انار بۇلت / شينجياڭ گازەتىنىڭ ءتىلشىسى جاڭ يۇنمەي 8 - ايدىڭ 31 - كۇنى ۇرىمجىدەن حابارلايدى. 8 - ايدىڭ 31 - كۇنى اۆتونوميالى رايوندىق 12 - كەزەكتى ساياسي كەڭەس 46 - رەتكى ءتوراعالار ءماجىلىسىن اشىپ، اۆتونوميالى رايوندىق 12 - كەزەكتى ساياسي كەڭەس 15 - رەتكى ايلىق كەڭەس اڭگىمە ءماجىلىسىن اشۋعا قاتىستى ىستەردى اقىلداسىپ ماقۇلدادى، «ساياسي كەڭەس شينجياڭ ۇيعۇر اۆتونوميالى رايوندىق كوميتەتىنىڭ ”14 - بەسجىلدىق“ جوبا توڭىرەگىندە دەموكراتيالىق باقىلاۋ قىزمەتىن اتقارۋ، ورىستەتۋ جوسپارىن(جوبا)» قارادى.
اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ءماجىلىس مىنالاردى اتاپ كورسەتتى: وسى رەتكى ايلىق كەڭەس اڭگىمە ءماجىلىسى ”ءدىن ىستەرىن زاڭ بويىنشا باسقارۋ دەڭگەيىن اناعۇرلىم جوعارىلاتىپ، شينجياڭدا ءىسلام ءدىنىن جۇڭگوشالاندىرۋدى ىلگەرىلەتۋ“ كەڭەس تاقىرىبى توڭىرەگىندە ۇكىمەت ىستەرىن كەڭەسەدى، اقىلداسادى. باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن تولىق، دالمە - ءدال، جاپپاي يگەرىپ جانە دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك. اڭگىمە ماجىلىسىندەگى نەگىزگى تاقىرىپتىق سوزدە ۇسىنىس ۇتىمدى بولۋ، اماليات بارىسىندا قالىپتاستىرعان ءونىمدى ادىستەردى قورىتىندىلاۋعا جانە سۇرىپتاۋعا شەبەر بولۋ، ايلىق كەڭەس اڭگىمە ءماجىلىسىنىڭ ساپاسى مەن دەڭگەيىن ءونىمدى جوعارىلاتۋ كەرەك. ورىستەتىلىپ جاتقان پارتيا تاريحىن ۇيرەنۋ تاربيەسىمەن جانە ”ۇيرەنۋگە قۇلىقتى ساياسي كەڭەس“ كىتاپ وقۋ قيمىلىمەن ۇشتاستىرىپ، مۇشەلەردىڭ جىلجىمالى مىندەت اتقارۋ تۇعىرىنان ويداعىداي پايدالانىپ، مۇشەلەردىڭ ات سالىسۋ اياسىن قۇلشىنا كەڭەيتىپ، ماجىلىستە، ماجىلىستەن سىرت، ينتەرنەت جانە ينتەرنەتتەن سىرت تەڭ قادامدا ۇكىمەت ىستەرىن كەڭەسۋ، اقىلداسۋ جاعدايىن قالىپتاستىرىپ، ءماجىلىستىڭ ناقتى، جوعارى ءونىمدى بولۋىنا، مول جەتىستىككە قول جەتكىزۋىنە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: دەموكراتيالىق باقىلاۋ حالىقتىق ساياسي كەڭەستىڭ ماڭىزدى فۋنكتسياسى. مەملەكەتتىك ساياسي كەڭەستىڭ ادىستەرىن ۇيرەنىپ جانە ودان ۇلگى الىپ، شينجياڭنىڭ ءىس جۇزىندىگىمەن ۇشتاستىرا وتىرىپ، اۆتونوميالى رايوندىق ساياسي كەڭەستىڭ ”14 - بەسجىلدىق“ جوبا توڭىرەگىندە دەموكراتيالىق باقىلاۋ قىزمەتىن اتقارۋ، ورىستەتۋ جوسپارىن ويداعىداي جاساپ شىعۋ كەرەك. اۆتونوميالى رايوننىڭ ”14 - بەسجىلدىق“ جوبانى اتقارۋ بارىسىنداعى ءتۇيىندى ماسەلەلەردى ءجىتى قاداعالاپ، ساياسي كەڭەستىڭ كەڭەسۋ ۇلگىسىندەگى باقىلاۋ ابزالدىلىعىن ساۋلەلەندىرىپ، دەموكراتيالىق باقىلاۋدى ۇزدىكسىز ورىستەتىپ، دەموكراتيالىق باقىلاۋ بارىسىندا زەيىن - زەردەنى، كۇش - قۋاتتى ۇيىستىرىپ، وزدىگىنەن ۇيرەنىپ، ءوزىن تاربيەلەپ، قوس باعىتتا كۇش سالۋدى ساياسي كەڭەس قىزمەتىنىڭ تۇتاس بارىسىندا ايگىلەۋ كەرەك. باقىلاۋ بارىسىندا ماسەلەلەردى بەلسەنە قاراستىرىپ جانە ولاردى زەرتتەپ، باقىلاۋ فورماسىن ۇزدىكسىز كەمەلدەندىرىپ، باقىلاۋ ساپاسىن جوعارىلاتىپ، دەموكراتيالىق باقىلاۋدى تاباندىلىقپەن مىقتى يگەرىپ، ساياسي كەڭەستىڭ كۇشى مەن ساياسي كەڭەستىڭ ىسكەرلىگى ارقىلى اۆتونوميالى رايوننىڭ ”14 - بەسجىلدىقتا“ جاقسى باستاما اشۋىنا، جاقسى قادام تاستاۋىنا اقىل - پاراسات پەن كۇش - قۋاتتى ارناۋ كەرەك.
اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ءمۇتالىپ وبۇل، يىلحام سابىر، نۇرىم سىمايىلقان، ازەز مۇسا، باس حاتشى گاۋ جياڭحۋاي ماجىلىسكە قاتىناستى.
