«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى
پارتيانىڭ ۇلى رۋحى − پارتيا مەن مەملەكەتتىڭ ماڭگىلىك باعالى رۋحاني بايلىعى
شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. 9 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 17 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «پارتيانىڭ ۇلى رۋحى − پارتيا مەن مەملەكەتتىڭ ماڭگىلىك باعالى رۋحاني بايلىعى» اتتى ماڭىزدى ماقالاسى جاريالانادى.
ماقالادا مىنالار باسا دارىپتەلدى: ادامدا رۋح بولماسا، ەڭسە كوتەرىپ تۇرا المايدى، مەملەكەتتە رۋح بولماسا، قۇدىرەتتەنە المايدى. ءبىر ۇلت تەك رۋحاني جاقتا تابان تىرەپ، ورنىقتى تۇرا العاندا عانا، تاريح كوشىندە ەڭسەسىن اسقاق ۇستاپ، الدىڭعى لەكتە قاسقايا جۇرەدى. پارتيامىز 100 جىلدى باستان وتكەرىپ كەمەل شاعىنا كەلۋدە، سان تاۋقىمەتتى باستان وتكەرىپ تولاسسىز تولىسۋدا توڭكەرىسكە بارىن سالاتىن قۇدىرەتتى رۋحىنا سۇيەندى. قيىنشىلىقپەن كۇرەس جۇرگىزۋ ماتەريانىڭ مۇيىزدەسۋى ءارى رۋحتىڭ بەلدەسۋى.
ماقالادا مىنالار اتاپ كورسەتىلدى: 100 جىلدىڭ الدىندا جۇڭگو كوممۋنيستىك پارتياسىنىڭ ارداگەرلەرى جۇڭگو كوممۋنيستىك پارتياسىن قۇرىپ، اقيقاتتان جازبايتىن، مۇراتتان اينىمايتىن، اۋەلگى ماقساتتى امالياتتا ايگىلەيتىن، بورىش ارقالايتىن، قۇربان بەرۋدەن قورىقپايتىن، ەرلىكپەن كۇرەس جۇرگىزەتىن، پارتياعا ادال بولاتىن، حالىقتىڭ ءۇمىتىن اقتايتىن ۇلى پارتيا قۇرۋ رۋحىن قالىپتاستىردى، بۇل جۇڭگو كوممۋنيستىك پارتياسىنىڭ رۋحاني قاينارى. 100 جىلدان بەرى جۇڭگو كوممۋنيستىك پارتياسى ۇلى پارتيا قۇرۋ رۋحىن اسقاقتاتىپ، جيڭگاڭشان رۋحى، ۇزاق جورىق رۋحى، زۇن - ي ءماجىلىسى رۋحى، يان - ان رۋحى، شيبايپو رۋحى، قىزىل جارتاس رۋحى، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحى، ”ەكى بومبى، ءبىر جاساندى سەرىك“ رۋحى، ەرەكشە رايون رۋحى، تاسقىنعا قارسى اتتانۋ رۋحى، جەر سىلكىنىسىنە قارسى اتتانىپ، اپاتتان قۇتقارۋ رۋحى، ىندەتكە قارسى اتتانۋ رۋحى سياقتى ۇلى رۋحتاردى قالىپتاستىرىپ، جۇڭگو كوممۋنيستەرىنىڭ رۋحاني شەجىرەسىن تۇلعالادى. وسى باعالى رۋحاني بايلىقتار ۋاقىت - كەڭىستىكتى باسىپ وزىپ، ۋاقىت وتكەن سايىن جاڭارىپ، پارتيانىڭ مىزعىماس سەنىمىن، ءتۇبىرلى باس ماقساتىن، تاڭداۋلى ستيلىن شوعىرلى ايگىلەپ، جۇڭگو كوممۋنيستەرىنىڭ قاجىرلىلىقپەن كۇرەس جۇرگىزەتىن، باسىن ءباي تىگىپ ءوزىن ارنايتىن، ءورىس اشا العا ىلگەرىلەيتىن ۇلى قاسيەتىن ۇيىستىرىپ، پارتيامىزدىڭ، مەملەكەتىمىزدىڭ، ۇلتىمىزدىڭ، حالقىمىزدىڭ قان تامىرىنا تەرەڭ ءسىڭىپ، ءبىزدىڭ پارتيا قۇرۋىمىزعا، پارتيانى گۇلدەندىرۋىمىزگە، پارتيانى قۇدىرەتتەندىرۋىمىزگە اسا مول ءنار بەردى.
ماقالادا مىنالار اتاپ كورسەتىلدى: ءومىر شەكتى، اسا كوپتەگەن قاھارمان ونەگەلى تۇلعالاردىڭ اسقاق رۋحىنىڭ قالىپتاسۋ بارىسى دا شەكتى، ءبىراق ءبىر باعالى رۋحاني بايلىقتىڭ قالىپتاسۋى − ماڭگىلىك ۇلگى. ءارقانداي ءبىر ۇلت تۇگەلدەي وسىنداي ءبىر رۋحتىڭ ءوزىنىڭ قۇدىرەتتى رۋحاني كۇش - قۋاتىن سومداۋىن قاجەت ەتەدى، ءداۋىر دامىپ قاي كەزەڭگە بارسا دا مۇنداي رۋحتىڭ ۋاقىتى وتپەيدى.
ماقالادا مىنالار اتاپ كورسەتىلدى: ۇلى ءىس ۇلى رۋحتى جەتىلدىرەدى، ۇلى رۋح ۇلى ىسكە جەتەكشىلىك ەتەدى. پارتيانىڭ ۇلى رۋحى مەن داڭقتى ءداستۇرى − ءبىزدىڭ باعالى رۋحاني بايلىعىمىز، ءبىزدى ەرلىكپەن العا ىلگەرىلەۋگە جىگەرلەندىرەتىن قۇدىرەتتى رۋحاني قوزعاۋشى كۇش. قازىرگى جۇڭگو جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، مەملەكەتتىڭ قۇدىرەتتەنىپ كوركەيۋى، ۇلتتىڭ گۇلدەنۋى ماتەريالدىق وركەنيەتتىڭ توپتالۋىن قاجەت ەتەدى، ونان دا ماڭىزدىسى، رۋحاني وركەنيەت دەڭگەيىنىڭ كوتەرىلۋىن قاجەت ەتەدى، بۇكىل پارتياداعى جولداستار پارتيانىڭ 100 جىلدىق كۇرەس بارىسىندا قالىپتاستىرعان ۇلى رۋحىمەن ءوزىن نارلەندىرىپ، ءوزىن جىگەرلەندىرىپ، العا باسۋ جولىنداعى بارلىق قيىنشىلىقتار مەن حاۋىپ - قاتەرلەردى باتىل جەڭىپ، جۇڭگوشا سوتسياليزمگە تاباندى بولۋ مەن ونى دامىتۋدىڭ تىڭ دا اناعۇرلىم زور جەڭىسىنە ۇزدىكسىز قول جەتكىزۋ كەرەك!
