تيانشان تورى
تيانشان تورى   ›   جاڭالىقتار   ›   شينجياڭ حابارلارى

شەكارا جەلىسىنە تامىر تارتىپ، جاڭاشا تۇرمىستى قورعايمىن

بۇرماحان مولدو:

شەكارا جەلىسىنە تامىر تارتىپ، جاڭاشا تۇرمىستى قورعايمىن

□ انار بۇلت / شينجياڭ گازەتىنىڭ ءتىلشىسى سۇڭ ۋيگو

  8 - ايدىڭ 29 - كۇنى كەشقۇرىم، ۇلۇقشات اۋدانى جىعىن اۋىلى ساز قىستاعىندا بۇرماحان مولدو سونادايدان كورىنگەن كۇنلۇن تاۋىنىڭ قاراشال دوڭگورمە تاۋ ساعاسىنا كوز الماي قاراپ تۇردى، ول ارا ونىڭ 50 جىلعا تاياۋ شارلاعان شەكارا جەلىسى.

  ”ءبىر ءتۇپ توراڭعى بولىپ، وتانىمىزدىڭ شەكارا جەلىسىنە تامىر تارتسام دەيمىن. مەن ءبىزدىڭ باقىتتى تۇرمىسىمىزدى ۇزدىكسىز قورعاي بەرەمىن“، - دەيدى بۇرماحان.

  بۇرماحاننىڭ شەكارانى قورعاۋ ىنتاسى اكەسىنەن جالعاسقان. كىشكەنتاي كەزىندە اكەسى وعان: ”قازىرگى تاماشا تۇرمىسىمىزدى بىزگە ازاتتىق ارميا بەرگەن، ءبىز، ءسوزسىز، العىس ايتۋىمىز، ءىس جۇزىندىك ارەكەتىمىز ارقىلى ولاردىڭ قامقورلىعىنا قارىمجى قايتارۋىمىز كەرەك“، - دەپ ۇنەمى قاداعالاپ وتىراتىن.

  ەس ءبىلىپ ەرجەتكەننەن كەيىن، بۇرماحان ساز قىستاعىنا ۇزاتىلىپ، جۇبايىمەن بىرگە ءبىرىنشى توپتاعى مىندەتتى شەكارا شارلاۋشىعا اينالدى، ولاردىڭ جاۋاپتى بولىپ قورعايتىن جەرى ۇيلەرىنە تاياۋ ماڭداعى تەڭىز دەڭگەيىنەن بيىكتىگى 4200 مەتردەن اساتىن قاراشال دوڭگورمە تاۋى بولاتىن.

  ءوزى مەكتەپتە كوپ وقىماعان، شەكارانى قايتىپ كۇزەتۋى كەرەك؟ ول ءبىر امال ويلاپ تابادى، باسقالاردان 中国 دەگەن 2 ءارىپتى ۇيرەنىپ الادى.

  وسىدان كەيىن بۇرماحان لايىقتى تاس كورسە بولعانى، وسى 2 ءارىپتى ويىپ جازىپ وتىرادى. ۋاقىت بۇگىنگە جەتكەندە، وسىنداي ”中国“ دەگەن 2 ءارىپ جازىلعان ۇلكەندى - كىشىلى تاستار قاراشال دوڭگورمە تاۋىنىڭ بار جەرىنەن كەزدەسەتىن بولدى.

     بۇرماحان: ويىپ جازعان ”جۇڭگو تاسىم“ بارعان سايىن كوبەيگەندە، ءوزىمنىڭ وتانعا دەگەن قىزۋ سۇيىسپەنشىلىگىم دە بارعان سايىن تەرەڭدەدى، - دەيدى.

  1986 - جىلى 44 جاسقا كەلگەن بۇرماحان شەكارا شارلاعان كەزدە ءبىر شەكارا بەلگىسىنىڭ ورنى جوتكەلىپ قالعاندىعىن بايقاپ، قاسىنا بارىپ مۇقيات تەكسەرىپ، شەكارا بەلگىسىنىڭ، راسىندا، جوتكەپ قويىلعاندىعىن تۇراقتاندىرعاننان كەيىن، دەرەۋ اتپەن ءيىر - قيىر تاۋ جولىندا 60 نەشە كيلومەتر جول باسىپ، شەكارا قورعانىس اسكەري بولىمىنە بارىپ وقيعانى مالىمدەيدى.

  ”ءوزىم جاۋاپتى شەكارا جەلىسىندەگى ءاربىر تال شەكارا بەلگىسى ماعان تۇگەلدەي تانىس، ءار تاراۋ جولدىڭ ءبارى ەسىمدە، مۇنىڭ ءبارى ۇيىمدەگى سۋىرماداعى نارسەلەرىم سەكىلدى، مەنىڭ كوزىمنەن قاعىس قالمايدى“، - دەيدى بۇرماحان.

