تيانشان تورى
تيانشان تورى   ›   جاڭالىقتار   ›   ماڭىزدى حابارلار

6 - كەزەكتى مەملەكەتتىك از ۇلتتار ادەبيەت - كوركەمونەر بايقاۋىنىڭ اشىلۋ سالتى ادەبيەت - كوركەمونەر ساۋىق كەشى بەيجيڭدە وتكىزىلدى

شي جينپيڭ، لي كىچياڭ، ۋاڭ ياڭ، ۋاڭ حۋنيڭ قاتىناسىپ تاماشالادى

  8 - ايدىڭ 31 - كۇنى كەشتە 6 - كەزەكتى مەملەكەتتىك از ۇلتتار ادەبيەت - كوركەمونەر بايقاۋىنىڭ اشىلۋ سالتى ادەبيەت - كوركەمونەر ساۋىق كەشى بەيجيڭ حالىق سارايىندا سالتاناتپەن وتكىزىلدى. شي جينپيڭ، لي كىچياڭ، ۋاڭ ياڭ، ۋاڭ حۋنيڭ قاتارلى پارتيا مەن مەملەكەت باسشىلارى قاتىناسىپ تاماشالادى. سۋرەتتە: كونسەرت باستالاردىڭ الدىندا شي جينپيڭ قاتارلىلار ادەبيەت - كوركەمونەر بايقاۋىنىڭ ارتيستەر جانە قىزمەتشىلەر ۋاكىلدەرى، ۇيىمداستىرۋ القاسىنىڭ مۇشەلەرى، 56 ۇلتتىڭ تاڭداۋلى نەگىزگى ساتى پارتيا مۇشەسى ۋاكىلدەرى قاتارلىلارمەن كەزدەستى.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. ءان اۋەنىن اسقاقتاتىپ، باقىتتى تۇرمىستى ماداقتادى؛ شاتتانا بيگە باسىپ، اسىل ارمان، اسقاق سەزىمدى ايگىلەدى. 6 - كەزەكتى مەملەكەتتىك از ۇلتتار ادەبيەت - كوركەمونەر بايقاۋىنىڭ اشىلۋ سالتى ادەبيەت - كوركەمونەر ساۋىق كەشى 8 - ايدىڭ 31 - كۇنى كەشتە بەيجيڭدە سالتاناتپەن وتكىزىلدى. شي جينپيڭ، لي كىچياڭ، ۋاڭ ياڭ، ۋاڭ حۋنيڭ قاتارلى پارتيا مەن مەملەكەت باسشىلارى 3000داي بۇقارامەن بىرگە ساۋىق كەشتى تاماشالادى.

