تيانشان تورى   ›   جاڭالىقتار   ›   ەل ءىشى حابارى

تەگىن انىقتاۋ قىزمەتىن ”جاۋاپكەرشىلىكتەن جالتارۋدىڭ“ قۇرالىنا اينالدىرۋعا قارسى تۇرامىز

مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى زىڭ يشين:

تەگىن انىقتاۋ قىزمەتىن ”جاۋاپكەرشىلىكتەن جالتارۋدىڭ“قۇرالىنا اينالدىرۋعا قارسى تۇرامىز

  شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى. مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى زىڭ يشين امەريكانىڭ مالىمەت توپتاۋ تاراۋى جاريالاعان جاڭا تيپتى ايدارشا ۆيرۋسىنىڭ تەگىن انىقتاۋ تەكسەرۋىنىڭ قىسقاشا مازمۇنى جونىندە ءتىلشىنىڭ ارنايى تىلشىلىگىن قابىلدادى. زىڭ يشين مىنالاردى ءبىلدىردى: كاسىپتىك مەديتسينا قۇرىلىمى ەمەس، قايتا امەريكانىڭ مالىمەت توپتاۋ تاراۋى جاريالاعان تەگىن انىقتاۋ تەكسەرۋ مالىمەتىنىڭ ءوزى مىسقىلدىق مانگە يە، تەگىن انىقتاۋ ماسەلەسىن كىمنىڭ ساياسيلاندىرىپ وتىرعاندىعى وسىدان - اق بەلگىلى. جاڭا تيپتى ايدارشا ۆيرۋستىڭ تەگىن انىقتاۋ ءبىر عىلمي ماسەلە، جۇڭگو ۇكىمەتى ىندەت تۋىلعاننان بەرى جاڭا تيپتى ايدارشا ۆيرۋستىڭ تەگىن انىقتاۋدى عىلمي ورىستەتۋدى باستان - اياق قولداپ كەلەدى، دەسەدە، تەگىن انىقتاۋ قىزمەتىن ساياسيلاندىرۋعا قارسى تۇرادى، تەگىن انىقتاۋ قىزمەتىن ”جاۋاپكەرشىلىكتەن جالتارۋدىڭ“ قۇرالىنا اينالدىرۋعا قارسى تۇرادى.

