىپورىننىڭ زاپاسى ءوزارا ۇشتاسقان زاپاس مەحانيزمىن اقاۋسىزداندىرىپ، ماڭىزدى زاتتىق ماتەريال ءوندىرىس قۋاتى قامتاماسىزدىعىن جانە وڭىرلىك ورنالاسىمىن ساپالىلاندىرىپ، زاپاس ساقتاۋ جاۋاپكەرشىلىگىن ءتۇر، دارەجە بويىنشا تياناقتاندىرىپ، زاپاس ساقتاۋ ۇلگىسىن كەمەلدەندىرىپ، زاپاستى باسقارۋ مەحانيزمىندە جاڭالىق اشۋ كەرەك. ستراتەگيالىق زاپاس بازارىن رەتتەۋ مەحانيزمىن كەمەلدەندىرىپ، مول تاۋارلاردى زاپاس ساقتاۋ جانە رەتتەۋ قابىلەتىن كۇشەيتىپ، ستراتەگيالىق زاپاستىڭ بازاردى ورنىقتىرۋ يقۋاتىن اناعۇرلىم ويداعىداي ساۋلەلەندىرۋ كەرەك. مەملەكەت زاپاسىن باقىلاۋ - باسقارۋ تەبىنىن ارتتىرىپ، كاسىپتىك باقىلاۋ - باسقارۋدىڭ، سالالىق باقىلاۋ - باسقارۋدىڭ، قاراستى جەر بويىنشا باقىلاۋ - باسقارۋدىڭ بىرىككەن كۇشىن ساۋلەلەندىرۋ كەرەك.

  ءماجىلىس مىنالاردى اتاپ كورسەتتى: جاقىنداعى جىلداردان بەرى ءبىزدىڭ لاستانۋدان ساقتانۋدى جانە ونى جونگە سالۋدى ىلگەرىلەتۋدەگى شارالارىمىزدىڭ ناقتىلىعى، تەبىنىنىڭ كۇشتىلىگى، ونىمدىلىگىنىڭ كورنەكتىلىگى بۇرىن بولىپ كورگەن جوق. ”14 - بەسجىلدىق“ مەزگىلىندە ەلىمىزدىڭ ەكولوگيالىق وركەنيەت قۇرىلىسى كومىر قىشقىل گازىنىڭ شىعارىلۋىن ازايتۋدى ءتۇيىندى ستراتەگيالىق بەتالىس ەتىپ، لاستاۋشى زاتتاردىڭ شىعارىلۋىن ازايتۋ ونىمدىلىگىن، كومىر قىشقىل گازىنىڭ شىعارىلۋىن ازايتۋ ونىمدىلىگىن سايكەستى ارتتىرۋدى ىلگەرىلەتىپ، ەكونوميكالىق، قوعامدىق دامۋدىڭ جالپى بەتتىك جاسىلعا بۇرىلىس جاساۋىن جەبەپ، ەكولوگيالىق ورتانىڭ ساپاسىن جاقسارتۋدا ساننان ساپاعا ءوتۋدى جۇزەگە اسىرۋدىڭ شەشۋشى مەزگىلىنە ءوتتى، لاستانۋدان ساقتانۋ جانە ونى جونگە سالۋ شارپيتىن قايشىلىقتار مەن ماسەلەلەردىڭ قاتپارى ءتىپتى دە تەرەڭ، سالاسى ءتىپتى دە كەڭ، تالابى دا اناعۇرلىم جوعارى بولادى.

