□ انار بۇلت/ شينجياڭ گازەتىنىڭ ءتىلشىسى ميھىرگۇل عوپۇر
”ءسوز جوق، جۇڭحۋا ۇلتى ۇلى ىنتىماعى تۋىن بيىك ۇستاپ، ءار ۇلتتىڭ جۇڭحۋا ۇلتى ۇلى شاڭىراعىندا اناردىڭ دانىندەي تىعىز ۇيىسۋىن جەبەۋ كەرەك“. باس شۋجي شي جينپيڭ ورتالىقتىڭ ۇلت قىزمەتى ماجىلىسىندە ماڭىزدى ءسوز سويلەپ، جاڭا داۋىردەگى پارتيانىڭ ۇلت قىزمەتىن ويداعىداي ىستەۋگە ايقىن العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.
ۇلتتار ىنتىماعى ەلىمىزدەگى ءار ۇلت حالقىنىڭ جان تامىرى. اۆتونوميالى رايوندىق پارتكوم شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ۇلتتار ىنتىماعى قىزمەتىنە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋ، تياناقتاندىرۋ تۇرعىسىنان وي جۇگىرتىپ جانە ونى جوبالاپ، جۇڭحۋا ۇلتى ۇلى ىنتىماعى تۋىن قاي - قاشان دا بيىك ۇستاپ، 2016 - جىلدان بەرى ”ۇلتتار ىنتىماعى بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇدايى ورىستەتىپ، بۇكىل رايونداعى ءبىر ميلليون 200 مىڭنان استام كادر، جۇمىسشى - قىزمەتكەردىڭ نەگىزگى ساتىداعى ءبىر ميلليون 600 مىڭنان استام ءار ۇلت بۇقاراسى وتباسىمەن جۇپ قۇراپ تۋىستاسۋىن ىلگەرىلەتىپ، ۇلتتاردىڭ كەڭىنەن ارالاسۋىن، ىشتەسۋىن، توعىسۋىن ۇزدىكسىز جەبەپ، جاڭا داۋىردەگى پارتيانىڭ ۇلت قىزمەتىن ويداعىداي، تاپتەشتەي، تىڭعىلىقتى ىستەدى.
قازىر قاۋىن - قاربىز، جەمىس - جيدەكتىڭ حوش ءيىسى اڭقىعان مەزگىل، ونسۋ اۋدانى تۇمشۇق قالاشىعى تۇمشۇق قىستاعىنىڭ تۇرعىنى ازەز تۇنياز وتباسى 26 مۋ جەمىس باعىنان مول ءونىم الدى. ”اياۋلى باۋىرىم، بيىل باقتاعى كۇلشە شابدالى جاقسى ءوسىپ، جاقسى باعاعا ساتتىم، ۇيىمىزدەگى قاز جانە ءسۇتتى سيىر جاقسى باعىلىپ جاتىر، بيىلعى جىلى كىرىسىمىز، ءسوزسىز، كوپ ارتادى“. 8 - ايدىڭ 20 - كۇنى ازەز تۋىسى جاڭ جيايۇڭعا تەلەفون جالعاپ، قۋانىشىن ءبولىستى.
2016 - جىلى 10 - ايدا اۆتونوميالى رايون ورىستەتكەن ”ۇلتتار ىنتىماعى بەرەكەلى شاڭىراعى“ قيمىلىندا اۆتونوميالى رايوندىق گەولوگيا، كەن ونىمدەرى مەكەمەسى 9 - گەولوگيا ۇلكەن اترەتىنىڭ كادرى جاڭ جيايۇڭ ازەزبەن جۇپ قۇراپ تۋىس بولعان، بىرنەشە جىل ىشكەرىلەي ارالاسۋ ارقىلى ولار بۇگىنگى كۇنى ءبىر - بىرىمەن ەتەنە جاقسى باۋىرلاسقا اينالدى.
”’ۇلتتار ىنتىماعىنىڭ بەرەكەلى شاڭىراعى‘ قيمىلىن ورىستەتۋ مەزەتتىك ءىس ەمەس، قايتا ومىرلىك سۇيىسپەنشىلىككە ساياتىن ءىس. جۇپ قۇراپ تۋىستاسقاننان باستاپ، ءبىز سەتىنەمەس سۇيىسپەنشىلىك ورناتقان ءبىر وتباسىنىڭ ادامدارىنا اينالدىق“، − دەدى جاڭ جيايۇڭ اسەرلەنە.
ءبىر نيەتپەن بىرىككەن كۇش − ەڭ ۇلى كۇش. سان رەتكى رياسىز اڭگىمەلەسۋ بارىسىندا، سان رەتكى ءبىر - بىرىنە قارايلاسۋ بارىسىندا ءار ۇلت بىرگە ىنتىماقتاسىپ، كۇرەسىپ، بىرگە گۇلدەنىپ، دامىپ، ارالاسۋ، ىشتەسۋ، توعىسۋ اياق الىسى ونان ارى بەكەم، پارمەندى بولىپ، مۇرات، سەنىم، سۇيىسپەنشىلىك، مادەنيەت جاعىنداعى ىنتىماعى مەن بىرلىگى ونان ارى كۇشەيدى.
بۇگىنگى كۇنى ءار ۇلت بۇقاراسىنىڭ تۋىسى بۇكىل ەلگە تارالعان، ولاردىڭ اۋداندا تۋىسى بار، قالادا تۋىسى بار، شينجياڭعا كومەكتەسەتىن ولكە، قالالاردا تۋىسى بار، استانا بەيجيڭدە دە تۋىسى بار، ارالاسۋ، ىشتەسۋ، توعىسۋدىڭ ”جۇرەكتەستىك كوپىرى“ بەينە كەمپىرقوساقتاي تيانشان الابىندا تارتىلدى.
