تيانشان تورى   ›   جاڭالىقتار   ›   ماڭىزدى حابارلار

19 - كەزەكتى ورتالىق كوميتەتتىڭ التىنشى جالپى ءماجىلىسىن اشۋدى ۇيعاردى

جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

19 - كەزەكتى ورتالىق كوميتەتتىڭ التىنشى جالپى ءماجىلىسىن اشۋدى ۇيعاردى

«19 - كەزەكتى ورتالىق كوميتەتتىڭ 7 - كەزەكتى شارلاۋ جاعدايى جونىندەگى جالپىلىق باياندامانى» قارادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 8 - ايدىڭ 31 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 8 - ايدىڭ 31 - كۇنى ءماجىلىس اشىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسىن بيىل 11 - ايدا بەيجيڭدە اشۋدى ۇيعاردى. باستى كەڭەستىك تارتىپتەرى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىق كوميتەتكە قىزمەتتەن بايانداما جاسايدى، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جالپى بەتتىك قورىتىندىلاۋ ماسەلەسىن ءتۇيىندى تۇردە اقىلداسادى. ءماجىلىس «19 - كەزەكتى ورتالىق كوميتەتتىڭ 7 - كەزەكتى شارلاۋ جاعدايى جونىندەگى جالپىلىق باياندامانى» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس بىلاي دەپ قارادى: جۇڭگو كوممۋنيستىك پارتياسى 1921 - جىلى قۇرىلعاننان بەرى باستان - اياق جۇڭگو حالقىن باقىتقا كەنەلتۋ، جۇڭحۋا ۇلتىن گۇلدەندىرۋدى ءوزىنىڭ اۋەلگى ماقساتى مەن بورىشى ەتىپ، باستان - اياق كوممۋنيزم مۇراتىنا جانە سوتسياليزم سەنىمىنە تاباندى بولىپ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ۇلتتىڭ تاۋەلسىزدىگىنە، حالىقتىڭ ازاتتىعىنا قول جەتكىزۋ جانە مەملەكەتتىڭ بايۋىن، قۇدىرەتتەنۋىن، حالىقتىڭ باقىتىن جۇزەگە اسىرۋ ءۇشىن قاجىماي - تالماي كۇرەس جۇرگىزىپ، 100 جىلدىق شۇعىلالى بارىستى باسىپ ءوتتى. 100 جىلدان بەرى پارتيا حالىققا باسشىلىق ەتىپ قان توگە شايقاس جۇرگىزىپ، قايىسپاس قايسارلىق كورسەتىپ، جاڭا دەموكراتيالىق توڭكەرىستىڭ ۇلى تابىستارىن جاراتتى؛ ءوز كۇشىنە سۇيەنىپ ءومىر ءسۇرىپ، گۇلدەنۋ جولىندا قۇلشىنىپ، سوتسياليستىك توڭكەرىس پەن قۇرىلىستىڭ ۇلى تابىستارىن جاراتتى؛ يدەيانى ازات ەتىپ، جىگەرلەنە العا ۇمتىلىپ، رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇلى تابىستارىن جاراتتى؛ وزىنە سەنىپ، ءوزىن الۋەتتەندىرىپ، تۋراشىلدىقتى ساقتاپ، جاڭالىق اشىپ، جاڭا داۋىردەگى جۇڭگوشا سوتسياليزمنىڭ ۇلى تابىستارىن جاراتتى. پارتيا مەن حالىق 100 جىل كۇرەس جۇرگىزىپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى تاريحي ەپوس جازدى.

  ءماجىلىس مىنالاردى اتاپ كورسەتتى: تاريحتى اينا ەتكەندە گۇلدەنۋ مەن قۇلدىراۋدىڭ سەبەبىن بىلۋگە بولادى. پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن قورىتىندىلاۋ پارتيا قۇرىلعاندىعىنا 100 جىل بولعان تاريحي شارت - جاعدايدا جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ، جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ قاجەتى، ساياسي تانىمدى، كەلەلى جاعداي تانىمىن، ۇيتقى تانىمىن، قاتار تۇزەۋ تانىمىن كۇشەيتىپ، جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋدى، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، بۇكىل پارتيانىڭ بىركەلكى قاداممەن العا ىلگەرىلەۋىنە شىنايى كەپىلدىك ەتۋدىڭ قاجەتى، پارتيانىڭ وزىنە توڭكەرىس جاساۋىن ىلگەرىلەتۋدىڭ، بۇكىل پارتيانىڭ كۇرەس شەبەرلىگى مەن حاۋىپ - قاتەرگە، سىن - سايىسقا توتەپ بەرۋ قابىلەتىن جوعارىلاتۋدىڭ، پارتيانىڭ جالىندى ومىرشەڭدىك كۇشىن ماڭگى ساقتاۋدىڭ، بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن ۇزدىكسىز كۇرەس جۇرگىزۋدىڭ قاجەتى. بۇكىل پارتيا ماتەرياليستىك تاريح كوزقاراسىنا جانە دۇرىس پارتيا تاريحى كوزقاراسىنا تاباندى بولىپ، پارتيانىڭ 100 جىلدىق كۇرەس بارىسىنان وتكەندە نە ءۇشىن تابىسقا جەتكەندىگىمىزگە انىق كوز جىبەرىپ، بولاشاقتا قايتكەندە ۇزدىكسىز تابىسقا جەتەتىندىگىمىزدى انىق اڭعارىپ، وسى ارقىلى اۋەلگى ماقسات پەن بورىشتى اناعۇرلىم تاباندىلىقپەن، اناعۇرلىم سانالىلىقپەن امالياتتا ايگىلەپ، جاڭا داۋىردە جۇڭگوشا سوتسياليزمگە اناعۇرلىم ويداعىداي تاباندى بولۋ جانە ونى دامىتۋ كەرەك.

