تيانشان تورى   ›   جاڭالىقتار   ›   ماڭىزدى حابارلار

شي جينپيڭ تەلەگرامما جولداپ، حالىقارالىق وليمپيادا كوميتەتىنىڭ بۇرىنعى ءتوراعاسى روكتىڭ قايتىس بولعاندىعىنا قايعىلى ازا ءبىلدىردى

  شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 8 - ايدىڭ 30 - كۇنى حالىقارالىق وليمپيادا كوميتەتىنىڭ ءتوراعاسى باحقا تەلەگرامما جولداپ، حالىقارالىق وليمپيادا كوميتەتىنىڭ بۇرىنعى ءتوراعاسى روكتىڭ، باقىتقا قارسى، قازا بولعاندىعىنا قايعىلى ازا ءبىلدىردى ءارى ونىڭ تۋىس - تۋعاندارىنان شىنايى حال سۇرادى.

  شي جينپيڭ تەلەگرامماسىندا بىلاي دەدى: روك مىرزا حالىقارالىق وليمپيادا كوميتەتىنىڭ ۇزدىك باسشىسى، وليمپيادا سپورتىن جالپىلاستىرۋعا، وليمپيادا رۋحىن اسقاقتاتۋعا كۇش سالىپ، وليمپيادا سپورتىنىڭ اقاۋسىز دامۋىن ىلگەرىلەتۋگە، وتە - موتە، جاستار دەنە تاربيەسىن دارىپتەۋگە بەلسەنە قۇلشىنىس جاساپ، دۇنيە جۇزىندەگى ءار ەل حالقىنىڭ جانە دەنە تاربيە سالاسىنىڭ ايرىقشا القاۋىنا بولەندى.

  شي جينپيڭ بىلاي دەپ اتاپ كورسەتتى: روك مىرزا جۇڭگو حالقىنىڭ كونە دوسى، جاقسى دوسى، كوزىنىڭ تىرىسىندە ۇزاق ۋاقىت جۇڭگونىڭ دەنە تاربيە ىستەرىنە جانە وليمپيادا سپورتىنىڭ دامۋىنا كوڭىل ءبولىپ، قولداۋ كورسەتىپ، 2008 - جىلعى بەيجيڭ وليمپياداسىنىڭ تابىسپەن وتكىزىلۋىنە ماڭىزدى ۇلەس قوستى.

  شي جينپيڭ بىلاي دەپ باسا دارىپتەدى: جۇڭگو وليمپيادا سپورتىنىڭ قوعامدىق دامۋ بارىسىنداعى ماڭىزدى رولىنا باسا ءمان بەرەدى، حالىقارالىق وليمپيادا كوميتەتىمەن جانە حالىقارالىق قوعاممەن بىرگە دۇنيە ءجۇزى وليمپيادا سپورتىنىڭ دامۋىنا تىڭ دا اناعۇرلىم زور ۇلەس قوسۋدى قالايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.