7 - ايدىڭ 19 - كۇنى بايىنعولين موڭعۇل اۆتونوميالى وبلىسىنان كەلگەن 9 جاستان 13 جاسقا دەيىنگى 54 ءوسپىرىم جەتەكشىنىڭ باستاۋىندا حىبەي ولكەسىنىڭ حاندان قالاسىنا سۇيىسپەنشىلىكتى توعىستىرۋ ماقساتىنداعى 4 كۇندىك جازدىق لاگەر ساپارىنا اتتاندى. ەكى جەردەگى بالالار پيونەرلەر مۇراجايى، قۇرباندار قابىرستانى، مۇراجاي سياقتى جەرلەردى بىرگە تاماشالاپ، ۇلتتار ىنتىماعىنىڭ بىرلەسكەن دوستىق قيمىلىن ورىستەتتى.
”جازدىق لاگەردە دوستىققا يە بولدىم، جاڭا دوسپەن تانىستىم. ءبىز قارىم - قاتىناستى ساقتاپ، ءوزارا شابىت بەرىپ، بىرگە العا باسامىز. ءبىز حاندانداعى كىشكەنتاي سەرىكتەرىمىزدىڭ شينجياڭعا كەلىپ قوناق بولۋلارىن قارسى الامىز“، − دەدى كورلا قالالىق 7 - باستاۋىش مەكتەپتىڭ وقۋشىسى بارىكەت تۇرسىن.
اقسۋ قالاسىنداعى 100 جىلدىق بايىرعى كوشە ۋاڭسان كوشەسىندە ”ۇلتتار ىنتىماعىنىڭ بەرەكەلى شاڭىراعى“ اتتى اسحانانىڭ ساۋداسى ەرەكشە كۇسەت، بۇل 7 ۇلتتان قۇرالعان 88 جارناگەر قارجى قوسقان اسحانا. بىرگە قۇرۋشى لوۋ جيانبو مەن مۇحتار راسۇل ءبىر رەتكى جۇپ قۇراپ تۋىستاسۋ قيمىلىندا جۇپ قۇراپ تۋىستاسقان، كەيىن اعالى - ءىنىلى ەكەۋى ”جالپىلىق قارجى جيناۋ“ تاسىلىمەن ءبىر اسحانا اشۋ ويىنا كەلەدى. اسحانا اشىلعاننان كەيىن ءار ۇلتتان قيىنشىلىعى بار نەشە ونداعان ادامدى جۇمىستاندىرادى.
ۋاڭسان كوشەسىندەگى ساۋداگەرلەردىڭ دە جۇپ قۇراعان تۋىستارى بار، ءار ۇلت رۋحاني جاقتا ءبىرىن - ءبىرى سۇيەنىش ەتىپ، ەتەنە سۇيىسپەنشىلىك ورناتىپ، ءوزارا قارايلاستى.
”مەنىڭ ءۇنحاتىمدى كور، ءبىزدىڭ سۇيىسپەنشىلىگىمىزدى سودان - اق كورىپ الاسىڭ“، − دەدى ۋاڭسان كوشەسىندەگى شيانحۇي قوي ەتى شوشىرەحاناسىنىڭ قوجايىنى ارزىگۇل ءامات، − بىلتىر ءبىر مەزگىلدە دۇكەنىمىزدىڭ قارجىسى اينالىمعا جەتىسپەي قالدى، تۋىسىم ياڭ فىڭساي بۇدان حابار تاپقاننان كەيىن، دەرەۋ اقشا جولداپ بەردى. ”سول كەزدە كوزىمنەن جاس ىرشىپ كەتتى“، − دەدى ارزىگۇل تەرەڭ سەزىممەن، − ”ول تۋىسىم عانا ەمەس، ءوز ءۇيىمىزدىڭ ادامى“.
”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعىنىڭ بىرلەسكەن دوستىق قيمىلىنىڭ ىشكەرىلەي ىلگەرىلەتىلۋىنە بايلانىستى ءار ۇلت كادرلارى، جۇمىسشى - قىزمەتكەرلەرى نەگىزگى ساتىداعى بۇقارامەن توعىسىپ، ەتەنە بولىپ، ءار ۇلت بۇقاراسىنا پارتيا مەن ۇكىمەتتىڭ قامقورلىعى مەن مەيىرىن ونان ارى تەرەڭ سەزىندىرىپ، وتاننىڭ تۇتاستىعىن، مەملەكەتتىڭ حاۋىپسىزدىگىن، قوعامنىڭ ورنىقتىلىعىن قورعاۋ بەكىمدەرىن ونان ارى بەكەمدەدى. شينجياڭداعى ءار ۇلت پەرزەنتتەرى بىرگە تۇرىپ، بىرگە ۇيرەنىپ، بىرگە ىستەپ، بىرگە كوڭىل اشىپ، ءداۋىردىڭ اياق الىسىنا تىعىز ىلەسىپ، بىرگە ىنتىماقتاسا كۇرەس جۇرگىزىپ، بىرگە گۇلدەنىپ، دامىپ، اناردىڭ دانىندەي تىعىز ۇيىسىپ، ۇلتتار ىنتىماعى گۇلىن تيانشان الابىندا قۇلپىرتتى.
