تيانشان تورى   ›   ۇيرەنۋ   ›   شولۋ

پارتيانىڭ ۇلت قىزمەتىنە جالپى بەتتىك باسشىلىعىن كۇشەيتەيىك جانە كەمەلدەندىرەيىك

− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  ”پارتيانىڭ جالپى بەتتىك باسشىلىعىن كۇشەيتۋ جانە كەمەلدەندىرۋ − جاڭا داۋىردەگى پارتيانىڭ ۇلت قىزمەتىن ويداعىداي ىستەۋدىڭ ءتۇبىرلى ساياسي كەپىلى“. ورتالىقتىڭ ۇلت قىزمەتى ماجىلىسىندە باس شۋجي شي جينپيڭ: ”ءسوز جوق، پارتيانىڭ ۇلت قىزمەتىنە باسشىلىعىنا تاباندى بولىپ، ۇلت ماسەلەسىن شەشۋ، ۇلت قىزمەتىن ويداعىداي ىستەۋ قابىلەتى مەن دەڭگەيىن جوعارىلاتۋ كەرەك“، - دەپ باسا دارىپتەپ، پارتيانىڭ ۇلت قىزمەتىنە جالپى بەتتىك باسشىلىعىن كۇشەيتۋگە جانە كەمەلدەندىرۋگە ايقىن تالاپ قويدى.

  پارتيامىز قۇرىلعان كۇننەن باستاپ ۇلت ماسەلەسىنە، ۇلت قىزمەتىنە ايرىقشا ءمان بەردى. جاڭا جۇڭگو قۇرىلعاننان كەيىن پارتيامىز جاسامپازدىقپەن ماركسيزمنىڭ ۇلت نازارياسىن جۇڭگونىڭ ۇلت ماسەلەسىنىڭ ناقتى امالياتىمەن ۇشتاستىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن ءجۇرىپ، ءار ۇلتتىڭ تەرەزەسى تەڭ، ىنتىماقتى، قارايلاسىمدى، جاراسىمدى قاتىناسىن دامىتۋدىڭ جاڭا ءداۋىرىن اشتى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتى جونىندە ءبىرقىدىرۋ كەلەلى شەشىمدەر، ورنالاستىرۋلار جاساپ، ەلىمىزدىڭ ۇلتتار ىنتىماعى، العاباسارلىعى ىستەرىن ىلگەرىلەتۋدە تىڭ تاريحي تابىستارعا قول جەتكىزدى. جاڭا جۇڭگو قۇرىلعان 70 نەشە جىلدان بەرى از ۇلتتاردىڭ بەت - بەينەسىندە، ۇلتتىق وڭىرلەردىڭ بەت - بەينەسىندە، ۇلتتار قاتىناسىنىڭ بەت - بەينەسىندە، جۇڭحۋا ۇلتىنىڭ بەت - بەينەسىندە جويقىن تاريحي وزگەرىستەر تۋىلدى. اماليات مىنانى تولىق دالەلدەدى: جۇڭگو كوممۋنيستىك پارتياسىنىڭ باسشىلىعى ۇلت قىزمەتىنىڭ تابىسقا جەتۋىنىڭ ءتۇبىرلى كەپىلى ءارى ۇلتتاردىڭ ۇلى ىنتىماعىنىڭ ءتۇبىرلى كەپىلى؛ تەك جۇڭگو كوممۋنيستىك پارتياسى عانا جۇڭحۋا ۇلتىنىڭ ۇلى ىنتىماعىن جۇزەگە اسىرا الادى، تەك جۇڭگوشا سوتسياليزم عانا ءار ۇلتتى ۇيىستىرا الادى، ءار ۇلتتى دامىتا الادى، ءار ۇلتتى گۇلدەندىرە الادى؛ ءبىز جۇڭگو كوممۋنيستىك پارتياسىنىڭ باسشىلىعىنا مىزعىماي تاباندى بولساق بولعانى، ەشقانداي ادام، ەشقانداي ساياسي كۇش ءبىزدىڭ ۇلت قاتىناسىمىزعا ىرتكى سالا المايدى، ءبىزدىڭ ۇلتتار ىنتىماعىمىز، بىرلىگىمىز ساياسي جاقتان تولىق قامتاماسىزدىققا يە بولادى.