  ءماجىلىس مىنالاردى باسا دارىپتەدى: اۋەلگى ماقساتتى ۇمىتپاعاندا عانا ىستەرىمىز باستان - اياق باياندى بولادى. جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، 100 جىلدىق كەمەل شاعىنا كەلدى. وتكەن 100 جىلدا پارتيا حالىققا، تاريحقا ۇزدىك جاۋاپناما تاپسىردى. قازىر پارتيا جۇڭگو حالقىن ىنتىماقتاستىرىپ، باستاپ، ەكىنشى 100 جىلدىق كۇرەس نىساناسىن جۇزەگە اسىرۋدىڭ جاڭا ەمتيحان تاپسىرۋ جولىنا تاعى قادام تاستادى. ءداۋىر ەمتيحان الۋشى، ءبىز ەمتيحان تاپسىرۋشىمىز، حالىق ەمتيحان تەكسەرۋشى، ءبىز، ءسوز جوق، ۇزدىكسىز جاقسى ناتيجەگە قول جەتكىزىپ، جاڭا داۋىردەگى جاڭا ساپاردا تىڭ بەينە، تىڭ ىسكەرلىك كورسەتۋىمىز كەرەك.

  ءماجىلىس مىنالاردى اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ - اعارتۋ قىزمەتىنە ايرىقشا ءمان بەرىپ، وقۋ - اعارتۋ ىستەرىن الدىمەن دامىتۋعا تاباندى بولىپ، وقۋ - اعارتۋ رەفورماسىن، دامۋىن ىلگەرىلەتۋدە كورنەكتى ناتيجەلەرگە قول جەتكىزدى، وقۋ - اعارتۋ سالاسىنىڭ بەت - بەينەسىندە كورنەكتى وزگەرىستەر تۋىلدى. شارلاۋدان قاراعاندا، وقۋ - اعارتۋ مينيسترلىگى پارتيا باسشىلىق گرۋپپاسى مەن ورتالىق باسقاراتىن 31 جوعارى مەكتەپ پارتكومدارىنىڭ پارتيانى باسقارۋ، پارتيانى جونگە سالۋ جاۋاپكەرشىلىك تانىمى جوعارىلاپ، وقىتۋ جۇرگىزۋ، مەكتەپ باسقارۋ قىزمەتى تىڭ ناتيجەلەرگە قول جەتكىزىپ، ەكونوميكالىق، قوعامدىق دامۋعا قىزمەت وتەۋدە تىڭ ۇلەستەر قوسقان، الايدا كەيبىر جالپىلىق ماسەلەلەر مەن تەرەڭ قاتپارلى ماسەلەلەر دە بايقالدى، پارتيا قۇرىلىسىن كۇشەيتۋ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ، پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن اتقارۋ، پارتيانى قاتاڭ باسقارىپ، مەكتەپتى جونگە سالۋ، القا قوسىنى مەن نەگىزگى ساتى پارتيا ۇيىمى قۇرىلىسىن كۇشەيتۋ سياقتى جاقتاردا ءالى دە ولقىلىقتار بار. شارلاۋدا بايقالعان ماسەلەلەردى قاتاڭ اڭىس ەتىپ، رەتتەۋ - تۇزەتۋدىڭ تۇلعالىق جاۋاپكەرشىلىگىن ناقتىلاندىرىپ، رەتتەۋ - تۇزەتۋدى كۇندەلىكتى باقىلاۋدى كۇشەيتىپ، شارلاۋدىڭ وتكىر سەمسەرلىك رولىن ۇزدىكسىز ساۋلەلەندىرىپ، پارتكومداردى (پارتيا باسشىلىق گرۋپپاسى) رەتتەۋ - تۇزەتۋدى پارتيانى باسقارۋدىڭ، مەكتەپتى جونگە سالۋدىڭ پارمەندى تۇتقاسى ەتۋگە قۋزاپ، جالپى بەتتىك رەتتەۋ - تۇزەتۋگە، ءتۇيىندى كورنەكتىلەندىرۋگە تاباندى بولىپ، ماسەلەلەردى شىن مانىندە شەشۋ كەرەك. رەتتەۋ - تۇزەتۋدى وراي ەتىپ، پارتيانىڭ جوعارى مەكتەپكە جالپى بەتتىك باسشىلىعىنا تاباندى بولىپ جانە ونى كۇشەيتىپ، شارلاۋ ارقىلى تۇزەتۋدى جەبەپ، شارلاۋ ارقىلى قۇرۋدى جەبەپ، شارلاۋ ارقىلى جونگە سالۋدى جەبەپ، جاڭا داۋىردەگى جوعارى وقۋ - اعارتۋدىڭ جوعارى ساپالى دامۋىن ىلگەرىلەتۋ كەرەك.

