تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

كاسىپ سالاسى ارقىلى شينجياڭعا كومەكتەسۋ كومەككە يە بولعان جەرلەردىڭ ەكونوميكاسىنا ”قان جاسادى“

بەيجيڭ:

كاسىپ سالاسى ارقىلى شينجياڭعا كومەكتەسۋ كومەككە يە بولعان جەرلەردىڭ ەكونوميكاسىنا ”قان جاسادى“

  □ انار بۇلت/شينجياڭ گازەتىنىڭ ءتىلشىسى ءپاريزات ابدۇل

  ”قازىر مەن ۇيىمە جاقىن جەردە جۇمىس ىستەيمىن، اي سايىن 3500 يۋان كىرىس تابامىن، وتە تۇراقتى“. 8 - ايدىڭ 14 - كۇنى بەيجيڭ حوتان كيىم - كەشەك، توقىماشىلىق ونەركاسىپ باقشا رايونىندا جۇمىستانعان گۇزالنۇر وسمان: قۇلشىنۋ ارقىلى باقىتتى تۇرمىسقا كۇرەسپەن قول جەتكىزۋگە بولادى ەكەن، - دەدى سەنىمدى تۇردە.

  گۇزالنۇر حوتان قالاسى شامالباع شاعىن رايونى ليۋشۋ الەۋمەتتىك اۋماعىنىڭ تۇرعىنى، ول جۇمىستانعان كاسىپورىن بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى ەنگىزگەن شينجياڭعا كومەكتەسۋشى كاسىپورىن − حوتان حىڭيە كيىم - كەشەك شەكتى سەرىكتەستىگى. بيىل 3 - ايدا حوتان حىڭيە كيىم - كەشەك شەكتى سەرىكتەستىگى 10 ميلليون يۋان قارجى قوسىپ، 9000 شارشى مەتردەن استام كەلەتىن زاۆود رايونىن جاڭالاپ سالىپ، حوتاندا ىرگە تەپتى ءارى ءبىر ايدان كەيىن رەسمي ءوندىرىس باستادى.

  قىسقا عانا ۋاقىت ىشىندە ءوندىرىس باستاۋ بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابىنىڭ ارتقى شەپتەگى بايلىق قاينارىن تولىق سايكەستىرىپ، ”ونەركاسىپ باقشا رايونىنىڭ مامانداندىرىلعان اماناتتاپ شارۋاشىلىق جۇرگىزۋ“ فورماسىندا جاڭالىق اشا ىزدەنىس جاساۋىنىڭ ارقاسى، بەيجيڭ لياندۇڭ توبىنىڭ 30 نەشە كاسىپتىك ۇجىمىن حوتانعا ۇسىنىس ەتىپ، حوتان لياندۇڭ قوجالىق باسقارۋ شەكتى سەرىكتەستىگىن قۇرىپ، بەيجيڭ حوتان كيىم - كەشەك، توقىماشىلىق ونەركاسىپ باقشا رايونىن سىناق ءتۇيىنى ەتىپ، باقشا رايونىنداعى كاسىپورىندار مەن كاسىپ سالاسىنىڭ دامۋىنا ىزدەنىس جاسادى.

  بەيجيڭ قالاسى 8 - رەتكى بۇكىل مەملەكەتتىك شينجياڭعا باعىتتامالى كومەكتەسۋ قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭعا باعىتتامالى كومەكتەسۋدىڭ جالپىلىق ءونىمىن جوعارىلاتۋعا دەن قويىپ، كاسىپ سالاسى ارقىلى شينجياڭعا كومەكتەسۋ فورماسىندا ىشكەرىلەي جاڭالىق اشىپ، مەملەكەتتىك باقشا رايونى مامانداندىرىلعان شارۋاشىلىق جۇرگىزۋ باسقارۋ سالاسىنىڭ باستاماشى كاسىپورنى بەيجيڭ لياندۇڭ توبىنىڭ باقشا رايونىنا مامانداندىرىلعان اماناتتاپ شارۋاشىلىق جۇرگىزۋ فورماسىن ەنگىزۋ ارقىلى كومەككە يە بولعان جەردىڭ شارۋاشىلىق - ساۋدا ورتاسىن ساپالىلاندىردى. باقشا رايونىنداعى كاسىپورىنداردىڭ ورنىقتى دامۋىن جۇزەگە اسىرىپ، حوتان ايماعى كاسىپ سالاسىنىڭ دامۋ دەڭگەيىن جوعارىلاتتى.