  ۇلت قىزمەتىن جاقسى ىستەي الۋدىڭ ەڭ ءتۇبىرلى ءتۇيىنى پارتيانىڭ باسشىلىعىنىڭ پارمەندى دە قۋاتتى بولۋ - بولماۋىندا. جاڭا داۋىردەگى پارتيانىڭ ۇلت قىزمەتىن جاقسى ىستەۋدە، ءسوز جوق، پارتيانىڭ جالپى بەتتىك باسشىلىعىن كۇشەيتىپ جانە كەمەلدەندىرىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، پارتيانىڭ ۇلت نازارياسىن جانە ۇلت ساياساتىن ۇيرەنۋدى، سونداي - اق ۇلتتار ىنتىماعى تاربيەسىن كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، قىزمەتتەردى جاقسى ىستەپ، ءار ۇلت كادر - بۇقاراسىنىڭ يدەياسى مەن ارەكەتىن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، ءار ۇلتتىڭ تاباندىلىقپەن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىن ىلگەرىلەتىپ، ءار ۇلت حالقىن جۇڭگوشا سوتسياليزم جولىمەن بۇلجىماي جۇرۋگە ىنتىماقتاستىرۋ، باستاۋ كەرەك. ءار دارەجەلى پارتكومدار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”مەملەكەتتىڭ زور ءىسىن“ ەستە بەرىك ساقتاپ، تۇلعالىق جاۋاپكەرشىلىكتەرىن مۇقيات اتقارىپ، پارتيانىڭ باسشىلىعىن ۇلت قىزمەتىنىڭ جالپى بارىسىنا ءسىڭىرىپ، پارتكوم ءبىر تۇتاس باسشىلىق ەتەتىن، ۇكىمەت زاڭ بويىنشا باسقاراتىن، بىرلىكساپ تاراۋى باستاماشىلدىقپەن سايكەستىرەتىن، ۇلت قىزمەتى تاراۋى مىندەت اتقارىپ، جاۋاپكەرشىلىكتى ادا ەتەتىن، ءارقايسى تاراۋلار تىزە قوسا سەلبەسەتىن، تۇتاس قوعام بىرگە ات سالىساتىن جاڭا داۋىردەگى پارتيانىڭ ۇلت قىزمەتى ارناسىن قالىپتاستىرۋ كەرەك. نەگىزگى ساتىنىڭ ۇلت قىزمەتى قۇرىلىمى قۇرىلىسىن جانە ۇلت قىزمەتى كۇشىن نىعايتىپ، نەگىزگى ساتى ۇلت قىزمەتىنىڭ ءونىمدى اينالىمىنا شىنايى كەپىلدىك ەتۋ كەرەك.