  ءماجىلىس مىنالاردى باسا دارىپتەدى: سەرپىندى ساقتاپ، تەرەڭدىككە بويلاپ، كەڭدىككە قانات جايىپ، لاستانۋدان ساقتانۋداعى جانە ونى جونگە سالۋداعى ءتۇيىندى سالالار مەن شەشۋشى بۋىنداردان كوز جازباي، بۇقارانىڭ ماڭايىنداعى كورنەكتى ەكولوگيالىق ورتا ماسەلەلەرىنەن كۇشتى شوعىرلاندىرا وتىرىپ قامال الىپ، كوپ ءتۇرلى لاستاۋشى زاتتاردى سايكەستىرە مەڭگەرۋدى جانە وڭىرلەر ارا سايكەسە جونگە سالۋدى كۇشەيتىپ، سۋ بايلىعىن، سۋ ورتاسىن، سۋ ەكولوگياسىن جونگە سالۋدى ءبىر تۇتاس جوسپارلاپ، توپىراقتىڭ لاستانۋىنان ساقتانۋدى جانە ونى جونگە سالۋدى ىلگەرىلەتىپ، قاتتى كۇيدەگى جاراقسىز زاتتار مەن جاڭا لاستاۋشى زاتتاردى جونگە سالۋدى كۇشەيتىپ، ”شەتەل قوقسىعىن“ يمپورت ەتۋدى جالپى بەتتىك شەكتەپ، لاستانۋدان ساقتانۋداعى جانە ونى جونگە سالۋداعى ءتۇيىندى الاپتاردا، ماڭىزدى سالالاردا، شەشۋشى كورسەتكىشتەردە جاڭا ناتيجەگە قول جەتكىزۋدى ىلگەرىلەتۋ كەرەك. ەكولوگيالىق جۇيەنىڭ تۇتاس تۇلعالىلىعىن شىعار ءتۇيىن ەتىپ، كەشەندى جونگە سالۋعا، جۇيەلى جونگە سالۋعا، قاينارىنان جونگە سالۋعا اناعۇرلىم ءمان بەرىپ، لاستاۋشى زاتتاردىڭ شىعارىلۋىن ازايتۋدى، كومىر قىشقىل گازىنىڭ شىعارىلۋىن ازايتۋدى ءبىر تۇلعالى جوسپارلايتىن، ءبىر تۇلعالى ورنالاستىراتىن، ءبىر تۇلعالى ىلگەرىلەتەتىن، ءبىر تۇلعالى باعالايتىن ءتۇزىمدى، مەحانيزمدى جەدەل ورناتۋ كەرەك. ەكولوگيانى قورعاۋ مەن لاستانۋدان ساقتانۋدى جانە ونى جونگە سالۋدى ءبىر تۇتاس جوسپارلاپ، ەكولوگيالىق ورتانى اۋماققا ءبولىپ مەڭگەرۋدى كۇشەيتىپ، ماڭىزدى ەكولوگيالىق جۇيەنى قورعاۋدى جانە قالپىنا كەلتىرۋدى ىلگەرىلەتىپ، زور كولەمدى مەملەكەت جەرىن جاسىلداندىرۋ ارەكەتىن ورىستەتىپ، قورشاعان ورتانىڭ سيىمدىلىعىن كەڭەيتۋمەن بىرگە، لاستاۋشى زاتتاردىڭ شىعارىلۋ مولشەرىن ازايتۋ كەرەك. كاسىپ سالاسى قۇرىلىمىن، ەنەرگيا قۇرىلىمىن، قاتىناس - تاسىمال قۇرىلىمىن، جەردەن پايدالانۋ قۇرىلىمىن رەتتەۋدى جەدەل ىلگەرىلەتىپ، ”ەكى جوعارى“ نىسانداردىڭ كىرۋىنە رۇقسات ەتۋ وتكەلىن قاتاڭ يگەرىپ، بايلىقتى ۇنەمدەپ، جوعارى ءونىمدى پايدالانۋدى ىلگەرىلەتىپ، جاسىل، تومەن كومىر قىشقىل گازىندىق جاڭا قوزعاۋشى قۋاتتاردى جەتىلدىرۋ كەرەك. ەكولوگيالىق وركەنيەت ءتۇزىلىسى رەفورماسىن ىشكەرىلەي ىلگەرىلەتىپ، وسى زامانعى قورشاعان ورتانى جونگە سالۋ جۇيەسىن جەدەل ورناتىپ، زاڭمەن جونگە سالۋ قامتاماسىزدىعىن جالپى بەتتىك كۇشەيتىپ، قورشاعان ورتا ەكونوميكالىق ساياساتتارىن اقاۋسىزداندىرىپ، قارجىلاندىرۋ مەحانيزمىن كەمەلدەندىرۋ كەرەك. جۇيەلى باقىلاۋ - باسقارۋ مەن تۇتاس بارىستىق باقىلاۋ - باسقارۋدى كۇشەيتىپ، ەكولوگيالىق ورتانى ءبۇلدىرۋ ارەكەتتەرىنە استە راقىمدىلىق ىستەمەۋ، ەكولوگيالىق ورتاعا ساياتىن زاڭعا قايشى قىلمىستىق ارەكەتتەردى قاتاڭ، اۋىر جازالاۋ كەرەك. جەرگىلىكتى جاعدايعا قاراي ىستەۋگە، تۇرگە ءبولىپ شارا قولدانۋعا ءمان بەرىپ، پارىقتاندىرۋدى ايگىلەۋ، ءبىر شىبىقپەن ايداماۋ كەرەك.