  حالىق سارايىنىڭ 10 مىڭ ادامدىق زالىندا شىراق نۇرى شۇعىلا شاشىپ، تۇس - تۇستان قۋانىشتى ۇندەر، كۇلكىلەر ەستى. ساعات 20 مولشەرىندە شي جينپيڭ قاتارلىلار ساۋىق كەش زالىنا كەلدى، بۇكىل زالدى قىزۋ شاپالاق ءۇنى كەرنەدى. كونسەرتتىڭ «ءار ۇلت پەرزەنتتەرىنىڭ جۇرەگى پارتياعا ىنتىعادى» اتتى شات مەرەيلى باستاۋ ءان - ءبيى ءار ۇلت حالقىنىڭ پارتيانىڭ 100 جىلدىق مەرەيتويىنا دەگەن شىن ىقىلاستى تىلەگىن بەينەلەپ، اشىلۋ سالتى ادەبيەت - كوركەمونەر ساۋىق كەشىنىڭ شىمىلدىعىن «جاڭا ساپاردا ىنتىماقتاسا ەكپىندەي ىلگەرىلەيمىزبەن» اشتى. تۇتاس ساۋىق كەش جاڭا جول اشۋ، جاڭا داۋىردە ەكپىندەي ىلگەرىلەۋ، جاڭا ساپارعا اتتانۋ سىندى 3 بولىمنەن قۇرالعان. مۋزيكا، ولەڭ، سۋرەت كىرىكتىرىلە بەرىلگەن قويىلىم «جالعاسقان قان تامىرلار»، ءبي «قارلى القاپتاعى جىلى شۋاق»، ۇلاسپالى ءان «انگە بولەنگەن زامان»، كورىنىستى ءان «قىستاقتاعى بۇلت تۇرمىس»، بەيزاتتىق مادەنيەت مۇرا ءان - ءبيى «شۇعىلا شاشقان اسىلدار جۇڭحۋانىڭ ماقتانى»، مۋزيكا اسپابىمەن سۇيەمەلدەنگەن ءان «باقىت جىرى»، ءبي «الىسقا ساپار»... ءاربىر كونسەرت ءنومىرىنىڭ ۇلتتىق ەرەكشەلىگى ايقىن، بەينەلەۋ فورماسى الۋان ءتۇرلى، ءداۋىر تىنىسى قويۋ، بىرىنەن - ءبىرى تاماشا بولىپ، ساۋىق كەشتىڭ سالتاناتىن اسىرىپ، مارەسىنە جەتكىزدى. بۇكىل ساۋىق كەش شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ءار ۇلت حالقىنا دەگەن شىنايى قامقورلىعىن ىستىق ىقىلاسپەن جىرعا قوسىپ، جۇڭحۋا مادەنيەتىنىڭ كوز تارتار كوركەمدىگىن، باي ىشكى مازمۇنىن جاندى تۇردە ايگىلەپ، ءار ۇلت پەرزەنتتەرىنىڭ اناردىڭ دانىندەي تىعىز ۇيىسىپ، ىنتىماقتاسا بىرگە كۇرەس جۇرگىزگەن اسەم، ايبىندى كارتيناسىن جاندى بەينەلەپ، جۇڭحۋا پەرزەنتتەرىنىڭ جۇڭحۋا ۇلتى ورتاق رۋحاني مەكەنىن قۇراتىن، بۇلجىماستان پارتياعا ىلەسەتىن، جاڭا ساپاردا اسقاق ارىنمەن ەكپىندەي ىلگەرىلەيتىن بەرىك بەكىمى مەن اسقاق جىگەرىن تولىق بەينەلەدى. بۇكىل زالدى ءالسىن - ءالى قىزۋ شاپالاق ءۇنى كەرنەدى. ەڭ سوڭىندا «بۇل ءبىزدىڭ كورىكتى مەكەنىمىز» اتتى اۋەلەگەن اۋەنمەن جانە ءار ۇلت ارتيستەرىنىڭ شاتتانا بيگە باسۋىمەن كەشكى ساۋىق مارەسىنە جەتىپ، شىمىلدىعى جابىلدى.

  كونسەرت باستالاردىڭ الدىندا شي جينپيڭ قاتارلى پارتيا مەن مەملەكەت باسشىلارى ادەبيەت - كوركەمونەر بايقاۋىنىڭ ارتيستەر جانە قىزمەتشىلەر ۋاكىلدەرى، ۇيىمداستىرۋ القاسىنىڭ مۇشەلەرى، 56 ۇلتتىڭ تاڭداۋلى نەگىزگى ساتى پارتيا مۇشەسى ۋاكىلدەرى قاتارلىلارمەن كەزدەستى ءارى ولارمەن بىرگە ەستەلىك سۋرەتكە ءتۇستى.

  ديڭ شۋەشياڭ، سۇن چۇنلان، جاڭ يوۋشيا، حۋاڭ كۇنميڭ، ساي چي، يوۋ چۋان، بايماچىلين، شياۋ جيە، ما بياۋ، باتىر قاتىستى قيمىلدارعا قاتىناستى.

  6 - كەزەكتى مەملەكەتتىك از ۇلتتار ادەبيەت - كوركەمونەر بايقاۋىن مەملەكەتتىك ۇلت ىستەرى كوميتەتى، مادەنيەت جانە ساياحات مينيسترلىگى، مەملەكەتتىك راديو - تەلەۆيزيا باس مەكەمەسى، ورتالىق راديو - تەلەۆيزيا باس ستانسياسى جانە بەيجيڭ قالالىق حالىق ۇكىمەتى بىرلەسىپ ۇيىمداستىردى. بايقاۋ ۋاقىتى 8 - ايدىڭ 31 - كۇنىنەن 9 - ايدىڭ 24 - كۇنىنە دەيىن بولىپ، وسى ارالىقتا بۇكىل ەلدىڭ جەر - جەرىنەن سارالاپ اكەلىنگەن 42 كونسەرت ءنومىرى ورتالىق تەلەۆيزيا تورىندا جانە مەملەكەتتىك ۇلت ىستەرى كوميتەتىنىڭ سايتىندا قويىلادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.