  ۇلت قىزمەتىن ويداعىداي ىستەۋدىڭ تەتىگى پارتيادا، تەتىگى ادامدا. جاڭا داۋىردەگى جاقسى كادر ولشەمىنە تاباندى بولىپ، پارتيانىڭ ورتالىقتانعان ءبىر تۇتاس باسشىلىعىن قورعاۋ پوزيتسياسى ەرەكشە باتىل، ۇلكەن دۇرىس پەن ۇلكەن بۇرىستى ايقىن ايىرۋ تۇرعىسى ەرەكشە سەرگەك، جۇڭحۋا ۇلتى ورتاق تۇلعا تانىمىن بەرىك ورناتۋ ارەكەتى ەرەكشە بەكەم، ءار ۇلت بۇقاراسىن قىزۋ ءسۇيۋ سۇيىسپەنشىلىگى ەرەكشە شىنايى ۇلتتىق ءوڭىر كادرلار قوسىنىن قۇلشىنا قۇرىپ، ءار دارەجەلى باسشىلىق ۇقىقتىڭ ادال، كىرشىكسىز، جاۋاپكەرشىلىك ارقالايتىن كادرلاردىڭ قولىندا بولۋىنا شىنايى كەپىلدىك ەتۋ كەرەك. شارت - جاعدايى جاپالى وڭىرلەردە قىزمەت ىستەيتىن ءبىرىنشى شەپتەگى كادرلارعا اناعۇرلىم باسا ءمان بەرىپ، كوڭىل ءبولىپ، ايالاپ، ءتىپتى دە كوپ تاڭداۋلى دارىندىلاردى باۋراۋ كەرەك. از ۇلت كادرلارىن باۋلۋعا جانە ويداعىداي ىستەتۋگە باسا ءمان بەرىپ، ساياسيدا ىسىلعان، باتىلدىقپەن جاۋاپكەرشىلىك ارقالايتىن تاڭداۋلى از ۇلت كادرلارىنا تولىق سەنىم ارتۋ، ماڭىزدى مىندەت جۇكتەۋ كەرەك. ءار ۇلت بۇقاراسىنىڭ پارتيا مەن ۇكىمەتكە دەگەن ەڭ تىكە تۇيسىگى جانىمىزداعى پارتيا مۇشەلەرىنەن، كادرلاردان كەلەدى، ۇنەمى بارىس - كەلىس جاسايتىن نەگىزگى ساتى ۇيىمى مەن نەگىزگى ساتى بيلىگىنەن كەلەدى. ۇلتتىق وڭىرلەر نەگىزگى ساتى پارتيا ۇيىمى قۇرىلىسىنا باسا ءمان بەرىپ، ونى ءبىر جاقتى بايىتۋدىڭ، ءبىر جاقتى ىنتىماقتاستىرۋدىڭ، ءبىر جاقتى تىنىشتاندىرۋدىڭ بەرىك جاۋىنگەر قورعانىنا، ءاربىر پارتيا مۇشەسىن ىنتىماقتى، ورنىقتىلىقتى قورعاۋدىڭ، بىرگە بايۋدى جەبەۋدىڭ تۋىنا اينالدىرۋ كەرەك. ۇلتتىق وڭىرلەردىڭ نەگىزگى ساتى بيلىك قۇرىلىسىن كۇشەيتىپ، نەگىزگى ساتىنىڭ نەگىزىن بەكەمدەپ، پارتيانىڭ ۇلت نازارياسى مەن ۇلت ساياساتىن نەگىزگى ساتىداعىلاردىڭ تۇسىنۋىنە، ۇلت قىزمەتىن نەگىزگى ساتىداعىلاردىڭ يگەرۋىنە شىنايى كەپىلدىك ەتۋ كەرەك.

  جۇڭگو كوممۋنيستىك پارتياسىنىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى نەگىزىنىڭ تياناعى، جان تامىرىنىڭ تياناعى، بۇكىل ەلدەگى ءار ۇلت حالقى مۇددەسىنىڭ تياناعى، تاعدىرىنىڭ تياناعى. جاڭا ساپاردا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىزدىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دالمە - ءدال يگەرىپ جانە جاپپاي دايەكتىلەندىرىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتىپ، ءار ۇلتتىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەپ، جاپپاي سوتسياليستىك وسىزاماندانعان قۇدىرەتتى ەل قۇرىپ شىعۋدىڭ ەكىنشى 100 جىلدىق كۇرەس نىساناسىن جۇزەگە اسىرۋ جولىندا ىنتىماقتاسا كۇرەس جۇرگىزگەندە، ءبىز، ءسوز جوق، ءار ۇلت حالقىنىڭ بىرگە تاماشا بولاشاق اشۋىنا، جۇڭحۋا ۇلتىنىڭ جاڭا داڭقى مەن ارمانىنان بىرگە يگىلىكتەنۋىنە مۇمكىندىك جاساي الامىز!

  (شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.