  جۇڭگو ۇكىمەتى اشىق، جاريا، عىلمي، سەلبەسۋ پرينسيبىن ۇستانىپ، تەگىن انىقتاۋ زەرتتەۋىن عىلمي ورىستەتۋگە كۇش سالا قولداۋ كورسەتتى. 2020 - جىلى 7 - ايدا دۇنيە جۇزىلىك دەنساۋلىق ساقتاۋ ۇيىمىنىڭ جۇڭگوعا شارلاي كەلگەن ماماندارىمەن بىرگە قىزمەت مىندەتتەمەسىن (TOR) اقىلداسىپ جاسادى، بيىل جىل باسىندا دۇنيە جۇزىلىك دەنساۋلىق ساقتاۋ ۇيىمى حالىقارالىق ماماندار گرۋپپاسى رەسمي جۇڭگوعا كەلىپ ۆيرۋستىڭ تەگىن انىقتاۋ الەمدىك زەرتتەۋىنىڭ جۇڭگو بولىگىندەگى قىزمەتتى ورىستەتتى ءارى TORعا قاتاڭ نەگىزدەلىپ، تەگىن انىقتاۋعا قاتىستى زەرتتەۋلەردى ورىستەتتى. مەملەكەتتىك دەنساۋلىق ساقتاۋ، سالاماتتىق كوميتەتى جەرگىلىكتى ۇكىمەتپەن بىرلىكتە كۇش سالا ۇيىمداستىرىپ، سايكەستىرىپ، دۇنيە جۇزىلىك دەنساۋلىق ساقتاۋ ۇيىمى ماماندارىنىڭ ساپارلاۋعا قاتىناسۋ تالابىن جان - جاقتى قاناعاتتاندىرىپ، ولار جينيىنتان شيپاحاناسى، حۋانان تەڭىز ونىمدەرى بازارى، ۋحان ۆيرۋس زەرتتەۋ ورنى سىندى 9 ورىندى قامتىعان بارعىسى كەلگەن بارلىق ورىنعا باردى؛ ولار ەمدەۋ قىزمەتكەرلەرى، تاجىريبەحانا قىزمەتكەرلەرى، عىلمي زەرتتەۋ قىزمەتكەرلەرى، بازار باسقارۋشى قىزمەتكەرلەر مەن ساۋداگەرلەر، الەۋمەتتىك اۋماق تۇرعىندارى، ساۋىققان ناۋقاستار، قايتىس بولعانداردىڭ وتباسىنداعىلار قاتارلىلاردى قامتىعان كەزدەسكىسى كەلەتىن بارلىق اداممەن كەزدەستى. جۇڭگو جاقتىڭ ماماندارى دۇنيە جۇزىلىك دەنساۋلىق ساقتاۋ ۇيىمىنىڭ ماماندارىمەن بىرگە زەرتتەۋ ورىستەتىپ، مالىمەتتى بىرگە جازىپ، بىرگە زەرتتەۋ قورىتىندىسىن جاريالاپ، ەڭ سوڭىندا ۆيرۋستىڭ پايدا بولۋداعى بىرنەشە ءتۇرلى مۇمكىندىگىن تۇراقتاندىردى: ادام مەن حايۋاننىڭ بىرگە ناۋقاسقا شالدىعۋىنان تىكەلەي تارالۋى ”مۇمكىن بولۋدان ءبىرشاما مۇمكىن بولۋعا ءوتتى“؛ ارالىق پارازيتتەندىرۋشى ارقىلى كىرۋى ”ءبىرشاما مۇمكىن بولۋدان وتە مۇمكىن بولۋعا ءوتتى“؛ سۋىق تىزبەك ارقىلى تارالۋى ”مۇمكىن“ بولدى؛ تاجىريبەحانا ارقىلى كىرۋى ”مۇلدە مۇمكىن ەمەس“ دەلىندى ءارى بيىل 3 - ايدا بىرىككەن زەرتتەۋ مالىمەتىن رەسمي جاريالاپ، بۇكىل دۇنيە ءجۇزى عىلىم سالاسىنىڭ وسكەلەڭ تۇراقتاندىرۋىنا يە بولدى. كەلەسى قادامداعى ىندەتتىڭ تەگىن انىقتاۋ قىزمەتىن ويداعىداي ىستەۋ ءۇشىن، جۇڭگو جاقتىڭ ماماندارى 7 - ايدا دۇنيە جۇزىلىك دەنساۋلىق ساقتاۋ ۇيىمىنىڭ ماماندارىنا قىزمەت ۇسىنىسىن تاپسىردى.

  زىڭ يشين باسا دارىپتەپ بىلاي دەدى: جاڭا تيپتى ايدارشا ۆيرۋستىڭ تەگىن انىقتاۋ ءبىر كۇردەلى عىلمي ماسەلە، تەك دۇنيە ءجۇزى عالىمدارى سەلبەسىپ زەرتتەۋ ورىستەتۋگە ءتيىس. امەريكا جاقتىڭ تەك ۆيرۋستىڭ عانا ادامزاتتىڭ ناعىز ورتاق جاۋى ەكەندىگىن تانىپ جەتىپ، جاڭا تيپتى ايدارشا ۆيرۋستىڭ تەگىن انىقتاۋدى شىنايى ءبىر عىلمي ماسەلە رەتىندە قاراۋىن، ءار ەل عالىمدارىن تىزە قوسا سەلبەسۋگە شابىتتاندىرىپ، عالىمداردىڭ امەريكانى قامتىعان بۇكىل دۇنيە جۇزىندەگى كوپ ەلدە، كوپ جەردە تەگىن انىقتاۋ زەرتتەۋىن ىشكەرىلەي ورىستەتۋىنە قولداۋ كورسەتۋىن ءۇمىت ەتەمىز.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.