  شەكارانى كۇزەتۋ، شەكارانى قورعاۋ جولىندا، بۇرماحان جالعىز ءوزى كۇرەس جۇرگىزگەن جوق، ونىڭ 5 پەرزەنتى تۇگەلدەي ونىمەن بىرگە شەكارا شارلاۋ جولىندا ءجۇردى.

  مەرگەن تويشىبەك بۇرماحاننىڭ ەكىنشى ۇلى، 12 جاسىنان باستاپ شەشەسىنە ىلەسىپ شەكارا شارلاۋ جولىنا تۇسكەن. شەشەسىنىڭ ىقپالىندا مەرگەنمەن اعا - باۋىر، اپەكە - قارىنداستارى ءبىرىنىڭ ارتىنان ءبىرى شەكارا قورعاۋ لەگىنە قوسىلدى.

  ”قازىر ءبىزدىڭ شەكارا قورعاۋ، شەكارا شارلاۋ شارت - جاعدايىمىز كوپ جاقساردى“، - دەگەن مەرگەن شەكارا قورعاۋ قوسىنىنا قوسىلعاننان كەيىن شەكارانى جاياۋ شارلاۋدان موتوتسيكلمەن شارلاۋعا جەتكەنىن، بۇگىنگى كۇندە اۆتوكولىكپەن شەكارا شارلايتىندىعىن ايتتى. ”شارت - جاعداي جاقسارعان ەكەن، ءبىز وتانىمىزدىڭ شەكارا جەلىسى مەن ءاربىر شەكارا بەلگىسىن ءتىپتى دە مۇقياتتىلىقپەن كۇزەتۋىمىز كەرەك“.

  ”اجەم ءومىر بويى شەكارا جەلىسىنىڭ حاۋىپسىزدىگىن قورعادى، قازىر مەن دە اجەمنىڭ قولىنان ۇتىلامالى تاياقشانى تاپسىرىپ الىپ، حالىق بۇقاراسىنىڭ حاۋىپسىزدىگىن قورعاۋدامىن“، - دەيدى ۇلۇقشات اۋداندىق قوعام حاۋىپسىزدىگى مەكەمەسىنىڭ سايلاۋىت ساقشى ۇلكەن اترەتىنىڭ حالىق ساقشىسى پايزان ىرات.

  پايزان بۇرماحاننىڭ نەمەرەسى، 2013 - جىلى قوسىننان كاسىپ اۋىستىرعاننان كەيىن ۇلۇقشات اۋداندىق قوعام حاۋىپسىزدىگى مەكەمەسىنە كەلىپ قىزمەت ىستەدى، ول ۇنەمى جاۋىنگەر سەرىكتەرىنە اجەسىنىڭ شەكارا قورعاعان، شەكارا شارلاعان حيكاياسىن ايتىپ بەرەدى.

  بۇرماحاننىڭ شەكارا جەلىسىنە تامىر تارتىپ، شەكارا شارلاعان، شەكارا قورعاعان حيكاياسى سانسىزداعان جاستاردىڭ وتاندى ءسۇيۋ، شەكارانى قورعاۋ ىنتاسىن قاۋلاتتى. ونىڭ ىقپالىمەن بيىل جىعىن اۋىلىنان تاعى دا 80نەن استام جاس شەكارا قورعاۋشىلار قاتارىنا كىردى.

  بۇرماحان تاعى شەكارا قورعانىسى وفيتسەر − اسكەرلەرىنىڭ ”اناسى“. بۇرماحان قوي جۇنىنەن مويىن سالى، بايپاق توقىپ شەكارا قورعانىسى وفيتسەر − اسكەرلەرىنە اپارىپ بەرەدى، مەرەكە - مەيرامداردا تاعى شەكارا قورعانىسى وفيتسەر − اسكەرلەرىن ۇيىنە كەلىپ مەرەكەنى بىرگە وتكىزۋگە ۇسىنىس ەتىپ، ولارعا ءتۇرلى ءدامدى تاعامدار ازىرلەيدى. شەكارا قورعانىسى وفيتسەر − اسكەرلەرى قيىنشىلىققا ۇشىراي قالسا، ول بەينە اناسى سياقتى ولارعا قارايلاسىپ، قامقورلىق جاسايدى.

  بۇرماحان توراڭعى رۋحىن جالعاستىرىپ، ۇرپاقتارىن باستاپ شەكارا جەلىسىن ۇزدىكسىز، ويداعىداي قورعايتىندىعىن ايتتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.