  ءماجىلىس مىنالاردى باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇزدىكسىز ىشكەرىلەي ۇيرەنىپ، دايەكتىلەندىرىپ، پارتيانىڭ وقۋ - اعارتۋ باعىتىن جالپى بەتتىك دايەكتىلەندىرىپ، سانالى تۇردە پارتيانىڭ جاسامپاز نازارياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، ”مەملەكەتتىڭ زور ءىسىن“ ەستە بەرىك ساقتاپ، سوتسياليستىك مەكتەپ باسقارۋ بەتالىسىنا تاباندى بولىپ، پارتيا ءۇشىن ادام تاربيەلەۋ، مەملەكەت ءۇشىن دارىندى جەتىلدىرۋ كەرەك. ونەگە كورسەتىپ ادام تاربيەلەۋدى ءتۇبىرلى مىندەت ەتىپ، يدەيالىق ساياسي قىزمەتتى جانە ۇستازدىق ءمورال، ۇستازدىق ستيل، مەكتەپ سالتى، وقۋ سالتى قۇرىلىسىن كۇشەيتىپ، احىلاق، اقىل - وي، دەنە، ەستەتيكا، ەڭبەك جاقتارىندا جاپپاي دامىعان سوتسياليزم قۇرىلىسشىلارى مەن ءىزباسارلارىن كۇش سالا جەتىلدىرۋ كەرەك. وقۋ - اعارتۋ رەفورماسى ورنالاستىرۋىن تياناقتاندىرىپ، جوعارى مەكتەپتى جونگە سالۋ جۇيەسى مەن جونگە سالۋ قابىلەتى قۇرىلىسىن كۇشەيتىپ، ىشكى ماندىك جوعارى ساپالى دامۋدى جۇزەگە اسىرۋ كەرەك. جاڭا ءداۋىر تالابىنا ىرىقتىلىقپەن ۇيلەسىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن تولىق، دالمە - ءدال، جان - جاقتى دايەكتىلەندىرىپ، جاڭا دامۋ ارناسىنا قىزمەت وتەۋ جانە توعىسۋ كەرەك. جوعارى مەكتەپتەردە پارتيانى جاپپاي قاتاڭ جونگە سالۋدى ىشكەرىلەي ىلگەرىلەتىپ، پارتكومنىڭ تۇلعالىق جاۋاپكەرشىلىگىن، شۋجيدىڭ ءبىرىنشى جاۋاپتى ادامدىق جاۋاپكەرشىلىگىن جانە ءتارتىپ تەكسەرۋ كوميتەتىنىڭ باقىلاۋ جاۋاپكەرشىلىگىن مۇقيات تياناقتاندىرىپ، ساتىلار بويىنشا قىسىم جەتكىزىپ، قاتاڭ بولۋ بەينەسىن كۇشەيتىپ، ۇقىقتىڭ جۇرگىزىلۋىن باقىلاۋدى، تەجەۋدى كۇشەيتىپ، شىرىكتەسۋ ماسەلەلەرىن قاتاڭ تەكسەرىپ ءبىر جاقتى ەتىپ، پارمەندى سەس قالىپتاستىرىپ، پاكتىك حاۋىپ - قاتەرىنەن شىن مانىندە ساقتانىپ، شىرىكتەسۋگە باتىلى بارماۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الماۋدى ءبىر تۇلعالى ىلگەرىلەتۋ كەرەك. «جۇڭگو كوممۋنيستىك پارتياسىنىڭ ادەتتەگى جوعارى مەكتەپتەر نەگىزگى ساتى ۇيىمدىق قىزمەت ەرەجەسىن» دايەكتىلەندىرىپ، تياناقتاندىرىپ، پارتكوم باسشىلىعىنداعى مەكتەپ باستىعى جاۋاپتى بولۋ ءتۇزىمىن مۇقيات اتقارىپ، جوعارى مەكتەپ باسشىلىق القاسىن، كادر دارىندىلار قوسىنىن جانە نەگىزگى ساتى پارتيا ۇيىمى قۇرىلىسىن كۇشەيتىپ، ءتۇزىلىستى، مەحانيزمدى اقاۋسىزداندىرىپ، كەمەلدەندىرىپ، پارتيا قۇرىلىسى قىزمەتىنىڭ دەڭگەيىن جوعارىلاتىپ، جوعارى مەكتەپتەردىڭ رەفورماسىنا، دامۋىنا پارمەندى ۇيىمدىق كەپىلدىك ازىرلەۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.