  ”كەزەكتە ءبىز باقشا رايونىنىڭ جول، سۋ - ەلەكتر، جاتاق، مادەنيەت ورتالىعى سىندى نەگىزدىك قۇرىلعىلار قۇرىلىسىن ويداعىداي ىستەۋدەن تىس، تاعى كاسىپورىنداردى ءبىر كاسىپورىنعا ءبىر ارحيۆ تۇرعىزۋ جانە ساياساتتىق اقىل - كەڭەس بەرۋ، دارىندىلاردى قابىلداۋ، قىزمەتكەرلەردى باۋلۋ، ءوندىرىس جۇرگىزۋ سياقتى قۇندى ارتتىرۋ جونىنەن قىزمەت وتەۋمەن قامدادىق“. حوتان لياندۇڭ قوجالىق باسقارۋ شەكتى سەرىكتەستىگىنىڭ جاۋاپتىسى دۋان شيپىڭ بىلاي دەدى: قىزمەت وتەۋ قىزمەتىنىڭ تەرەڭدەۋىنە بايلانىستى، ءبىز تاعى باقشا رايونىنىڭ شوعىرلانۋ اسەرىن، بايلىق قاينارى ابزالدىلىعىن ساۋلەلەندىرۋىنە مۇمكىندىك جاساپ، حوتان ەكونوميكاسىنىڭ، قوعامىنىڭ دامۋىنا دەم بەرەمىز .

  باقشا رايونىندا ىرگە تەپكەن كاسىپورىنداردىڭ اناعۇرلىم جاقسى دامۋعا يە بولۋى ءۇشىن، بەيجيڭ قالاسىنىڭ شينجياڭعا كومەكتەسۋ حوتان قولباسشىلىق شتابى سۇرانىستى جەتەكشى، كاسىپ سالاسى تىزبەگىن ۇزارتۋدى، قۇن تىزبەگىن جوعارىلاتۋدى، قامداۋ تىزبەگىن تۇلعالاۋدى نەگىزگى جەلى ەتكەن ساۋداگەر شاقىرۋ قىزمەتى مەحانيزمىن قالىپتاستىردى. سونىمەن بىرگە بەلگىلى ساۋداگەر شاقىرۋ بايلىق قاينارىنا يە، ساۋداگەر شاقىرۋدىڭ ءبىرشاما جاقسى تاجىريبەسىن ازىرلەگەن شينجياڭعا كومەكتەسۋشى كادرلاردى شىعارىپ ساۋداگەر شاقىرۋ، قارجى ەنگىزۋ قىزمەتى ارناۋلى القاسىن قۇردى. 5 - ايدىڭ سوڭىنا دەيىن ساۋداگەر شاقىرۋ، قارجى ەنگىزۋ بويىنشا ىرگە تەپكەن كاسىپورىن 23كە جەتىپ، توقتامداعى قارجى قوسۋ سوماسى 5 ميلليارد 203 ميلليون يۋان بولىپ، 6000نان استام جۇمىس ورنىن ازىرلەدى.

  بەيجيڭ قالاسى شينجياڭعا كومەكتەسۋ حوتان قولباسشىلىق شتابى كاسىپ سالاسىن دامىتۋ ءبولىمىنىڭ ورىنباسار باستىعى جاڭ ليانيان بىلاي دەدى: ”ءبىز بەيجيڭ قالالىق پارتكوم مەن اۆتونوميالى رايوندىق پارتكومنىڭ ورنالاستىرۋىنا ساي، ءوزىمىزدىڭ مۇمكىندىگىمىزدى، كومەككە يە بولعان جەردىڭ قاجەتىن تياناق ەتىپ، كاسىپ سالاسىنىڭ ورنالاسۋىن ساپالىلاندىرۋعا جەتەكتەۋگە كۇش سالىپ، كاسىپ سالاسى ارقىلى شينجياڭعا كومەكتەسۋدى ناقتى ىلگەرىلەتىپ، كومەككە يە بولعان جەرلەردىڭ وزىندىك ’قان جاساۋ‘ يقۋاتىن جوعارىلاتىپ، كومەككە يە بولعان جەرلەردىڭ ەكونوميكاسىنىڭ دامۋىنا دەم بەرەمىز“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.