  ءماجىلىس مىنالاردى اتاپ كورسەتتى: ساناقتىق باقىلاۋ − پارتيا مەن مەملەكەتتىڭ باقىلاۋ جۇيەسىنىڭ ماڭىزدى قۇرامداس بولىگى. پارتيا 18 - قۇرىلتايىنان بەرى ءبىز ساناقتىق باقىلاۋدى كەمەلدەندىرۋ جاعىندا تۇزىمدىك ورنالاستىرۋلار جاساپ، ءبىر توپ ساناقتا تارتىپكە، زاڭعا قايشىلىق جاساعان دەلولاردى تەكسەرىپ ءبىر جاقتى ەتىپ، ساناقتىق باقىلاۋدا كورنەكتى ونىمدىلىككە قول جەتكىزدىك. جاڭا دامۋ ۇستانىمىن دايەكتىلەندىرۋگە، جاڭا دامۋ ارناسىن قالىپتاستىرۋعا، جوعارى ساپالى دامۋدى ىلگەرىلەتۋ جاعدايىنا باعىتتالعان ساناقتىق باقىلاۋدى كۇشەيتىپ، مەملەكەتتىڭ كەلەلى دامۋ ستراتەگياسىنىڭ اتقارىلۋ جاعدايى، ەلەۋلى حاۋىپ - قاتەرلەرگە، سىن - سايىستارعا توتەپ بەرۋ ونىمدىلىگى، حالىق بۇقاراسىنىڭ اڭىسى كورنەكتى بولعان ماسەلەلەردى شەشۋ احۋالى سياقتىلاردى ءتۇيىندى تۇردە قاداعالاۋ، باعالاۋ كەرەك. ساناق ءتۇزىمى، ءادىسى رەفورماسىن جەدەلدەتىپ، وسى زامانعى ينفورماتسيا تەحنيكاسىن كوبىرەك قولدانىپ، ساناقتىڭ نەگىزگى ساتىداعى نەگىزىن بەكەمدەپ، جاعدايدى قانىق ءبىلىپ، ساندى مالىمەتتى ءدال يگەرىپ، باقىلاۋ ناتيجەسىنىڭ اماليات پەن تاريحتىڭ سىنىنان وتە الۋىنا مۇمكىندىك جاساۋ كەرەك. ساناقتىق باقىلاۋدى تارتىپتىك باقىلاۋ، ۇيىمدىق باقىلاۋ، شارلاۋ بويىنشا باقىلاۋ، قازىنالىق باقىلاۋ سياقتىلارمەن ءبىر تۇتاس جوسپارلاپ ۇشتاستىرۋدى ىلگەرىلەتىپ، قىزمەتتەردى سايكەستىرۋدى جانە ساناقتىق باقىلاۋ ناتيجەسىن قولدانۋدى كۇشەيتىپ، باقىلاۋدىڭ ونىمدىلىگىن جوعارىلاتۋ كەرەك.

  ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.